Шаҳарнинг 2024 йилги тасдиқланган бюджет параметрлари даромадлар қисмидаги 73 млрд. 545.5 млн.сўмлик маблағларга қўшимча ўзгартиришлар киритиш ҳисобига 67 млрд. 523.4 млн.сўм (аниқланган режа белгиланган. Аниқроғи маҳаллий бюджетнинг даромадлар режаси жорий йилда жами 6 млрд. 22 млн.сўм ёки 9 фоизга камайтирилган.

Ўзбекистон Республикаси Бюджет кодексининг 148-моддасига, Ўзбекистон Республикаси «2025 йил учун Ўзбекистон Республикасининг Давлат бюджети тўғрисида»ги Қонуни ҳамда «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 24-моддасига мувофиқ Халқ депутатлари Когон шаҳар Кенгаши қарор қилади:

1. Когон шаҳар иқтисодиёт ва молия бўлими бошлиғи Н.Эшмуродовнинг, шаҳар маҳаллий бюджетининг 2024 йил параметрларидаги харажатлари режасидаги ўзгаритиришлар тўғрисидаги ҳисоботи қабул қилинсин.

2. Когон шаҳар маҳаллий бюджетининг параметрларига киритилган ўзгартиришлар иловаларга мувофиқ тасдиқлансин.

3. Когон шаҳар иқтисодиёт ва молия бўлими (Н.Эшмуродов), шаҳар давлат солиқ инспекцияси бошлиғи билан биргаликда:

шаҳар ҳокимлиги билан биргаликда даромадлар прогноз режа кўрсаткичларини сўзсиз ижросини таъминлаш чораларини кўриш. Бунда, прогноз режани ҳар бир солиқ тури кесимида тўлиқ бажарилишини таъминлаш;

бюджет даромадлари базасини кенгайтириш ҳамда маҳаллий бюджетга қўшимча солиқ тушириш манбаларини аниқлаш ва мавжуд имкониятлардан самарали фойдаланиш;

маҳаллий бюджет параметрларида кўзда тутилган харажатларни, хусусан биринчи даражали тўловларни ўз вақтида молиялаштирилишини таъминлаш;

бюджет даромадлари ва харажатлари режасига ўзгартиришларни белгиланган тартибда ҳисобга олиш, тегишли ҳудудий бюджет маблағ олувчиларнинг харажатлар миқдоридаги аниқлик киритиш;

бюджет маблағларидан мақсадли ва самарали фойдаланилиши ҳамда бюджет интизомига риоя этилиши устидан назорат ўрнатиш топширилсин.

4. Мазкур қарор ижросини назорат қилиш Халқ депутатлари Когон шаҳар Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия раиси Ж.Дўстов зиммасига юклатилсин.

5. Ушбу қарор қабул қилинган кундан эътиборан кучга киради.