Ўзбекистон Республикаси «Таълим тўғрисида»ги Қонунининг 47-моддаси, Ўзбекистон Республикаси Вазирлар Маҳкамасининг 2017 йил 15 мартдаги 140 сонли қарори билан тасдиқланган «Умумий ўрта таълим тўғрисида»ги Низомнинг 39-банди, 2022 йил 1 июндаги 295 сонли қарори билан тасдиқланган «Болаларни давлат умумий ўрта таълим муассасаларига қабул қилиш ҳамда ўқувчиларни бир умумий ўрта таълим муассасасидан бошқасига ўтказиш бўйича давлат хизматлари кўрсатишнинг маъмурий регламенти»га асосан, Халқ депутатлари Самарқанд тумани кенгашининг 2023 йил 19 сентябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ Самарқанд туманида географик объектларни номлаш ва қайта номлаш борасида амалга оширилган ишлар тўғрисида»ги VI-85-89-7-103-K/23-сон Қарорига мувофиқ маҳалла фуқаролар йиғинлари ва кўчаларнинг номлари янгиланганлиги, маҳалла фуқаролар йиғинлари ва кўчалар янги ташкил этилганлигини ҳамда вилоят Мактабгача ва мактаб таълими бошқармасининг 2025 йил 27 февралдаги 01-1656 сонли хатини инобатга олиб, қарор қиламан:

1. Самарқанд туманида мактаб ёшидаги болаларни умумий ўрта таълимга тўлиқ қамраб олиш бўйича умумтаълим муассасаларига бириктирилган ҳудудлар (микроҳудуд) рўйхати 1-54-иловаларга мувофиқ тасдиқлансин.

2. Туман ҳокимининг ўринбосари (Ғ.Бобохолов)га, туман мактабгача ва мактаб таълими бўлими (Ш.Абулхайров)га, тумандаги умумтаълим муассасалари раҳбарлари зиммасига мактаб ёшидаги болаларни умумий ўрта таълимга тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш вазифаси юклансин.

3. Белгилансинки, тумандаги умумий ўрта таълим муассасалар раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисобланади.

4. Республика Маҳаллалар уюшмаси туман бўлими (А.Умаров)га маҳалла фуқаролар йиғини раисларига мактаб ёшидаги болаларни умумтаълим муассасаларига жалб этиш жараёнида туман мактабгача ва мактаб таълими бўлими ҳамда умумий ўрта таълим муассасаларга амалий ёрдам бериш тавсия этилсин.

5. Мазкур қарор қабул қилиниши муносабати билан туман ҳокимининг 2024 йил 25 июндаги 215-7-103-Қ/24 сонли қарори ўз кучини йўқотган деб ҳисоблансин.

6. Мазкур қарор расмий манбаларда эълон қилинсин ва ҳокимликнинг расмий веб-сайтига жойлаштирилсин.

7. Ушбу қарорнинг бажарилишини назорат қилишни ўз зиммамда қолдираман.