«Йўл ҳаракати хавфсизлиги тўғрисида»ги Ўзбекистон Республикаси Қонуни, Ўзбекистон Республикаси Вазирлар Маҳкамасининг 2011 йил 26 декабрдаги қарори билан тасдиқланган «Ўзбекистон Республикаси ҳудудидаги автомобиль йўлларида хавфсизликни таъминлаш ва ташкил этиш чора-тадбирлари тўғрисида»ги 342-сон қарори, Ўзбекистон Республикаси Вазирлар Маҳкамасининг 2022 йил 12 апрелдаги «Йўл ҳаракати қоидаларини тасдиқлаш тўғрисида»ги 172-сон қарори ижроси юзасидан Зомин туманида фуқароларнинг хавфсизлиги ва автотранспорт воситаларининг ҳаракатини тартибга солиш мақсадида, туман Ички ишлар бошқармаси йўл ҳаракати хавфсизлиги бўлимининг 2025 йил 24 мартдаги 39/1024-сонли мурожаат хатини кўриб чиқиб, Ўзбекистон Республикаси «Маҳаллий давлат ҳокимияти тўғрисида»ги қонунининг 6, 21¹ - моддаларига асосан, қарор қиламан:

1. Туман ички ишлар бошқармаси йўл ҳаракати хавфсизлиги бўлимининг 2025 йил 24 мартдаги 39/1024-сонли мурожаат хати инобатга олинсин.

2. Зомин туманида фуқароларнинг хавфсизлиги ва автотранспорт воситаларининг ҳаракатини тартибга солиш мақсадида:

Халқобод МФЙ Мустақиллик кўчасида жойлашган туман Ички ишлар бошқармаси биноси ҳамда Зомин автосавдо биноси рўпарасига йўлнинг ҳар икки йўналиши бўйлаб икки дона 3.27 (тўхташ тақиқланган) йўл белгиси, Қурғон МФЙдаги марказий сайилгоҳга Ҳуррият кўчасидан кириш жойига бир дона 3.1 (кириш таъқиқланган) йўл белгилари ўрнатилишига рухсат берилсин.

3. Зомин тумани ички ишлар бошқармаси йўл ҳаракати хавфсизлиги бўлими (О. Хасанов):

мазкур қарор билан тегишли жойга йўл белгиларини ўрнатилишини ташкил этсин ҳамда ушбу ҳудудларда автомобиллар ҳаракатини назорат қилиб борсин.

4. Мазкур қарор ижросини таъминлаш туман ҳокимининг ўринбосари Э. Махманазаров ҳамда туман ички ишлар бошқармаси бошлиғи И. Нурматов зиммасига юклансин.