Ўзбекистон Республикасининг «Маъмурий-ҳудудий тузилиши тўғрисида»ги қонуни ва Вазирлар Маҳкамасининг 2018 йил 23 апрелдаги 299-сонли қарорининг 1-иловаси билан тасдиқланган «Маъмурий-ҳудудий бирликлар чегараларини белгилаш тартиби тўғрисида»ги Низом ижроси юзасидан ҳамда туман ҳокимининг 2024 йил 6 декабрдаги 196-12-177-Ф/24-сонли фармойишига асосан, Республика аэрогеодезия маркази томонидан Хоразм вилояти Шовот туманидаги маъмурий-ҳудудий бирликлар чегараларини белгилаш ишларининг якунига кўра тумандаги шаҳарчалар ва қишлоқларининг умумий периметри 566660,74 метр умумий майдони 45550,24 гектар эканлиги аниқланди.

Жумладан:

Шовот шаҳрчаси умумий периметри 29182,01 метр, умумий майдони 831,46 гектар;

Ипакчи шаҳарчаси умумий периметри 7874,11 метр,умумий майдони 150,73 гектар;

Катқалъа шаҳарчаси умумий периметри 16355,12 метр, умумий майдони 225,75 гектар;

Бўйрачи шаҳарчаси умумий периметри 11899,85 метр,умумий майдони 185,62 гектар;

Моноқ шаҳрчаси умумий периметри 12705,69 метр,умумий майдони 262,17 гектар;

Чиғатой шаҳарчаси умумий периметри 5808,86 метр,умумий майдони 99,63 гектар;

Қангли шаҳарчаси умумий периметри 11660,77 метр,умумий майдони 176,52 гектар;

Қангли қишлоғи умумий периметри 35887,15 метр, умумий майдони 2885,27 гектар;

Ўзбекистон қишлоғи умумий периметри 36754,83 метр, умумий майдони 5219,36 гектар;

Чўқли қишлоғи умумий периметри 45713,67 метр,умумий майдони 2693,29 гектар;

Ижтимоият қишлоғи умумий периметри 40247,37 метр, умумий майдони 3371,69 гектар;

Чиғатойқалъа қишлоғи умумий периметри 58154,65 метр, умумий майдони 8196,99 гектар;

Шовотқалъа қишлоғи умумий периметри 61294,09 метр,умумий майдони 3932,08 гектар;

Ҳуррият қишлоғи умумий периметри 44506,47 метр, умумий майдони 5951,38 гектар;

Қиёт қишлоғи умумий периметри 40253,91 метр, умумий майдони 3473,23 гектар;

Бешмерган қишлоғи умумий периметри 24297,37 метр, умумий майдони 1785,61 гектар;

Бўйрачи қишлоғи умумий периметри 54654,18 метр, умумий майдони 3109,21 гектар;

Катқалъа қишлоғи умумий периметри 29410,64 метр, умумий майдони 3000,25 гектар;

Шовот тумани маъмурий-ҳудудий бирликлар чегараларини белгилашда шаҳарча ва қишлоқлар чегаралари ажратиб кўрсатилган ҳолда тавсифланди. Чегаралар чизиғининг ёзувли матни тавсифида жойнинг тегишли топографик элементлари билан боғланиб, чегара нуқталари ўртасидаги масофаси ва чегара чизиғининг қутб йўналишлариакс эттирилди. Чегара чизиғининг бурилиш нуқталари координаталари кўрсатилди.

Кун тартибидаги масала юзасидан Давлат кадастрлар палатасининг Шовот тумани филиали раҳбарининг ахборотини тинглаб, тақдим этилган маълумотлар фикр ва мулоҳазаларини ҳамда таклиф ва тавсияларини атрофлича ўрганиб чиқиб, «Ўзбекистон Республикасининг Маъмурий-ҳудудий тузилиши тўғрисида»ги Қонуннинг 10-моддаси ҳамда Ўзбекистон Республикаси «Маҳаллий давлат ҳокимияти тўғрисида»ги Қонуннинг 6 ва 24-моддаларига асосан Халқ депутатлари туман Кенгаши қарор қилади:

1. Давлат кадастрлари палатасининг Шовот тумани филиали раҳбари З.Рўзметовнинг Шовот туманидаги маъмурий-ҳудудий бирликлар чегараларини белгилаш тўғрисидаги ахбороти ҳамда Республика аэрогеодезия маркази томонидан Шовот туманидаги шаҳарчалар ва қишлоқларнинг чегараларини белгилаш бўйича бажарилган ишларнинг якуний натижаларини кўриб чиқиш юзасидан туман ҳокимлигида тузилган ишчи гуруҳ таркибининг 2025 йил 18 мартдаги №-8316-сонли йиғилиш баёни маълумот учун қабул қилинсин.

2. Шовот туманидаги маъмурий-ҳудудий бирликлар чегараларини белгилаш ишлари якуний натижалари тўғрисидаги маълумот 1-иловага ҳамда маъмурий-ҳудудий бирликларнинг чегараларини белгилаш бўйича картографик чизмаси 2-иловага мувофиқ тасдиқлансин.

3. Туман ҳокимлиги матбуот хизмати (С.Йўлдашев)га мазкур қарорни туман ҳокимлигининг расмий веб-сайтида ёритилишини таъминласин.

4. Ушбу қарорнинг тасдиғи Халқ депутатлари Хоразм вилояти Кенгашидан сўралсин.

5. Мазкур қарор ижросини таъминлаш туман ҳокимининг барча ўринбосарлари ҳамда қарор ижросини назорат қилиш халқ депутатлари туман Кенгашининг доимий комиссиялари раислари зиммаларига юклатилсин.