Oʻzbekiston Respublikasi Oliy Majlisining Qonunchilik palatasi qror qiladi:

1. Oʻzbekiston Respublikasi Oliy Majlisi Qonunchilik palatasining deputatlari Dj. Shirinov, Sh. Xolmaxamatova, U. Shermatov, M. Axmedova, S. Utemuratova, Sh. Yakubov va M. Istamov tomonidan 2025-yil 29-yanvarda kiritilgan “Oʻzbekiston Respublikasida fuqarolarning vijdon erkinligini taʼminlash va diniy sohadagi davlat siyosati konsepsiyasini tasdiqlash toʻgʻrisida”gi QL–45-sonli Oʻzbekiston Respublikasi qonuni loyihasi birinchi oʻqishda qabul qilinsin.

2. Oʻzbekiston Respublikasida fuqarolarning vijdon erkinligini taʼminlash va diniy sohadagi davlat siyosati konsepsiyasi loyihasi hamda uni tasdiqlash toʻgʻrisidagi qonun loyihasi matnlari jamoatchilik muhokamasi uchun Oʻzbekiston Respublikasi Oliy Majlisi Qonunchilik palatasining rasmiy veb-saytiga joylashtirilsin.

3. Oʻzbekiston Respublikasi Oliy Majlisi Qonunchilik palatasining Xalqaro ishlar, mudofaa va xavfsizlik masalalari qoʻmitasi kelib tushgan tuzatishlarni hisobga olgan holda mazkur qonun loyihasini bir oy ichida maromiga yetkazsin va ikkinchi oʻqishda Qonunchilik palatasi muhokamasiga kiritsin.

4. Ushbu Qaror qabul qilingan kundan eʼtiboran kuchga kiradi.