313-сон 31.05.2024. “Temir daftar” orqali ijtimoiy xizmat va yordam koʻrsatish hamda “Saxovat va koʻmak” jamgʻarmasi mablagʻlarini shakllantirish va ulardan foydalanish tartibini takomillashtirish toʻgʻrisida

Oʻzbekiston Respublikasi Vazirlar Mahkamasining qarori, 31.05.2024 yildagi 313-son

Кучга кириш санаси

19.06.2024

Рус

Eng

Ўзб

O’zb

O‘zb|Рус

Hujjat 19.06.2024 sanasi holatiga

Joriy versiya

Oʻzbekiston Respublikasi Vazirlar Mahkamasining

qarori

“Temir daftar” orqali ijtimoiy xizmat va yordam koʻrsatish hamda “Saxovat va koʻmak” jamgʻarmasi mablagʻlarini shakllantirish va ulardan foydalanish tartibini takomillashtirish toʻgʻrisida

Oʻzbekiston Respublikasi Prezidentining “Mahalla institutining jamiyatdagi rolini tubdan oshirish va uning aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida” 2023-yil 21-dekabrdagi PF-209-son Farmoni hamda “Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida” 2023-yil 21-dekabrdagi PQ-402-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Prezidentining “Mahalla institutining jamiyatdagi rolini tubdan oshirish va uning aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida” 2023-yil 21-dekabrdagi PF-209-son Farmoniga muvofiq 2024-yil 1-martdan boshlab:

jismoniy shaxslarni “Temir daftar”, “Yoshlar daftari” va “Ayollar daftari”ga kiritish, shuningdek, ushbu daftarlar hamda Aholini tadbirkorlikka jalb qilish jamgʻarmasi, Bandlikka koʻmaklashish davlat jamgʻarmasi hamda Hunarmandchilik va kasanachilikni qoʻllab-quvvatlash jamgʻarmasi orqali ijtimoiy yordam koʻrsatish va subsidiyalar ajratish “Mahalla yettiligi”ning kollegial qarori asosida amalga oshirilishi;

har oyning 5-sanasiga qadar “Temir daftar”, “Yoshlar daftari” va “Ayollar daftari” uchun mablagʻlarni taqsimlovchi masʼul tashkilotlar tomonidan mazkur jamgʻarmalarda shakllangan mablagʻlar ularga kiritilgan fuqarolar soniga mutanosib ravishda tegishliligi boʻyicha har bir mahalla kesimida taqsimlanishi;

har oyning 5-sanasiga qadar “Temir daftar”, “Yoshlar daftari” va “Ayollar daftari” uchun mablagʻlarni taqsimlovchi masʼul tashkilotlar tomonidan mazkur jamgʻarmalarda shakllangan mablagʻlar tuman (shahar)dagi aholi soni, nogironligi boʻlgan shaxslar soni va Ijtimoiy reyestrga kiritilgan oilalar soniga mutanosib ravishda tegishliligi boʻyicha har bir mahalla kesimida taqsimlanishi;

“Temir daftar” Oʻzbekiston Respublikasi Prezidenti huzuridagi Ijtimoiy himoya milliy agentligi va uning hududiy boʻlinmalari tomonidan yuritilishi;

“Saxovat va koʻmak” jamgʻarmasi tomonidan koʻrsatiladigan yordamlar fuqarolarning ogʻir ijtimoiy ahvolga tushib qolishining oldini olish va shunday vaziyatga tushganlarni ogʻir vaziyatdan chiqarish maqsadida ijtimoiy xodim tomonidan “Mahalla yettiligi”ga koʻrib chiqish uchun kiritilgan holda koʻrsatilishi belgilanganligi maʼlumot uchun qabul qilinsin.

2. 2024-yil 25-iyunga qadar Oʻzbekiston “Mahalla” xayriya jamoat fondi, uning Qoraqalpogʻiston Respublikasi, viloyatlar va Toshkent shahar boʻlimlari hamda tuman va shaharlar boʻlinmalari huzuridagi “Saxovat va koʻmak” jamgʻarmasi tuman (shahar) hokimliklari huzuriga oʻtkazilsin.

Belgilansinki, amaldagi moliyalashtirish manbalarini saqlab qolgan holda, tuman (shahar) hokimliklari huzuridagi “Saxovat va koʻmak” jamgʻarmasi mablagʻlari tuman (shahar) gʻaznachilik boʻlimlarida alohida ochilgan shaxsiy gʻazna hisobvaraqlarida jamlanadi.

3. Oʻzbekiston “Mahalla” xayriya jamoat fondi, uning Qoraqalpogʻiston Respublikasi, viloyatlar va Toshkent shahar boʻlimlari ikki hafta muddatda “Saxovat va koʻmak” jamgʻarmasining maxsus hisobvaraqlaridagi qoldiq mablagʻlar tegishligicha tuman (shahar) hokimliklarining gʻaznachilik boʻlimlarida alohida ochilgan shaxsiy gʻazna hisobvaraqlariga oʻtkazilishini taʼminlasin.

Bunda Oʻzbekiston “Mahalla” xayriya jamoat fondining Qoraqalpogʻiston Respublikasi, viloyatlar va Toshkent shahar boʻlimlari huzuridagi “Saxovat va koʻmak” jamgʻarmasining qoldiq mablagʻlari tuman (shahar) hokimliklarining alohida ochilgan shaxsiy gʻazna hisobvaraqlariga ushbu tuman (shahar)da yashovchi “Ijtimoiy himoya yagona reyestri”ga kiritilgan oilalarning soniga mutanosib ravishda oʻtkaziladi.

2¹. 2025-yil 1-avgustdan boshlab tuman (shahar) hokimliklari huzuridagi “Saxovat va koʻmak” jamgʻarmalari Oʻzbekiston Respublikasi Prezidenti huzuridagi Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari (keyingi oʻrinlarda — hududiy boshqarmalar) huzuriga oʻtkazilsin. Bunda:

amaldagi moliyalashtirish manbalari saqlab qolingan holda, hududiy boshqarmalar huzuridagi “Saxovat va koʻmak” jamgʻarmasi mablagʻlari gʻaznachilik boʻlinmalarida ochiladigan shaxsiy gʻazna hisobvaraqlarida jamlanadi;

hududiy boshqarmalar huzuridagi “Saxovat va koʻmak” jamgʻarmalari uchun ochiladigan shaxsiy gʻazna hisobvaraqlarida jamlangan mablagʻlar Qoraqalpogʻiston Respublikasi, viloyatlar va Toshkent shahridagi tuman (shahar)lar kesimida aholi soni, nogironligi boʻlgan shaxslar soni va Ijtimoiy reyestrga kiritilgan oilalar sonidan kelib chiqqan holda, har bir tuman (shahar) boʻyicha hududiy boshqarmalar uchun gʻaznachilik boʻlinmalarida ochiladigan shaxsiy gʻazna hisobvaraqlariga taqsimlanadi.

4. Quyidagilar:

Ijtimoiy himoyaga muhtoj shaxslar va oilalarga “Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizom 1-ilovaga muvofiq;

Ogʻir ijtimoiy ahvolga tushib qolgan oilalarni “Temir daftar”ga kiritish, hisobini yuritish hamda undan chiqarish tartibi toʻgʻrisidagi nizom 2-ilovaga muvofiq tasdiqlansin.

5. Oʻzbekiston Respublikasi Iqtisodiyot va moliya vazirligi 2024-yil 1-iyuldan boshlab:

Oʻzbekiston Respublikasi Prezidentining “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisida” 2020-yil 24-noyabrdagi PF-6118-son Farmonining 12-bandiga muvofiq kelib tushgan mablagʻlarning “Temir daftar”ga yoʻnaltiriladigan qismi Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan yagona maxsus hisobvaraqda yigʻilishini;

yigʻilgan mablagʻlar tuman (shahar)lardagi aholi soni, “Ijtimoiy himoya yagona reyestri”ga kiritilgan oilalar va nogironligi boʻlgan shaxslar soni hamda “Temir daftar”da roʻyxatga olingan oilalar soniga mutanosib ravishda tuman (shahar) “Saxovat va koʻmak” jamgʻarmasiga avtomatik ravishda taqsimlanishini taʼminlasin.

Bunda Oʻzbekiston Respublikasi Prezidenti huzuridagi Ijtimoiy himoya milliy agentligi chorak boshlanishidan 10 kun avval ushbu bandda belgilangan koʻrsatkichlardan kelib chiqqan holda, tuman va shaharlarga taqsimlanishi lozim boʻlgan mablagʻlar ulushini foiz koʻrinishida Iqtisodiyot va moliya vazirligiga taqdim etib boradi.

5. Yigʻilgan mablagʻlar tuman (shahar)lardagi aholi soni, nogironligi boʻlgan shaxslar soni va Ijtimoiy reyestrga kiritilgan oilalar soniga mutanosib ravishda hududiy boshqarmalar huzuridagi “Saxovat va koʻmak” jamgʻarmasiga avtomatik ravishda taqsimlanishini taʼminlasin.

6. Tuman (shahar) hokimliklari va “Mahalla yettiligi”:

“Saxovat va koʻmak” jamgʻarmasi mablagʻlari hisobidan yordam koʻrsatish masalasi faqat “Inson” ijtimoiy xizmatlar koʻrsatish markazlarining ijtimoiy xodimlari tomonidan keys-menejment asosida oʻtkazilgan oʻrganish yakuni boʻyicha shakllantirilgan tavsiyanoma boʻlgan taqdirda koʻrib chiqilishini;

zarur hollarda “Saxovat va koʻmak” jamgʻarmasidan mahalla fuqarolar yigʻinlari uchun ajratilgan mablagʻlar hisobidan bir kun ichida ijtimoiy himoyaga muhtoj shaxslarga belgilangan tartibda yordam koʻrsatilishini taʼminlasin.

7. Oʻzbekiston Respublikasi Prezidenti huzuridagi Statistika agentligi 2024-yil 1-iyulga qadar “Statistika” integrallashgan axborot tizimining “Yagona milliy ijtimoiy himoya” axborot tizimi (keyingi oʻrinlarda — “Ijtimoiy himoya” AT) bilan integratsiya qilinishini taʼminlasin.

8. Oʻzbekiston Respublikasi Prezidenti huzuridagi Ijtimoiy himoya milliy agentligi:

2024-yil 31-iyulga qadar “Ijtimoiy himoya” AT orqali “Temir daftar”ga kiritish va “Saxovat va koʻmak” jamgʻarmasi mablagʻlari hisobidan yordam koʻrsatish bilan bogʻliq tartib-taomillarni;

2024-yil 1-avgustga qadar jismoniy va yuridik shaxslar tomonidan “Temir daftar”ga kiritilgan oilalarni qoʻllab-quvvatlash va ijtimoiy himoyaga muhtoj oilalarga manzilli xayriya qilinishini taʼminlash maqsadida kraudfanding tizimini joriy etsin hamda “Ijtimoiy himoya” ATda kraudfanding faoliyati bilan bogʻliq tartib-taomillarni amalga oshirish imkoniyatlarini yaratsin;

2024-yil 1-oktabrga qadar “Saxovat va koʻmak” jamgʻarmasi mablagʻlari hisobidan koʻrsatilayotgan ijtimoiy yordamlarni “Ijtimoiy karta” orqali moliyalashtirish tartibini joriy etish boʻyicha Vazirlar Mahkamasiga taklif kiritsin.

9. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

10. Oʻzbekiston Respublikasi Hukumatining 4-ilovaga muvofiq ayrim hujjatlari oʻz kuchini yoʻqotgan deb hisoblansin.

11. Oʻzbekiston Respublikasi Prezidenti huzuridagi Ijtimoiy himoya milliy agentligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 31-may,

313-son

Vazirlar Mahkamasining 2024-yil 31-maydagi 313-son qaroriga
1-ILOVA

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisida

NIZOM

1-bob. Umumiy qoidalar

1. Mazkur Nizom ijtimoiy himoyaga muhtoj shaxslar va oilalarga “Saxovat va koʻmak” jamgʻarmasi mablagʻlari hisobidan yordam koʻrsatish tartibini belgilaydi.

2. “Saxovat va koʻmak” jamgʻarmasi tuman (shahar) hokimliklari huzurida yuridik shaxs maqomiga ega boʻlmagan holda tashkil etiladi va uning mablagʻlari tuman (shahar) gʻaznachilik boʻlimlarida alohida ochilgan shaxsiy gʻazna hisobvaraqlarida yigʻiladi.

3. “Saxovat va koʻmak” jamgʻarmasi mablagʻlari hisobidan yordamlar koʻrsatish fuqarolarning ogʻir ijtimoiy ahvolga tushib qolishining oldini olish va shunday vaziyatga tushganlarni ogʻir ijtimoiy vaziyatdan chiqarish maqsadida yordam koʻrsatiladi.

4. “Saxovat va koʻmak” jamgʻarmasi mablagʻlaridan ijtimoiy yordam koʻrsatiladigan shaxslar va oilalar ularning murojaati yoki bevosita “Inson” ijtimoiy xizmatlar markazlarining ijtimoiy xodimlari tomonidan keys-menejment usulidan foydalangan holda oʻtkaziladigan oʻrganishlar natijalari boʻyicha aniqlanadi.

2-bob. “Saxovat va koʻmak” jamgʻarmasi mablagʻlarini shakllantirish

5. “Saxovat va koʻmak” jamgʻarmasi quyidagi manbalar hisobidan shakllantiriladi:

Qoraqalpogʻiston Respublika Joʻqorgʻi Kengesi, xalq deputatlari viloyatlar va Toshkent shahar Kengashlarining qaroriga asosan Qoraqalpogʻiston Respublikasi respublika budjeti, viloyatlar viloyat budjeti va Toshkent shahrining shahar budjeti qoʻshimcha manbalari hisobidan ajratiladigan mablagʻlar;

tumanlar (shaharlar) xalq deputatlari Kengashlari qaroriga asosan tumanlar (shaharlar) budjetlarining qoʻshimcha manbalari hisobidan har chorakda ajratiladigan mablagʻlar;

kraudfanding mexanizmlari orqali kelib tushgan mablagʻlar;

xorijiy (xalqaro) moliya institutlari va boshqa xorijiy donorlarning texnik koʻmaklari va grantlari;

jismoniy va yuridik shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar.

Oʻzbekiston Respublikasi Prezidenti va Vazirlar Mahkamasining hujjatlari bilan “Saxovat va koʻmak” jamgʻarmasiga maqsadli mablagʻlar ajratilgan taqdirda, ushbu mablagʻlar faqat shu maqsadlar uchun sarflanadi.

6. Mazkur Nizomning 5-bandi toʻrtinchi xatboshisida nazarda tutilgan mablagʻlar Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus hisobvaraqda jamlanadi hamda har chorakda Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) tomonidan quyidagi koʻrsatkichlarga muvofiq taqdim etiladigan foizlarga asosan tuman (shahar) hokimliklari huzuridagi “Saxovat va koʻmak” jamgʻarmalariga avtomatik ravishda taqsimlanadi:

25 foizi — tumanlar (shaharlar)dagi aholi soni;

25 foizi — tumanlar (shaharlar)da yashovchi nogironligi boʻlgan shaxslar soni;

25 foizi — “Ijtimoiy himoya yagona reyestri”ga kiritilgan oilalar soni;

25 foizi — “Temir daftar”ga kiritilgan oilalar soniga qarab.

Bunda Agentlik tomonidan mazkur bandda nazarda tutilgan maʼlumotlar Oʻzbekiston Respublikasi Prezidenti huzuridagi Statistika agentligining “Statistika” integrallashgan axborot tizimi va “Yagona milliy ijtimoiy himoya” axborot tizimi (keyingi oʻrinlarda — “Ijtimoiy himoya” AT)dan olinadi.

