Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasiga qisman oʻzgartirishlar kiritish toʻgʻrisida” 2005-yil 25-iyuldagi PQ-131-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, Moliya vazirligi hamda Adliya vazirligi bir oy muddatda quyidagi nizomlarning yangi tahrirdagi loyihalarini ishlab chiqsinlar va Vazirlar Mahkamasiga kiritsinlar:

Vazirlar Mahkamasining 2000-yil 4-yanvardagi 1-son qarori bilan tasdiqlangan Oʻzbekiston Respublikasi Investitsiya dasturiga kiritilgan loyihalarning amalga oshirilishi davlat monitoringi toʻgʻrisida nizom;

Vazirlar Mahkamasining 2003-yil 2-dekabrdagi 538-son qarori bilan tasdiqlangan Investitsiya loyihalari hujjatlarini ishlab chiqish, ekspertizadan oʻtkazish va tasdiqlash tartibi toʻgʻrisida nizom;

Vazirlar Mahkamasining 2002-yil 26-iyuldagi 268-son qarori bilan tasdiqlangan Muruvvat yordami yuklarini qabul qilish, hisobga olish, aniq yoʻnaltirilgan tarzda taqsimlash va ulardan maqsadli foydalanilishini nazorat qilish tartibi toʻgʻrisidagi hamda Texnik koʻmaklashish mablagʻlari monitoringi va ulardan maqsadli foydalanilishini nazorat qilish tartibi toʻgʻrisidagi nizomlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari zimmasiga yuklansin.

1. Vazirlar Mahkamasining 1993-yil 21-yanvardagi 45-son qarori bilan tasdiqlangan Oʻzbekiston Respublikasi Tashqi iqtisodiy faoliyat milliy bankining Ustavi 23-bandida:

toʻrtinchi va beshinchi xatboshi quyidagi tahrirda bayon qilinsin:

“ — Oʻzbekiston Respublikasi Tashqi iqtisodiy aloqalar, investitsiyalar va savdo vazirining birinchi oʻrinbosari;

— Oʻzbekiston Respublikasi Vazirlar Mahkamasining Iqtisodiyot va tashqi iqtisodiy aloqalar yigʻma axborot-tahlil departamenti mudiri”;

sakkizinchi xatboshidagi “va tadbirkorlikni qoʻllab-quvvatlash” soʻzlari chiqarib tashlansin.

2. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga 1-ilovadan birinchi qator chiqarib tashlansin.

3. Vazirlar Mahkamasining “Oʻzbekiston Respublikasining barqaror rivojlantirish boʻyicha milliy komissiyasi toʻgʻrisida” 1997-yil 12-noyabrdagi 510-son qarori 1-bandidagi va 3-bandining birinchi xatboshidagi “Agrosanoat va suv xoʻjaligi komplekslari” soʻzlari “Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari” soʻzlari bilan almashtirilsin.

4. Vazirlar Mahkamasining “Oʻzbekiston Respublikasi Vazirlar Mahkamasining Tashqi iqtisodiy aloqalar va xorijiy investitsiyalar departamentini tashkil etish toʻgʻrisida” 2001-yil 5-martdagi 112-son qarorida (Oʻzbekiston Respublikasi QT, 2001-y., 3-son, 16-modda):

4-bandning ikkinchi va uchinchi xatboshidagi “Tashqi aloqalar masalalari axborot-tahlil departamenti” soʻzlari “Iqtisodiyot va tashqi iqtisodiy aloqalar masalalari yigʻma axborot-tahlil departamenti” soʻzlari bilan almashtirilsin;

5-bandning birinchi xatboshidagi “Tashqi aloqalar masalalari axborot-tahlil departamenti” soʻzlari “Iqtisodiyot va tashqi iqtisodiy aloqalar masalalari yigʻma axborot-tahlil departamenti” soʻzlari bilan almashtirilsin.

5. Vazirlar Mahkamasining “Mahalliy xom ashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish tartibi toʻgʻrisidagi nizomni tasdiqlash haqida” 2004-yil 13-avgustdagi 391-son qaroriga ilovaning 3-bandidagi “Tashqi aloqalar masalalari axborot-tahlil departamenti” soʻzlari “Iqtisodiyot va tashqi iqtisodiy aloqalar masalalari yigʻma axborot-tahlil departamenti” soʻzlari bilan almashtirilsin.

6. Vazirlar Mahkamasining “Oʻzbekiston Respublikasi Vazirlar Mahkamasining ijro etuvchi tuzilmasini tashkil qilish toʻgʻrisida” 2004-yil 12-oktabrdagi 475-son qarorida:

a) 1-bandda:

ikkinchi va uchinchi xatboshi quyidagi tahrirda bayon qilinsin:

“Iqtisodiyot va tashqi iqtisodiy aloqalar masalalari yigʻma axborot-tahlil departamenti;

Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari masalalari axborot-tahlil departamenti”;

oltinchi va toʻqqizinchi xatboshi oʻz kuchini yoʻqotgan deb hisoblansin;

b) 2-bandda:

ikkinchi xatboshi oʻz kuchini yoʻqotgan deb hisoblansin;

toʻrtinchi xatboshidagi “3—10” raqamlari “5, 6, 8, 9” raqamlari bilan almashtirilsin.

