LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Mingbuloq neft koni o‘zlashtirilishi va burg‘ulash ishlari yuqori anomal qatlamli bosim sharoitlarida olib borilishi munosabati bilan hamda atrofdagi aholi yashaydigan joylarning ekologik xavfsizligini ta’minlash maqsadida Vazirlar Mahkamasi qaror qiladi.
1. Vazirlar Mahkamasi Mingbuloq neft koni o‘zlashtirilishining atrof muhitga ta’sirini o‘rganish va shaharchalar aholisini bu zonadan ko‘chirish maqsadga muvofiqligini aniqlash bo‘yicha tashkil etgan komissiyaning quduqlarning atrof muhitga ta’siri ehtimol tutilayotgan zonalar, joyning sanitariya holati va neft konida favqulodda hodisalar yuz berganda aholini himoya qilish normalari to‘g‘risidagi xulosasiga rozilik bildirilsin.
2. Namangan viloyati hokimligining ko‘chirilayotgan aholi uchun yangi shaharcha qurilishi joyini Zadaryo tumanining markazi Jomasho‘yning janubiy tomonida Mingbuloq konining ehtimol tutilayotgan chegarasidan 8 km masofada belgilash to‘g‘risidagi taklifi qabul qilinsin.
3. Davlat arxitektura va qurilish qo‘mitasi Namangan viloyati hokimligining buyurtmasi bo‘yicha uch oy muddatda tuman markazi Jomasho‘yni rivojlantirishning bosh rejasini hamda “Mingbuloq neft” korxonasi neftchilari shaharchasi joylashtirilishini hisobga olgan holda zarur ijtimoiy infrastrukturaga ega bo‘lgan yangi turar joy dahasi qurilishi loyihasini ishlab chiqsin.
Vazirlar Mahkamasining 1994-yil 27-iyundagi 240-f-son farmoyishi bilan tashkil etilgan komissiya bilan kelishgan holda neft koni ta’siri zonasida yashovchi aholini bosqichma-bosqich ko‘chirish tartibini belgilasin va bundan keyin neft koniga tutash joylarda uy-joy va obyektlar qurilishini to‘xtatsin;
1994-yil 1-dekabrgacha tegishli vazirliklar va idoralar bilan birgalikda belgilangan tartibda birinchi navbatda ko‘chirilayotgan aholining yakka tartibda qurilgan imorati va qishloq xo‘jaligi ekinlari qiymatini aniqlasin hamda materiallarni “O‘zistiqbolstat” davlat qo‘mitasi va O‘zbekiston Respublikasi Moliya vazirligiga taqdim etsin.
5. “O‘zistiqbolstat” davlat qo‘mitasi va O‘zbekiston Respublikasi Moliya vazirligi “O‘zbekneftgaz” korporatsiyasi bilan birgalikda ko‘chirilayotgan aholiga mo‘ljallangan yangi turar joy dahasi qurish loyihasi ishlab chiqilgandan so‘ng bir oy muddatda Vazirlar Mahkamasiga uy-joy va ijtimoiy infrastruktura obyektlari qurilishini mablag‘ bilan ta’minlash to‘g‘risida taklif kiritsin.
6. “O‘zsanoatxo‘jalikqurilish” davlat korporatsiyasi, “O‘zdehqonchilikqurilish” va “O‘zjamoaxo‘jalikqurilish” birlashmalari, “O‘zsuvqurilish” davlat konserni hamda Melioratsiya va suv xo‘jaligi vazirligiga 1995—1997-yillarda yangi dahaga ko‘chib keluvchilarning birinchi bosqichi uchun uy-joy va ijtimoiy infrastruktura obyektlari qurilishini Namangan viloyati hokimligi buyurtmasi bo‘yicha bajarish topshirilsin.
7. Kommunal xizmat ko‘rsatish vazirligi, Aloqa vazirligi, Energetika va elektrlashtirish vazirligi, “O‘zavtoyo‘l” davlat konserni Namangan viloyati hokimligi bilan birgalikda yangi turar joy dahasida ichki va tortib keltiriladigan muhandislik kommunikatsiyalarini qurish bo‘yicha takliflar kiritsinlar, o‘z kuchlari bilan loyiha-smeta hujjatlarini tayyorlashni va ularning qurilishini 1995-yil oxirigacha tugallashni ta’minlasinlar.
8. Melioratsiya va suv xo‘jaligi vazirligi, “O‘zsuvqurilish” davlat konserni va Davlat tabiatni muhofaza qilish qo‘mitasi “O‘zbekneftgaz” korporatsiyasi buyurtmasi bo‘yicha Sirdaryoning “Mingbuloq” koniga tutash joylaridagi qirg‘oqlarini himoya qilish va mustahkamlash bo‘yicha chora-tadbirlarni ishlab chiqsinlar hamda 1996-yil oxirigacha ularni amalga oshirsinlar.
9. “O‘zbekneftgaz” milliy korporatsiyasi Davlat tabiatni muhofaza qilish qo‘mitasi bilan birgalikda Norin yer osti chuchuk suv manbaini va Sirdaryo suvini neft mahsulotlari bilan ifloslanishdan muhofaza qilishni ta’minlash chora-tadbirlarini ishlab chiqsin va amalga oshirsin.
10. Vazirlar Mahkamasining “Namangan viloyatining Mingbuloq konida otilib chiqqan neftni jilovlash, aholini ijtimoiy himoya qilish va bu mintaqada tabiiy resurslardan samarali foydalanish bo‘yicha kechiktirib bo‘lmaydigan chora-tadbirlar to‘g‘risida 1992-yil 18-martdagi 135-son qarori o‘z kuchini yo‘qotgan deb hisoblansin.