Oʻzbekiston Respublikasi Prezidentining “Mikrofirmalar va kichik korxonalarni rivojlantirishni ragʻbatlantirish borasidagi qoʻshimcha chora-tadbirlar toʻgʻrisida” 2005-yil 20-iyundagi PF-3620-son Farmoniga muvofiq Vazirlar Mahkamasi qaror qiladi:

Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

1. Vazirlar Mahkamasining 1998-yil 15-apreldagi 159-son qarori (Oʻzbekiston Respublikasi QT, 1998-y., 4-son, 15-modda) bilan tasdiqlangan Mikrofirmalar va kichik korxonalar uchun soliq solishning soddalashtirilgan tizimini qoʻllash tartibining 1-bandida:

birinchi xatboshiga “yagona soliq toʻlovi toʻlaydigan mikrofirmalar va kichik korxonalar bundan mustasno” soʻzlari qoʻshilsin;

ikkinchi xatboshi quyidagi tahrirda bayon qilinsin:

“Mazkur Tartibning amal qilishi, shuningdek, dasturiy vositalarni ishlab chiqarishga, kompyuter texnikasi va dasturiy vositalarga servis xizmati koʻrsatishga, kompyuter texnikasi va axborot texnologiyalari bilan ishlashga oʻqitish boʻyicha aholiga xizmatlar koʻrsatishga ixtisoslashayotgan mikrofirmalar va kichik korxonalar toifasiga tegishli boʻlmagan tashkilotlarga ham tatbiq etiladi”.

2. Vazirlar Mahkamasining “Kapital qurilishda iqtisodiy islohotlarni chuqurlashtirishga doir qoʻshimcha chora-tadbirlar toʻgʻrisida” 2000-yil 5-avgustdagi 305-son qarorining (Oʻzbekiston Respublikasi QT, 2000-y., 8-son, 48-modda) 7-bandidagi “yagona soliqni” soʻzlari “yagona soliq toʻlovini” soʻzlari bilan almashtirilsin.

3. Vazirlar Mahkamasining “Oʻzbekiston yoshlarining “Kamolot” ijtimoiy harakati faoliyatini tashkil etishga koʻmaklashish toʻgʻrisida” 2001-yil 30-maydagi 240-son qarorida:

a) 2-bandning ikkinchi va uchinchi xatboshidagi va 3-bandning uchinchi xatboshidagi “yagona soliq hisoblangan miqdorining 10 foizi” soʻzlaridan keyin “yoki hisoblangan yagona soliq toʻlovi summasining 5 foizi” soʻzlari qoʻshilsin;

b) ilovada:

ilovaning nomidagi va 1-bandidagi “yagona soliq hisoblangan miqdorining 10 foizini” soʻzlaridan keyin “yoki hisoblangan yagona soliq toʻlovi summasining 5 foizini” soʻzlari qoʻshilsin;

2—4-bandlar quyidagi tahrirda bayon qilinsin:

“2. Yagona soliq yoki yagona soliq toʻlovi toʻlovchi hisoblanadigan va Oʻzbekiston yoshlarining “Kamolot” ijtimoiy harakatini rivojlantirish jamgʻarmasi mahalliy boʻlimlari bilan oʻzaro qoʻllab-quvvatlash toʻgʻrisida shartnomalar tuzgan kichik biznes korxonalari yagona soliq hisoblangan miqdorining 7 foizini yoki yagona soliq toʻlovi hisoblangan miqdorining 5 foizini Jamgʻarmaga oʻtkazadilar.

Kichik biznes korxonalari (savdo korxonalaridan tashqari) tomonidan yagona soliq hisoblangan miqdorining 7 foizini yoki yagona soliq toʻlovi hisoblangan miqdorining 5 foizini oʻzaro qoʻllab-quvvatlash toʻgʻrisidagi shartnomalar asosida Jamgʻarmaga oʻtkazish davlat budjetiga majburiy toʻlovlarga tenglashtiriladi.

3. Kichik biznes korxonalari Jamgʻarmaga mablagʻlarni yagona soliqni va yagona soliq toʻlovini toʻlash uchun belgilangan tartibda va muddatlarda oʻtkazadilar. Jamgʻarmaga oʻtkazilishi kerak boʻlgan mablagʻlar soliq organlariga taqdim etiladigan yagona soliq yoki yagona soliq toʻlovi boʻyicha hisob-kitoblarda alohida satrda aks ettiriladi.

