Ўзбекистон Республикаси Вазирлар Маҳкамасининг 2014 йил 4 мартдаги 48 сонли «Шаҳарлар, посёлкалар, қишлоқлар ва овулларнинг маҳаллаларини тузиш, бирлаштириш, бўлиш ва тугатиш, шунингдек, уларнинг чегараларини белгилаш ва ўзгартириш, уларга ном бериш ва уларнинг номини ўзгартириш тартиби тўғрисидаги Низомни тасдиқлаш ҳақида»ги қарори Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ «Географик объектларнинг номлари соҳасидаги ишларини тартибга солиш чора-тадбирлар тўғрисида»ги 295 сонли қарори ва Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва Молия вазирлиги ҳузуридаги Кадастр агентлиги эксперт комиссияси томонидан Янгиер шаҳридаги 3 та маҳалла, жами 6 та яъни 5 та кўча, 1 та тор кўча кўчаларнинг номлари ўрганилиб чиқилиб, 2025 йил 16 апрелдаги 05-19-5975 сонли хатига асосан ижобий хулоса берилди. Юқоридагиларга кўра, Ўзбекистон Республикаси «Маҳаллий давлат ҳокимияти тўғрисида»ги қонуннинг 24-моддасига асосан, Халқ депутатлари шаҳар Кенгаши қарор қилади:

1. Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш бўйича Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 16 апрелдаги 05-19-5975 сонли йиғилиш баёни қарори маълумот учун қабул қилинсин.

2. Янгиер шаҳридаги маҳалла фуқаролар йиғинлари томонидан номлари такрорланган айрим кўчалар қайта номлаш тўғрисидаги таклифлари асосида Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 16 апрелдаги 05-19-5975 сонли йиғилиш баёни қарори билан таклиф этилган кўчалар номлари иловага асосан тасдиқлансин.

3. Шаҳар Ички ишлар бўлими (Ш.Холбутаев), шаҳар Адлия бўлими (Х.Сайитов), шаҳар Статистика бўлими (Н.Хўжанбаев), шаҳар Солиқ инспекцияси (А.Бекматов), Ўзбекистон Маҳаллалари уюшмаси шаҳар бўлими (И.Сайфиддинов), Давлат кадастрлар палатаси Янгиер шаҳар филиали (У.Джуманов), шаҳар Қурилиш ва уй-жой коммунал хўжалиги бўлими (Н.Абдусаломов) ва тегишли мутасадди ташкилотларга:

мазкур қарор иловаси асосида амалга оширилаётган ўзгаришлар эътиборга олинсин ва мазкур қарордан келиб чиққан ҳолда тегишли идоравий ҳужжатларга ўзгартириш киритиш вазифаси юклатилсин.

4. Шаҳар ҳокимининг ўринбосари Ж.Эгамбердиев, Ўзбекистон Маҳаллалари уюшмаси шаҳар бўлими (И.Сайфиддинов)га:

10 кун муддатда ҳудудлардаги номлари ўзгарган кўчаларга замонавий кўринишдаги (лотин ёзувида ҳомий ташкилотлар ёрдамида) пешлавҳалар ёзиб ўрнатиш ишларини ташкил этиш;

пешлавҳалар ўрнатиш ва молиялаштириш юзасидан тегишли ташкилотларга кўрсатмалар бериш ва назоратга олиш вазифалари юклансин.

5. Шаҳар ҳокимлиги ҳузуридаги географик объектларни номлаш ва қайта номлаш масалалари бўйича комиссия (Ж.Эгамбердиев), Ўзбекистон Маҳаллалари уюшмаси шаҳар бўлими (И.Сайфиддинов) ва фуқаролар йиғинлари раислари билан ҳамкорликда:

бир ҳафта муддатда ҳудудларда янги номланган кўчаларнинг номларини аҳоли ўртасида кенг тарғиб этиш юзасидан тегишли чора-тадбирлар белгилансин.

6. Шаҳар Ички ишлар бўлими (Ш.Холбутаев)га:

шаҳар ҳудудларидаги номлари ўзгарган кўчаларда яшовчи фуқароларга янги паспорт бериш ва уларни рўйхатга қўйишда янги номлар билан ёзилишини назоратга олиш вазифаси юклатилсин.

7. Шаҳар ҳокимлиги Ахборот матбуот хизмати И.Раҳмонқуловга;

ҳудудларда янги номланган кўчаларнинг номларини аҳоли ўртасида кенг тарғиб қилиш мақсадида ижтимоий тармоқларда маълумотлар берсин.

8. «Янгиер ҳаёти» газетаси таҳририяти (А.Абдуқодиров)га ушбу қарорни «Янгиер ҳаёти» газетаси расмий нашрида эълон қилинсин.

9. Шаҳар ҳокими ўринбосари Ж.Эгамбердиев мазкур қарор билан боғлиқ ҳужжатлар географик объектларга ном бериш ва уларнинг номларини ўзгартириш бўйича вилоят комиссиясига тақдим этиш белгилансин.

10. Мазкур қарор ижросини назорат қилиш Халқ депутатлари шаҳар Кенгашининг ижтимоий-маданий ривожлантириш масалалари бўйича доимий комиссияси раиси Н.Джулибаева ва шаҳар ҳокимининг ўринбосари Ж.Эгамбердиев зиммаларига юклатилсин.

11. Ушбу қарор «Янгиер ҳаёти» газетасида расмий эълон қилинган кундан кучга киради.