Oʻzbekiston Respublikasining Shaharsozlik kodeksiga muvofiq buyuraman:

1. SHNQ 2.03.16-23 “Sovuq holda bukilgan rux qoplamali profillar va gofrali listlardan yupqa devorli poʻlat konstruksiyalar” shaharsozlik normalari va qoidalariga (hisob raqami 242, 2024-yil 2-aprel) ilovaga muvofiq oʻzgartirishlar va qoʻshimcha kiritilsin.

2. Mazkur buyruq Oʻzbekiston Respublikasi Favqulodda vaziyatlar vazirligi, Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi, Fanlar akademiyasi hamda “Oʻzsanoatqurilishmateriallari” uyushmasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. Muqaddimaning birinchi va ikkinchi xatboshilari quyidagi tahrirda bayon etilsin:

“Mazkur shaharsozlik normalari va qoidalari (bundan buyon matnda SHNQ deb yuritiladi) yupqa devorli sovuq holda bukilgan rux qoplamali profillar va gofrali listlardan qurilgan bino va inshootlarning konstruksiyalarini hisoblash va ularni loyihalashga oid talablarni belgilaydi.

Ushbu SHNQning talablari sovuq holda bukilgan rux qoplamali profillar va gofrali listlardan yupqa devorli poʻlat konstruksiyalardan quriladigan hamda minus 40°C dan kam boʻlmagan va plyus 100°C dan koʻp boʻlmagan haroratli noagressiv yoki kam agressiv muhitda foydalaniladigan, shuningdek QMQ 2.01.03-19 ga muvofiq masʼullik toifasi V boʻlgan bino yoki inshootlarni loyihalashga nisbatan tatbiq etiladi.”.

2. 1-bandda:

1) uchinchi xatboshidagi “SHNQ 2.03.05-13 “Poʻlat konstruksiyalar. Loyihalash meʼyorlari” degan soʻzlar “SHNQ 2.03.05-23 “Poʻlat konstruksiyalar. Loyihalash talablari” degan soʻzlar bilan almashtirilsin;

2) beshinchi xatboshidagi “QMQ 2.01.07-96 “Yuklar va taʼsirlar” degan soʻzlar “SHNQ 2.01.07-21 “Yuklamalar va taʼsirlar” degan soʻzlar bilan almashtirilsin.

3. 3-bandda:

1) “SHNQ 2.03.05-13da” degan soʻzlar “SHNQ 2.03.05-23da” degan soʻzlar bilan almashtirilsin;

2) quyidagi mazmundagi xatboshi bilan toʻldirilsin:

“Ushbu SHNQnng talablari asosida bino va inshootlarni seysmik hududlarda loyihalash va qurishni QMQ 2.01.03-19 talablariga muvofiq amalga oshirilishi lozim.”.

4. 6-banddagi “SHNQ 2.03.05-13, QMQ 2.01.07-96 larga” degan soʻzlar “SHNQ 2.03.05-23, SHNQ 2.01.07-21 larga” degan soʻzlar bilan almashtirilsin.

5. 12-bandning birinchi xatboshisi, 32, 35, 42 va 186-bandlardagi “SHNQ 2.03.05-13” degan soʻzlar “SHNQ 2.03.05-23” degan soʻzlar bilan almashtirilsin.

6. 15-bandning birinchi xatboshisi, 23, 58-bandlar va 200-bandning beshinchi xatboshisidagi “SHNQ 2.03.05-13ga” degan soʻzlar “SHNQ 2.03.05-23ga” degan soʻzlar bilan almashtirilsin.

7. 30-bandning beshinchi xatboshisidagi “QMQ 2.01.07-96 hamda SHNQ 2.03.05-13” degan soʻzlar “SHNQ 2.01.07-21 hamda SHNQ 2.03.05-23” degan soʻzlar bilan almashtirilsin.

8. 70-bandning oʻn toʻrtinchi xatboshisi hamda 229-banddagi “QMQ 2.01.07-96” degan soʻzlar “SHNQ 2.01.07-21” degan soʻzlar bilan almashtirilsin.

9. 242-bandning toʻqqizinchi, oʻninchi hamda oʻn beshinchi xatboshilari va 264-bandning toʻrtinchi xatboshisidagi “SHNQ 2.03.05-13 ning” degan soʻzlar “SHNQ 2.03.05-23 ning” degan soʻzlar bilan almashtirilsin.

10. 14-ilovaning matnidagi “QMQ 2.01.07-96 va SHNQ 2.03.05-13 ga” degan soʻzlar “SHNQ 2.01.07-21 va SHNQ 2.03.05-23 ga” degan soʻzlar bilan almashtirilsin.