7. Mazkur Nizomning 6-bandida belgilangan koʻrsatkichlar boʻyicha ajratiladigan mablagʻlar miqdoriga Oʻzbekiston Respublikasi Prezidentining 2022-yil 30-dekabrdagi PF-287-son Farmoni bilan tasdiqlangan Ixtisoslashuvi hamda kichik biznes uchun mavjud sharoitdan kelib chiqib toifalarga ajratilgan Oʻzbekiston Respublikasi shahar va tumanlarining roʻyxatiga muvofiq tuman (shahar)ning ixtisoslashuvi hamda kichik biznes uchun mavjud sharoitdan kelib chiqqan holda belgilangan toifasi boʻyicha quyidagi tuzatish koeffitsiyentlari qoʻllaniladi:

1-toifadagi tuman (shaharlar) uchun — 0,85;

2-toifadagi tuman (shaharlar) uchun — 0,95;

3-toifadagi tuman (shaharlar) uchun — 1,03;

4-toifadagi tuman (shaharlar) uchun — 1,06;

5-toifadagi tuman (shaharlar) uchun — 1,1.

8. Har oyning 5-sanasiga qadar tuman (shahar) iqtisodiyot va moliya boʻlimi hamda “Inson” ijtimoiy xizmatlar markazi tomonidan oldingi oyda “Saxovat va koʻmak” jamgʻarmasida shakllangan mablagʻlarni (avvalgi oylardan oʻtuvchi qoldiqlarni inobatga olgan holda) quyidagi koʻrsatkichlardan kelib chiqqan holda, mutanosib ravishda tumanlar (shaharlar)dagi mahalla fuqarolar yigʻinlari boʻyicha taqsimlaydi:

25 foizi — mahalla fuqarolar yigʻinidagi aholi soni;

25 foizi — mahalla fuqarolar yigʻinida yashovchi nogironligi boʻlgan shaxslar soni;

25 foizi — mahalla fuqarolar yigʻinida yashovchi “Ijtimoiy himoya yagona reyestri”ga kiritilgan oilalar soni;

25 foizi — mahalla fuqarolar yigʻinida yashovchi “Temir daftar”ga kiritilgan oilalar soni.

Mazkur bandda belgilangan koʻrsatkichlar boʻyicha maʼlumotlar ushbu Nizomning 6-bandida belgilangan tartibda olinadi.

Mahalla fuqarolar yigʻinlari boʻyicha taqsimlangan mablagʻlarga doir maʼlumotlar “Ijtimoiy himoya” ATga “Inson” ijtimoiy xizmatlar markazlari tomonidan kiritib boriladi.

9. Xalq deputatlari tuman (shahar) Kengashlari mazkur Nizomning 8-bandiga muvofiq taqsimlanadigan mablagʻlar miqdorini tuman (shahar) iqtisodiyot va moliya boʻlimlari hamda “Inson” ijtimoiy xizmatlar markazlari tashabbusiga koʻra mahalla fuqarolar yigʻinlarining ijtimoiy-iqtisodiy holatidan kelib chiqib, “Saxovat va koʻmak” jamgʻarmasida shakllangan umumiy mablagʻlar doirasida kamaytirish yoki koʻpaytirish huquqiga ega.

3-bob. “Saxovat va koʻmak” jamgʻarmasi mablagʻlari hisobidan koʻrsatiladigan yordamlar

10. “Saxovat va koʻmak” jamgʻarmasi mablagʻlari hisobidan quyidagi dasturlar boʻyicha yordam koʻrsatiladi:

ogʻir va uzoq vaqt davolanish talab etiladigan kasallikka chalingan oilalarga yordam koʻrsatish dasturi;

birinchi darajali ehtiyojlarni qoplashga koʻmaklashish dasturi;

uy-joy sharoitiga ega boʻlmagan oilalarni qoʻllab-quvvatlash dasturi;

isitish taʼminotidan uzilgan oilalarga yordam koʻrsatish dasturi.

11. Mazkur Nizomning 10-bandida nazarda tutilgan dasturlar boʻyicha quyidagi yordamlar koʻrsatiladi:

a) ogʻir va uzoq vaqt davolanish talab etiladigan kasallikka chalingan oilalarga yordam koʻrsatish dasturi doirasida:

bazaviy hisoblash miqdorining (keyingi oʻrinlarda — BHM) 10 baravarigacha boʻlgan miqdorda dori-darmon bilan taʼminlash xarajatlarini qoplash;

BHMning 50 baravarigacha boʻlgan miqdorda davolanish xarajatlarini (yashash va yoʻl xarajati bilan birga) qoplash.

Bunda dori-darmon bilan taʼminlash xarajatlarini qoplash uchun bitta oilaga bir yilda ikki marta, davolanish xarajatlarini qoplash uchun esa bir yilda bir marta yordam koʻrsatilishi mumkin. BHMning 5 baravarigacha boʻlgan mablagʻlar ijtimoiy himoyaga muhtoj shaxsning bank plastik kartasiga oʻtkazib beriladi, qolgan holatlarda esa tegishli mablagʻlar shartnoma asosida oʻtkaziladi;

b) birinchi darajali ehtiyojlarni qoplashga koʻmaklashish dasturi doirasida BHMning 1 baravari miqdorida oziq-ovqat, 5 baravarigacha miqdorida kiyim-kechak va boshqa eng zarur tovarlar bilan taʼminlash xarajatlarini qoplash. Bunda oziq-ovqat bilan taʼminlash xarajatlarini qoplash bir chorakda bir marta, kiyim-kechak bilan taʼminlash xarajatlarini qoplash esa bir yilda ikki marta belgilanishi mumkin hamda mablagʻlar ijtimoiy himoyaga muhtoj shaxsning bank plastik kartasiga oʻtkaziladi yoki shartnoma asosida natura koʻrinishida beriladi;

v) uy-joy sharoitiga ega boʻlmagan oilalarni qoʻllab-quvvatlash dasturi doirasida:

olti oy davomida har oyda ijara shartnomasining 50 foizi, biroq BHMning 4 baravaridan oshmagan miqdorda vaqtincha boshpana uchun xarajatlarni (ijara toʻlovini toʻliq yoki bir qismini) qoplash;

BHMning 50 baravarigacha boʻlgan miqdorda faqat bir marotaba uy-joyini taʼmirlash, shu jumladan, oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning yashash sharoitini moslashtirish xarajatlarini qoplash. Bunda ushbu kichik bandda nazarda tutilgan mablagʻlar ijtimoiy himoyaga muhtoj shaxsning bank plastik kartasiga yoki shartnoma asosida oʻtkazib beriladi;

g) isitish taʼminotidan uzilgan oilalarga yordam koʻrsatish dasturi doirasida:

bir yilda koʻpi bilan ikki marotaba kuz-qish mavsumida (1-oktabrdan 15-martga qadar) BHMning 1 baravarigacha boʻlgan miqdorda kommunal xarajatlarni qoplash;

kuz-qish mavsumida BHMning 2 baravarigacha boʻlgan miqdorda koʻmir bilan taʼminlash xarajatlarini qoplash.

Ushbu kichik bandda nazarda tutilgan mablagʻlar ijtimoiy himoyaga muhtoj shaxsning bank plastik kartasiga yoki taʼminot korxonalariga toʻgʻridan-toʻgʻri oʻtkazib beriladi.

Mazkur bandda nazarda tutilgan mablagʻlar miqdori Qoraqalpogʻiston Respublikasi respublika budjetining, viloyatlar va Toshkent shahar mahalliy budjetining hamda tumanlar (shaharlar) budjetlarining qoʻshimcha manbalari hisobidan koʻpaytirilishi mumkin.

12. “Saxovat va koʻmak” jamgʻarmasi mablagʻlari Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari, farmoyishlari va topshiriqlariga koʻra ushbu Nizomning 11-bandida nazarda tutilmagan boshqa maqsadlarga ham yoʻnaltirilishi mumkin.

4-bob. “Saxovat va koʻmak” jamgʻarmasi mablagʻlaridan foydalanish tartibi

13. “Saxovat va koʻmak” jamgʻarmasi mablagʻlaridan foydalanish quyidagi uch bosqichda amalga oshiriladi:

birinchi bosqichda — ijtimoiy himoyaga muhtoj shaxs yoki oilaning ahvoli keys-menejment asosida oʻrganiladi hamda unga “Saxovat va koʻmak” jamgʻarmasi mablagʻlari hisobidan yordam koʻrsatish boʻyicha tavsiya shakllantiriladi;

ikkinchi bosqichda — keys-menejment natijasi boʻyicha shakllantirilgan tavsiya asosida yordam koʻrsatish “Mahalla yettiligi” tomonidan kollegial tarzda koʻrib chiqiladi va tegishli qaror qabul qilinadi. Bunda “Mahalla yettiligi”ning yigʻilishlari har oyda ikki marta — oyning 15 va oxirgi sanasigacha oʻtkaziladi, kechiktirib boʻlmaydigan hollar bundan mustasno;

uchinchi bosqichda — “Mahalla yettiligi”ning yordam koʻrsatish toʻgʻrisidagi kollegial qarori asosida tuman (shahar) hokimligi tomonidan “Saxovat va koʻmak” jamgʻarmasi hisobidan tegishli mablagʻlar ajratiladi.

14. Ijtimoiy xodim tomonidan birinchi bosqich doirasida ijtimoiy himoyaga muhtoj shaxs yoki oilaning ahvoli quyidagi asoslar boʻyicha keys-menejment asosida oʻrganib chiqiladi:

ijtimoiy himoyaga muhtoj shaxsning murojaati;

ijtimoiy xodim tomonidan xonadonma-xonadon yurish natijasida.

15. Elektron axborot almashish tizimlari orqali quyidagi holatlar tasdiqlangandan soʻng keys-menejment oʻtkazish natijasida ijtimoiy himoyaga muhtoj shaxsga (oilaga) “Saxovat va koʻmak” jamgʻarmasi hisobidan ushbu Nizomning 11-bandida nazarda tutilgan yordamlarni koʻrsatish toʻgʻrisida ijtimoiy xodim tomonidan “Ijtimoiy himoya” AT orqali tavsiyanoma shakllantiriladi:

a) oʻrganilayotgan oila “Ijtimoiy himoya yagona reyestri”da kam taʼminlangan oila sifatida roʻyxatda turganda;

b) mazkur bandning “a” kichik bandi shartlariga toʻgʻri kelmagan holda quyidagi soʻrovlarga rad javobi kelganda:

1) soliq organlarining maʼlumotiga koʻra oilaning har bir aʼzosiga toʻgʻri keladigan bir oylik oʻrtacha jami daromadi minimal isteʼmol xarajatlari miqdorining 2,5 baravaridan ortiqligi;

2) koʻchmas mulk obyektlariga boʻlgan huquqlarning davlat reyestrida bittadan ortiq koʻchmas mulk va yer uchastkasi yoki bir va undan ortiq noturar joylar mavjudligi;

3) oila aʼzolarida qonunchilik hujjatlarida belgilangan tartibda oʻz nomiga rasmiylashtirilgan yoxud ishonchnomaga asosan quyidagilar mavjudligi:

ishlab chiqarilgan muddati 12 yildan (oila aʼzosi I yoki II guruh va 18 yoshgacha bolalikdan nogiron boʻlsa, 7 yildan) oshmagan, texnik holati soz boʻlgan yengil avtotransport vositasi;

ishlab chiqarilgan muddati 15 yildan oshmagan, texnik holati soz boʻlgan yuk tashuvchi avtotransport vositasi, avtobus, mikroavtobus, ekskavator, traktor, kombayn, yuk tashuvchi avtotransport vositalarining tirkamalari va yarim tirkamalari, avtokran hamda boshqa qurilish texnikasi;

ikki va undan ortiq, texnik holati soz boʻlgan yengil hamda yuk tashuvchi avtotransport vositalari, mikroavtobus, ekskavator, traktor, kombayn, yuk tashuvchi avtotransport vositalarining tirkamalari va yarim tirkamalari, avtokran va boshqa qurilish texnikasi;

4) oila aʼzolarining tijorat banklaridagi depozit hisobvaraqlarida murojaat qilingan oyda amalda boʻlgan mehnatga haq toʻlash eng kam miqdorining 20 baravari va undan ortiq miqdorda mablagʻlar mavjudligi;

5) oila aʼzolarida murojaat qilingan oyda bozor qiymati mehnatga haq toʻlash eng kam miqdorining 20 baravari va undan ortiq summani tashkil etuvchi qimmatli qogʻozlar mavjudligi;

v) oila aʼzolari “Yoshlar daftari” yoki “Ayollar daftari”ga roʻyxatda turmasligi yoki joriy yilda ushbu daftarlar orqali moddiy yordam koʻrsatilmaganligi.

Tavsiyanoma bir kun ichida koʻrib chiqish uchun “Mahalla yettiligi”ga kiritiladi.

16. “Mahalla yettiligi” tomonidan ijtimoiy xodimning tavsiyanomasi besh kun ichida kollegial tartibda koʻrib chiqiladi va quyidagi qarorlardan biri qabul qilinadi:

ijtimoiy himoyaga muhtoj shaxs yoki oilaga “Saxovat va koʻmak” jamgʻarmasi mablagʻlari hisobidan yordam koʻrsatish toʻgʻrisida;

tavsiyanomada koʻrsatilgan yordam miqdori “Saxovat va koʻmak” jamgʻarmasida shakllangan mablagʻlarning mahalla fuqarolar yigʻini boʻyicha taqsimlangan miqdoridan ortiq boʻlgan taqdirda, koʻrsatiladigan yordamlarning miqdorini kamaytirish yoki yordam koʻrsatishni keyingi oyga kechiktirish haqida;

ijtimoiy himoyaga muhtoj shaxs yoki oilaga “Saxovat va koʻmak” jamgʻarmasi mablagʻlari hisobidan yordam koʻrsatishni rad etish toʻgʻrisida.

“Mahalla yettiligi” tomonidan qabul qilinadigan qaror matni “Ijtimoiy himoya” ATda avtomatik shakllantiriladi. Bunda koʻrsatiladigan yordamning miqdori fuqaroning ehtiyojidan kelib chiqib, ijtimoiy xodim tomonidan kiritiladi.

17. “Mahalla yettiligi” tomonidan ijtimoiy xodimning tavsiyanomasi har bir oila boʻyicha alohida koʻrib chiqilib, ovoz beriladi hamda “Mahalla yettiligi” aʼzolarining oddiy koʻpchilik ovozi bilan oilaga yordam koʻrsatish boʻyicha qaror qabul qilinadi. Bunda ovozlar teng boʻlib qolganda, ijtimoiy xodimning ovozi hal qiluvchi ahamiyatga ega boʻladi.

Mazkur Nizomning 16-bandida nazarda tutilgan muddatda “Mahalla yettiligi” vakillari tomonidan ovoz berilishi shart.

“Mahalla yettiligi” vakillari tomonidan berilgan ovozlarga asosan qaror qabul qilish tartibi Agentlik tomonidan belgilanadi.

18. “Mahalla yettiligi” tomonidan yordam ajratish boʻyicha qaror qabul qilishda quyidagi shaxslar yoki oilalarga ustuvorlik beriladi:

oʻzgalar parvarishiga muhtoj boʻlgan yolgʻiz keksa va I va II guruh nogironligi boʻlgan shaxslarga;

boquvchisi nogironligi boʻlgan shaxs boʻlgan oilalarga;

I va II guruh nogironligi boʻlgan shaxs boʻlgan yoki ogʻir kasallikka chalingan (butunlay yoki qisman oʻzini-oʻzi boqish imkoniga ega boʻlmagan, faoliyati koʻrsata olmaydigan) shaxslarga;

boquvchisini yoʻqotgan oilalarga.

