Тошкент вилояти ҳокимининг «Ўзбекистон Республикаси Президентининг 2025 йил 15 майдаги 184 сонли қарори ижроси тўғрисида»ги 346-10-0-Қ/25 сонли қарори тўғрисида»ги 2025 йил 22 майдаги 346-10-0-Қ/25 сонли қарори ижросини таъминлашда, «Маҳаллий давлат ҳокимияти тўғрисида»ги Қонунининг 6-моддасига мувофиқ, қарор қиламан:

1. Тошкент вилояти ҳокимининг 2025 йил 22 майдаги 346-10-0-Қ/25 сонли қарори ижро учун қабул қилинсин.

2. Дастурий ҳужжатлар ва уларни амалга ошириш механизмлари доирасида:

2030 йилгача бўлган даврда аҳолининг экологик маданиятини юксалтириш концепцияси (кейинги ўринларда — Концепция);

2030 йилгача бўлган даврда аҳолининг экологик маданиятини юксалтириш концепциясини 2025—2026 йилларда амалга ошириш бўйича «йўл харитаси» (кейинги ўринларда — «йўл харитаси»);

2030 йилгача бўлган даврда аҳолининг экологик маданиятини юксалтириш концепциясини қабул қилишдан кутилаётган мақсадли кўрсаткичлар (индикаторлар) (кейинги ўринларда — мақсадли кўрсаткичлар (индикаторлар) тасдиқлангани инобатга олинсин.

3. Қарор билан туман экология ва атроф муҳитни муҳофаза қилиш бўлими (С.Хасанбаэв), тегишли ташкилотлар билан хамкорликда:

Марказий Осиё атроф-муҳит ва иқлим ўзгариши университети (Греэн Университй)да 5 июнь — Бутунжаҳон атроф-муҳит куни муносабати билан ҳар йили талабалар ўртасида мамлакатимиздаги долзарб экологик масалалар муҳокамасига бағишланган халқаро илмий-амалий форумда иштирок этиш;

ҳар ойда бир маротаба «Маҳаллани чиқиндидан ҳоли ҳудудга айлантирамиз» шиори остида акциялар, ташвиқот тадбирлари ўтказиш амалиётини йўлга қўйиш;

давлат органлари, корхона ва муассасаларидаги ходимларнинг экологик маданиятини юксалтириш чораларини кўриб борилишини таъминласин.

4. Ўзбекистон маҳаллалар уюшмаси Тошкент туман бўлими (М.Абдуллаэв) туман Экология ва атроф муҳитни муҳофаза қилиш туман бўлими (С.Хасанбаэв):

аҳолида экология тўғрисидаги қонун ҳужжатларининг ҳар қандай бузилишига нисбатан муросасиз муносабатни шакллантиришга қаратилган тарғибот ишларини олиб бориш, уларни қонун ҳужжатларидаги жавобгарлик чоралари юзасидан хабардорлигини ошириш;

экологик маданиятни юксалтиришда тарғибот тадбирлари билан туман ҳудудидаги маҳаллаларда истиқомат қилувчи аҳолини қамраб олиш чораларини кўрсин.

5. Мазкур қарорнинг ижросини самарали ташкил қилишга масъул ва шахсий жавобгар этиб туман Экология ва атроф муҳитни муҳофаза қилиш бўлими бошлиғи С.Хасанбаэв белгилансин.

6. Мазкур қарорнинг ижросини назорат қилиш туман ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари С.Мирсагатов зиммасига юклансин.