Ўзбекистон Республикаси «Таълим тўғрисида»ги Қонуннинг 27-моддаси, Ўзбекистон Республикаси Вазирлар Маҳкамасининг 2017 йил 15 мартдаги 140 сонли қарори билан тасдиқланган «Умумий ўрта таълим тўғрисида»ги Низомнинг 5-боб, 39-банди ҳамда Давлатобод тумани мактабгача ва мактаб таълмими бўлимининг 2025 йил 2 апрелдаги 443 сонли мурожаатига кўра, туманда мактаб ёшидаги болаларни умумий ўрта таълимга қамраб олиш жараёнида умумтаълим масалаларига бириктирилган ҳудудлар (микроҳудуд)ни аниқ белгилаб олиш мақсадида, Ўзбекистон Республикаси «Маҳаллий давлат ҳокимяти тўғрисида»ги Қонуннинг 6, 21¹-моддаларига мувофиқ қарор қиламан:

1. Давлатобод туманида мактаб ёшидаги болаларни умумий ўрта таълимга тўлиқ қамраб олиш бўйича умумтаълим муассасаларига бириктирилаган ҳудудлар (микроҳудуд)лар рўйхати иловага мувофиқ тасдиқлансин.

2. Белгилансинки:

бириктирилган ҳудудлар (микроҳудуд) доирасида доимий яшаш ва вақтинча турган жойи бўйича рўйхатга олинган ва ҳақиқатда яшовчи оила фарзандлари инобатга олинади;

давлат умумий ўрта таълим муассасаси раҳбарияти мазкур муассасага бириктирилган ҳудуддаги мактаб ёшидаги болаларни ўз вақтида давлат умумий ўрта таълим муассасасига ўқишга жалб қилиш учун масъул ҳисобланади.

3. Тумани ҳокимининг ўринбосари (О.Хасанов), туман мактабгача ва мактаб таълими бўлими (З.Эргашев) ҳамда алоқадор ташкилот ва идоралар билан биргаликда:

тумандаги умумтаълим муассасалари рахбарларини зиммасига мактаб ёшидаги болаларни умумий ўрта таълимга тўлиқ қамраб олиш, ўқувчиларнинг дарсларга қатнашиш ҳолати юзасидан мониторинг олиб бориш ва унинг натижасида аниқланган муаммоларни бартараф этиш бўйича зарур чоралар кўриш; ҳар бир мактабга бириктирилган микроҳудуд схемасини тузиш ва мазкур схемада микроҳудуднинг аниқ чегараси, унинг таркибига кирган кўча, тор ва берк кўчалардаги барча уйлар, хонадонларни қамраб олиш вазифаси юклатилсин.

4. Белгилансинки, тумандаги умумтаълим муассасалар раҳбарлари ўзларираҳбарлик қилаётган муассасага бириктирилган ҳудуддаги мактаб ёшидаги болаларни ўз вақтида умумтаълим муассасасига ўқишга жалб қилиш учун масъул ҳисобланади.

5. Ўзбекистон маҳаллалари уюшмаси туман бўлими (А.Долимов)га маҳаллафуқаролар йиғини раисларига мактаб ёшидаги болаларни умумтаълим муассасаларига жалб этиш жараёнида туман халқ таълими бўлими ҳамда умумтаълим муассасаларига амалий ёрдам бериш тавсия этилсин.

6. Мазкур қарор қабул қилиниши муносабати билан туман ҳокимининг 2024 йил 23 майдаги 141-6-219-Қ/24 сонли қарори ўз кучини йўқотсин.

7. Мазкур қарор маҳаллий газеталарда эълон қилинсин ва расмий веб сайтларга жойлаштирилсин.

8. Туман ҳокимлигининг Ахборот хизмати (О.Нарзуллаев) мазкур қарорниоммавий ахборот воситаларида расмий эълон қилиш ва ҳокимликнинг расмий веб-сайти (Давлатобод.уз)га жойлаштириш чораларини кўрсин.

9. Мазур қарор расмий эълон қилинган кундан эътиборан кучга киради.

10. Ушбу қарорнинг бажарилишини назорат қилиш туман ҳокимининг ўринбосари О.Хасанов зиммасига юклатилсин.