19. Ushbu Nizomning 16-bandi uchinchi xatboshisida nazarda tutilgan bir nafar oilaga yordam koʻrsatish ketma-ket uch marotaba keyingi oyga kechiktirilganda, yordamni tayinlash “Ijtimoiy himoya” AT tomonidan avtomatik ravishda rad etiladi.

Bunda “Saxovat va koʻmak” jamgʻarmasi mablagʻlari hisobidan ajratiladigan yordamlarni olish uchun ijtimoiy yordam olish istagida boʻlgan oila (shaxs) tomonidan qayta murojaat qilinishi mumkin.

20. Tuman (shahar) hokimliklari “Mahalla yettiligi”ning ijtimoiy himoyaga muhtoj oilalarga yordam koʻrsatish toʻgʻrisidagi qarorlarining ushbu mahalla fuqarolar yigʻinlariga ajratilgan mablagʻlar doirasida koʻpi bilan bir oy muddatda ijrosini taʼminlaydi. Bunda:

davolash muassasalariga hamda uy-joy ijarasi boʻyicha toʻlovlar tegishli shartnomalar boʻyicha toʻgʻridan-toʻgʻri oʻtkazib beriladi;

tovar koʻrinishidagi yordamlar tovarni (ishlarni, xizmatlarni) yetkazib beruvchilar maxsus axborot portalida eʼlon joylashtirmasdan va xarid qilish tartib-taomillarini elektron shaklda oʻtkazmasdan, eng yaxshi takliflarni tanlash orqali aniqlanadi;

pul koʻrinishidagi yordamlar AT “Xalq banki”ning hududiy filiallarida ochilgan bank plastik kartalariga oʻtkazib beriladi. Bunda zarur maʼlumotlar AT “Xalq banki”ning tegishli axborot tizimlaridan olinadi.

Ushbu bandning uchinchi xatboshisida nazarda tutilgan tovarlar bevosita yordam oluvchining yashash manziliga yetkazib beriladi hamda bu toʻgʻrisida tovarni yetkazib beruvchi va “Mahalla yettiligi”ning bir nafar vakili ishtirokida dalolatnoma rasmiylashtiriladi.

21. Ijtimoiy xodim tomonidan ushbu Nizomning 14 va 15-bandlarida nazarda tutilgan tadbirlarni amalga oshirish jarayonida oilaga shoshilinch yordam koʻrsatish lozimligi aniqlanganda, zudlik bilan “Ijtimoiy himoya” AT orqali tavsiyanoma shakllantiriladi hamda “shoshilinch” grifi ostida koʻrib chiqish va qaror qabul qilish uchun “Mahalla yettiligi”ga kiritadi.

Ushbu tavsiyanoma “Mahalla yettiligi” tomonidan bir sutka ichida koʻrib chiqilishi shart.

5-bob. “Saxovat va koʻmak” jamgʻarmasi mablagʻlaridan foydalanish boʻyicha hisob va hisobot

22. “Saxovat va koʻmak” jamgʻarmasi mablagʻlari tuman (shahar) hokimliklari tomonidan tasarruf etiladi.

23. Tuman (shahar) hokimliklari quyidagilar uchun masʼul hisoblanadi:

ushbu Nizomning 20-bandida nazarda tutilgan muddatda “Mahalla yettiligi”ning qarorida koʻrsatilgan yordam boʻyicha mablagʻlarni moliyalashtirish;

“Saxovat va koʻmak” jamgʻarmasi mablagʻlaridan moliyalashtirilgan yordamlar toʻgʻrisidagi maʼlumotlarni muntazam ravishda “Ijtimoiy himoya” ATga kiritib borish;

“Saxovat va koʻmak” jamgʻarmasi mablagʻlaridan maqsadli va samarali foydalanish.

6-bob. Yakunlovchi qoidalar

24. Qonunchilik hujjatlariga muvofiq bepul yoki imtiyozli tarzda yordam koʻrsatiladigan shaxslarga “Saxovat va koʻmak” jamgʻarmasi mablagʻlari hisobidan aynan shu turdagi yordam koʻrsatilmaydi.

25. “Saxovat va koʻmak” jamgʻarmasi mablagʻlari hisobidan yordam olish uchun murojaatlarni koʻrib chiqish bosqichlari boʻyicha ijtimoiy himoyaga muhtoj shaxslarga SMS-xabarnoma yuboriladi.

Bunda SMS-xabarnoma yuborish bilan bogʻliq xarajatlar Ijtimoiy himoya davlat jamgʻarmasi va qonunchilik hujjatlarida taqiqlanmagan boshqa manbalar hisobidan qoplanadi.

26. “Saxovat va koʻmak” jamgʻarmasi mablagʻlari hisobidan koʻrsatilgan yordamlar toʻgʻrisidagi maʼlumotlar “Ijtimoiy himoya” ATga kiritib boriladi.

27. Davlat moliyaviy nazorati inspeksiyasi va uning hududiy boʻlinmalari tomonidan mazkur Nizomga muvofiq tumanlar (shaharlar)da ijtimoiy yordamlar uchun ajratilgan mablagʻlarning samarali va maqsadli ishlatilishi boʻyicha nazorat amalga oshiriladi.

28. Mazkur Nizom talablarining buzilishida aybdor shaxslar qonunchilik hujjatlarida belgilangan tartibda javob beradilar.

Vazirlar Mahkamasining 2024-yil 31-maydagi 313-son qaroriga
1-ILOVA

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisida

NIZOM

1-bob. Umumiy qoidalar

1. Mazkur Nizom ijtimoiy himoyaga muhtoj shaxslar va oilalarga “Saxovat va koʻmak” jamgʻarmasi mablagʻlari hisobidan yordam koʻrsatish tartibini belgilaydi.

2. “Saxovat va koʻmak” jamgʻarmasi Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik)ning Qoraqalpogʻiston Respublikasi, viloyatlar va Toshkent shahar boshqarmalari huzurida yuridik shaxs maqomiga ega boʻlmagan holda tashkil etiladi va uning mablagʻlari tegishli gʻaznachilik boʻlimlarida alohida ochilgan shaxsiy gʻazna hisobvaraqlarida yigʻiladi.

3. Ushbu Nizomda quyidagi asosiy tushunchalar qoʻllaniladi:

vaucher — ayrim turdagi tovarlarni davlat tomonidan qoplab beriladigan mablagʻlar (subsidiya) hisobidan xarid qilish imkoniyatini taqdim etuvchi, amal qilish muddati ikki oy boʻlgan matritsali shtrix kod (QR-kod) bilan tasdiqlangan elektron hujjat;

sotuvchi — qurilish materiallari, koʻmir yoki yoqilgʻi mahsulotlari hamda oziq-ovqat, kiyim-kechak va boshqa eng zarur tovarlarni yetkazib berish xizmatini koʻrsatuvchi tadbirkorlik subyektlari;

elektron savdo platformasi — tovarlar (ishlar, xizmatlar) oldi-sotdisini masofadan turib amalga oshirish imkonini beruvchi “Yagona milliy ijtimoiy himoya” axborot tizimi (keyingi oʻrinlarda — “Ijtimoiy himoya” AT)ning tarkibiy qismi;

elektron savdo maydonchasi — qurilish materiallari, koʻmir yoki yoqilgʻi mahsulotlari hamda oziq-ovqat, kiyim-kechak va boshqa eng zarur tovarlarning oldi-sotdisini raqobatli usulda masofadan turib amalga oshirish imkonini beruvchi axborot tizimi;

elektron savdo maydonchasining operatori — elektron savdo maydonchasi xizmatlarini raqobatli usulda koʻrsatuvchi hamda buyurtmalar yetkazib berilishini taʼminlovchi yuridik shaxs.

4. “Saxovat va koʻmak” jamgʻarmasi mablagʻlari hisobidan Oʻzbekiston Respublikasi fuqarosi, Oʻzbekiston Respublikasi hududida yashash guvohnomasiga ega boʻlgan chet el fuqarosi yoki fuqaroligi boʻlmagan shaxs (oʻn olti yoshga toʻlmagan shaxs nomidan murojaat qilgan uning qonuniy vakili)ga yordamlar koʻrsatish fuqarolarning ogʻir ijtimoiy ahvolga tushib qolishining oldini olish va shunday vaziyatga tushganlarni ogʻir ijtimoiy vaziyatdan chiqarish maqsadida yordam koʻrsatiladi.

5. “Saxovat va koʻmak” jamgʻarmasi mablagʻlaridan ijtimoiy yordam koʻrsatiladigan shaxslar va oilalarning yashash joyi boʻyicha turgan joyi boʻyicha roʻyxatdan oʻtishidan qatʼiy nazar murojaati yoki bevosita “Inson” ijtimoiy xizmatlar markazlarining ijtimoiy xodimlari tomonidan keys-menejment usulidan foydalangan holda oʻtkaziladigan oʻrganishlar natijalari boʻyicha aniqlanadi.

6. Yordam oluvchilar vaucher asosida uy-joy taʼmirlash yoki tiklash yoxud moslashtirish uchun qurilish materiallari, koʻmir yoki yoqilgʻi mahsulotlari hamda oziq-ovqat, kiyim-kechak va boshqa eng zarur tovarlarni oʻz tanloviga koʻra mazkur Nizomning 5-bobi 1-paragrafida belgilangan talablarga muvofiq “Ijtimoiy himoya” ATda avtorizatsiyadan oʻtgan sotuvchilardan elektron savdo platformasi yoki elektron savdo maydonchalari (keyingi oʻrinlarda — elektron savdo) orqali xarid qiladi.

2-bob. “Saxovat va koʻmak” jamgʻarmasi mablagʻlarini shakllantirish

7. “Saxovat va koʻmak” jamgʻarmasi quyidagi manbalar hisobidan shakllantiriladi:

tumanlar (shaharlar) xalq deputatlari Kengashlari qaroriga asosan tumanlar (shaharlar) budjetlarining qoʻshimcha manbalari hisobidan har chorakda ajratiladigan mablagʻlar;

xorijiy (xalqaro) moliya institutlari va boshqa xorijiy donorlarning texnik koʻmaklari va grantlari;

jismoniy va yuridik shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar.

8. Mazkur Nizomning 7-bandi toʻrtinchi xatboshisida nazarda tutilgan mablagʻlar Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus hisobvaraqda jamlanadi hamda har chorakda Agentlik tomonidan tuman (shahar)dagi aholi soni, nogironligi boʻlgan shaxslar soni va Ijtimoiy reyestrga kiritilgan oilalar sonidan kelib chiqib teng ulushda “Saxovat va koʻmak” jamgʻarmalariga avtomatik ravishda taqsimlanadi.

9. Mazkur Nizomning 8-bandida belgilangan koʻrsatkichlar boʻyicha ajratiladigan mablagʻlar miqdoriga Oʻzbekiston Respublikasi Prezidentining 2022-yil 30-dekabrdagi PF-287-son Farmoni bilan tasdiqlangan Ixtisoslashuvi hamda kichik biznes uchun mavjud sharoitdan kelib chiqib toifalarga ajratilgan Oʻzbekiston Respublikasi shahar va tumanlarining roʻyxatiga muvofiq tuman (shahar)ning ixtisoslashuvi hamda kichik biznes uchun mavjud sharoitdan kelib chiqqan holda belgilangan toifasi boʻyicha quyidagi tuzatish koeffitsiyentlari qoʻllaniladi:

1-toifadagi tuman (shaharlar) uchun — 0,88;

2-toifadagi tuman (shaharlar) uchun — 0,95;

3-toifadagi tuman (shaharlar) uchun — 1,03;

4-toifadagi tuman (shaharlar) uchun — 1,06;

5-toifadagi tuman (shaharlar) uchun — 1,1.

10. Har oyning 5-sanasiga qadar tuman (shahar) iqtisodiyot va moliya boʻlimi hamda “Inson” ijtimoiy xizmatlar markazi tomonidan oldingi oyda “Saxovat va koʻmak” jamgʻarmasiga tushgan mablagʻlar mahalla fuqarolar yigʻinidagi aholi, nogironligi boʻlgan shaxslar va mahalla fuqarolar yigʻinida yashovchi Ijtimoiy reyestrga kiritilgan oilalar sonidan kelib chiqib teng ulushda taqsimlanadi.

Bunda Agentlik tomonidan mazkur bandda nazarda tutilgan maʼlumotlar Oʻzbekiston mahallalari uyushmasining “Raqamli mahalla” platformasi va “Ijtimoiy himoya” ATdan olinadi.

Mahalla fuqarolar yigʻinlari boʻyicha taqsimlangan mablagʻlarga doir maʼlumotlar “Ijtimoiy himoya” ATga “Inson” ijtimoiy xizmatlar markazlari tomonidan kiritib boriladi.

11. Tumanlar (shaharlar) xalq deputatlari Kengashlari mazkur Nizomning 10-bandiga muvofiq taqsimlanadigan mablagʻlar miqdorini tuman (shahar) iqtisodiyot va moliya boʻlimlari hamda “Inson” ijtimoiy xizmatlar markazlari tashabbusiga koʻra mahalla fuqarolar yigʻinlarining ijtimoiy-iqtisodiy holatidan kelib chiqib, “Saxovat va koʻmak” jamgʻarmasida shakllangan umumiy mablagʻlar doirasida kamaytirish yoki koʻpaytirish huquqiga ega.

3-bob. “Saxovat va koʻmak” jamgʻarmasi mablagʻlari hisobidan koʻrsatiladigan yordamlar

12. “Saxovat va koʻmak” jamgʻarmasi mablagʻlari hisobidan ushbu Nizomning 1 — 13-ilovalariga muvofiq pasportlarda nazarda tutilgan yordamlar koʻrsatiladi.

Jarrohlik amaliyotisiz davolanish va jarrohlik amaliyoti xarajatlarini qoplash, turarjoy ijarasi uchun kompensatsiya hamda uy-joyni taʼmirlash xarajatlarini qoplash tarzidagi yordamlar aynan bir fuqaro uchun bir “Ayollar daftari”, “Yoshlar daftari” jamgʻarmalari yoki boshqa manbalar hisobidan koʻrsatilgan boʻlsa, “Saxovat va koʻmak” jamgʻarmasi mablagʻlari hisobidan koʻrsatilmaydi.

12¹. Uy-joyni taʼmirlash, shuningdek, yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash tarzidagi yordamlar istisno tariqasida tuman (shahar) hokimliklarining soʻroviga asosan ham “Saxovat va koʻmak” jamgʻarmasi mablagʻlari hisobidan koʻrsatilishi mumkin. Bunda:

a) yordamlar Ijtimoiy reyestrga kiritilgan yoki oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarga turar joyga nisbatan huquq belgilovchi hujjatlari mavjud boʻlgan, kadastr organlari tomonidan hisobga olingan hamda soliq organlari axborot tizimiga soliq toʻlovchi sifatida kiritilgan uy-joy uchun quyidagi miqdorda koʻrsatiladi:

uy-joyni taʼmirlash yordami mazkur yordamni olganiga ikki yildan ortgan oilalarga BHMning 50 baravarigacha boʻlgan miqdorda;

yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash yordami zaruratga koʻra, cheklanmagan marotaba BHMning 150 baravarigacha boʻlgan miqdorda;

b) tuman (shahar) hokimliklari “Saxovat va koʻmak” jamgʻarmasi mablagʻlaridan foydalanish uchun uning asoslarini hamda yordam koʻrsatiladigan fuqarolarning roʻyxatini ilova qilgan holda tegishlicha Agentlikning Qoraqalpogʻiston Respublikasi, viloyatlar va Toshkent shahar boshqarmalariga soʻrovnoma kiritadi;

v) Agentlikning Qoraqalpogʻiston Respublikasi, viloyatlar va Toshkent shahar boshqarmalari tomonidan soʻrovnoma ushbu Nizomning 5 va 9-ilovalariga muvofiq pasportlarda nazarda tutilgan talab va shartlarga muvofiq boʻlgan taqdirda tuman (shahar) hokimliklari huzuridagi “Infratuzilma va ijtimoiy barqarorlik” jamgʻarmasiga “Saxovat va koʻmak” jamgʻarmasi mablagʻlari hisobidan zarur mablagʻlar oʻtkazib beriladi. Bunda:

mablagʻlar har oyning 30 sanasiga qadar “Saxovat va koʻmak” jamgʻarmasining tuman (shahar)ga taqsimlangan tushumlari hisobidan ajratiladi;

“Infratuzilma va ijtimoiy barqarorlik” jamgʻarmasiga oʻtkaziladigan mablagʻlarning yillik miqdori oʻtgan kalendar yil davomida “Saxovat va koʻmak” jamgʻarmasiga kelib tushgan mablagʻlarning oʻttiz foizidan oshmasligi lozim.

