Ўзбекистон Республикаси Вазирлар Маҳкамасининг 2025 йил 13 майдаги «Ҳудудларни комплекс ривожлантириш ва аҳоли фаровонлигини таъминлаш учун кадрларнинг ўзаро тажриба алмашиши ва замонавий иш услубларини ўргатишга қаратилган чора-тадбирлар тўғрисида»ги 316 сонли қарори ва шу юзасидан вилоят ҳокимининг 2025 йил 19 июндаги 275-12-0-Қ/25 сонли қарорининг ижросини таъминлаш мақсадида қарор қиламан:

1.Ўзбекистон Республикаси Вазирлар Маҳкамасининг 2025 йил 13 майдаги «Ҳудудларни комплекс ривожлантириш ва аҳоли фаровонлигини таъминлаш учун кадрларнинг ўзаро тажриба алмашиши ва замонавий иш услубларини ўргатишга қаратилган чора-тадбирлар тўғрисида»ги 316 сонли қарори ва шу юзасидан вилоят ҳокимининг 2025 йил 19 июндаги 275-12-0-Қ/25 сонли қарори раҳбарлик ва ижро учун қабул қилинсин.

2.Ўзбекистон Республикаси Вазирлар Маҳкамасининг мазкур қарори билан: ҳудудларни комплекс ривожлантириш ва аҳоли даромадларини ошириш бўйича ижобий тажрибаларни оммалаштиришга қаратилган Республика ва ҳудудлардаги иқтисодий комплекс ходимларининг ўзаро тажриба алмашиш дастури доирасида ҳар йили январь- ноябрь ойларида, истисно тариқасида, 2025 йилда 15 майдан 15 декабрга қадар:

туман (шаҳар) ҳокимларининг молия-иқтисодиёт ва камбағалликни қисқартириш бўйича биринчи ўринбосарлари – иқтисодиёт ва молия бўлимлари бошлиқлари (кейинги ўринларда – ҳоким ўринбосарлари) иқтисодий комплекс таркибига кирувчи вазирликлар, идоралар ва тижорат банкларига;

иқтисодий комплекс таркибига кирувчи вазирликлар, идоралар ва тижорат банкларининг малакали раҳбар ва мутахассислари (кейинги ўринларда – республика вакиллари) меҳнат қонунчилигига мувофиқ бошқа иш берувчига ҳоким ўринбосарлари лавозимларига вақтинча хизмат сафарига юборилиши;

Бунда республика вакиллари иқтисодий комплекс таркибига кирувчи вазирликлар, идоралар ва тижорат банкларининг бош мутахассис лавозимидан паст бўлмаган лавозимда ишловчи ҳамда камида 5 йил иш стажига эга малакали ходимлардан танлаб олиниши белгиланганлиги маълумот учун қабул қилинсин.

3.Туман ҳокимининг биринчи ўринбосари С.Пирнапасов Ўзбекистон Республикаси Вазирлар Маҳкамасининг 2025 йил 13 майдаги 316 сонли қарорида белгиланган топшириқларнинг ўз вақтида ва сифатли бажарилишини таъминласин ҳамда амалга оширилган ишлар бўйича вилоят ҳокимлигига ахборот киритиб борсин.

4.Мазкур қарорнинг ижросини назорат қилишни ўз зиммамда қолдираман.