Oʻzbekiston Respublikasi Adliya vazirligi tomonidan 1995-yil 26-dekabrda 203-son bilan Oʻzbekiston Respublikasi Markaziy banki tomonidan tasdiqlangan Oʻzbekiston Respublikasida valyuta operatsiyalarini amalga oshirish Qoidalari davlat roʻyxatidan oʻtkazilgan. Ushbu Qoidalarning barcha normalari keyinchalik davlat roʻyxatidan oʻtkazilgan Oʻzbekiston Respublikasi valyuta bozorida operatsiyalarni amalga oshirish Tartibi (1998-yil 3-avgustda 467-son bilan roʻyxatdan oʻtkazilgan), Vakolatli banklar tomonidan Oʻzbekiston Respublikasi, milliy valyutasida norezidentlar hisobvaraqlarini yuritish Tartibi (1998-yil 22-oktabrda 510-son bilan roʻyxatdan oʻtkazilgan), Vakolatli banklar tomonidan chet el valyutasida hisobvaraqlarni yuritish Tartibi (1998-yil 22-oktabrda 511-son bilan roʻyxatdan oʻtkazilgan) va Oʻzbekiston Respublikasi banklarida ochiladigan bank hisobvaraqlari toʻgʻrisidagi Yoʻriqnomaning (1998-yil 18-noyabrda 539-son bilan roʻyxatdan oʻtkazilgan) normalarini takrorlaganligi va ikkita yoki undan ortiq. bir hil mazmundagi meʼyoriy hujjatlarni amalda boʻlishiga yoʻl qoʻyilmasligini inobatga olgan holda Sizdan Oʻzbekiston Respublikasi Adliya vazirligi tomonidan 1995-yil 26-dekabrda 203-son bilan davlat roʻyxatidan oʻtkazilgan Oʻzbekiston Respublikasida valyuta operatsiyalarini amalga oshirish Qoidalarini davlat reyestridan chiqarishga ruxsat berishingizni soʻrayman.