13. “Saxovat va koʻmak” jamgʻarmasi mablagʻlari Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari, farmoyishlari va topshiriqlariga koʻra ushbu Nizomda nazarda tutilmagan boshqa maqsadlarga ham yoʻnaltirilishi mumkin.

Bunda ushbu maqsadlarga yoʻnaltiriladigan mablagʻlar Agentlik tomonidan quyidagilar hisobidan ajratiladi:

“Saxovat va koʻmak” jamgʻarmasi hisobvaraqlarida shakllangan, biroq tegishli tuman (shahar)dagi mahallalar kesimida taqsimlanmagan mablagʻlar;

“Saxovat va koʻmak” jamgʻarmasi hisobvaraqlarida shakllanib, muqaddam tegishli tuman (shahar)dagi mahallalar kesimida taqsimlangan boʻlsada, biroq ushbu mablagʻlar taqsimlangan oyda foydalanilmagan qoldiq mablagʻlar.

4-bob. “Saxovat va koʻmak” jamgʻarmasi mablagʻlaridan foydalanish tartibi

14. “Saxovat va koʻmak” jamgʻarmasi mablagʻlaridan foydalanish quyidagi uch bosqichda amalga oshiriladi:

uchinchi bosqichda — “Mahalla yettiligi”ning yordam koʻrsatish toʻgʻrisidagi kollegial qarori asosida Agentlikning Qoraqalpogʻiston Respublikasi, viloyatlar va Toshkent shahar boshqarmalari tomonidan “Saxovat va koʻmak” jamgʻarmasi hisobidan tegishli mablagʻlar ajratiladi.

15. Ijtimoiy xodim tomonidan birinchi bosqich doirasida ijtimoiy himoyaga muhtoj shaxs yoki oilaning ahvoli quyidagi asoslar boʻyicha keys-menejment asosida oʻrganib chiqiladi:

ijtimoiy himoyaga muhtoj shaxsning murojaati;

ijtimoiy xodim tashabbusi bilan oilani oʻrganish davomida.

16. Yordam oluvchining maʼlumotlari elektron axborot almashish tizimlari orqali ushbu Nizomning 1 — 13-ilovalariga muvofiq pasportlarda nazarda tutilgan talab va shartlarga toʻgʻri kelishi tasdiqlangandan soʻng keys-menejment oʻtkazish natijasida ijtimoiy himoyaga muhtoj shaxsga (oilaga) “Saxovat va koʻmak” jamgʻarmasi hisobidan yordamni koʻrsatish toʻgʻrisida ijtimoiy xodim tomonidan “Ijtimoiy himoya” AT orqali tavsiyanoma shakllantiriladi.

Tavsiyanoma shakllantirilgandan soʻng, mazkur Nizomning 1 — 13-ilovalarida koʻrsatilgan yordamlar boʻyicha tavsiyanoma bir kun ichida koʻrib chiqish uchun “Mahalla yettiligi”ga kiritiladi.

Mazkur Nizomning 2-ilovasida koʻrsatilgan yordamni koʻrsatish boʻyicha shakllantirilgan tavsiyanoma qonunchilikda belgilangan tartibda tegishli tibbiyot muassasasidan ixtisoslashtirilgan muassasada davolanishiga asos boʻluvchi va tibbiy xizmatning qiymati koʻrsatilgan yoʻllanmani (keyingi oʻrinlarda — yoʻllanma) olishi uchun yordam oluvchiga beriladi.

Ijtimoiy reyestrga kiritilgan oilalar boʻyicha ishlab chiqilgan individual rejada muayyan ijtimoiy yordamlarning belgilanishi ushbu toifadagi shaxslardan qoʻshimcha murojaat talab etmagan holda keys-menejment asosida oʻrganilmasdan tavsiyanoma shakllantiriladi hamda “Mahalla yettiligi”ga koʻrib chiqish uchun kiritiladi.

17. Ushbu Nizomning 2-ilovasida koʻrsatilgan yordamdan foydalanish uchun tavsiyanoma asosida yordam oluvchi tomonidan yoʻllanma bilan qayta murojaat qilingandan soʻng, ijtimoiy xodim tomonidan bir ish kuni ichida yoʻllanma sogʻliqni saqlash organlari orqali yoki ularning elektron axborot tizimlaridan tekshiriladi hamda koʻrib chiqish uchun “Mahalla yettiligi”ga kiritiladi.

Bunda agar ikki oy muddat ichida yordam oluvchining yoʻllanmasi mavjudligi tasdiqlanmasa tavsiyanoma bekor qilinadi.

18. “Mahalla yettiligi” tomonidan ijtimoiy xodimning tavsiyanomasi besh kun ichida (shoshilinch kechiktirib boʻlmaydigan hollar bundan mustasno) kollegial tartibda koʻrib chiqiladi va quyidagi qarorlardan biri qabul qilinadi:

ijtimoiy himoyaga muhtoj shaxs yoki oilaga “Saxovat va koʻmak” jamgʻarmasi mablagʻlari hisobidan yordam koʻrsatish toʻgʻrisida;

ijtimoiy himoyaga muhtoj shaxs yoki oilaga “Saxovat va koʻmak” jamgʻarmasi mablagʻlari hisobidan yordam koʻrsatishni rad etish toʻgʻrisida.

19. “Mahalla yettiligi” tomonidan ijtimoiy xodimning har bir tavsiyanomasi boʻyicha oila alohida koʻrib chiqilib, ovoz beriladi hamda “Mahalla yettiligi” aʼzolarining oddiy koʻpchilik ovozi bilan oilaga yordam koʻrsatish boʻyicha qaror qabul qilinadi. Bunda ovozlar teng boʻlib qolganda, mahalla raisining ovozi hal qiluvchi ahamiyatga ega boʻladi.

Mazkur Nizomning 18-bandida nazarda tutilgan muddatda “Mahalla yettiligi” vakillari tomonidan ovoz berilishi shart.

20. Ushbu Nizomning 18-bandi uchinchi xatboshisida nazarda tutilgan bir oilaga yordam koʻrsatish ketma-ket uch marotaba keyingi oyga kechiktirilganda, yordamni tayinlash “Ijtimoiy himoya” AT tomonidan avtomatik ravishda rad etiladi.

21. Agentlikning Qoraqalpogʻiston Respublikasi, viloyatlar va Toshkent shahar boshqarmalari “Mahalla yettiligi”ning ijtimoiy himoyaga muhtoj oilalarga yordam koʻrsatish toʻgʻrisidagi qarorlariga asosan yordamlar boʻyicha tegishli mablagʻlar mazkur Nizomning 1 — 13-ilovalariga muvofiq pasportlarda nazarda tutilgan tartibda oʻtkazib beriladi.

22. Ijtimoiy xodim tomonidan ushbu Nizomning 15 va 16-bandlarida nazarda tutilgan tadbirlarni amalga oshirish jarayonida oilaga shoshilinch yordam koʻrsatish lozimligi aniqlanganda, zudlik bilan “Ijtimoiy himoya” AT orqali tavsiyanoma shakllantiriladi hamda “shoshilinch” grifi ostida koʻrib chiqish va qaror qabul qilish uchun “Mahalla yettiligi”ga kiritadi.

Ushbu tavsiyanoma “Mahalla yettiligi” tomonidan bir sutka ichida koʻrib chiqilishi shart.

23. Ushbu Nizomning 3, 4, 6, 7, 8, 10-11-ilovalariga muvofiq pasportlarda nazarda tutilgan ijtimoiy yordamlarni koʻrsatish quyidagi holatlarda toʻxtatiladi:

yordam oluvchi yoxud ularning qonuniy vakili tomonidan tegishli ijtimoiy yordamdan foydalanishni toʻxtatish haqida ariza bilan murojaat qilganda;

yordam oluvchi vafot etgan taqdirda;

yordam oluvchi ozodlikdan mahrum etilganda;

yordam oluvchi oila “mahalla yettiligi”ning yordam koʻrsatish toʻgʻrisidagi kollegial qarori qabul qilingunga qadar Ijtimoiy reyestrdan chiqarilganda;

yordam oluvchi doimiy yashash uchun Oʻzbekiston Respublikasi tashqarisiga chiqib ketilganda.

5-bob. Ayrim turdagi ijtimoiy yordamlarni koʻrsatishning oʻziga xos xususiyatlari

1-§. Elektron tijorat vositasida amalga oshiriladigan ijtimoiy yordam koʻrsatuvchilarni aniqlash tartibi

24. Mazkur Nizomning 3, 5, 8 va 9-ilovalariga muvofiq pasportda nazarda tutilgan uy-joy taʼmirlash yoki tiklash yoxud moslashtirish uchun qurilish materiallari, koʻmir yoki yoqilgʻi mahsulotlari hamda oziq-ovqat, kiyim-kechak va boshqa eng zarur tovarlarni (keyingi oʻrinlarda — tovar) xarid qilish tarzidagi ijtimoiy yordamlar elektron tijorat vositasida elektron savdo platformasi orqali koʻrsatiladi.

Tovarlarni xarid qilish tadbirkorlik subyektlari tomonidan yuritiladigan elektron savdo maydonchalari orqali ham amalga oshirilishi mumkin. Bunda, elektron savdo maydonchalari orqali tovarlarni xarid qilish va ular boʻyicha toʻlovlarni amalga oshirish ushbu elektron savdo maydonchalari operatorlari va Agentlik tomonidan belgilangan tartibda amalga oshiriladi.

25. Elektron savdo platformasi orqali xarid qilinadigan tovarlar ushbu turdagi tovarlarni realizatsiya qiluvchi sotuvchilar tomonidan elektron savdo platformasiga joylashtiriladi.

26. Sotuvchilar tomonidan elektron savdo platformasiga ular tomonidan realizatsiya qilinadigan tovarlarni joylashtirish uchun “Ijtimoiy himoya” ATda elektron ofertani tasdiqlash orqali bepul va ixtiyoriylik asosida avtorizatsiyadan oʻtadi.

Sotuvchilar “Ijtimoiy himoya” ATda avtorizatsiyadan oʻtishda quyidagi maʼlumotlarni koʻrsatadi:

yuridik shaxslar uchun soliq toʻlovchining identifikatsiya raqami (STIR) hamda telefon raqami;

yakka tartibdagi tadbirkorlar uchun pasport seriyasi va raqami, jismoniy shaxsning shaxsiy identifikatsiya raqami (JSHSHIR) hamda telefon raqami;

tadbirkorlik subyekti va uning filiali yuridik manzillari, hisobvaragʻi, bank rekvizitlari, ishonchli vakil haqida maʼlumotlar hamda uning telefon raqami;

sotiladigan tovarlarning turlari va nomi hamda qonunchilikda belgilangan hollarda ularning muvofiqlik sertifikati raqamlari hamda amal qilish muddatlari.

27. Avtorizatsiyadan tegishli maʼlumotlar toʻldirilib, elektron raqamli imzo (keyingi oʻrinlarda — ERI) yoki “Ijtimoiy himoya” ATda “Elektron hukumat” tizimi foydalanuvchilarini identifikatsiya qilishning yagona axborot tizimi (OneID) orqali tasdiqlangandan soʻng oʻtiladi.

Bunda, sotuvchilar elektron ofertani tasdiqlaganidan soʻng ular tomonidan koʻrsatilgan maʼlumotlarning toʻgʻriligi va toʻlovga qobiliyatsizlik tartib-taomillarining mavjud emasligi “Ijtimoiy himoya” ATda idoralararo elektron hamkorlik orqali avtomatik tarzda aniqlanadi.

Sotuvchilar tomonidan koʻrsatilgan maʼlumotlar toʻgʻriligi hamda ularning faoliyati tugatilmaganligi aniqlangan taqdirda, sotuvchilar avtorizatsiyadan oʻtkaziladi va ular uchun “Ijtimoiy himoya” ATda shaxsiy kabinet ochiladi.

28. Mazkur Nizomning 27-bandida nazarda tutilgan talablarga javob bermaydigan sotuvchilar “Ijtimoiy himoya” ATda avtorizatsiyadan oʻtkazilmaydi.

29. Quyidagilar sotuvchilarni elektron savdo platformasida tovarlarni realizatsiya qilish faoliyatini cheklash uchun asos hisoblanadi:

tadbirkorlik subyekti tugatilganda yoki bankrot deb topilganda;

yordam oluvchiga ayni bir sotuvchi tomonidan uch va undan koʻp marotaba sifatsiz va nuqsonli tovarlar yetkazib berilganda.

30. “Ijtimoiy himoya” ATda avtorizatsiyadan oʻtkazilgan sotuvchilar tovarlarni elektron savdo platformasi orqali realizatsiya qilish uchun ular toʻgʻrisidagi quyidagi maʼlumotlarni tegishlicha “Ijtimoiy himoya” ATning “Tovarlar” boʻlimiga elektron ofertaga Agentlik tomonidan tasdiqlangan ilova qilinadigan minimal texnik talablarga muvofiq joylashtiradi:

har bir tovarning nomi, narxi, foydalanish va kafolat muddatlari, ularning texnik tavsifi va koʻrsatkichlari, foydalanish boʻyicha yoʻriqnoma, kafolat va foydalanish muddatlari tugamasdan yoki tugaganidan soʻng amalga oshiriladigan tadbirlar;

qonunchilik hujjatlarida belgilangan hollarda muvofiqligi baholanishi yoki davlat roʻyxatidan oʻtkazilishi lozim boʻlgan tovarlar boʻyicha ularning muvofiqlik sertifikati va davlat roʻyxatidan oʻtkazilganligi toʻgʻrisidagi maʼlumotlar;

Agentlik tomonidan belgilangan talablar boʻyicha har bir tovarning turli xil rakursdan olingan fotosuratlari. Bunda realizatsiya qilinadigan tovarga muvofiq kelmaydigan fotosuratlarni joylashtirish taqiqlanadi;

tovarni yetkazib berish muddati.

31. Sotuvchi tomonidan Agentlikning elektron savdo platformasi orqali sotiladigan tovarlar mazkur elektron savdo platformasining “Tovar” boʻlimida mavjud shu turdagi tovarlarning oʻrtacha qiymatidan kelib chiqqan holda Agentlik tomonidan belgilanadigan narx diapazoni doirasida belgilangan narxlar boʻyicha joylashtiriladi.

32. Tovarlarning minimal texnik talablarga muvofiqligi va maʼlumotlarning toʻliqligi Agentlikning masʼul xodimlari tomonidan “Ijtimoiy himoya” ATda qabul qilingandan soʻng ular tegishlicha “Ijtimoiy himoya” ATning “Tovarlar” boʻlimi orqali elektron savdo platformasiga chiqariladi.

Bunda minimal texnik talablarga muvofiq kelmaydigan hamda qonunchilikda belgilangan hollarda olinishi lozim boʻlgan muvofiqlik sertifikati yoki davlat roʻyxatidan oʻtkazilganligi toʻgʻrisidagi guvohnoma olinmaganda va ularning amal qilish muddati tugaganda ushbu tovarlarni elektron savdo platformasiga chiqarishga yoʻl qoʻyilmaydi.

