Ўзбекистон Республикаси Президентининг 2024 йил 13 февралдаги «Республика ва маҳаллик ижро этувчи ҳокимият органлари ҳамда хўжалик бирлашмалари фаолияти самарадорлигини баҳолаш тизимини такомиллаштириш чора-тадбирлари тўғрисида»ги ПФ-49 сонли Фармони ҳамда Вазирлар Маҳкамасининг 2025 йил 29 апрелдаги «Ўзбекистон Республикаси Оила ва хотин-қизлар қўмитаси фаолиятининг 2025 йил учун энг муҳим самарадорлик кўрсаткичларини (КПИ) тасдиқлаш тўғрисида»ги 277 сонли қарори, вилоят ҳокимининг 2025 йил 12 майдаги 226-12-0-Қ/25 сонли қарорининг ижросини таъминлаш мақсадида қарор қиламан:

1. Ўзбекистон Республикаси Вазирлар Маҳкамасининг 2025 йил 29 апрелдаги «Ўзбекистон Республикаси Оила ва хотин-қизлар қўмитаси фаолиятининг 2025 йил учун энг муҳим самарадорлик кўрсаткичларини (КПИ) тасдиқлаш тўғрисида»ги 277 сонли қарори, вилоят ҳокимининг 2025 йил 12 майдаги 226-12-0-Қ/25 сонли қарорининг раҳбарлик ва ижро учун қабул қилинсин.

2. Шаҳар оила ва хотин-қизлар бўлими фаолиятининг 2025 йил учун энг муҳим самарадорлик кўрсаткичлари (КПИ) ҳамда уларга эришиш бўйича чора-тадбирлар дастури иловага мувофиқ тасдиқлансин.

3.Шаҳар ҳокими ўринбосари ‒ оила ва хотин-қизлар бўлими бошлиғи И.Мусаева энг муҳим самарадорлик кўрсаткичлари (КПИ)га эришиш тўғрисидаги маълумотларни ҳар чоракда Давлат хизматини ривожлантириш агентлигининг «самарадорлик.уз» электрон платформасига киритиб борсин;

4. Шаҳар ҳокими ўринбосари ‒ оила ва хотин-қизлар бўлими бошлиғи И.Мусаева: мазкур қарор билан белгиланган энг муҳим самарадорлик кўрсаткичларидан (КПИ) келиб чиқиб, энг муҳим самарадорлик кўрсаткичларини (КПИ) ишлаб чиқсин ва белгиланган тартибда тасдиқлатсин.

5. Мазкур қарорнинг ижросини шаҳар ҳокими ўринбосари ‒ оила ва хотин-қизлар бўлими бошлиғи И.Мусаева зиммасига юклансин.