Бойсун тумани иқтисодиёт ва молия бўлими томонидан тақдим этилган туман маҳаллий бюджетининг 2025 йил I чорак ижроси тўғрисидаги ҳисоботи ҳамда Ўзбекистон Республикаси Бюджет кодексининг 27-моддасига мувофиқ, кўриб чиқилиб, депутатлар томонидан билдирилган фикр-мулоҳазалар ва таклифларини инобатга олган ҳолда, Халқ депутатлари Бойсун тумани Кенгаши қарор қилади:

1. Бойсун тумани иқтисодиёт ва молия бўлими бошлиғининг ўринбосари Ш.Тўраевнинг туман маҳаллий бюджети 2025 йил I чорак даромад ва харажатларини аниқланган режаси ҳамда ижроси тўғрисидаги ҳисоботи 1-2-иловаларга мувофиқ тасдиқлансин.

2. 2025 йил I чорак ижроси бўйича туман маҳаллий бюджетининг даромадлар прогноз режаси 205,0 млн сўмга ошириб бажарилишига эришганлиги маълумот учун қабул қилинсин.

3. Туман иқтисодиёт ва молия бўлими (Ш.Тўраев), туман солиқ инспекцияси (Т.Сарманов)га:

туман маҳаллий бюджетининг 2025 йилнинг I чорагида ошириб бажарилган тушумлар кўрсаткичларини сақлаб қолган ҳолда жорий йил давомида ҳам тасдиқланган кўрсаткичларни ортиғи билан бажарилишини таъминлаш бўйича тегишли чора-тадбирлар кўрсин.

4. Халқ депутатлари туман Кенгашининг доимий комиссиялари ва партия гуруҳлари ўз назорат-таҳлил фаолиятида, хусусан, туман маҳаллий бюджетининг ижроси билан боғлиқ масалаларни кўриб чиқиш чоғида қонунчиликни такомиллаштириш бўйича таклифлар ва бюджет маблағларидан мақсадли ва самарали фойдаланилиш бўйича қонунчиликни такомиллаштириш юзасидан таклифлар ва тавсиялар киритсин.

5. Ушбу қарорнинг бажарилишини назорат қилиш халқ депутатлари туман Кенгашининг маҳаллий бюджет, тадбиркорликни ривожлантириш ва иқтисодий ислоҳотлар бўйича доимий комиссияси (Қ.Алимов) зиммасига юклансин.

6. Ушбу Қарор қабул қилинган кундан кучга киради.