2-§. Elektron tijorat vositasida tovarlarni xarid qilish va yetkazib berish tartibi

33. Mazkur Nizomning 3, 5, 8 va 9-ilovalariga muvofiq pasportlarda nazarda tutilgan ijtimoiy yordamlarni koʻrsatish belgilangan taqdirda, “Inson” markazlari tomonidan:

yordam oluvchi nomiga “Ijtimoiy himoya” AT orqali vaucher shakllantiriladi;

yordam oluvchining nomiga vaucher shakllantirilganligi toʻgʻrisida “Ijtimoiy himoya” AT yoki SMS-xabarnoma orqali xabardor qilinadi.

34. Yordam oluvchi unga nisbatan vaucher shakllanganligi toʻgʻrisidagi xabarni olgandan soʻng ikki oy ichida bevosita oʻzi yoki qonuniy vakili orqali elektron savdo platformasida vaucherga muvofiq tegishli tovarni xarid qilish boʻyicha buyurtma berish uchun “Ijtimoiy himoya” ATda shaxsni tasdiqlovchi hujjat (biometrik pasport yoki identifikatsiyalovchi ID-karta yoxud tugʻilganlik haqidagi guvohnoma) maʼlumotlari va telefon raqamini kiritgan holda roʻyxatdan oʻtadi.

Kiritilgan maʼlumotlar yordam oluvchi yoxud uning qonuniy vakilining roziligini ifodalaydigan hamda uni identifikatsiya va autentifikatsiya qilish imkonini beradigan elektron tasdiqlash usullari (SMS-xabarnoma, Face-ID) yoki “Ijtimoiy himoya” ATda yaratilgan maxsus identifikatsiya qilish (Yagona identifikatsiya tizimi (OneID), Mobile-ID) orqali tasdiqlangandan soʻng roʻyxatdan oʻtkaziladi.

Roʻyxatdan oʻtgan yordam oluvchi yoxud uning qonuniy vakiliga “Ijtimoiy himoya” ATda shaxsiy kabinet ochiladi.

35. Yordam oluvchi “Ijtimoiy himoya” ATda roʻyxatdan oʻtish hamda vaucherga muvofiq tovarga buyurtma berish uchun bevosita oʻzi yoki qonuniy vakili orqali “Inson” markazi yoki ijtimoiy xodimga murojaat qilishi mumkin.

Bunda, ushbu shaxslarning murojaatlariga asosan “Inson” markazi yoki ijtimoiy xodim elektron qurilma vositalari yordamida real vaqt rejimida ularni “Ijtimoiy himoya” ATda roʻyxatdan oʻtkazadi hamda ularning nomidan vaucherga muvofiq tegishli tovarga buyurtmani shakllantiradi.

36. Yordam oluvchi yoxud ularning qonuniy vakillari elektron savdo orqali tovarga bergan buyurtmalarining toʻliqligi va toʻgʻriligi uchun masʼul hisoblanadi.

37. Yordam oluvchini tegishli tovarlar bilan taʼminlashda:

Yordam oluvchi yoxud ularning qonuniy vakillari oʻz xohishiga koʻra “Ijtimoiy himoya” ATning “Tovarlar” boʻlimi orqali tovarlar sotuvchisini hamda vaucherda koʻrsatilgan tovarning turini tanlaydi va buyurtma qiladi;

sotuvchi buyurtmani “Ijtimoiy himoya” AT orqali qabul qilib olgandan soʻng uch kun ichida buyurtma qilingan tovarni yetkazib berish vaqtni haqidagi maʼlumotlarni yordam oluvchi yoxud ularning qonuniy vakillarini elektron tarzda yoki mobil aloqa vositasi orqali xabardor qiladi;

sotuvchilar tovarlar boʻyicha buyurtmani qabul qilib olgandan soʻng buyurtma qilingan tovarni yordam oluvchi yoxud ularning qonuniy vakillariga uch kun ichida yetkazib berilishini taʼminlashi lozim;

tovarlar bevosita yordam oluvchi yoki ularning qonuniy vakillarining oʻziga topshirilgan soʻng yordam oluvchi yoxud ularning qonuniy vakillari tomonidan tovar qabul qilib olinganligi toʻgʻrisidagi SMS-xabarnoma tasdiq kodi maʼlum qilinganda, sotuvchilar buyurtma ularga yetkazib berilganligini “Ijtimoiy himoya” ATda tasdiqlaydi.

3-§. Elektron tijorat vositasida xarid qilingan va yetkazib berilgan tovarlar uchun toʻlovlarni amalga oshirish tartibi

38. Iqtisodiyot va moliya vazirligining Davlat moliyasini boshqarish axborot tizimida (keyingi oʻrinlarda — DMBAT) mazkur bobga muvofiq xarid qilinadigan tovarlar boʻyicha toʻlovlarni amalga oshirish va hisobini yuritish maqsadida Agentlikning Qoraqalpogʻiston Respublikasi, viloyatlar va Toshkent shahar boshqarmalari uchun tuman va shaharlar kesimida alohida shaxsiy gʻazna hisobvaraqlari ochiladi.

39. Yordam oluvchi yoxud ularning qonuniy vakillari tomonidan vaucherga muvofiq mazkur bobda belgilangan tartibda berilgan buyurtmalar kesimidagi maʼlumotlar “Ijtimoiy himoya” ATda shakllantirilib boriladi.

40. Yordam oluvchi yoxud ularning qonuniy vakillari tomonidan vaucherga muvofiq tanlangan buyurtmaning xarid narxi va vaucherda koʻrsatilgan miqdordagi mablagʻ oʻrtasida salbiy farq mavjud boʻlganda, yordam oluvchi yoxud ularning qonuniy vakillari tomonidan dastlab ushbu salbiy farq summasi toʻlanishi lozim.

Buyurtmaning xarid narxi va vaucherda koʻrsatilgan miqdordagi mablagʻ oʻrtasidagi salbiy farq summasi yordam oluvchi yoxud ularning qonuniy vakillari tomonidan toʻlanmagan taqdirda, ushbu tovarni sotayotgan sotuvchi buyurtmani qabul qilishni rad qiladi.

41. Buyurtmalar mazkur Nizomning 37-bandida belgilangan tartibda yordam oluvchi yoxud ularning qonuniy vakillariga yetkazib berilganligi tasdiqlanganidan soʻng ushbu shaxslarning yashash joyi boʻyicha “Inson” markazining “Ijtimoiy himoya” ATdagi shaxsiy kabinetiga bu toʻgʻrisida xabarlar kelib tushadi.

42. Buyurtma yordam oluvchi yoxud ularning qonuniy vakillariga yetkazib berilganligi tasdiqlangandan soʻng, bu toʻgʻrisidagi maʼlumotlar “Ijtimoiy himoya” AT orqali Davlat imtiyozlari yagona elektron platformasiga yuboriladi.

Davlat imtiyozlari yagona elektron platformasi orqali buyurtmaning xarid narxi, biroq ushbu Nizomga 3, 5 va 8-ilovalariga muvofiq pasportlarda koʻrsatilgan miqdordagi mablagʻdan koʻp boʻlmagan miqdordagi mablagʻ DMBATga yoʻnaltiriladi. Bunda DMBAT tomonidan tegishli pul mablagʻlari tovarlarni sotuvchilarning bank hisobvaragʻiga buyurtma yordam oluvchi yoxud ularning qonuniy vakillariga yetkazib berilganligi tasdiqlangandan soʻng avtomatik tarzda oʻtkaziladi.

Mablagʻlar sotuvchilarning bank hisobvaragʻiga dam olish kuniga yoxud bayram yoki boshqa ishlanmaydigan kunga toʻgʻri kelsa, undan keyingi birinchi ish kunida oʻtkaziladi.

Xarid qilingan tovarlar xarid narxi vaucherdan kam boʻlgan taqdirda, oʻrtada hosil boʻlgan ijobiy farq summasi shaxsiy gʻazna hisobvaragʻida qoldiriladi.

6-bob. “Saxovat va koʻmak” jamgʻarmasi mablagʻlaridan foydalanish boʻyicha hisob va hisobot

43. “Saxovat va koʻmak” jamgʻarmasi mablagʻlari Agentlikning Qoraqalpogʻiston Respublikasi, viloyatlar va Toshkent shahar boshqarmalari tomonidan tasarruf etiladi.

44. Agentlikning Qoraqalpogʻiston Respublikasi, viloyatlar va Toshkent shahar boshqarmalari quyidagilar uchun masʼul hisoblanadi:

ushbu Nizomning 21-bandida nazarda tutilgan muddatda “Mahalla yettiligi”ning qarorida koʻrsatilgan yordam boʻyicha mablagʻlarni moliyalashtirish;

“Saxovat va koʻmak” jamgʻarmasi mablagʻlaridan moliyalashtirilgan yordamlar toʻgʻrisidagi maʼlumotlarni muntazam ravishda “Ijtimoiy himoya” ATga kiritib borish;

“Saxovat va koʻmak” jamgʻarmasi mablagʻlaridan maqsadli va samarali foydalanish.

7-bob. Yakunlovchi qoidalar

45. Sotuvchi tovarlarni sifati va oʻz vaqtida yordam oluvchining uyigacha yetkazib berilishini taʼminlash uchun javobgar hisoblanadi.

46. Qonunchilik hujjatlariga muvofiq bepul yoki imtiyozli tarzda yordam koʻrsatiladigan shaxslarga “Saxovat va koʻmak” jamgʻarmasi mablagʻlari hisobidan aynan shu turdagi yordam koʻrsatilmaydi.

47. “Saxovat va koʻmak” jamgʻarmasi mablagʻlari hisobidan yordam olish uchun murojaatlarni koʻrib chiqish bosqichlari boʻyicha ijtimoiy himoyaga muhtoj shaxslarga SMS-xabarnoma yuboriladi.

Bunda SMS-xabarnoma yuborish bilan bogʻliq xarajatlar Ijtimoiy himoya davlat jamgʻarmasi va qonunchilik hujjatlarida taqiqlanmagan boshqa manbalar hisobidan qoplanadi.

48. “Saxovat va koʻmak” jamgʻarmasi mablagʻlari hisobidan koʻrsatilgan yordamlar toʻgʻrisidagi maʼlumotlar “Ijtimoiy himoya” ATga kiritib boriladi.

49. Davlat moliyaviy nazorati inspeksiyasi va uning hududiy boʻlinmalari tomonidan mazkur Nizomga muvofiq tumanlar (shaharlar)da ijtimoiy yordamlar uchun ajratilgan mablagʻlarning samarali va maqsadli ishlatilishi boʻyicha nazorat amalga oshiriladi.

50. Mazkur Nizom talablarining buzilishida aybdor shaxslar qonunchilik hujjatlarida belgilangan tartibda javob beradilar.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
1-ILOVA

Ijtimoiy himoyaga muhtoj shaxslarning bandligini va ijtimoiy faolligini taʼminlashga qaratilgan ijtimoiy loyihalarni moliyalashtirish uchun grant ajratish

PASPORTI

1.	Ijtimoiy yordam nomi:	Ijtimoiy himoyaga muhtoj shaxslarning bandligini va ijtimoiy faolligini taʼminlashga qaratilgan ijtimoiy loyihalarni moliyalashtirish uchun grant ajratish
2.	Ijtimoiy yordam miqdori:	BHMning 60 baravarigacha boʻlgan miqdorda
3.	Ijtimoiy yordam oluvchining toifasi:	Jismoniy shaxslar va nodavlat tashkilotlar
4.	Ijtimoiy yordamni olish uchun taqdim qilinadigan hujjatlar:	Amalga oshirilishi rejalashtirilayotgan ijtimoiy loyiha va uni amalga oshirish natijasida olinadigan natijalar toʻgʻrisida maʼlumot; Ijtimoiy loyihani amalga oshirish uchun talab etiladigan mablagʻlar hisob-kitobi (smeta).
5.	Ijtimoiy yordamni taqdim etish talablari va shartlari:	Ijtimoiy yordam tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiya* tomonidan har yili bir marta oʻtkaziladigan “Eng yaxshi ijtimoiy loyihalar” tanlovida gʻolib deb topilgan ijtimoiy loyihalarni moliyalashtirish uchun ajratiladi. Bunda: “Eng yaxshi ijtimoiy loyihalar” tanlovini oʻtkazish, shu jumladan ijtimoiy loyihalarni oʻtkazish vaqti, koʻrib chiqish va gʻolib loyihalarni tanlash tartibi Ijtimoiy himoya milliy agentligi tomonidan tasdiqlanadi.
6.	Ijtimoiy yordam koʻrsatish davriyligi:	Bir yilda bir marotaba
7.	Ijtimoiy yordam koʻrsatish shakli:	Mazkur yordam: jismoniy shaxslarga ijtimoiy loyihalarni amalga oshirish uchun zarur asbob-uskuna, jihozlar, xomashyo yoki xizmatlar xarid qilib berish orqali ajratiladi; nodavlat tashkilotlarga ish oʻrinlarini yaratish, ishlab chiqarish (xizmatlar koʻrsatish) koʻlamini kengaytirish, xomashyo xarid qilish, loyiha doirasida ishga qabul qilingan shaxslarning bilimi va malakasini oshirish maqsadida oʻqitish xarajatlarini qoplash uchun ularning tijorat banklaridagi hisobvaraqlariga shartnomaga muvofiq oʻtkazib beriladi.
8.	Izoh:	“Eng yaxshi ijtimoiy loyihalar” tanlovida qatnashadigan ijtimoiy loyihalar quyidagi tartibda shakllantiriladi va koʻrib chiqiladi: har bir mahallada jismoniy va yuridik shaxslar tomonidan amalga oshirish rejalashtirilgan ijtimoiy loyihalar har yili yanvar oyi yakuniga qadar ushbu mahallada faoliyat yurituvchi ijtimoiy xodimga taqdim etiladi; jismoniy va yuridik shaxslar tomonidan taqdim etilgan hamda ijtimoiy xodim tomonidan shakllantiriladigan roʻyxatga kiritilgan mahallada amalga oshirilishi rejalashtirish ijtimoiy loyihalar ushbu “mahalla yettiligi” tomonidan har yili fevral oyi yakuniga qadar koʻrib chiqiladi hamda eng yaxshi deb topilgan 3 ta loyiha tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiyaga koʻrib chiqish uchun kiritiladi; tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiya tomonidan har yili 25-martga qadar mahallalar tomonidan taqdim etilgan loyihalar orasidan mahallalar kesimida har bir mahallada yashovchi Ijtimoiy reyestrga kiritilgan oilalarning kamida 3 nafar ijtimoiy himoyaga muhtoj shaxslarni bandligini taʼminlash va ijtimoiy faolligini oshirishga qaratilgan bitta loyiha gʻolib deb topiladi. Bunda mazkur pozitsiyaning uchinchi va toʻrtinchi xatboshilarida nazarda tutilgan ijtimoiy loyihalarni koʻrib chiqish va gʻolibni aniqlashda quyidagi mezonlarga asoslaniladi: Ijtimoiy reyestrga kiritilgan oilalarning ijtimoiy himoyaga muhtoj shaxslarini doimiy ish joyi bilan taʼminlashga yoki ularni ijtimoiy faolligini oshirishga (tadbirkorlik faoliyatini boshlash, sport bilan shugʻullanish, sanʼat va madaniy faoliyat bilan shugʻullanish) qaratilganligi; loyihani amalga oshirish uchun zarur moliyaviy resurs, dastgoh, uskuna va jihozlarga ega boʻlish; loyihaning mahallani ixtisoslashuviga mosligi, dolzarbligi, bozorbop va daromadliligi, ijtimoiy jozibadorligi; jismoniy va yuridik shaxslarning amalga oshirilishi rejalashtirilayotgan ijtimoiy loyiha boʻyicha tajribaga egaligi; xodimlar uchun zarur mehnat sharoitlari yaratish va munosib ish haqi toʻlashga qobiliyatliligi; ish bilan taʼminlash bilan bir qatorda malakasi yetarli boʻlmagan ijtimoiy himoyaga muhtoj shaxslarni kasb-hunarga oʻqitish yoki malakasini oshirish boʻyicha chora-tadbirlar belgilash imkoniyati mavjudligi.

