Ўзбекистон маҳаллалари уюшмаси Наманган вилояти бошқармасининг 2025 йил 1 майдаги 01-02/69 сонли хати ҳамда вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиясининг 2025 йил 30 апрелдаги 01 сонли йиғилиш баёни билан тасдиқланган хулосасини инобатга олиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-, 16² ва 24-моддаларига асосан Халқ депутатлари вилоят Кенгаши қарор қилади:

1. Ўзбекистон маҳаллалари уюшмаси Наманган вилояти бошқармасининг 2025 йил 1 майдаги 01-02/69 сонли хати, вилоят ҳокимлиги ҳузуридаги Маҳаллаларни тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш масалалари бўйича идоралараро доимий комиссиясининг 2025 йил 30 апрелдаги 01 сонли йиғилиш баёни билан тасдиқланган хулосаси ҳамда Ўзбекистон маҳаллалари уюшмаси вилоят бошқармаси бошлиғи И.Икромовнинг ахбороти маълумот учун қабул қилинсин.

2. Вилоятда бирлаштириладиган маҳалла фуқаролар йиғинлари рўйхати 1-иловага мувофиқ маъқуллансин.

3. Давлат кадастрлар палатаси вилоят бошқармаси бошлиғи М.Турсунбаев вилоятдаги 34 та маҳаллаларни фаолияти ташкилий ва молиявий жиҳатдан тўғри йўлга қўйилмаганлиги ва бошқарув жиҳатидан ўзини оқламаётган мавжуд 34 та маҳалла фуқаролар йиғинларини бирлаштириш ва уларнинг чегараларини қайта белгилаб чиқиш ишларини амалга оширсин.

4. Туман (шаҳар) ҳокимликлари алоқадор ташкилотлар билан биргаликда бирлаштириладиган маҳалла фуқаролар йиғинларини қайта давлат рўйхатидан ўтказиш ҳамда муҳр ва тамғаларини алмаштириш чораларини кўрсин.

5. Ушбу қарор вилоят ҳокимлигининг расмий веб-сайти ва оммавий ахборот воситаларида эълон қилинсин.

6. Мазкур қарорнинг ижросини назорат қилиш Халқ депутатлари вилоят Кенгашининг Коррупцияга қарши курашиш ва хавфсизлик масалалари бўйича доимий комиссияси раиси Ф.Абдуллаев ҳамда вилоят ҳокимининг биринчи ўринбосари З.Бахриддинов зиммасига юклансин.