Ўзбекистон Республикасининг «2025 йил учун Ўзбекистон Республикасининг Давлат бюджети тўғрисида»ги Қонунининг 20-моддасига асосан шаҳар ҳокимлигининг шаҳар маҳаллий бюджетининг жорий йилдаги 1-чорак даромадлар режасини ортириб бажарилган қисми маблағларини йўналтириш тўғрисидаги таклифларини кўриб чиқиб, Халқ депутатлари Андижон вилояти Хонобод шаҳар Кенгаши қарор қилади:

1. .Шаҳар ҳокимлигининг шаҳар маҳаллий бюджетининг 2025 йил 1-чорак даромадлар режасини ортириб бажарилган қисми маблағларини 1-иловага мувофиқ харажатларга йўналтириш тўғрисидаги таклифлари маъқуллансин.

2. Хонобод шаҳар иқтисодиёт ва молия бўлими бошлиғининг биринчи ўринбосари Н.Хусанонов билан биргаликда:

Ўзбекистон Республикасининг «2025 йил учун Ўзбекистон Республикасининг Давлат бюджети тўғрисида»ги Қонуни ва Ўзбекистон Республикаси Бюджет кодекси талаблари асосида шаҳар маҳаллий бюджетининг тасдиқланган параметрларига белгиланган тартибда тегишли ўзгартиришларни киритиш хамда амалга оширилган касса харажатлари ер сотишдан тушган тушумлар хисобидан амалга оширилсин;

Ажратилган мақсадли маблағларни ўз вақтида ва самарали ишлатилиши юзасидан молиявий ҳисоботлар асосида тизимли ўрганиш ҳамда ўрганиш натижаларига кўра, ишлатилмаган ва иқтисод қилинган маблағларни шаҳар маҳаллий бюджетига қайтариш чораларини кўрсин.

3. Шаҳар ғазначилик бўлинмаси (Х.Ғаниев) ажратиладиган маблағлар бўйича шартномаларни ўз вақтида рўйхатдан ўтказиш ва харажатларни белгиланган тартибда амалга оширилишини таъминласин.

3. Мазкур қарор ижросининг назорати Халқ депутатлари шаҳар Кенгашининг Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси ҳамда шаҳар иқтисодиёт ва молия бўлими бошлиғининг биринчи ўринбосари Н.Хусанонов зиммаларига юклатилсин.

6.Мазкур қарор қабул қилинган кундан эътиборан кучга киради.