* Mazkur komissiya tarkibi ijtimoiy himoyaga muhtoj shaxslarning bandligini taʼminlash va ijtimoiy qoʻllab-quvvatlash boʻyicha Ijtimoiy himoya milliy agentligi tomonidan tasdiqlanadigan “Eng yaxshi ijtimoiy loyihalar” tanlovini oʻtkazish tartibida belgilanadi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
2-ILOVA

Jarrohlik amaliyotisiz davolanish va jarrohlik amaliyoti xarajatlari qoplash yordamini koʻrsatish

PASPORTI

1.	Ijtimoiy yordam nomi:	Jarrohlik amaliyotisiz davolanish va jarrohlik amaliyoti xarajatlari qoplash
2.	Ijtimoiy yordam miqdori:	Jarrohlik amaliyotisiz davolanish uchun — BHMning 50 baravarigacha; Jarrohlik amaliyotini oʻtkazish uchun — Davlat tibbiy sugʻurta jamgʻarmasi tomonidan qoplashini belgilangan bazaviy narxlar doirasida.
3.	Ijtimoiy yordam oluvchining toifasi:	Ijtimoiy reyestrga kiritilgan yoki oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalar.
4.	Ijtimoiy yordamni olish uchun taqdim qilinadigan hujjatlar:	-
5.	Ijtimoiy yordamni taqdim etish talablari va shartlari:	Ijtimoiy yordam oluvchining quyidagi toifalardan biriga taalluqliligi: a) Ijtimoiy reyestrda roʻyxatda turgan oila aʼzosi; b) oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oila aʼzosi. Bunda oilaning oylik oʻrtacha jami daromadi Vazirlar Mahkamasi tomonidan belgilangan oilani “davlat taʼminotidagi oila” yoki “kambagʻal oila” toifasiga kiritish jarayonida baholashdan oʻtkazish tartibiga muvofiq aniqlanadi.
6.	Ijtimoiy yordam koʻrsatish davriyligi:	Bir yilda bir marotaba
7.	Ijtimoiy yordam koʻrsatish shakli:	Mazkur yordamni koʻrsatish boʻyicha mablagʻlar Davlat tibbiy sugʻurta jamgʻarmasiga oʻtkazib beriladi. Bunda: yordam koʻrsatiladigan shaxsni jarrohlik amaliyotisiz davolash yoki jarrohlik amaliyotini oʻtkazish Davlat tibbiy sugʻurta jamgʻarmasi tomonidan qonunchilikda belgilangan tartibda tanlangan hamda shartnoma tuzilgan tibbiyot tashkiloti (davlat yoki nodavlat) tomonidan amalga oshiriladi; yordam koʻrsatiladigan shaxsni jarrohlik amaliyotisiz davolash yoki jarrohlik amaliyotini oʻtkazilganidan soʻng, Davlat tibbiy sugʻurta jamgʻarmasining talabnomasiga muvofiq tegishli xarajatlarni moliyalashtirish uchun mablagʻlar 3 ish kuni ichida Davlat tibbiy sugʻurta jamgʻarmasiga oʻtkaziladi; Davlat tibbiy sugʻurta jamgʻarmasi Ijro etuvchi apparati tomonidan tegishli mablagʻlar tibbiyot tashkilotiga oʻtkazib beriladi; Davlat tibbiy sugʻurta jamgʻarmasi Ijro etuvchi apparati tomonidan “Saxovat va koʻmak” jamgʻarmasi mablagʻlari hisobidan tibbiyot tashkilotlariga oʻtkazilgan mablagʻlar boʻyicha alohida hisob-kitob yuritiladi.
9.	Izoh:	Mazkur yordam uni oluvchilar uchun qonunchilik hujjatlariga muvofiq: Davlat budjeti mablagʻlari hisobidan imtiyozli toifaga kiruvchi shaxslar davolanadigan kasalliklar roʻyxatiga muvofiq yoʻllanmalar asosida; Davlat tibbiy sugʻurtasi mablagʻlari hisobidan tibbiy yordam koʻrsatilmagan yoki ushbu yordam xarajatlari boshqa manbalar (“Ayollar daftari” jamgʻarmasi, “Yoshlar daftari” jamgʻarmasi va boshqa manbalar) hisobidan qoplanmagan holatlarda koʻrsatiladi. Yordam oluvchilarning hisobi alohida yuritiladi. Mazkur pasportga muvofiq jarrohlik amaliyotisiz davolanish va jarrohlik amaliyoti xarajatlarini qoplash uchun toʻlovlarni amalga oshirish tartibi Ijtimoiy himoya milliy agentligi, Sogʻliqni saqlash vazirligi va Davlat tibbiy sugʻurta jamgʻarmasi tomonidan tasdiqlanadi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
3-ILOVA

Oziq-ovqat, kiyim-kechak va boshqa eng zarur tovarlar bilan bogʻliq xarajatlarni qoplash yordamini koʻrsatish

PASPORTI

Ijtimoiy yordam nomi:

Oziq-ovqat, kiyim-kechak va boshqa eng zarur tovarlar bilan bogʻliq xarajatlarni qoplash

Ijtimoiy yordam miqdori:

Oziq-ovqat mahsulotlari uchun — BHMning 1 baravari miqdorda;

Kiyim-kechak va boshqa eng zarur tovarlar uchun — BHMning 5 baravari miqdorda.

Ijtimoiy yordam oluvchining toifasi:

Ijtimoiy reyestrga kiritilgan oilalar.

Ijtimoiy yordamni olish uchun taqdim qilinadigan hujjatlar:

Ijtimoiy yordamni taqdim etish talablari va shartlari:

Oilaning Ijtimoiy reyestrda turishi.

Ijtimoiy yordam koʻrsatish davriyligi:

Oziq-ovqat mahsulotlari uchun — har chorakda bir marotaba;

Kiyim-kechak va boshqa eng zarur tovarlar uchun — har yarim yilda bir marotaba.

Ijtimoiy yordam koʻrsatish shakli:

Mazkur yordam quyidagi shakllardan biri orqali koʻrsatiladi:

oziq-ovqat mahsulotlari, kiyim-kechak va boshqa eng zarur tovarlarni elektron savdo platformasi va savdo maydonchalari orqali elektron shaklda xarid qilish uchun belgilangan qiymatdagi vaucher ajratiladi;

2025-yil 15-avgustga qadar oziq-ovqat mahsulotlari, kiyim-kechak va boshqa eng zarur tovarlarni xarid qilish tuman (shahar) hokimliklari va tadbirkorlik subyektlari oʻrtasida tuzilgan shartnomalar asosida amalga oshiriladi.

Ijtimoiy yordam boʻyicha xarid qilinadigan oziq-ovqat mahsulotlari, kiyim-kechak va boshqa eng zarur tovarlar roʻyxati:*

Oziq-ovqat mahsulotlari

ROʻYXATI

T/r	Oziq-ovqat mahsuloti nomi
	Un
	Oʻsimlik yogʻi va choy
	Guruch va donli mahsulotlar
	Makaron mahsulotlari
	Tuxum
	Goʻsht mahsulotlari (mol, qoʻy, parranda, baliq)
	Sabzavot va poliz mahsulotlari
	Shakar

Kiyim-kechak va boshqa eng zarur tovarlar

ROʻYXATI

T/r	Mahsulot nomi
	Maktab formasi (kostum-shim, koʻylak, oyoq kiyim, sumka)
	Qishki va yozgi kiyim-kechaklar hamda oyoq kiyimlar
	Sport kiyim-kechaklari va oyoq kiyimlari
	Koʻrpa-toʻshak va choyshablar
	Gigiyena vositalari (atir sovun, shampun, kir sovun, kir yuvish poroshogi, idish yuvish vositalari)

* Mazkur ijtimoiy yordam boʻyicha xarid qilinadigan oziq-ovqat mahsulotlari, kiyim-kechak va boshqa eng zarur tovarlar roʻyxatiga Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan oʻzgartirish kiritilishi mumkin.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
4-ILOVA

Turar joy ijarasi uchun kompensatsiya yordamini koʻrsatish

PASPORTI

1.	Ijtimoiy yordam nomi:	Turar joy ijarasi uchun kompensatsiya
2.	Ijtimoiy yordam miqdori:	Ijara toʻlovining 50 foizi, biroq BHMning 2 baravarigacha (Toshkent shahrida BHMning 4 baravarigacha, Nukus shahri hamda viloyatlar markazlarida BHMning 3 baravarigacha)
3.	Ijtimoiy yordam oluvchining toifasi:	Ijtimoiy reyestrga kiritilgan oilalar.
4.	Ijtimoiy yordamni olish uchun taqdim qilinadigan hujjatlar:	Ijara shartnomasi nusxasi va ijara shartnomasining soliq organlarida hisobga qoʻyilganligi haqidagi bildirishnoma.
5.	Ijtimoiy yordamni taqdim etish talablari va shartlari:	Oilaning Ijtimoiy reyestrda turishi.
6.	Ijtimoiy yordam koʻrsatish davriyligi:	Olti oy davomida har oyda
7.	Ijtimoiy yordam koʻrsatish shakli:	Mazkur kompensatsiya soliq organlarida hisobga qoʻyilgan ijara shartnomasiga muvofiq yordam oluvchining ijtimoiy kartasi yoki bank plastik kartasiga oʻtkazib beriladi.
8.	Izoh:	Ijtimoiy reyestrga kiritilgan oilaning murojaati asosida ijtimoiy yordamni koʻrsatish qoʻshimcha olti oyga uzaytirilishi mumkin. Mazkur ijtimoiy yordam turi boʻyicha kompensatsiya yaqin qarindoshlar oʻrtasida tuzilgan ijara shartnomasi uchun toʻlab berilmaydi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
5-ILOVA

Uy-joyini taʼmirlash, shu jumladan, oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning yashash sharoitini moslashtirish xarajatlarini qoplash yordamini koʻrsatish

PASPORTI

Ijtimoiy yordam nomi:

Ijtimoiy yordam miqdori:

BHMning 50 baravarigacha boʻlgan miqdorda

Ijtimoiy yordam oluvchining toifasi:

a) uy-joyni taʼmirlash uchun — Ijtimoiy reyestrga kiritilgan yoki oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalar;

b) yashash sharoitini moslashtirish uchun — Oʻzgalar parvarishiga muhtoj boʻlgan yolgʻiz yashovchi va yolgʻiz keksalar hamda nogironligi boʻlgan shaxslarning reyestriga kiritilgan shaxslar. Bunda oʻzgalar parvarishiga muhtoj boʻlgan yolgʻiz yashovchi va yolgʻiz keksalar hamda nogironligi boʻlgan shaxslar Ijtimoiy reyestrda turishi yoki oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi lozim.

Ijtimoiy yordamni olish uchun taqdim qilinadigan hujjatlar:

Ijtimoiy yordamni taqdim etish talablari va shartlari:

a) uy-joyni taʼmirlash uchun:

oila aʼzolarining Ijtimoiy reyestrda turishi;

oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi. Bunda oilaning oylik oʻrtacha jami daromadi Vazirlar Mahkamasi tomonidan belgilangan oilani “davlat taʼminotidagi oila” yoki “kambagʻal oila” toifasiga kiritish jarayonida baholashdan oʻtkazish tartibiga muvofiq aniqlanadi.

Bunda, oilaning har bir aʼzosiga toʻgʻri keladigan bir oylik oʻrtacha jami daromadi minimal isteʼmol xarajatlari miqdorining 2 baravaridan oshmasligi lozim.

b) yashash sharoitini moslashtirish uchun Oʻzgalar parvarishiga muhtoj boʻlgan yolgʻiz yashovchi hamda yolgʻiz keksalar va nogironligi boʻlgan shaxslarning reyestriga kiritilgan oila aʼzolarining Ijtimoiy reyestrda turishi yoki oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi lozim. Bunda:

oilaning oylik oʻrtacha jami daromadi Vazirlar Mahkamasining 2026-yil 29-yanvardagi 35-son qarori bilan tasdiqlangan Ijtimoiy reyestrni yuritish tartibi toʻgʻrisidagi nizomga muvofiq aniqlandi;

oilaning bir oylik jami oʻrtacha daromad miqdorini hisoblab chiqishda mehnatga haq toʻlash eng kam miqdorining ikki baravarigacha boʻlgan pensiya va boshqa daromadlari hisobga olinmaydi;

daromadni rasmiy maʼlumotlar orqali tasdiqlash imkoni boʻlmaganda shartli ravishda normativ daromad qoʻllanilmaydi.

Ijtimoiy yordam koʻrsatish davriyligi:

Ikki yilda bir marotaba

Ijtimoiy yordam koʻrsatish shakli:

1. Mazkur yordam boʻyicha qurilish materiallari xaridi va taʼmirlash yoki moslashtirish uchun mablagʻlar:

a) tuman (shahar) obodonlashtirish boshqarmalari, yoki “Mahalla servis kompaniyasi”ga shartnomaga muvofiq pul oʻtkazish yoʻli bilan taqdim etiladi. Bunda:

tuman (shahar) obodonlashtirish boshqarmalari yoki “Mahalla servis kompaniyasi” tomonidan taʼmirlash yoki moslashtirish ishlarini amalga oshirish uchun zarur boʻlgan qurilish materiallari toʻgʻridan-toʻgʻri shartnoma asosida xarid qilinadi;

tuman (shahar) obodonlashtirish boshqarmalari yoki “Mahalla servis kompaniyasi” tomonidan uy-joyni taʼmirlash yoki moslashtirish ishlarini bajarish imkoni boʻlmaganda, mazkur ishlar ushbu bandning “b” kichik bandida koʻrsatilgan tartibda yordam oluvchi tomonidan amalga oshirilishi mumkin.

taʼmirlash yoki moslashtirish ishlarini boshlash uchun tuman (shahar) obodonlashtirish boshqarmalari yoki “Mahalla servis kompaniyasi”ga “mahalla yettiligi”ning kollegial qarorida koʻrsatilgan mablagʻlarning 50 foizi avans sifatida shartnomaga asosan oʻtkazib beriladi;

b) “mahalla yettiligi”ning kollegial qarorida uy-joyni taʼmirlash yoki moslashtirish ishlari yordam oluvchi tomonidan amalga oshirilishi koʻrsatilgan taqdirda, yordam oluvchiga koʻpi bilan mazkur pasportning 2-pozitsiyasida nazarda tutilgan ijtimoiy yordam miqdorining 85 foizigacha boʻlgan qiymatdagi vaucher taqdim etiladi.

Bunda qurilish materiallarini elektron savdo platformasi yoki savdo maydonchasi orqali xarid qilinadi.

2. Tuman (shahar) obodonlashtirish boshqarmalari yoki “Mahalla servis kompaniyasi” taʼmirlash ishlarini yakunlash “mahalla yettiligi” tomonidan topshirish dalolatnomasiga asosan qabul qilinadi hamda taʼmirlash uchun qolgan mablagʻlar oʻtkazib beriladi.

Bunda nuqson dalolatnomasida koʻrsatilgan holatlar toʻliq bartaraf etilmaganda, taʼmirlash ishlari yakunlanmagan hisoblanadi hamda “mahalla yettiligi” tomonidan qabul qilinmaydi.