7. Vazirlar Mahkamasining “Oʻzbekiston Respublikasi Vazirlar Mahkamasining ijro etuvchi tuzilmasi xodimlari mehnatiga haq toʻlash tarif razryadlarini tasdiqlash toʻgʻrisida” 2004-yil 14-oktabrdagi 482-son qaroriga ilovada:

a) IV boʻlimning nomi quyidagi tahrirda bayon qilinsin:

“IV. Iqtisodiyot va tashqi iqtisodiy aloqalar masalalari yigʻma axborot-tahlil departamenti”.

b) V boʻlim quyidagi tahrirda bayon qilinsin:

“V. Mamlakat iqtisodiyotining muhim komplekslari, tarmoqlari va sohalari boʻyicha axborot-tahlil departamentlari

1. Departament mudiri 19

2. Mudir oʻrinbosari 18

3. Bosh mutaxassis 17

4. Yetakchi mutaxassis 16

5. Inspektor 10”

8. Vazirlar Mahkamasining “Oʻzbekiston Respublikasi Vazirlar Mahkamasining Reglamenti toʻgʻrisida” 2005-yil 14-fevraldagi 62-son qarorida (Oʻzbekiston Respublikasi QT, 2005-y., 2-son, 8-modda):

a) 4-banddagi “Bosh vazirning birinchi oʻrinbosari (R.S. Azimov)” soʻzlari chiqarib tashlansin;

b) 6-banddagi “Oʻzbekiston Respublikasi Bosh vazirining birinchi oʻrinbosari R.S. Azimov” soʻzlari “Oʻzbekiston Respublikasi Bosh vazirining oʻrinbosarlari” soʻzlari bilan almashtirilsin;

v) ilovada:

35-bandning ikkinchi xatboshidagi “Tashqi iqtisodiy aloqalar agentligi” soʻzlari “Tashqi iqtisodiy aloqalar, investitsiyalar va savdo vazirligi” soʻzlari bilan almashtirilsin;

41 va 59-bandlardagi “Iqtisodiyotdagi tarkibiy islohotlar” soʻzlari “Iqtisodiyot va tashqi iqtisodiy aloqalar masalalari” soʻzlari bilan almashtirilsin;

42-bandning uchinchi xatboshidagi va 43-banddagi “Bosh vazirning birinchi oʻrinbosari” soʻzlari “Bosh vazir oʻrinbosari — iqtisodiyot va tashqi iqtisodiy aloqalar masalalari kompleksi rahbari” soʻzlari bilan almashtirilsin;

57-banddagi va 67-bandning ikkinchi xatboshidagi “Iqtisodiyotdagi tarkibiy islohotlar” va “Bosh vazirning birinchi oʻrinbosari” soʻzlari tegishli ravishda “Iqtisodiyot va tashqi iqtisodiy aloqalar” va “Bosh vazir oʻrinbosari — iqtisodiyot va tashqi iqtisodiy aloqalar masalalari kompleksi rahbari” soʻzlari bilan almashtirilsin;

60-banddagi “Bosh vazirning birinchi oʻrinbosari” soʻzlari “Bosh vazir oʻrinbosari — iqtisodiyot va tashqi iqtisodiy aloqalar masalalari kompleksi rahbari” soʻzlari bilan almashtirilsin;

85-bandning ikkinchi xatboshidagi “Oʻzbekiston Respublikasi Bosh vazirining birinchi oʻrinbosari” soʻzlari “Oʻzbekiston Respublikasi Bosh vaziri oʻrinbosari — iqtisodiyot va tashqi iqtisodiy aloqalar masalalari kompleksi rahbari” soʻzlari bilan almashtirilsin.

1. Vazirlar Mahkamasining “Oʻzbekiston Respublikasi Vazirlar Mahkamasi rahbariyati tuzilmasiga oʻzgartirishlar kiritish toʻgʻrisida” 2005-yil 27-yanvardagi 39-son qarori.

2. Vazirlar Mahkamasining “Oʻzbekiston Respublikasi Vazirlar Mahkamasi rahbariyati tuzilmasiga oʻzgartirishlar kiritish toʻgʻrisida” 2005-yil 27-yanvardagi 40-son qarori.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2005-yil 1-apreldagi 94-son qaroriga (Oʻzbekiston Respublikasi QT, 2005-y., 3-4-son, 18-modda) ilovaning I boʻlimi 1, 2, 5 va 8-bandlari.