(hujjat nomi O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda — O‘R QHT, 2017-y., 32-son, 826-modda))
LexUZ sharhi
Mazkur buyruq O‘zbekiston Respublikasi sog‘liqni saqlash vazirining 2023-yil 5-iyuldagi 24-sonli ““Tibbiyot muassasalari va dorixonalarda tramadol dori vositasini saqlash, hisobini olib borish va berish qoidalari to‘g‘risida”gi buyruq, shuningdek unga qo‘shimcha va o‘zgartirishlarni o‘z kuchini yo‘qotgan deb topish haqida”gi buyrug‘iga (ro‘yxat raqami 996-3, 11.07.2023-y.) asosan o‘z kuchini yo‘qotgan.
Tramadol dori vositasi giyohvandlik vositalari ro‘yxatidan chiqarilganligi munosabati bilan uni tibbiyot muassasalari va dorixonalarda saqlash, hisobini olib borish, berish hamda ushbu dori vositasidan belgilangan maqsadlarda foydalanishni to‘g‘ri tashkil etish maqsadida buyuraman:
(muqaddima O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda — O‘R QHT, 2017-y., 32-son, 826-modda)
1. Tibbiyot muassasalari va dorixonalarda Tramadol dori vositasini saqlash, hisobini olib borish, berishning quyidagi qoidalariga rioya qilinsin:
(1-bandning birinchi xatboshisi O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda — O‘R QHT, 2017-y., 32-son, 826-modda)
1.1. Barcha tibbiyot muassasalari va dorixonalarda Tramadol dori vositasining miqdoriy-buyum hisobini joriy etish;
(1.1 kichik band O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda O‘R QHT, 2017-y., 32-son, 826-modda)
1.2. Tramadol dori vositasini tibbiyot muassasalari va dorixonalarda qulflanadigan shkaflarda saqlash;
(1.2 kichik band O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda O‘R QHT, 2017-y., 32-son, 826-modda)
1.3. Dorixonalarda Tramadol dori vositasini shifokor imzosi va muhri qo‘yilgan, tibbiyot muassasasi tamg‘asi bosilgan retseptlar asosida berish;
(1.3 kichik band O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda O‘R QHT, 2017-y., 32-son, 826-modda)
1.4. Bir retseptdagi Tramadol dori vositasining miqdori unga bo‘lgan 10 kunlik tibbiy ehtiyoj me’yoridan oshmasligi, retseptlarning amal qilish muddati esa yozib berilgan kundan boshlab bir oydan oshmasligini ko‘zda tutish, bunda saraton (rak) kasaliga duchor bemorlarga yoziladigan retseptlarda Tramadol miqdorini 20 kunlik ehtiyoj me’yoriga oshirishga ruxsat etish;
1.5. Tramadol dori vositasiga berilgan retseptlarni dorixonada bir oy davomida saqlash va bu muddat o‘tgach belgilangan tartibda dalolatnoma asosida yo‘q qilish;
(1.5 kichik band O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda O‘R QHT, 2017-y., 32-son, 826-modda)
1.6. Tibbiyot muassasalari va dorixonalarda Tramadol dori vositasining miqdoriy – buyum hisobini raqamlangan, bog‘ichlangan, muassasa boshlig‘i imzosi va muhri bilan tamg‘alangan maxsus daftarlarda olib borib, har oy boshida Tramadolning hisobdagi va amaldagi miqdorini solishtirishni joriy etish;
(1.6 kichik band O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda O‘R QHT, 2017-y., 32-son, 826-modda)
1.7. Tibbiyot muassasalari bo‘limlarida Tramadol dori vositasi miqdorining unga bo‘lgan 10 kunlik tibbiy talab me’yoridan, qabul bo‘limlarida esa — 15 kunlik talab me’yorida oshmasligini ko‘zda tutish;
1.8. Tramadol dori vositasining saqlanishi, sotilishi va berilishini faqat giyohvand va psixotrop moddalar bilan muomala huquqini beruvchi litsenziyaga ega va davolash muassasalari dorixonalari orqali amalga oshirish.
Oldingi tahrirga qarang.
Bunda, qishloq vrachlik punktlarida Tramadol dori vositasining 10 ampula va 1 konvolyutagacha bo‘lgan miqdori, birinchi tibbiy yordam ko‘rsatish maqsadida foydalanish uchun esa ushbu dori vositasining 5 ampula va 1 konvolyutagacha bo‘lgan miqdorini tibbiyot amaliyotda qo‘llash litsenziyasiz amalga oshirilishiga ruxsat etiladi.
(1.8-band O‘zbekiston Respublikasi Sog‘liqni saqlash vazirligining 2001-yil 4-oktabrdagi 439-son buyrug‘iga muvofiq ikkinchi xatboshi bilan to‘ldirilgan (ro‘yxat raqami 996-1, 2001-yil 10-oktabr)
2. Tramadol dori vositasini giyohvandlik xastaligiga duchor bemorlarga buyurish qat’iyan man etilsin.
3. Dorixonalarda Tramadol dori vositasini veterinar vrachlar retseptlari asosida berish taqiqlansin.
(3-band O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda O‘R QHT, 2017-y., 32-son, 826-modda)
4. Tibbiyot muassasalari va dorixonalarda Tramadol dori vositasi o‘g‘irlangan va yo‘qolgan vaziyatlarda, zudlik bilan ushbu holat haqida tegishli yuqori hamda huquqni muhofaza qiluvchi organlarga xabar berilishi joriy etilsin.
(4-band O‘zbekiston Respublikasi sog‘liqni saqlash vazirining 2017-yil 3-avgustdagi 104-sonli buyrug‘i (ro‘yxat raqami 996-2, 09.08.2017-y.) tahririda O‘R QHT, 2017-y., 32-son, 826-modda)
5. Ushbu buyruq kuchga kiritilishi munosabati bilan Sog‘liqni saqlash vazirligining 1996-yil 18-noyabrdagi 764-son va 2000-yil 31-oktabrdagi 564-son buyruqlari o‘z kuchini yo‘qotgan deb hisoblansin.