3. 2025-yil 15-avgustga qadar qurilish materiallarini xarid qilish tuman (shahar) hokimliklari va tadbirkorlik subyektlari oʻrtasida tuzilgan shartnomalar asosida amalga oshiriladi.

Ijtimoiy yordam boʻyicha xarid qilinadigan uy-joyni taʼmirlash yoki moslashtirish uchun qurilish mahsulotlari roʻyxati:*

Uy-joyini taʼmirlash yoki moslashtirish uchun qurilish mahsulotlari

ROʻYXATI

T/r	Mahsulot nomi
1.	Sement, ohak, gips, qum, shagʻal va boshqa
2.	Tasmalar (armatura)
3.	Tom va shift materiallari
4.	Asbest va mineral vata
5.	Metall konstruksiyalar
6.	Yogʻoch mahsulotlari
7.	Gʻisht (beton qorishmali gʻishtlar, bloklar)
8.	Sendvich-panellar va gipsokarton
9.	Fibrobeton va shlakoblok
10.	Poliuretan, penoplast va issiq izolyatsiya materiallari
11.	Plitka va keramika
12.	Oyna va shisha mahsulotlari
13.	Eshik, deraza va romlar (ichki va tashqi)
14.	Shpatlevka va suvoq materiallari
15.	Truba va furnituralari
16.	Epoksid pastalar va suyuq yopishmalar
17.	Boʻyoqlar
18.	Laminat, DSP va PVX panellar
19.	Santexnika va elektronika mahsulotlari

Izoh:

a) Uy-joyni joriy taʼmirlash boʻyicha mablagʻlar fuqarolarga quyidagi hollarda ajratiladi:

uy-joyining tom qismini taʼmirlash uchun;

uy-joyining yashash xonalarini pol va devor qismlarini taʼmirlash uchun;

uy-joyining yashash xonalari va oshxonasining eshik va derazasi yoʻq yoki yaroqsiz holatda boʻlsa yangilash yoki taʼmirlash uchun;

uy-joyining hammom yoki hojatxonasi mavjud boʻlmasa yoki taʼmirtalab boʻlsa, yangitdan qurish yoki taʼmirlash maqsadida ajratiladi.

Shuningdek, faqat Ijtimoiy reyestrga kiritilgan oilalar uchun uy-joyini issiqlik saqlovchi maxsus qoplamalar bilan qoplash hamda isitish tizimi uchun xarajatlar qoplab beriladi.

Mazkur yordamdan foydalanish uchun unga haqiqatda muhtojlik mavjudligi “mahalla yettiligi” tomonidan yordam oluvchilarga mulk huquqi yoki boshqa ashyoviy huquqlar asosida tegishli boʻlgan uy-joylarga borgan holda oʻrganish oʻtkazilib, nuqson dalolatnomasi tuziladi.

Bunda nuqson dalolatnomasida yordam oluvchiga tegishli uy-joyni taʼmirlanishi lozim boʻlgan qismlari hamda yangisiga almashtirilishi lozim boʻlgan jihozlar (eshik-rom, shifer va boshqalar) aniq koʻrsatilgan holda uy-joyning foto surʼatlari ilova qilinadi;

b) Ushbu yordam turar joyga nisbatan huquq belgilovchi hujjatlari mavjud boʻlmagan yer uchastkalari hamda ularda qurilgan bino inshootlar kadastr organlari tomonidan hisobga olingan hamda soliq organlari axborot tizimiga soliq toʻlovchi sifatida kiritilgan shaxslarga ham koʻrsatiladi;

v) Mazkur yordam yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash yordamini olgan oila (shaxs)larga koʻrsatilmaydi.

* Mazkur ijtimoiy yordam boʻyicha xarid qilinadigan uy-joyini taʼmirlash uchun qurilish mahsulotlari roʻyxatiga Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan oʻzgartirish kiritilishi mumkin hamda ushbu roʻyxat boʻyicha qurilish mahsulotlari “mahalla yettiligi”ning kollegial qarori bilan uy-joyni taʼmirlash ishlari yordam oluvchi tomonidan amalga oshirilishi belgilangan holatlarda xarid qilinadi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
6-ILOVA

Kommunal xarajatlarni qoplash yordamini koʻrsatish

PASPORTI

1.	Ijtimoiy yordam nomi:	Kommunal xarajatlarni qoplash
2.	Ijtimoiy yordam miqdori:	BHMning 1 baravarigacha boʻlgan miqdorda
3.	Ijtimoiy yordam oluvchining toifasi:	Ijtimoiy reyestrga kiritilgan oilalar.
4.	Ijtimoiy yordamni olish uchun taqdim qilinadigan hujjatlar:	-
5.	Ijtimoiy yordamni taqdim etish talablari va shartlari:	Oilaning Ijtimoiy reyestrda turishi.
6.	Ijtimoiy yordam koʻrsatish davriyligi:	Bir kuz-qish mavsumida koʻpi bilan ikki marotaba (1-oktabrdan 15-martga qadar)
7.	Ijtimoiy yordam koʻrsatish shakli:	Mazkur yordam boʻyicha mablagʻlar kommunal xizmatlar boʻyicha taʼminot korxonalariga elektron axborot dasturi orqali toʻgʻridan-toʻgʻri oʻtkazib beriladi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
7-ILOVA

Kommunal xizmatlar boʻyicha qarzdorlikni qoplash yordamini koʻrsatish

PASPORTI

1.	Ijtimoiy yordam nomi:	Kommunal xizmatlar boʻyicha qarzdorlikni qoplash
2.	Ijtimoiy yordam miqdori:	BHMning 5 baravarigacha boʻlgan miqdorda
3.	Ijtimoiy yordam oluvchining toifasi:	Ijtimoiy reyestrga kiritilgan oilalar.
4.	Ijtimoiy yordamni olish uchun taqdim qilinadigan hujjatlar:	Kommunal toʻlovlar boʻyicha qarzdorligi mavjudligini tasdiqlovchi hujjat nusxasi (ariza beruvchi kommunal xizmat boʻyicha hisob raqamini koʻrsatiladi).
5.	Ijtimoiy yordamni taqdim etish talablari va shartlari:	Oilaning Ijtimoiy reyestrda turishi.
6.	Ijtimoiy yordam koʻrsatish davriyligi:	Bir kuz-qish mavsumida koʻpi bilan ikki marotaba (1-oktabrdan 15-martga qadar)
7.	Ijtimoiy yordam koʻrsatish shakli:	Ushbu yordam boʻyicha tegishli mablagʻlar kommunal xizmatlar boʻyicha taʼminot korxonalariga elektron axborot dasturi orqali toʻgʻridan-toʻgʻri oʻtkazib beriladi.
8.	Izoh:	Ushbu pasportga muvofiq yordam miqdori Qoraqalpogʻiston Respublikasi respublika budjetining, viloyatlar va Toshkent shahar mahalliy budjetining hamda tumanlar (shaharlar) budjetlarining qoʻshimcha manbalari hisobidan koʻpaytirilishi mumkin.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
8-ILOVA

Koʻmir yoki boshqa yoqilgʻi mahsulotlari bilan taʼminlash xarajatlarini qoplash yordamini koʻrsatish

PASPORTI

Ijtimoiy yordam nomi:

Koʻmir yoki boshqa yoqilgʻi mahsulotlari bilan taʼminlash xarajatlarini qoplash

Ijtimoiy yordam miqdori:

BHMning 3 baravarigacha

Ijtimoiy yordam oluvchining toifasi:

Ijtimoiy reyestrga kiritilgan oilalar.

Ijtimoiy yordamni olish uchun taqdim qilinadigan hujjatlar:

Yordam oluvchi yashayotgan mahalla tabiiy gaz taʼminoti bilan taʼminlanmaganligi toʻgʻrisidagi asoslovchi hujjat.

Ijtimoiy yordamni taqdim etish talablari va shartlari:

Oilaning Ijtimoiy reyestrda turishi

Ijtimoiy yordam koʻrsatish davriyligi:

Bir kuz-qish mavsumida koʻpi bilan ikki marotaba

Ijtimoiy yordam koʻrsatish shakli:

Ushbu yordam boʻyicha yordam oluvchi koʻmir yoki boshqa yoqilgʻi mahsulotlari:

elektron savdo platformasi yoki savdo maydonchasi orqali;

2025-yil 15-avgustga qadar tuman (shahar) hokimliklari va tadbirkorlik subyektlari oʻrtasida tuzilgan shartnomalar asosida xarid qilinadi.

Ijtimoiy yordam boʻyicha xarid qilinadigan koʻmir yoki boshqa yoqilgʻi mahsulotlari:*

Koʻmir yoki boshqa yoqilgʻi mahsulotlari

ROʻYXATI

T/r	Koʻmir yoki boshqa yoqilgʻi mahsulotlari nomi
1.	Koʻmir
2.	Koks
3.	Pelet
4.	Oʻtin

Izoh:

Mazkur pasportga muvofiq yordam miqdori Qoraqalpogʻiston Respublikasi respublika budjetining, viloyatlar va Toshkent shahar mahalliy budjetining hamda tumanlar (shaharlar) budjetlarining qoʻshimcha manbalari hisobidan koʻpaytirilishi mumkin.

* Mazkur ijtimoiy yordam boʻyicha xarid qilinadigan koʻmir yoki boshqa yoqilgʻi mahsulotlari roʻyxatiga Oʻzbekiston Respublikasi Prezidenti huzuridagi Ijtimoiy himoya milliy agentligi tomonidan oʻzgartirish kiritilishi mumkin.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
9-ILOVA

Yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash yordamini koʻrsatish

PASPORTI

1.	Ijtimoiy yordam nomi:	Yongʻin, suv toshqini, zilzila va boshqa texnogen hodisalar oqibatida zarar koʻrgan uy-joylarni tiklash va taʼmirlash xarajatlarini qoplash
2.	Ijtimoiy yordam miqdori:	BHMning 150 baravarigacha boʻlgan miqdorda
3.	Ijtimoiy yordam oluvchining toifasi:	Ijtimoiy reyestrga kiritilgan yoki oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalar.
4.	Ijtimoiy yordamni olish uchun taqdim qilinadigan hujjatlar:	Sodir boʻlgan yongʻin toʻgʻrisida davlat xizmatlari markazi tomonidan taqdim qilingan maʼlumotnoma yoki Vazirlar Mahkamasining 2020-yil 25-noyabrdagi 747-son qarori bilan tasdiqlangan Tabiiy ofatlar oqibatida aholiga yetkazilgan zararni qoplash tartibi toʻgʻrisidagi nizomga asosan Tabiiy ofatlar oqibatida jabrlangan shaxslarga yetkazilgan zararni aniqlash va baholash boʻyicha ishchi guruh tomonidan tabiiy ofatlar oqibatida yetkazilgan zararni aniqlash va baholash boʻyicha tuzilgan dalolatnoma.
5.	Ijtimoiy yordamni taqdim etish talablari va shartlari:	a) oila Ijtimoiy reyestrda turishi; b) oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi. Bunda oilaning oylik oʻrtacha jami daromadi Vazirlar Mahkamasi tomonidan belgilangan oilani “davlat taʼminotidagi oila” yoki “kambagʻal oila” toifasiga kiritish jarayonida baholashdan oʻtkazish tartibiga muvofiq aniqlanadi. Bunda, oilaning har bir aʼzosiga toʻgʻri keladigan bir oylik oʻrtacha jami daromadi minimal isteʼmol xarajatlari miqdorining 2 baravaridan oshmasligi lozim.
6.	Ijtimoiy yordam koʻrsatish davriyligi:	Zaruratga koʻra, cheklanmagan marotaba
7.	Ijtimoiy yordam koʻrsatish shakli:	1. Mazkur yordam boʻyicha qurilish materiallari va taʼmirlash uchun mablagʻlar: a) tuman (shahar) obodonlashtirish boshqarmalari yoki “Mahalla servis kompaniyasi” shartnomaga muvofiq pul oʻtkazish yoʻli bilan taqdim etiladi. Bunda: tuman (shahar) obodonlashtirish boshqarmalari yoki “Mahalla servis kompaniyasi” tomonidan taʼmirlash ishlarini amalga oshirish uchun zarur boʻlgan qurilish mahsulotlari toʻgʻridan-toʻgʻri shartnoma asosida xarid qilinadi; tiklash va taʼmirlash ishlarini boshlash uchun tuman (shahar) obodonlashtirish boshqarmalari yoki “Mahalla servis kompaniyasi”ga “mahalla yettiligi”ning kollegial qarorida koʻrsatilgan mablagʻlarning 50 foizi avans sifatida shartnomaga asosan oʻtkazib beriladi; b) “mahalla yettiligi”ning kollegial qarorida uy-joyni taʼmirlash yoki moslashtirish ishlari yordam oluvchi tomonidan amalga oshirilishi koʻrsatilgan taqdirda, yordam oluvchiga koʻpi bilan mazkur pasportning 2-pozitsiyasida nazarda tutilgan ijtimoiy yordam miqdorining 85 foizigacha boʻlgan qiymatdagi vaucher taqdim etiladi. Bunda qurilish materiallarini elektron savdo platformasi yoki savdo maydonchasi orqali xarid qilinadi. 2. Tuman (shahar) obodonlashtirish boshqarmalari yoki “Mahalla servis kompaniyasi” taʼmirlash ishlarini yakunlash “mahalla yettiligi” tomonidan topshirish dalolatnomasiga asosan qabul qilinadi hamda tiklash va taʼmirlash ishlari uchun qolgan mablagʻlar oʻtkazib beriladi. Bunda nuqson dalolatnomasida koʻrsatilgan holatlar toʻliq bartaraf etilmaganda, taʼmirlash ishlari yakunlanmagan hisoblanadi hamda “mahalla yettiligi” tomonidan qabul qilinmaydi.
8.	Izoh:	a) Mazkur yordamdan foydalanish uchun unga haqiqatda muhtojlik mavjudligi “mahalla yettiligi” tomonidan yordam oluvchilarga mulk huquqi yoki boshqa ashyoviy huquqlar asosida tegishli boʻlgan uy-joylarga borgan holda oʻrganish oʻtkazilib, nuqson dalolatnomasi tuziladi. Bunda nuqson dalolatnomasida yordam oluvchiga tegishli uy-joyni taʼmirlanishi lozim boʻlgan qismlari hamda yangisiga almashtirilishi lozim boʻlgan jihozlar (eshik-rom, shifer va boshqalar) aniq koʻrsatilgan holda uy-joyning foto surʼatlari ilova qilinadi; b) Ushbu yordam turar joyga nisbatan huquq belgilovchi hujjatlari mavjud boʻlmagan yer uchastkalari hamda ularda qurilgan bino inshootlar kadastr organlari tomonidan hisobga olingan hamda soliq organlari axborot tizimiga soliq toʻlovchi sifatida kiritilgan shaxslarga ham koʻrsatiladi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
10-ILOVA

Fuqarolarning, xususan bolalarning shaxsga doir hujjatlarini rasmiylashtirish uchun shaxslarning kelib chiqishini aniqlashga doir tadbirlar xarajatlarini qoplash yordamini koʻrsatish

PASPORTI

1.	Ijtimoiy yordam nomi:	Fuqarolarning, xususan bolalarning shaxsga doir hujjatlarini rasmiylashtirish uchun shaxslarning kelib chiqishini aniqlashga doir tadbirlar xarajatlarini qoplash
2.	Ijtimoiy yordam miqdori:	Toʻlanishi lozim boʻlgan ekspertiza xarajatlari doirasida
3.	Ijtimoiy yordam oluvchining toifasi:	Ijtimoiy reyestrga kiritilgan oilalar.
4.	Ijtimoiy yordamni olish uchun taqdim qilinadigan hujjatlar:	a) fuqarolik ishlari boʻyicha sudning odam DNKsi sud-biologik ekspertizasi tayinlash toʻgʻrisidagi ajrimi nusxasi; b) odam DNKsi sud-biologik ekspertizasi oʻtkazish toʻgʻrisidagi shartnoma.
5.	Ijtimoiy yordamni taqdim etish talablari va shartlari:	Oilaning Ijtimoiy reyestrda roʻyxatda turishi.
6.	Ijtimoiy yordam koʻrsatish davriyligi:	Faqat bir marotaba
7.	Ijtimoiy yordam koʻrsatish shakli:	Mazkur yordam tegishli mablagʻlar vakolatli organning qaroriga muvofiq shaxsning kelib chiqishini aniqlashga doir tadbirlarni amalga oshiruvchi tashkilotning hisob raqamlariga oʻtkaziladi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
11-ILOVA

