Ўзбекистон Республикаси Президентининг «Республикада соғлиқни сақлаш тизимини ва аҳолига тиббий хизмат кўрсатиш тамойилларини такомиллаштириш орқали соҳани ислоҳ қилишни изчил давом эттириш чора-тадбирлари тўғрисида» 2024 йил 19 майдаги ПФ-88 сон Фармони ижросини таъминлаш, шунингдек Соғлиқни сақлаш тизимини энг илғор хорижий тажриба асосида ислоҳ қилиш, аҳолига кўрсатилаётган тиббий хизматлар сифатини ошириш, бирламчи тиббий-санитария ёрдами кўрсатишнинг замонавий тизимини шакллантириш, соҳага янги бошқарув тамойилларини жорий қилиш мақсадида қарор қиламан:

1. Ўзбекистон Республикаси Президентининг 2024 йил 19 майдаги ПФ-88 сон Фармони раҳбарлик ва ижро учун қабул қилинсин.

2. Ғаллаорол тиббиёт бирлашмаси негизида ташкил этилаётган Ғаллаорол тумани соғлиқни сақлаш бўлимининг Низоми иловага мувофиқ тасдиқлансин.

3. Соғлиқни сақлаш бўлими (Х.Саидов)га:

жорий йилнинг 1 июнь кунига қадар Ғаллаорол туман соғлиқни сақлаш бўлимини белгиланган тартибда давлат рўйхатидан ўтказиш;

жорий йилнинг 1 июль кунига қадар Ғаллаорол туман соғлиқни сақлаш бўлимининг штатлар жадвали ва харажатлар сметасини тасдиқлаш ҳамда молия органидан рўйхатдан ўтказиш;

жорий йилнинг 1 июлдан бошлаб, Ғаллаорол туман соғлиқни сақлаш бўлими штат меъёрига мувофиқ ходимларни ишга қабул қилиш чораларини кўриш вазифаси юклатилсин.

4. Мазкур қарорнинг ижросини назорат қилиш туман ҳокимининг ўринбосари Ғ.Тўчиэев зиммасига юклансин.