Кун тартибидаги масала депутатлар томонидан атрофлича миҳокама қилиниб, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6 ва 24-моддаларига мувофиқ, Халқ депутатлари шаҳар кенгаши қарор қилади:

1. Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 25 апрелдаги 05-19-6497 сонли йиғилиш баёни қарори маълумот учун қабул қилинсин.

2. Гулистон шаҳар маҳаллалари ҳудудидаги 20 та географик объект (кўча, берк кўча, тор кўча)ларни номлаш юзасидан Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 25 апрелдаги 05-19-6497 сонли йиғилиш баёни қарори билан таклиф этилган кўчаларнинг номлари иловага асосан тасдиқлансин.

3.Гулистон шаҳар ҳокими ўринбосари (Х.Эргашев), шаҳар ИИБ бошлиғи (Б.Санаев), шаҳар Адлия бўлими (С.Тогаев), шаҳар Статистика бўлими, шаҳар Давлат солиқ инспекцияси (Ш.Рақибов), Давлат хизматлари маркази (С.Қудратов), Маҳаллалар уюшмаси шаҳар бўлими (Л.Ахмедов), Давлат кадастрлар палатаси шаҳар филиали (К.Исмоилов), шаҳар Ободонлаштириш бошқармаси (Р.Беркинов) ва тегишли мутасадди ташкилотларга:

мазкур қарор иловаси асосида амалга оширилаётган ўзгаришлар эътиборга олинсин ва ушбу қарордан келиб чиққан ҳолда тегишли идоравий ҳужжатларга ўзгартириш киритиш вазифаси юклатилсин.

4.Шаҳар ҳокими ўринбосари (Х.Эргашев) ва Маҳаллалар уюшмаси шаҳар бўлими (Л.Ахмедов):

15 кун муддатда ҳудудлардаги номлари ўзгарган кўчаларга замонавий кўринишдаги (лотин ёзувида) пешлавҳалар ва уй рақамларини ёзиб ўрнатиш ишларини ташкил этиш;

пешлавҳаларни ўрнатиш ва молиялаштириш юзасидан тегишли ташкилотларга кўрсатмалар бериш ҳамда назоратга олиш вазифалари юклансин;

бир ҳафта муддатда ҳудудларда янги номланган кўчаларнинг номларини аҳоли ўртасида кенг тарғиб этиш юзасидан тегишли чора-тадбирлар белгилансин.

5.Шаҳар ички ишлар бошқармаси (Б.Санаев)га:

шаҳар маҳаллалари ҳудудидаги янги номланган кўчаларда яшовчи фуқароларга янги фуқаролик паспортларини бериш ва уларни рўйҳатга қўйишда янги номлар билан ёзилишини назоратга олиш вазифаси юклансин.

6. Шаҳар ҳокимлиги бош юристконсульти (Н.Мусурмонқулов) мазкур қарорни электрон жамоатчилик муҳокамасига жойлаштирсин.

7.Шаҳар ҳокимлиги ахборот хизмати раҳбари-матбуот котиби (Ш.Юнусов):

Ҳудудлардаги янги номланган кўчаларнинг номларини аҳоли ўртасида кенг тарғиб қилиш мақсадида ижтимоий тармоқларга ва ҳокимликнинг веб-сайтига маълумотларни жойлаштирсин.

8. Мазкур қарор ижросини назорат қилиш Халқ депутатлари шаҳар Кенгашининг барча доимий комиссиялари зиммаларига юклатилсин.