Nogironligi boʻlgan shaxsning va tarkibida nogironligi boʻlgan shaxs bor oilaning elektron onlayn-auksion orqali yer uchastkasini sotib olish bilan bogʻliq xarajatlarini qoplash yordamini koʻrsatish

PASPORTI

1.	Ijtimoiy yordam nomi:	Nogironligi boʻlgan shaxsning va tarkibida nogironligi boʻlgan shaxs bor oilaning elektron onlayn-auksion orqali yer uchastkasini sotib olish bilan bogʻliq xarajatlarini qoplab berish
2.	Ijtimoiy yordam miqdori:	BHMning 100 baravarigacha boʻlgan miqdorda. Bunda yer uchastkasini auksion orqali sotib olish xarajatlari miqdori bazaviy hisoblash miqdorining 100 baravarigacha boʻlganda toʻliq, xarajatlar miqdori ushbu chegaradan yuqori boʻlgan hollarda esa — xarajatlarning bazaviy hisoblash miqdorining 100 baravarigacha boʻlgan qismi qoplab beriladi.
3.	Ijtimoiy yordam oluvchining toifasi:	Ijtimoiy reyestrga kiritilgan nogironligi boʻlgan shaxslar.
4.	Ijtimoiy yordamni olish uchun taqdim qilinadigan hujjatlar:	-
5.	Ijtimoiy yordamni taqdim etish talablari va shartlari:	a) oxirgi 12 oy davomida oʻzi yoki oila aʼzolari nomida yashash uchun moʻljallangan turar joyi yoki yer uchastkasi mavjud boʻlmasligi. b) yer uchastkasi oxirgi uch oy ichida auksion orqali xarid qilingan va Oʻzbekiston Respublikasi hududida boʻlishi; v) qonunchilik hujjatlarida belgilangan tartibda tibbiy-ijtimoiy ekspert komissiyalari tomonidan ekspertiza natijalari boʻyicha nogironligi boʻlgan shaxs deb topilgan, shuningdek, Ijtimoiy reyestrga kiritilgan boʻlishi.
6.	Ijtimoiy yordam koʻrsatish davriyligi:	Faqat bir marotaba
7.	Ijtimoiy yordam koʻrsatish shakli:	Mazkur yordam boʻyicha tegishli mablagʻlar yordam oluvchining bank plastik kartasiga oʻtkazib beriladi.
8.	Izoh:	Yordam oluvchi shaxslarga bir martalik toʻlov 14 — 30 yoshdagi shaxslar uchun “Yoshlar daftari” jamgʻarmasi mablagʻlari, 30 yoshdan katta boʻlgan xotin-qizlar uchun “Ayollar daftari” jamgʻarmasi mablagʻlari, boshqa ehtiyojmand shaxslar uchun “Saxovat va koʻmak” jamgʻarmasi mablagʻlari hisobidan moliyalashtiriladi. Bunda, Ijtimoiy reyestrga kiritilgan, biroq “Ayollar daftari” va “Yoshlar daftari”ga kiritilmagan shaxslar xotin-qizlar faoli yoki yoshlar yetakchisi tomonidan bir oy muddatda “Ayollar daftari” yoki “Yoshlar daftari”ga kiritiladi hamda ularga bir martalik toʻlov amalda oshiriladi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
12-ILOVA

Koʻp xonadonli turar-joylarda pandus yoki koʻtarish moslamasini oʻrnatish xarajatlarini qoplash yordamini koʻrsatish

PASPORTI

1.	Ijtimoiy yordam nomi:	Koʻp xonadonli turar-joylarda pandus yoki koʻtarish moslamasini oʻrnatish xarajatlarini qoplash
2.	Ijtimoiy yordam miqdori:	BHMning 120 baravarigacha boʻlgan miqdorda
3.	Ijtimoiy yordam oluvchining toifasi:	Quyidagi toifadagi koʻp xonadonli turar-joylarda yashovchi tayanch harakatida nuqsoni bor oʻrindiqli aravachada harakatlanuvchi nogironligi boʻlgan shaxslari yoki bolalari (bundan, vaqtincha aravachada harakatlanuvchilar mustasno) mavjud oilalar: a) Ijtimoiy reyestrga kiritilgan oila; b) Ijtimoiy reyestrga kiritilmagan biroq oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oila. Bunda, oilaning oylik oʻrtacha jami daromadi Vazirlar Mahkamasi tomonidan belgilangan oilani “davlat taʼminotidagi oila” yoki “kambagʻal oila” toifasiga kiritish jarayonida baholashdan oʻtkazish tartibiga muvofiq aniqlanadi.
4.	Ijtimoiy yordamni olish uchun taqdim qilinadigan hujjatlar:	a) tadbirkorlik subyekti va tayanch harakatida nuqsoni bor oʻrindiqli aravachada harakatlanuvchi nogironligi boʻlgan shaxslar va bolalar (vakili) oʻrtasida tuzilgan shartnoma nusxasi; b) pandus yoki koʻtarish moslamasini oʻrnatish toʻgʻrisida Ijtimoiy inspeksiyaning hududiy boshqarmalari tomonidan taqdim etilgan xulosa.
5.	Ijtimoiy yordamni taqdim etish talablari va shartlari:	Ushbu yordam murojaatchi koʻp xonadonli turar-joylarda lifti mavjud koʻp xonadonli turar-joylarda liftgacha boʻlgan birinchi qavatgacha qismiga, shuningdek, lifti boʻlmagan koʻp xonadonli turar-joylarning birinchi qavatgacha qismigacha (tayanch harakatida nuqsoni bor oʻrindiqli aravachada harakatlanuvchi nogironligi boʻlgan shaxslar va bolalar (vakili) turar-joyning birinchi qavatida yashovchi boʻlgan taqdirda) yashovchi tayanch harakatida nuqsoni bor oʻrindiqli aravachada harakatlanuvchi nogironligi boʻlgan shaxslar va bolalar (vakili) boʻlganda taqdim etiladi. a) fuqaro yashovchi koʻp qavatli xonadonning kirish qismiga pandus qilish xarajatlari qoplab beriladi; b) pandus qilish imkoniyati mavjud boʻlmagan taqdirda lifti mavjud koʻp xonadonli turar-joylarda liftgacha boʻlgan birinchi qavatgacha qismiga, shuningdek, lifti boʻlmagan koʻp xonadonli turar-joylarning birinchi qavatgacha qismigacha (tayanch harakatida nuqsoni bor oʻrindiqli aravachada harakatlanuvchi nogironligi boʻlgan shaxslar va bolalar (vakili) turar-joyning birinchi qavatida yashovchi boʻlgan taqdirda) koʻtarish moslamasini oʻrnatish. v) koʻtarish moslamasini oʻrnatish boʻyicha xulosa Ijtimoiy inspeksiyaning hududiy boshqarmalari tomonidan taqdim etiladi.
6.	Ijtimoiy yordam koʻrsatish davriyligi:	Faqat bir marotaba
7.	Ijtimoiy yordam koʻrsatish shakli:	Mazkur yordam shartnomaga muvofiq amalga oshiriladi. Maxsus koʻtarish moslamasini oʻrnatish ishlari yakunlangandan soʻng, “mahalla yettiligi” tomonidan topshirish dalolatnomasiga asosan qabul qilinadi. Koʻtarish moslamasining texnik xavfsizligi boʻyicha xizmat koʻrsatuvchi tashkilot texnik nazoratchisi xulosasi hamda koʻtarish moslamasi haqiqatda oʻrnatilganligi yuzasidan Ijtimoiy inspeksiya hududiy boshqarmalarining ijobiy xulosasiga asosan, boshqaruv servis kompaniyasi (boshqaruv servis kompaniyasi boʻlmagan taqdirda mahalla fuqarolar yigʻini) balansiga oʻtkazilgandan soʻng, tegishli mablagʻlar tadbirkorlik subyektining hisob raqamiga oʻtkazib beriladi.
8.	Izoh:	Mazkur yordamdan foydalanish uchun unga haqiqatda muhtojlik mavjudligi “mahalla yettiligi” tomonidan yordam oluvchilarga mulk huquqi asosida tegishli boʻlgan uy-joylarga borgan holda oʻrganish oʻtkazilib, nuqson dalolatnomasi tuziladi. Bunda nuqson dalolatnomasida yordam oluvchiga tegishli uy-joyga pandus yoki koʻtarish moslamasi oʻrnatish zarurligi aniq koʻrsatilgan holda uy-joyga kirish qismining foto surʼatlari ilova qilinadi.

“Saxovat va koʻmak” jamgʻarmasi mablagʻlari hisobidan ijtimoiy yordam koʻrsatish tartibi toʻgʻrisidagi nizomga
13-ILOVA

Ayollarni reabilitatsiya qilish va moslashtirish respublika markazining hududiy markazlaridan chiqarilgan xotin-qizlarning turar joy ijarasi uchun kompensatsiya yordamini koʻrsatish

PASPORTI

1.	Ijtimoiy yordam nomi:	Ayollarni reabilitatsiya qilish va moslashtirish respublika markazining hududiy markazlaridan chiqarilgan xotin-qizlarning turar joy ijarasi uchun kompensatsiya
2.	Ijtimoiy yordam miqdori:	Ijara toʻlovining 100 foizi, biroq BHMning 4 baravarigacha (Toshkent shahrida BHMning 8 baravarigacha, Nukus shahri hamda viloyatlar markazlarida BHMning 6 baravarigacha)
3.	Ijtimoiy yordam oluvchining toifasi:	Uch oy davomida Ayollarni reabilitatsiya qilish va moslashtirish respublika markazining hududiy markazlarida boʻlgan hamda ushbu muassasalardan chiqarilganiga bir oydan oshmagan xotin-qizlar.
4.	Ijtimoiy yordamni olish uchun taqdim qilinadigan hujjatlar:	Ijara shartnomasi nusxasi va ijara shartnomasining soliq organlarida hisobga qoʻyilganligi haqidagi bildirishnoma.
5.	Ijtimoiy yordamni taqdim etish talablari va shartlari:	Uch oy davomida Ayollarni reabilitatsiya qilish va moslashtirish respublika markazining hududiy markazlarida boʻlgan xotin-qizlarning ushbu muassasalardan chiqarilganiga bir oydan oshmaganligi hamda oylik oʻrtacha jami daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan oilaning aʼzosi boʻlishi. Bunda: a) oilaning oylik oʻrtacha jami daromadi Vazirlar Mahkamasining 2026-yil 29-yanvardagi 35-son qarori bilan tasdiqlangan Ijtimoiy reyestrni yuritish tartibi toʻgʻrisidagi nizomga muvofiq aniqlandi; b) oilaning har bir aʼzosiga toʻgʻri keladigan bir oylik oʻrtacha jami daromadi minimal isteʼmol xarajatlari miqdorining 2 baravaridan oshmasligi lozim; v) oilaning har bir aʼzosiga toʻgʻri keladigan bir oylik oʻrtacha jami daromadi aniqlanishida quyidagilar: tazyiq oʻtkazgan va zoʻravonlik sodir etgan shaxs oila tarkibiga kiritilmaydi hamda uning mol-mulklari va daromadi inobatga olinmaydi; tazyiq va zoʻravonlikka uchragan xotin-qizlar daromadini rasmiy maʼlumotlar orqali tasdiqlash imkoni boʻlmaganda shartli ravishda normativ daromad qoʻllanilmaydi.
6.	Ijtimoiy yordam koʻrsatish davriyligi:	Oʻn ikki oy davomida har oyda
7.	Ijtimoiy yordam koʻrsatish shakli:	Mazkur kompensatsiya soliq organlarida hisobga qoʻyilgan ijara shartnomasiga muvofiq yordam oluvchining ijtimoiy kartasi yoki bank plastik kartasiga oʻtkazib beriladi.
8.	Izoh:	1. Mazkur ijtimoiy yordam turi boʻyicha kompensatsiya yaqin qarindoshlar oʻrtasida tuzilgan ijara shartnomasi uchun toʻlab berilmaydi. 2. Mazkur ijtimoiy yordam ijara shartnomasi soliq organlarida hisobga qoʻyilgan tuman (shahar) boʻyicha “Saxovat va koʻmak” jamgʻarmasining ushbu tuman (shahar)ga taqsimlangan mablagʻlari doirasida moliyalashtiriladi. 3. Mazkur ijtimoiy yordam turini taqdim etish quyidagicha amalga oshiriladi: birinchi bosqichda — Ayollarni reabilitatsiya qilish va moslashtirish respublika markazining hududiy markazlari tomonidan xotin-qizlarning holatini baholash natijalari boʻyicha ishlab chiqilgan yakka tartibdagi ijtimoiy reabilitatsiya dasturiga “Saxovat va koʻmak” jamgʻarmasi mablagʻlari hisobidan yordam koʻrsatish boʻyicha tavsiya kiritiladi; ikkinchi bosqichda — xotin-qizlarning kompensatsiya toʻlash mezonlariga mosligi oʻrganilib, “Ijtimoiy himoya” ATda yordam koʻrsatish toʻgʻrisidagi qaror shakllantiriladi; uchinchi bosqichda — “Ijtimoiy himoya” AT orqali shakllantirilgan qaror asosida Agentlikning Qoraqalpogʻiston Respublikasi, viloyatlar va Toshkent shahar boshqarmalari tomonidan “Saxovat va koʻmak” jamgʻarmasining tuman (shahar)ga taqsimlangan tushumlari hisobidan tegishli mablagʻlar ajratiladi.

Vazirlar Mahkamasining 2024-yil 31-maydagi 313-son qaroriga
2-ILOVA

Ogʻir ijtimoiy ahvolga tushib qolgan oilalarni “Temir daftar”ga kiritish, hisobini yuritish hamda undan chiqarish tartibi toʻgʻrisida

NIZOM

1-bob. Umumiy qoidalar

1. Mazkur Nizom ogʻir ijtimoiy ahvolga tushib qolgan oilalarni aniqlash, “Temir daftar”ga kiritish, ularning ijtimoiy muammolarini bartaraf etishga qaratilgan yordam koʻrsatish tartibini belgilaydi.

2. “Temir daftar” “Yagona milliy ijtimoiy himoya” axborot tizimi orqali Oʻzbekiston Respublikasi Prezidenti huzuridagi Ijtimoiy himoya milliy agentligi hamda uning hududiy boʻlinmalari tomonidan yuritiladi.

3. Ogʻir ijtimoiy ahvolga tushib qolgan oilalar “Temir daftar”ga ushbu Nizomga ilovaga muvofiq sxema boʻyicha kiritiladi.

2-bob. Ogʻir ijtimoiy ahvolga tushib qolgan oilalarni “Temir daftar”ga kiritish tartibi

4. Quyidagi oilalar “Temir daftar”ga kiritiladi:

a) bir vaqtning oʻzida oilada:

mehnatga layoqatli shaxs mavjud boʻlmasa yoki yagona boquvchisi ogʻir kasal yoki nogironligi boʻlgan oila aʼzosi (lari)ni parvarish qilish bilan band boʻlsa;

ogʻir kasal yoki nogironligi boʻlgan oila aʼzosi mavjud boʻlsa;