Маҳаллий бюджет маблағларини оқилона сарфланишини таъминлаш мақсадида «Маҳаллий давлат ҳокимияти тўғрисида»ги Ўзбекистон Республикаси Қонунининг 6-, 24-моддаларига асосланиб, халқ депутатлари шаҳар Кенгаши қарор қилади:

1.«Шаҳар маҳаллий бюджетининг қўшимча манбалари ҳисобидан амалга ошириладиган тадбирларни мувофиқлаштирувчи комиссияси»нинг Урганч шаҳар ҳокими билан келишилган ҳолда Халқ депутатлари Урганч шаҳар Кенгашининг 2025 йил 16 майдаги VII-10-69-12-180-K-25-сонли қарори иловасига ўзгартириш ва қўшимчалар киритиш тўғрисидаги таклифи маъқуллансин.

2. Шаҳар маҳаллий бюджетининг 2025 йил 1-чорак даромадлар режасининг ошириб бажарилган қисми, ер участкаларига бўлган ҳуқуқларни сотишдан тушган тушумлар ҳамда давлат активларини сотишдан маҳаллий бюджетга тушумлар ҳисобидан Ўзбекистон Республикасининг 2024 йил 24 декабрдаги «2025 йил учун Ўзбекистон Республикасининг Давлат бюджети тўғрисида»ги ЎРҚ-1011 сонли Қонуни талабларига мувофиқ иловада кўрсатилган бюджет ташкилотлари ва бюджетдан маблағ олувчиларга шаҳар ҳокимининг таклифи асосида ажратилиши белгилансин.

3.Урганч шаҳар иқтисодиёт ва молия бўлими бошлиғининг биринчи ўринбосари Ж.Сапаев ушбу маблағлардан мақсадли сарфланишини таъминласин ва шаҳар маҳаллий бюджетига тегишли ўзгартиришлар киритсин.

4.Урганч шаҳар ғазначилик хизмати бўлим бошлиғи А.Атаджанов ажратилган маблағларни белгиланган тартибда тегишли ҳужжатлар тақдим қилингандан кейин ўтказилишини таъминласин.

5.Мазкур қарорнинг ижросини таъминлаш шаҳар ҳокимининг биринчи ўринбосари Ж.Эшчанов, назорат қилиш халқ депутатлари шаҳар Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси раиси Ш.Халимов зиммасига юклатилсин.