“Chet el investitsiyalari va chet ellik investorlar faoliyatining kafolatlari toʻgʻrisida”, “Sugʻurta toʻgʻrisida” Oʻzbekiston Respublikasi qonunlari, Oʻzbekiston Respublikasi Vazirlar Mahkamasining “Oʻzbekiston Respublikasida investitsiyalarning sugʻurta himoyasini taʼminlashga oid chora-tadbirlar toʻgʻrisida” 1994-yil 13-apreldagi 206-son qaroriga muvofiq, mamlakatimiz va chet el investorlarining iqtisodiy manfaatlarini himoya qilishni taʼminlash, shuningdek, Oʻzbekiston Respublikasida sugʻurtaning zamonaviy tizimini rivojlantirish maqsadida Vazirlar Mahkamasi qaror qiladi:

1. “Amerikan Interneshnl Grup” (“AIG”) bilan:

a) ustav sarmoyasi 100 mln AQSH dollari boʻlgan, shu jumladan:

“Oʻzbekinvest” ulushi — 80 mln AQSH dollarini,

“AIG” ulushi 20 mln AQSH dollarini tashkil qiladigan siyosiy tavakkalchiliklardan sugʻurta qilish “Oʻzbekinvest Interneshnl” qoʻshma kompaniyasi;

b) Ustav sarmoyasi 500 ming AQSH dollari boʻlgan, shu jumladan:

“Oʻzbekinvest” ulushi — 245 ming AQSH dollarini,

“AIG” ulushi — 255 ming AQSH dollarini tashkil qiladigan “AIG” — Oʻzbekinvest” qoʻshma obunaviy agentligi;

v) ustav sarmoyasi 2 mln AQSH dollari boʻlgan, shu jumladan:

“AIG” ulushi — 1020 ming AQSH dollarini,

Milliy bank ulushi — 980 ming AQSH dollarini tashkil qiladigan tavakkalchiliklaridan sugʻurta qilish boʻyicha Oʻzbekiston — Amerika qoʻshma sugʻurta kompaniyasi (“OʻZ-AIG”) tashkil etilsin.

2. Quyidagilar asosiy vazifalari etib belgilansin:

“Oʻzbekinvest Interneshnl” kompaniyasining Oʻzbekiston Respublikasiga yoʻnaltirilayotgan xususiy chet el investitsiyalarini siyosiy tavakkalchiliklardan sugʻurtaviy himoya qilishni taʼminlash;

“AIG—Oʻzbekinvest” obunaviy agentligining sugʻurta shartnomalarini ekspertiza qilish va tuzish boʻyicha “Oʻzbekinvest Interneshnl” kompaniyasining agentligi funksiyalarini amalga oshirish;

“Oʻz-AIG” kompaniyasiniki — Oʻzbekiston Respublikasida tijorat tavakkalchiliklarini umumiy sugʻurta qilish hamda chet ellik va mamlakatimiz investorlari hayotini sugʻurta qilish sohasida sugʻurta xizmatlari, garovga qoʻyilgan mulkni majburiy sugʻurtalash ham, shu jumladan erkin muomaladagi valyutadagi toʻlov bilan koʻrsatish.

4. Oʻzbekiston Respublikasi Moliya vazirligi “Oʻzbekinvest Interneshnl” kompaniyasi va “AIG-Oʻzbekinvest” obunaviy agentligini, roʻyxatdan oʻtkazilgandan keyin 30 kun mobaynida ularning ustav sarmoyalariga badallar summasining 5 foizi miqdorida dastlabki ulush toʻlovini hamda ustav sarmoyasidagi “Oʻzbekinvest” ulushini qolganini teng miqdordagi ulushlar bilan bir yil mobaynida Respublika valyuta fondi hisobidan toʻlasin.

Oʻzbekiston Respublikasi Tashqi iqtisodiy faoliyat milliy banki “Oʻz-AIG” kompaniyasining ustav fondidagi oʻz ulushini bankning daromadlari hisobidan toʻlasin.

5. Maʼlumot uchun qabul qilinsinki:

ustav sarmoyasining tuzilmasiga muvofiq “Oʻzbekinvest — Interneshnl” kompaniyasi direktorlari Kengashining 5 aʼzosidan 4 nafari Oʻzbekiston Respublikasi Moliya vazirligi tomonidan tayinlanadi;

“Oʻzbekinvest Interneshnl” kompaniyasi aktivlarini boshqa strategiyasi va shakllari uning direktorlar Kengashi tomonidan belgilanadi.

6. “Oʻz-AIG” kompaniyasi roʻyxatdan oʻtkazilgan sanadan boshlab 5 yil mobaynida daromad soligʻi toʻlashdan ozod qilinsin.

7. “Oʻz-AIG” kompaniyasini Toshkent shahar, Turob Toʻla koʻchasi, 1-uydagi Xalqaro Bank va Moliya Markazi binosiga joylashtirilsin.

8. Oʻzbekiston Respublikasi Moliya vazirligi, Tashqi iqtisodiy aloqalar vazirligi, Tashqi iqtisodiy milliy faoliyat banki, “Oʻzbekinvest” kompaniyasi, yetakchi chet el sugʻurta kompaniyalarini jalb etgan holda, kelgusida qoʻshma sugʻurta kompaniyalarini tashkil qilish ishlarini davom ettirsinlar.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari Oʻ.T. Sultonov B.S. Hamidov zimmasiga yuklansin.