Oʻzbekiston Respublikasi Oliy Majlisining Qonunchilik palatasi tomonidan 2024-yil 27-fevralda qabul qilingan, 2024-yil 30-martda Oʻzbekiston Respublikasi Oliy Majlisining Senati tomonidan maʼqullangan va 2024-yil 19-iyunda Oʻzbekiston Respublikasi Prezidenti tomonidan qaytarilgan “Telekommunikatsiyalar toʻgʻrisida”gi Oʻzbekiston Respublikasi Qonunini qayta koʻrib chiqib, Oʻzbekiston Respublikasi Oliy Majlisi Qonunchilik palatasi Reglamenti 168-moddasining ikkinchi qismiga muvofiq Oʻzbekiston Respublikasi Oliy Majlisining Qonunchilik palatasi qaror qiladi:

1. “Telekommunikatsiyalar toʻgʻrisida”gi Oʻzbekiston Respublikasi Qonuni ustidagi ishlar Oʻzbekiston Respublikasi Prezidentining Qonunni yanada maromiga yetkazishni taqozo etadigan takliflari va mulohazalari inobatga olingan holda, ikkinchi oʻqish tartib-taomilidan boshlab davom ettirilsin.

2. Oʻzbekiston Respublikasi Oliy Majlisi Qonunchilik palatasining Innovatsion rivojlanish, axborot siyosati va axborot texnologiyalari masalalari qoʻmitasi “Telekommunikatsiyalar toʻgʻrisida”gi Oʻzbekiston Respublikasi qonuni loyihasini bir oy ichida maromiga yetkazsin va Oʻzbekiston Respublikasi Oliy Majlisining Qonunchilik palatasi muhokamasiga kiritsin.

3. Ushbu Qaror qabul qilingan kundan eʼtiboran kuchga kiradi.