Oʻzbekiston Respublikasi Oliy Majlisining Qonunchilik palatasi qaror qiladi:

Oʻzbekiston Respublikasi Oliy Majlisi Qonunchilik palatasi majlisining quyidagi kun tartibi tasdiqlansin:

1. “Investitsiyalar va investitsiya faoliyati toʻgʻrisida”gi QL-1203-sonli Oʻzbekiston Respublikasi qonuni loyihasi haqida (ikkinchi oʻqish).

2. “Oʻzbekiston Respublikasining Mehnat kodeksiga oʻzgartirish va qoʻshimchalar kiritish toʻgʻrisida”gi QL-1218-sonli Oʻzbekiston Respublikasi qonuni loyihasi haqida (ikkinchi oʻqish).

3. “Kichik va oʻrta biznesni moliyaviy qoʻllab-quvvatlash tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi QL-1223-sonli Oʻzbekiston Respublikasi qonuni loyihasi haqida (ikkinchi oʻqish).

4. “Oʻzbekiston Respublikasi fuqarolarini, chet el fuqarolarini hamda fuqaroligi boʻlmagan shaxslarni yashash joyi va turgan joyi boʻyicha roʻyxatdan oʻtkazish toʻgʻrisida”gi QL-1153-sonli Oʻzbekiston Respublikasi qonuni loyihasi haqida (“Oʻzbekiston Respublikasi fuqarolari, chet el fuqarolari va fuqaroligi boʻlmagan shaxslarning yashash joyi boʻyicha roʻyxatdan oʻtishi va turar joyi boʻyicha xabardor qilishi tartibi toʻgʻrisida”) (ikkinchi oʻqish).

5. “Pasport tizimi qoidalarini buzganlik uchun javobgarlik liberallashtirilishi munosabati bilan Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartirishlar kiritish haqida”gi QL-1114-sonli Oʻzbekiston Respublikasi qonuni loyihasi toʻgʻrisida (“Oʻzbekiston Respublikasining Maʼmuriy javobgarlik toʻgʻrisidagi kodeksiga migratsiya va fuqarolikni rasmiylashtirish sohasini takomillashtirishga qaratilgan oʻzgartirishlar kiritish haqida”) (ikkinchi oʻqish).

6. QL-1114 va QL-1153-sonli Oʻzbekiston Respublikasi qonunlari loyihalarini birlashtirish toʻgʻrisida.

7. “Oʻzbekiston Respublikasi fuqarolarini, chet el fuqarolarini hamda fuqaroligi boʻlmagan shaxslarni yashash joyi va turgan joyi boʻyicha roʻyxatdan oʻtkazish toʻgʻrisida”gi Oʻzbekiston Respublikasi Qonuni haqida.

8. “Banklarni sanatsiya qilish va tugatish toʻgʻrisida”gi QL-1209-sonli Oʻzbekiston Respublikasi qonuni loyihasi haqida (birinchi oʻqish).

9. “Iqtisodiy jinoyatlarga qarshi kurashish tizimi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi QL-1224-sonli Oʻzbekiston Respublikasi qonuni loyihasi haqida (birinchi oʻqish).

10. “Oʻzbekiston Respublikasining ayrim qonun hujjatlariga hayvonot va oʻsimlik dunyosining muhofazasini kuchaytirishga qaratilgan qoʻshimcha va oʻzgartirishlar kiritish toʻgʻrisida”gi QL-1229-sonli Oʻzbekiston Respublikasi qonuni loyihasi haqida (birinchi oʻqish).

11. “Nodavlat umumiy oʻrta taʼlim jarayoniga tadbirkorlik subyektlarini jalb qilish va ijtimoiy himoyaga muhtoj shaxslarni qoʻllab-quvvatlash maqsadida Oʻzbekiston Respublikasining Soliq kodeksiga oʻzgartirishlar va qoʻshimcha kiritish toʻgʻrisida”gi QL-1230-sonli Oʻzbekiston Respublikasi qonuni loyihasi haqida (birinchi oʻqish).

12. “Oʻzbekiston Respublikasi Soliq kodeksining 483-moddasiga qoʻshimcha kiritish toʻgʻrisida”gi QL-1240-sonli Oʻzbekiston Respublikasi qonuni loyihasi haqida (birinchi oʻqish).

13. QL-1230 va QL-1240-sonli Oʻzbekiston Respublikasi qonunlari loyihalarini birlashtirish toʻgʻrisida.

14. “Oʻzbekiston Respublikasining Soliq kodeksiga oʻzgartirishlar va qoʻshimcha kiritish toʻgʻrisida”gi Oʻzbekiston Respublikasi Qonuni haqida.

15. “Voyaga yetmaganlar oʻrtasida huquqbuzarliklar profilaktikasi tizimi takomillashtirilganligi munosabati bilan Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish haqida”gi QL-1233-sonli Oʻzbekiston Respublikasi qonuni loyihasi toʻgʻrisida (birinchi oʻqish).

16. “Oʻzbekiston Respublikasining ayrim qonun hujjatlariga jonli ijro sanʼatini yanada rivojlantirishga qaratilgan qoʻshimcha va oʻzgartirishlar kiritish toʻgʻrisida”gi QL-1237-sonli Oʻzbekiston Respublikasi qonuni loyihasi haqida (birinchi oʻqish).

17. “Oʻzbekiston Respublikasi Qurolli Kuchlari va huquqni muhofaza qiluvchi organlar xizmat faoliyatiga oid masalalarni tartibga solish munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi QL-1238-sonli Oʻzbekiston Respublikasi qonuni loyihasi haqida (birinchi oʻqish).

18. “Davlat boji toʻgʻrisida”gi Oʻzbekiston Respublikasi Qonunining 8 va 9-moddalariga oʻzgartirish va qoʻshimchalar kiritish haqida”gi QL-1239-sonli Oʻzbekiston Respublikasi qonuni loyihasi toʻgʻrisida (birinchi oʻqish).

19. QL-1227 va QL-1239-sonli Oʻzbekiston Respublikasi qonunlari loyihalarini birlashtirish toʻgʻrisida.

20. “Davlat boji toʻgʻrisida”gi Oʻzbekiston Respublikasi Qonuniga qoʻshimcha va oʻzgartirishlar kiritish haqida”gi Oʻzbekiston Respublikasi Qonuni toʻgʻrisida.

21. “Yaylov yerlaridan samarali foydalanish, ularda ozuqabop ekinlarni yetishtirish hamda pillachilik sohasini rivojlantirish maqsadida yangi tutzorlarni barpo etish, shuningdek sohada klaster tizimi asosida ish oʻrinlarini yaratish borasida amalga oshirilayotgan ishlar toʻgʻrisida”gi Oʻzbekiston Respublikasi Oliy Majlisi Qonunchilik palatasining parlament soʻroviga Oʻzbekiston Respublikasi qishloq xoʻjaligi vaziri I. Abduraxmonovning javobi haqida.

22. “Oliy taʼlim muassasalari va ularning qoshida “spin-off” tajriba ishlab chiqarish korxonalarini samarali tashkil etish borasida amalga oshirilayotgan ishlar toʻgʻrisida”gi Oʻzbekiston Respublikasi Oliy Majlisi Qonunchilik palatasining parlament soʻroviga Oʻzbekiston Respublikasi oliy taʼlim, fan va innovatsiyalar vaziri K. Sharipovning javobi haqida.