Ўзбекистон Республикаси Бюджет кодексининг 27 — 126 ва 148-моддаларига асосан Ромитан туман маҳаллий бюджетининг 2024 йил йиллик даромадлари 95 млрд 147 млн.сўмни ташкил этди, маҳаллий бюджетдан 256 млрд 519 млн. сўм миқдорида харажатлар амалга оширилди, шундан 174 млрд 528 млн. сўми ёки 68 фоизи ижтимоий харажатларга йўналтирилди.

Ромитан туман маҳаллий бюджетининг параметрларига 2024 йил йилликда даромад ва харажатларга киритилган ўзгартиришлар тўғрисидаги ҳисоботлари ахборот учун қабул қилинсин.

Бундан ташқари, республика бюджетидан мақсадли тадбирларга қўшимча ажратилган маблағлар, тартибга солувчи бюджетлараро трансфертлар ҳамда вилоят маҳаллий бюджети параметрлари доирасида киритилган ўзгартиришлар ҳисобига белгиланган тадбирлар ўз вақтида молиялаштирилди.

Ўзбекистон Республикаси Бюджет кодексининг 27 — 126 ва 148-моддаларига асосан туман маҳаллий бюджетининг 2024 йил йиллик ижроси бюджет параметрларига киритилган ўзгартиришлар тўғрисидаги ҳисоботини ҳамда маҳаллий бюджетнинг эркин қолдиқ маблағларини йўналтириш тўғрисидаги таклифларини муҳокама қилиб, халқ депутатлари Ромитан туман Кенгаши қарор қилади:

1. Ромитан тумани иқтисодиёт ва молия бўлимининг 2025 йил 07 февралдаги 1-6-242/20-12-32/27 сонли Ромитан туман маҳаллий бюджетининг 2024 йил йиллик бюджет ижроси ҳамда бюджет параметрларига киритилган ўзгартиришлар тўғрисидаги ҳисоботи маълумот учун қабул қилинсин.

2. Ромитан тумани маҳаллий бюджетининг 2024 йил даромадлари ижроси бўйича асосий кўрсаткичлар 1-иловага;

Ромитан тумани маҳаллий бюджетининг 2024 йил харажатлари ижроси бўйича асосий кўрсаткичлар 2-иловага мувофиқ тасдиқлансин.

3. Ромитан туман ҳокимининг биринчи ўринбосари (Ш.Пулотов), туман иқтисодиёт ва молия бўлими билан биргаликда:

Ўзбекистон Республикаси Бюджет кодекси талаблари асосида туман маҳаллий бюджетининг тасдиқланган параметрларига белгиланган тартибда тегишли ўзгартиришларни киритиш;

ажратилган мақсадли маблағларни ўз вақтида ва самарали ишлатилиши юзасидан молиявий ҳисоботлар асосида тизимли ўрганиш ҳамда ўрганиш натижаларига кўра, ишлатилмаган ва иқтисод қилинган маблағларни туман маҳаллий бюджетига қайтариш чораларини кўрсин.

4. Ромитан туман ҳокимлиги Иқтисодиёт ва молия бўлими (М.Амонов) ҳамда Ромитан туман солиқ инспекцияси (Б.Ғайбуллаев)га:

туман ҳокимлиги билан биргаликда даромадлар прогноз режа кўрсаткичларини сўзсиз ижросини таъминлаш чораларини кўриш;

бунда, прогноз режаларини ҳар бир солиқ тури кесимида тўлиқ бажарилишини таъминлаш;

бюджет даромадлари базасини кенгайтириш ҳамда маҳаллий бюджетга қўшимча солиқ тушириш манбаларини аниқлаш ва мавжуд имкониятлардан самарали фойдаланиш вазифаси юклатилсин.

5. Бухоро вилоят адлия бошқармасининг 2025 йил 13 март 20-07/100/1 сон Тақдимномасини инобатга олиб, халқ депутатлари Ромитан туман Кенгашининг 2025 йил 13 февраль VII-6-32-2-40-K/25-сонли Ромитан тумани маҳаллий бюджетининг 2024 йил йиллик ижроси, маҳаллий бюджетининг параметрларига 2024 йил йиллик даромад ва харажатларга киритилган ўзгартиришлар тўғрисидадаги қарори бекор қилинсин.

6. Мазкур қарор бажарилишини назорат қилиш халқ депутатлари туман Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия раиси Н.Рахматов зиммасига юклатилсин.