Ўзбекистон Республикаси Президентининг 2024 йил 4 январдаги «Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида»ги ПФ-5 сонли Фармони, Вазирлар Маҳкамасининг 2024 йил 8 февралдаги 23 сонли мажлис баёни, вилоят ҳокими ўринбосари (А.Шукуров)нинг 2025 йил 21 апрелдаги (229/01-30 сонли) билдиргиси, «Чиқинди полигонларини бошқариш дирекцияси» ДМ вилоят бошқармасининг 2025 йил 12 апрелдаги (196 сонли) мурожаати, вилоят Иқтисодиёт ва молия бош бошқармасининг 2024 йил 28 октябрдаги (02/05-38/2789 сонли) хулосасига асосланиб, вилоят ҳудудида қаттиқ маиший чиқиндиларни чиқинди полигонларига қабул қилиш ва сақлаш хизматлари учун ягона тарифларни белгилаш ва тартибга солиш мақсадида Халқ депутатлари Самарқанд вилояти Кенгашининг еттинчи чақириқ, ўн тўртинчи сессияси қарор қилади:

1. Самарқанд вилоятида қаттиқ маиший чиқиндиларни чиқинди полигонларига қабул қилиш ва сақлаш хизматлари учун тўлов тарифлари миқдори иловага мувофиқ мақуллансин.

2. Вилоят ҳокимининг ўринбосари (А.Шукуров) вилоятда қаттиқ маиший чиқиндиларни чиқинди полигонларига қабул қилиш ва сақлаш хизматлари учун тўлов тарифлари миқдорини тасдиқлаш тўғрисида вилоят ҳокимининг қарор лойиҳасини белгиланган тартибда ишлаб чиқсин.

3. «Чиқинди полигонларини бошқариш дирекцияси» ДМ вилоят бошқармаси (Н.Баймуратов) чиқиндиларни ҳудудлардаги полигонларга қабул қилиш ва сақлаш бўйича ассосиз равишда белгиланган нархларни ошириб юбормаслик учун шахсан жавобгар этиб белгилансин.

4. Вилоят телевидениеси в.в.б (Д.Исматов), «Зарафшон» ва «Самаркандский вестник» газеталари бирлашган таҳририяти (Ф.Тошев)га қарор ижроси бўйича ҳудудларда амалга оширилган ишларни кенг ёритиб бориш тавсия этилсин.

5. Ушбу қарор расмий эълон қилинган кундан эътиборан кучга киради.

6. Мазкур қарор ижросини назорат қилиш Халқ депутатлари вилоят Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (М.Пўлатов) ҳамда вилоят ҳокими ўринбосари (А.Шукуров) зиммаларига юклансин.