Қашқадарё вилояти ҳокимининг 2025 йил 1 апрелдаги «Ўзбекистон Республикаси Президентининг 2025 йил 19 мартдаги «Кичик ва ўрта бизнеснинг иқтисодиётдаги ўрнини ошириш чора-тадбирлари тўғрисида»ги ПФ-50-сонли Фармони ҳақида»ги 149-4-0-Қ/25-сонли қарори ижросини таъминлаш мақсадида Ўзбекистон Республикаси «Маҳаллий давлат ҳокимияти тўғрисида»ги Қонунининг 6-моддасига асосан қарор қиламан:

1.Вилоят ҳокимининг 2025 йил 1 апрелдаги Ўзбекистон Республикаси Президентининг 2025 йил 19 мартдаги «Кичик ва ўрта бизнеснинг иқтисодиётдаги ўрнини ошириш чора-тадбирлари тўғрисида»ги 50-сон фармони ижроси ҳақидаги 149-4-0- Қ/25-сонли қарори раҳбарлик ва ижро учун қабул қилинсин.

2.Ўзбекистон Республикаси Президентининг ушбу фармони билан:

1-бандига кўра,

I. Асосий мақсадли кўрсаткичлари,

II. 2025 йилда кичик ва ўрта бизнесни ривожлантиришнинг асосий мақсадли кўрсаткичлари этиб қуйидагилар белгиланганлиги:

а. кичик ва ўрта бизнеснинг ялпи ички маҳсулотдаги улушини 55 фоизга, саноатда - 34 фоизга, экспортда - 34 фоизга ва аҳоли бандлигини таъминлашда-75 фоизга етказилиши;

б. камида 600 нафар кичик ва ўрта бизнес субъектларининг йириклашишига кўмаклашиш орқали уларни «чемпион» тадбиркорларга айлантирилиши;

в) ичимлик ва оқава сув, йўл, қурилиш, коммунал хўжалик, утилизация, миграция, маданият ва ижтимоий хизматларда кичик бизнес улушини камида 2 бараварга ошириши;

г) 100 нафардан кўп ишчиси бор тадбиркорлик субъектлари сонини 4 мингга етказилиши;

а. саноатни жадал ривожлантириш бўйича лойиҳа офисларини ташкил этиш ҳисобига камида 100 та кичик ва ўрта бизнес субъектларида бренд маҳсулотлар ишлаб чиқаришни йўлга қўйилиши;

б. кичик бизнес субъектлари иштирокида камида 200 та стартап лойиҳаларнинг амалга оширилиши;

ж) узоқ муддатли ижарага берилган 30 минг гектар экин ер майдонида юқори даромадли экинларни етиштириш, 16 та ихтисослашган агрокомпания фаолиятини йўлга қўйиш ҳамда 9 та замонавий агросаноат хўжалигини ташкил қилиш инобатга олинсин ва ижрога қаратилсин.

3.Белгилансинки, Дастур доирасида «чемпион» тадбиркорларга айлантириладиган ташкилотлар рўйхати шакллантирилиб, унга қуйидаги мезонларга жавоб берадиган тадбиркорлик субъектларини киритилади:

а. ҳар бир туман (шаҳар) да камида 2 тадан йиллик айланмаси 10 млрд. сўмдан юқори бўлган ва 50 тадан ортиқ иш ўрни яратган тадбиркорлик субъектлари;

б. вилоят ҳудудида йиллик айланмаси 100,0 млрд. сўмдан юқори бўлган ва 5 мингдан ортиқ иш ўрнини яратган тадбиркорлик субъектлари.

в) республика даражасида - йиллик айланмаси 1 трлн. сўмдан юқори бўлган ва 5 мингдан ортиқ иш ўрнини яратган тадбиркорлик субъектлари.

4. Туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари (Ҳ.Назаров), туман солиқ бўлими бошлиғи (А.Юсупов), Ўзбекистон Савдо-саноат палатаси туман бўлими бошлиғи билан биргаликда, икки ой муддатда «чемпион» тадбиркорларга айлантириладиган ташкилотлар рўйхатини шакллантирсин.

Кичик ва ўрта бизнесни ривожлантириш бўйича туман маслаҳат кенгашининг таркиби 1-иловага асосан;

Кичик ва ўрта бизнесни ривожлантириш бўйича туман маслаҳат кенгашининг асосий вазифалари 2-иловага асосан тасдиқлансин.

5.Мазкур қарорнинг бажарилишини назорат қилиш туман ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари Ҳ. Назаров зиммасига юклатилсин