«Таълим тўғрисида»ги Қонуннинг 27-моддаси, Ўзбекистон Республикаси Вазирлар Маҳкамасининг 2022 йил 1 июндаги 295 сон қарори билан тасдиқланган Умумий ўрта таълим тўғрисидаги низомга асосан шаҳарда мактаб ёшидаги болаларни умумий ўрта таълимга қамраб олиш жараёнида умумтаълим муассасаларига бириктирилган ҳудудлар (микроҳудуд)ни аниқ белгилаб олиш мақсадида, «Маҳаллий давлат ҳокимияти тўғрисида»ги Ўзбекистон Республикаси Қонунининг 6- ва 25-моддаларига асосланиб, қарор қиламан:

1. Навоий шаҳрида мактаб ёшидаги болаларни умумий ўрта таълимга тўлиқ қамраб олиш бўйича умумтаълим муассасаларига бириктирилган ҳудудлар (микроҳудуд) рўйхати иловага асосан тасдиқлансин.

2. Мактаб ёшидаги болаларни умумий ўрта таълимга қамраб олиш умумтаълим муассасалари педагог ходимлари томонидан болаларни бирма-бир (уйма-уй) рўйхатга олиш орқали амалга оширилсин.

3. Шаҳар ҳокими ўринбосари (Ёрқулов), шаҳар мактабгача ва мактаб таълими бўлими (Хамидова) ва умумтаълим мактаблари раҳбарларига мактаб ёшидаги болаларни умумий ўрта таълимга, умумтаълим муассасаси битирувчиларини таълимнинг кейинги босқичига тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш вазифалари топширилсин.

4. Белгилансинки, шаҳардаги умумтаълим муассасалари раҳбарлари ўзлари раҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисобланади.

5. Ўзбекистон маҳаллалари уюшмаси Навоий шаҳар бўлими (Елмуратов)га маҳалла фуқаролари йиғинларида мактаб ёшидаги болаларни қамраб олишда умумтаълим муассасаларига амалий ёрдам бериш тавсия этилсин.

6. Шаҳар ҳокимлиги ахборот хизмати (Аҳроров)га мазкур қарорнинг мазмун-моҳиятини оммавий ахборот воситаларида эълон қилиш ва шаҳар ҳокимлигининг расмий веб-сайтига жойлаштириш тавсия қилинсин.

7. Мазкур қарорнинг ижросини назорат қилиш шаҳар ҳокимининг ўринбосари А. Ёрқулов зиммасига юклансин.