Ўзбекистон Республикаси Бюджет Кодексининг 28-, 146-моддалари, ва вилоят Иқтисодиёт ва молия бош бошқармасининг туман маҳаллий бюджетига ўзгартиришлар киритиш тўғрисидаги билдиришномалари ҳамда туман иқтисодиёт ва молия бўлимининг «2025 йил 1-чорак учун белгиланган туман маҳаллий бюджетининг сифатли ижро этилиши ва маҳаллий бюджетдан ажратилган маблағлардан янада самарали фойдаланишни таъминлаш тўғрисида»ги хатини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-, 25–моддаларига асосан Халқ депутатлари Асака тумани Кенгаши қарор қилади:

1. Туман иқтисодиёт ва молия бўлимининг «2025 йил 1-чорак якуни маҳаллий бюджетининг сифатли ижро этилиши ва маҳаллий бюджетдан ажратилган маблағлардан янада самарали фойдаланишни таъминлаш тўғрисида»ги хати маълумот учун қабул қилинсин.

2.Туманда 2025 йил 1-чоракда маҳаллий бюджет даромадлар режаси орттириб бажарилмаганлиги кўрсатиб ўтилсин.

3.2025 йил 1-чорак якунига кўра Вилоят Иқтисодиёт ва молия бош бошқармасининг 2025 йил 28 мартдаги 319 сонли ҳамда 335 сонли билдиришномаларига асосан туман маҳаллий бюджети даромадларига киритилган ўзгартиришлар ҳисоби 1-иловага мувофиқ тасдиқлансин.

2025 йил 1-чорак якунига кўра туман маҳаллий бюджетининг харажатлар қисмига:

вилоят Иқтисодиёт ва молия бош бошқармасининг 2025 йил 4 мартдаги 108 сонли билдиришномасига асосан соғлиқни сақлаш соҳасига киритилган ўзгартиришлар 2 иловага;

вилоят Иқтисодиёт ва молия бош бошқармасининг 2025 йил 16 январдаги 27 сонли, 2025 йил 30 январдаги 40 сонли, 2025 йил 17 февралдаги 71 сонли, 2025 йил 28 февралдаги 99 сонли, 2025 йил 11 мартдаги 139 сонли, 2025 йил 17 мартдаги 158 сонли, 2025 йил 19 мартдаги 179 сонли, 2025 йил 20 мартдаги 193 сонли билдиришномаларига асосан туман маҳаллий бюджетига киритилган ўзгартиришлар 3-иловага;

Ўзбекистон Республикаси Иқтисодиёт ва молия вазирлигининг 2025 йил 4 январдаги 11 сонли, 2025 йил 4 мартдаги 120 сонли билдиришномаларига асосан туман маҳаллий бюджетига киритилган ўзгартиришлар 4-иловага;

туманда ижтимоий-иқтисодий ривожлантириш масалалари, шунингдек, туман маҳаллий бюджетидан маблағ билан таъминланувчи бюджет ташкилотларининг 2025 йил 1-чорагида харажатларини иқтисод қилинган маблағларни мақбуллаштириш, ижтимоий-иқтисодий ривожлантириш масалалари, шунингдек, маҳаллий бюджет муассасаларида биринчи даражали тўловлар ҳамда бошқа зарурий харажатлар учун режалаштирилган маблағларни ўз вақтида молиялаштириш мақсадида ташкилоталарга киритилган ўзгартиришлар 5-иловага;

туман маҳаллий бюджетидан маблағ билан таъминланувчи ташкилотларнинг сўровларига асосан киритилган ўзгартиришлар 6-иловага мувофиқ тасдиқлансин.

4. Ўзбекистон Республикаси Вазирлар Маҳкамасининг 2022 йил 14 февралдаги «Қишлоқ хўжалигига мўлжалланмаган ер участкаларини хусусийлаштириш тўғрисида»ги Ўзбекистон Республикаси Қонунини амалга ошириш чора-тадбирлари ҳақида»ги 71 сонли қарори 1-иловаси «Ўзбекистон Республикаси фуқаролари ва юридик шахсларига доимий фойдаланиш (эгалик қилиш), ижара ва мерос қилиб қолдириладиган умрбод эгалик қилиш ҳуқуқи асосида тегишли бўлган ер участкаларини хусусийлаштириш бўйича давлат хизматлари кўрсатишга доир» маъмурий регламентга асосан эр участкаларни сотишдан тушган тушумдан 77621,5 минг сўм жисмоний ва юридик шахсларга етказилган мулкий зарарларни компенсация қилиш бўйича ҳудудий мақсадли жамғармага ўтказилсин.

5. Туман ҳокимлиги ташкилий-кадрлар гуруҳ раҳбари (А.Абдурасулов) бир ой муддатда Асака туманида жисмоний ва юридик шахсларни мулкий зарарларини суд ишларида кўриб чиқиш учун ҳокимлик юрисконсульти билан таъминлаш вазифаси юклатилсин.

6. Мазкур қарор ижросининг назорати халқ депутатлари туман Кенгашининг маҳаллий бюджет, иқтисодий ислоҳатларни амалга ошириш, инвестициялар ва тадбиркорликни ривожлантириш масалалари доимий комиссияси ҳамда туман ҳокимининг биринчи ўринбосари зиммасиига юклатилсин.