4. Oʻzaro qoʻllab-quvvatlash toʻgʻrisida shartnomalar tuzgan kichik biznes korxonalari ikkita toʻlov topshiriqnomasini rasmiylashtiradilar:

a) yagona soliq toʻlovchilar belgilangan tartibda:

Jamgʻarmaga — yagona soliq hisoblangan miqdorining 7 foizi miqdorida;

budjetga — yagona soliq hisoblangan summasining 93 foizi miqdorida oʻtkazadilar;

b) yagona soliq toʻlovi toʻlovchilar belgilangan tartibda:

Jamgʻarmaga — yagona soliq toʻlovi hisoblangan miqdorining 5 foizi miqdorida;

budjetga va Davlat maqsadli jamgʻarmalariga — yagona soliq toʻlovi hisoblangan miqdorining 95 foizi miqdorida oʻtkazadilar”;

v) 6 va 7-bandlar quyidagi tahrirda bayon qilinsin:

“6. Mazkur Nizom bilan belgilangan yagona soliq yoki yagona soliq toʻlovidan Jamgʻarmaga ajratmalar buxgalteriya hisobida quyidagi qaydnoma bilan aks ettiriladi:

“Budjetga toʻlovlar boʻyicha qarzdorlik (turlar boʻyicha)” 6410-hisob raqami debeti”

“Sugʻurta va Davlat maqsadli jamgʻarmalariga toʻlovlar boʻyicha qarzdorlikni hisobga olish hisob raqami krediti (6500) “Kamolot” yoshlar harakati jamgʻarmasiga toʻlovlar” hisob raqami ajratib koʻrsatilgan holda.

7. Mablagʻlarni Jamgʻarmaga oʻtkazishda quyidagi buxgalteriya qaydnomasi tuziladi:

“Sugʻurta va Davlat maqsadli jamgʻarmalariga toʻlovlar boʻyicha qarzdorlikni hisobga olish hisob raqami debeti (6500) “Kamolot” yoshlar harakati jamgʻarmasiga toʻlovlar” hisob raqami ajratib koʻrsatilgan holda.

“Pul mablagʻlarini hisobga olish” hisob raqami krediti”.

g) 8-bandning birinchi va uchinchi xatboshidagi va 10-banddagi “yagona soliq”, “yagona soliqning” soʻzlaridan keyin tegishli ravishda “yoki yagona soliq toʻlovi”, “yoki yagona soliq toʻlovining” soʻzlari qoʻshilsin.

4. Vazirlar Mahkamasining “Bozorni isteʼmol tovarlari bilan toʻldirishni ragʻbatlantirish hamda ishlab chiqaruvchilar va savdo tashkilotlarining oʻzaro munosabatlarini takomillashtirish chora-tadbirlari toʻgʻrisida” 2002-yil 13-noyabrdagi 390-son qarorining (Oʻzbekiston Respublikasi QT, 2002-y., 11-son, 67-modda) 1-bandi toʻrtinchi va beshinchi xatboshidagi “yagona soliqni”, “yagona soliq” soʻzlari tegishli ravishda “yagona soliq toʻlovini”, “yagona soliq toʻlovi” soʻzlari bilan almashtirilsin.

5. Vazirlar Mahkamasining “2004-2005-yillar davrida mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini amalga oshirishga doir qoʻshimcha chora-tadbirlar toʻgʻrisida” 2004-yil 14-yanvardagi 18-son qarorining 5-bandi uchinchi xatboshidagi “yagona soliq” soʻzlari “yagona soliq toʻlovi” soʻzlari bilan almashtirilsin.

6. Vazirlar Mahkamasining “Oʻzbekiston Respublikasining 2005-yilga Davlat budjeti parametrlari toʻgʻrisida” 2004-yil 28-dekabrdagi 610-son qarorida:

a) 3-bandga quyidagi mazmundagi beshinchi xatboshi qoʻshilsin:

“mikrofirmalar, kichik korxonalar va alohida tashkilotlar uchun yagona soliq toʻlovi 7-1-ilovaga muvofiq”;

beshinchi—oʻn yettinchi xatboshi tegishli ravishda oltinchi—oʻn sakkizinchi xatboshi deb hisoblansin;

b) 7-ilova quyidagi tahrirda bayon qilinsin:

v) quyidagi mazmundagi 7-1-ilova qoʻshilsin: