Oʻzbekiston Respublikasi Hukumati va Qatar Davlati Hukumati,

iqtisodiy aloqalarni yanada rivojlantirish va soliq masalalari boʻyicha hamkorlikni kengaytirish maqsadida,

soliqlarni toʻlashdan boʻyin tovlash va soliqdan qochish orqali (shu jumladan, ushbu Bitimda keltirilgan uchinchi davlat rezidentlarining bilvosita manfaatlarini yengillashtirishga qaratilgan oldi-sotdini tartibga soluvchi Bitimlar orqali) soliqlarni toʻlamaslik yoki soliqlarni kamaytirilgan holda toʻlash uchun imkoniyatlar yaratmasdan ikki tomonlama soliqqa tortishni bartaraf etish toʻgʻrisidagi Bitimni tuzish maqsadida,

quyidagilar toʻgʻrisida kelishib oldilar:

1. Mazkur Bitim Ahdlashuvchi Davlatlarning biri yoki har ikkalasining rezidenti boʻlgan shaxslarga nisbatan qoʻllanadi.

2. Mazkur Bitimga muvofiq, u yoki bu Ahdlashuvchi Davlatlarning soliq qonunchiligiga muvofiq, moliyaviy jihatdan toʻliq yoki qisman shaffof deb hisoblanadigan tashkilot yoxud kelishuv orqali olingan daromadlar Ahdlashuvchi Davlat rezidentlarining daromadlari hisoblanadi, ammo daromad bir davlat soliqchiligiga muvofiq soliqqa tortilsa, ushbu davlat rezidentlarining daromadlari sifatida qaraladi.

1. Mazkur Bitim Ahdlashuvchi Davlat yoki uning mahalliy hokimiyat organlari yoxud mahalliy hokimiyat idoralari nomidan undiriladigan daromad soliqlariga nisbatan, ularni undirish uslubidan qatʼi nazar tatbiq etiladi.

2. Daromad soligʻi tarkibiga, jami daromadga yoki daromad elementlariga solinadigan barcha soliqlar, shu jumladan koʻchar yoki koʻchmas mulkni boshqa nomga oʻtkazishdan olinadigan foyda, maosh yoki korxonalar tomonidan toʻlanadigan oylik ish haqining umumiy miqdoriga solinadigan soliqlar kiradi.

3. Bitim qoʻllaniladigan amaldagi soliqlar, shu jumladan:

a) Qatar Davlatiga nisbatan:

daromad soligʻi

(keyingi hollarda “Qatar soligʻi” deb yuritiladi); va

b) Oʻzbekiston Respublikasiga nisbatan:

(i) yuridik shaxslardan olinadigan daromad (foyda) soligʻi;

(ii) jismoniy shaxslardan olinadigan daromad soligʻi;

(keyingi hollarda “Oʻzbekiston soligʻi” deb yuritiladi).

4. Mazkur Bitim u imzolangan sanadan soʻng undiriladigan soliqlarga qoʻshimcha yoki mavjudlari oʻrniga kiritilgan mohiyati boʻyicha oʻxshash har qanday soliqlarga nisbatan ham qoʻllaniladi. Ahdlashuvchi Davlatlarning vakolatli organlari oʻzlarining tegishli soliq qonunchiliklariga kiritilgan barcha mavjud oʻzgarishlar toʻgʻrisida bir-birlarini xabardor qilib turadilar.

1. Mazkur Bitimda, agar matn mazmunidan oʻzgacha maʼno kelib chiqmasa:

a) “Qatar” atamasi Qatar Davlatini bildiradi va jugʻrofiy maʼnoda qoʻllanilganda, xalqaro huquq va Qatar qonunlariga muvofiq tabiiy resurslarni qidirish yoki ularga ishlov berish borasidagi har qanday faoliyatga nisbatan, ularning yurisdiksiyasi ostiga kiruvchi, oʻz ichiga materik va orollarni olgan suveren huquqlarni amalga oshiruvchi hududiy dengiz, havo va dengiz kengliklari kabi suverenitet ostidagi hududni anglatadi;

b) “Oʻzbekiston” atamasi Oʻzbekiston Respublikasini anglatadi va geografik maʼnoda qoʻllanilganda, Oʻzbekiston Respublikasi xalqaro huquq va oʻz qonunchiligiga muvofiq oʻzining suveren huquqlari va yurisdiksiyasini, shu jumladan, yer osti boyliklari va tabiiy resurslardan foydalanish huquqini amalga oshirishi mumkin boʻlgan oʻz hududini, hududiy suvlarni va ularning yuqorisidagi havo kengligini anglatadi;

s) “Ahdlashuvchi Davlat” va “boshqa Ahdlashuvchi Davlat” atamalari matn mazmuniga qarab, Oʻzbekiston Respublikasini yoki Qatarni anglatadi;

d) “shaxs” atamasi jismoniy shaxsni, kompaniya yoki shaxslarning har qanday boshqa birlashuvini anglatadi;;

e) “kompaniya” atamasi har qanday korporativ birlashmani yoki soliqqa tortish maqsadlarida korporatsiya sifatida qaraladigan har qanday tashkilotni anglatadi;

f) “Ahdlashuvchi Davlatning korxonasi” va “boshqa Ahdlashuvchi Davlatning korxonasi” atamalari bir Ahdlashuvchi Davlat rezidenti boshqaruvi ostida boʻlgan tegishli korxonani va boshqa Ahdlashuvchi Davlat rezidenti boshqaruvi ostida boʻlgan korxonani anglatadi;

g) “Xalqaro tashish” atamasi dengiz, havo kemasi, temir yoʻl yoki avtomobil transporti orqali amalga oshiriladigan har qanday tashishni anglatadi, faqatgina Ahdlashuvchi Davlatda joylashgan punktlar oʻrtasida dengiz, havo kemasi, temir yoʻl yoki avtomobil transporti orqali amalga oshiriladigan jarayonlar va dengiz, havo kemasi, temir yoʻl yoki avtomobil transport vositalaridan foydalanuvchi korxona ushbu Davlat korxonasi hisoblanmagan hollar bundan mustasno;

h) “Vakolatli organ” atamasi quyidagilarni anglatadi:

(i) Qatarga nisbatan, Moliya vaziri yoki uning vakolatli vakili; va

(ii) Oʻzbekistonga nisbatan, Davlat soliq qoʻmitasi raisi yoki uning vakolatli vakili;

i) “Milliy shaxs” atamasi Ahdlashuvchi Davlatlarga nisbatan quyidagilarni:

(i) Ahdlashuvchi Davlat fuqaroligiga ega boʻlgan har qanday jismoniy shaxsni;

(ii) Ahdlashuvchi Davlatning amaldagi qonunlariga muvofiq oʻz maqomini olgan har qanday yuridik shaxs, shirkat yoki uyushmani anglatadi.

2. Mazkur Bitim Ahdlashuvchi Davlat tomonidan qoʻllanilganda, unda belgilanmagan har qanday atama, agar matn mazmunidan oʻzga maʼno kelib chiqmasa va vakolatli organlar 25-moddada koʻrsatilgan boshqa maʼnoga rozi boʻlmasalar, u ushbu Bitim tatbiq etiladigan soliqlarga nisbatan shu Davlatning qonunlariga muvofiq belgilangan maʼnoga ega boʻladi. Atamaning maʼnosi ana shu Davlatning soliq toʻgʻrisidagi (hujjat) qonunlariga muvofiq, shu Davlatning boshqa huquq sohalarida shu atama uchun belgilangan maʼnodan ustuvor boʻladi.

1. Mazkur Bitimga asosan, “Ahdlashuvchi Davlatning rezidenti” atamasi, ushbu davlatning qonun-hujjatlariga muvofiq, oʻzining yashash joyi, doimiy boʻlib turish joyi, boshqaruv joyi yoki har qanday boshqa shunga oʻxshash mezon asosida soliqqa tortiladigan har qanday shaxsni anglatadi, shuningdek har qanday maʼmuriy-hududiy boʻlinmani yoki mahalliy hokimiyat organini oʻz ichiga oladi. Biroq, bu atama ana shu Ahdlashuvchi Davlatda faqat shu Davlatda joylashgan manbalardan yoki mulkdan daromad olayotgani uchungina soliqqa tortiladigan har qanday shaxsni anglatmaydi.

2. Agar 1-band qoidalariga muvofiq jismoniy shaxs har ikkala Ahdlashuvchi Davlatning rezidenti boʻlsa, uning maqomi quyidagi tarzda aniqlanadi:

a) u qaysi Davlatda oʻziga tegishli doimiy yashash joyiga ega boʻlsa shu Davlatning rezidenti hisoblanadi; agar uning har ikkala Davlat hududida ham oʻziga tegishli doimiy yashash joyi boʻlsa, u faqat shaxsiy va iqtisodiy aloqalari (hayotiy manfaatlari markazi) yaqin boʻlgan Davlatning rezidenti hisoblanadi;

b) agar uning hayotiy manfaatlari markazi boʻlgan Davlatni aniqlashning imkoni boʻlmasa yoki uning har ikki Davlatda ham doimiy yashash joyi mavjud boʻlmagan holda, u muntazam istiqomat qilib kelayotgan Davlat rezidenti hisoblanadi;

s) agar u har ikki davlatda ham muntazam istiqomat qilib kelayotgan yoki aksincha, har ikki davlatda ham muntazam istiqomat qilib kelmayotgan boʻlsa u holda oʻz fuqaroligi boʻlgan davlat rezidenti hisoblanadi;

d) agar u har ikki davlat fuqaroligiga ega boʻlsa yoki hech birining fuqaroligiga ega boʻlmasa, Ahdlashuvchi Davlatlarning vakolatli organlari ushbu masalani oʻzaro kelishuv asosida hal qiladilar;

3. 1-bandning qoidalariga muvofiq, har ikki Ahdlashuvchi Davlatlarning rezidenti boʻlgan va jismoniy boʻlmagan shaxs, oʻz faoliyatini amalga oshirayotgan joy, qoʻshma yoki yaxlit tarzda tashkil etilgan joy va shunga oʻxshagan boshqa har qanday omillarni hisobga olgan holda, Ahdlashuvchi Davlatlarning vakolatli organlari, Bitimga muvofiq tarzda, oʻzaro kelishuv asosida, qaysi davlatning rezidenti boʻlishini aniqlaydilar. Bunday kelishuv boʻlmagan taqdirda, shaxs ushbu Bitimda keltirib oʻtilgan soliqni qisman toʻlash yoki soliqni toʻlashdan butunlay ozod qilinish huquqlariga ega boʻlmaydi, Ahdlashuvchi Davlatlarning vakolatli organlari oʻzaro kelishib olgan hollar bundan mustasno.

1. Mazkur Bitimga muvofiq, “Doimiy muassasa” atamasi korxona tadbirkorlik faoliyatini toʻliq yoki qisman ravishda amalga oshiradigan doimiy faoliyat joyini anglatadi.

2. “Doimiy muassasa” atamasi quyidagilarni oʻz ichiga oladi:

a) boshqaruv joyi;

b) filial;

s) ofis;

d) fabrika;

e) ustaxona;

f) savdo joyi sifatida foydalaniladigan inshootlarni boshqa shaxslarga taqdim etuvchi shaxsga nisbatan omborxona;

g) oldi-sotdi uchun foydalaniladigan xonalar;

h) ferma yoki ekin maydoni; va

i) shaxta, neft yoki gaz qudugʻi, karyer yoki tabiiy resurslarni qidirish, qazib olish yoki ekspluatatsiya qilish uchun foydalaniladigan boshqa har qanday joy.

3. “Doimiy muassasa” atamasi shuningdek quyidagilarni oʻz ichiga oladi:

a) qurilish maydoni, inshoot, yigʻish va oʻrnatish loyihasi yoki ular bilan bogʻliq boʻlgan nazorat faoliyatlari, faqat shunday holdaki, agar bunday maydon, loyiha yoki faoliyat 6 oydan ortiq davom etsa;

b) xizmatlar bilan taʼminlash, shu jumladan ushbu xizmatlarni amalga oshirish uchun korxona tomonidan biriktirilgan ishchi xodimlar va kadrlar orqali korxona tomonidan taqdim etiladigan maslahat xizmatlari, faqat shunday holdaki, agar bunday holatlar (xuddi shunday yoki unga bogʻliq loyiha) Ahdlashuvchi Davlatning moliya yilida boshlanadigan yoki tugaydigan har qanday 12 oylik vaqt mobaynida 6 oydan koʻproq davr yoki davrlar ichida davom etsa.

4. Ushbu moddaning avvalgi qoidalariga qaramay, “doimiy muassasa” atamasi quyidagilarni oʻz ichiga olmaydi:

a) inshootlardan shu korxonaga tegishli boʻlgan tovar yoki buyumlarni faqatgina saqlash yoki namoyish qilish maqsadida foydalanish;

b) shu korxonaga tegishli boʻlgan tovar yoki buyumlar zaxirasining faqatgina saqlash, namoyish qilish maqsadida saqlab turilishi;

s) shu korxonaga tegishli tovar yoki buyumlar zaxirasining boshqa korxona tomonidan faqat qayta ishlash maqsadida saqlab turilishi;

d) doimiy faoliyat joyining faqat tovar yoki buyumlar sotib olish yoki ushbu korxona uchun axborot yigʻish maqsadida saqlab turilishi;

e) doimiy faoliyat joyining ana shu korxona manfaati uchungina boshqa har qanday tayyorgarlik yoki yordamchi tusdagi faoliyatni amalga oshirish maqsadida saqlab turilishi;

f) doimiy faoliyat joyining a) — e) kichik bandlarida eslatib oʻtilgan faoliyat turlarining har qanday kombinatsiyalashuvi uchungina, bunday doimiy faoliyat joyining jami faoliyati ana shu kombinatsiyalashuv natijasida, tayyorgarlik yoki yordamchi tusda boʻlgan taqdirda, saqlab turilishi.

5. 4-band korxona foydalanadigan yoki saqlab turadigan doimiy faoliyat joyiga nisbatan qoʻllanilmaydi, agar xuddi shu korxona yoki unga yaqindan bogʻliq korxona tadbirkorlik faoliyatini Ahdlashuvchi Davlat hududidagi xuddi shu joyda yoki boshqa joyda amalga oshirsa va

a) bu joy yoki boshqa joy mazkur moddaning qoidalariga muvofiq korxona yoki unga yaqindan bogʻliq korxona uchun doimiy muassasa hisoblansa, yoki

b) bir joyda ikkita korxona tomonidan yoki ikki joydan bir korxona yoki unga yaqindan bogʻliq korxona tomonidan amalga oshiriladigan faoliyatning kombinatsiyasi natijasida hosil boʻlgan umumiy faoliyat tayyorgarlik yoki yordamchi xaraktyerga ega boʻlmasa,

agar bir joyda ikkita korxona tomonidan yoki ikki joydan bir korxona yoki unga yaqindan bogʻliq korxona tomonidan amalga oshiriladigan tadbirkorlik faoliyatlari birgalikdagi tadbirkorlikning bir qismi boʻlgan qoʻshimcha vazifalarni bajarsa.

6. 1 va 2-bandlarga qaramay, lekin 8-bandning qoidalariga muvofiq, agar shaxs biron-bir Ahdlashuvchi Davlatda korxona nomidan ish yuritayotgan boʻlsa, ushbu shaxs korxona uchun qiladigan har qanday faoliyatiga nisbatan ushbu korxona shu davlatda doimiy muassasa deb hisoblanadi, agar u shaxs:

a) muntazam ravishda korxona tomonidan tuziladigan Bitimlarni tuzishda doimiy muhim rol oʻynasa yoki doimiy Bitimlarni tuzsa, va ushbu Bitimlar:

(i) korxonaning nomidan boʻlsa, yoki

(ii) shu korxonaga tegishli boʻlgan yoki korxona foydalanish huquqiga ega boʻlgan mulk boʻyicha egalik huquqini topshirish yoki foydalanish huquqini bersa, yoki

(iii) ushbu korxona tomonidan xizmat koʻrsatish toʻgʻrisida boʻlsa,

agar bunday shaxsning faoliyati ushbu bandning qoidalariga muvofiq doimiy faoliyat joyi orqali faoliyat yuritgan holda, doimiy faoliyat joyini doimiy muassasaga aylantirmaydigan 4-bandda aytib oʻtilganlar bilan cheklanib qolmasa; yoki

b) shaxs doimiy Bitimlarni tuzmasa yoki bunday Bitimlarni tuzishda asosiy rol oʻynamasa, lekin odatiy ravishda ushbu davlatda tovarlar yoki buyumlarning zaxirasini saqlash orqali ushbu shaxs korxona nomidan tovarlar yoki buyumlarni yetkazib bersa.

7. Ushbu moddaning bundan avvalgi qoidalariga qaramay, Ahdlashuvchi Davlatning sugʻurta korxonasi, takror sugʻurtalash hollaridan tashqari, boshqa Ahdlashuvchi Davlatda doimiy muassasaga ega deb hisoblanadi, agar u ana shu boshqa Davlat hududida sugʻurta mukofotlarini yigʻsa yoki u erda yuz berishi mumkin boʻlgan tavakkalchilikni sugʻurtalashni 8-bandga binoan mustaqil maqomli agentdan oʻzga boʻlgan shaxs orqali amalga oshirsa.

8. 6 va 7-bandlar bir Ahdlashuvchi Davlatda Ahdlashuvchi boshqa bir davlat nomidan ish yuritayotgan shaxsga nisbatan va ushbu shaxs yuqorida aytib oʻtilgan davlatda korxona uchun odatiy ish jarayonida mustaqil agent sifatida ish yuritgan hollar uchun ishlatilmaydi. Biroq, shaxs yolgʻiz yoki deyarli yolgʻiz bir yoki ushbu korxonaga yaqindan bogʻlik bir nechta korxona nomidan ishlagan boʻlsa, ushbu shaxs mazkur bandga muvofiq biron bir korxonaga nisbatan mustaqil agent boʻlib hisoblanmaydi.

9. Ahdlashuvchi Davlatning rezidenti hisoblanuvchi yoki, Ahdlashuvchi boshqa bir davlatning rezidenti hisoblanuvchi korxonani boshqaruvchi yoki ushbu tomondan boshqariluvchi, boshqa davlatda oʻz faoliyatini yurituvchi korxona boshqa davlatning doimiy muassasasi boʻlib hisoblanmaydi.

10. Agar, barcha tegishli faktlar va holatlarga asoslangan holda, shaxs yoki korxona boshqa korxonaga bogʻliq boʻlsa, ushbu moddaga muvofiq biri boshqasi ustidan yoki ikkisi ham bir xil shaxs yoki korxona nazorati ostida boʻladi. Har qanday holda, agar biri ikkinchisining moliyaviy foydasini 50 foiz yoki undan koʻp foydasiga, bevosita yoki bilvosita ravishda ( yoki korxonalar talqinida, korxonaning aksiyalari, huquqi yoki foydasini olish huquqini 50 yoki undan koʻp foiziga) egalik qilsa yoki ikkinchisi boshqa shaxs yoki korxonaning yoki ikkisining moliyaviy foydasini 50 foiz yoki undan koʻp foydasiga (yoki korxonalar talqinida, korxonaning aksiyalari, huquqi yoki foydasini olish huquqini 50 yoki undan koʻp foiziga) bevosita yoki bilvosita ravishda, egalik qilgan shaxs yoki korxonalar yaqindan bogʻliq deb hisoblanadi.

1. Bir Ahdlashuvchi Davlat rezidentining boshqa Ahdlashuvchi Davlatda joylashgan koʻchmas mulkidan oladigan daromadlari (shu jumladan oʻrmon va qishloq xoʻjaligidan daromadlar) ana shu boshqa davlatda soliqqa tortilishi mumkin.

2. “Koʻchmas mulk” atamasi, koʻrib chiqilayotgan mulk joylashgan Ahdlashuvchi Davlat qonunchiligida koʻrsatilgandek maʼnoga ega. Ushbu atama, har qanday holda, koʻchmas mulk qismlarini, qishloq va oʻrmon hoʻjaligida ishlatiladigan mol-mulk va uskunalarni, umumiy qonunlarning yer uchastkasiga nisbatan qoʻllaniladigan huquqlarni, koʻchmas mulkni tortib olish va foydalanishda hisoblanadigan oʻzgaruvchan yoki doimiy toʻlovlarga boʻlgan huquqni, foydali qazilma konlari va manbalari, va boshqa tabiiy boyliklardan foydalanish huquqlarini oʻz ichiga oladi; dengiz yoki havo kemalari, temir yoʻl va yoʻl transport vositalari koʻchmas mulk deb hisoblanmaydi.

3. 1-band qoidalari koʻchmas mulkdan toʻgʻridan-toʻgʻri foydalanish, ijaraga berish yoki boshqa har qanday shaklda foydalanishdan olinadigan daromadlarga nisbatan qoʻllaniladi.

4. 1 va 3-band qoidalari korxonaning koʻchmas mulkdan olgan daromadiga va mustaqil ravishda shaxsiy xizmatlarni amalga oshirish uchun foydalaniladigan koʻchmas mulkdan olgan daromadlariga nisbatan xam qoʻllaniladi.

1. Kelishuvni amalga oshiruvchi davlat korxonasining foydasiga agar korxona kelishuvni amalga oshiruvchi boshqa bir davlatda joylashgan doimiy muassasa orqali faoliyat yuritmasa, faqat shu davlatda soliqqa tortiladi. Agar korxona oʻz faoliyatini yuqorida aytilganidek amalga oshirsa, korxona foydasining faqat doimiy muassasaga taalluqli boʻlgan qismigina boshqa davlatda xam soliqqa tortilishi mumkin.

2. 3-band qoidalarini inobatga olgan holda, Ahdlashuvchi Davlatning korxonasi boshqa Ahdlashuvchi Davlatda tadbirkorlik faoliyatini u erda joylashgan doimiy muassasa orqali amalga oshirayotgan boʻlsa, har bir Ahdlashuvchi Davlatda bunday doimiy muassasaga u mustaqil va alohida korxona boʻlgan holda shunday va shunga oʻxshash sharoitlarda shunday va shunga oʻxshash faoliyat bilan shugʻullangan holda va u doimiy muassasasi hisoblangan korxonadan mutlaqo mustaqil faoliyat koʻrsatganda olishi mumkin boʻlgan daromad taalluqli boʻladi.

3. Doimiy muassasa foydasini aniqlashda doimiy muassasa joylashgan Davlatda yoki undan tashqarida ushbu doimiy muassasa faoliyati maqsadlarida sarflangan xarajatlarni, jumladan, boshqaruv va umumiy maʼmuriy xarajatlarni chegirib tashlashga yoʻl qoʻyiladi. Biroq kuyidagi toʻlovlarga nisbatan chegirishlarga yoʻl qoʻyilmaydi:

a) doimiy muassasa tomonidan korxonaning bosh idorasiga yoki uning har qanday boshqa idoralariga royalti toʻlovlari, patentlardan yoki boshqa huquqlardan foydalanganlik uchun yigʻim va shunga oʻxshash toʻlovlar yoki xizmat koʻrsatganlik uchun yoxud boshqaruv uchun komission toʻlovlar yoki doimiy muassasaga qarzga berilgan summalarga nisbatan foiz toʻlovlari (bank bilan bogʻliq holatlar bundan mustasno) koʻrinishidagi (haqiqatdagi xarajatlarni qoplashdan tashqari) toʻlangan summalari;

b) doimiy muassasa tomonidan korxonaning bosh idorasiga yoki uning har qanday boshqa idoralariga royalti toʻlovlari, patentlardan yoki boshqa huquqlardan foydalanganlik uchun yigim va shunga oʻxshash toʻlovlar yoki xizmat koʻrsatganlik uchun yoxud boshqaruv uchun komission toʻlovlar yoki korxonaning bosh idorasiga yoki uning har qanday boshqa idoralariga qarzga berilgan summalarga nisbatan foiz toʻlovlari (bank bilan bogʻliq holatlar bundan mustasno) koʻrinishida (haqiqatdagi xarajatlarni qoplashdan tashqari) qilingan har qanday xarajatlarning summalari.

4. Kelishuvni amalga oshiruvchi davlatda, korxonaning umumiy daromadini turli qismlarga taqsimlash asosida doimiy muassasaga tegishli boʻlgan daromadni aniqlash odat tusiga kirgan paytgacha, 2-banddagi hech narsa ushbu kelishuvni amalga oshiruvchi davlatga odatiy boʻlishi mumkin boʻlgan taqsimot boʻyicha soliq solinadigan foydani aniqlashga toʻsqinlik qilmaydi; tanlangan taqsimot usuli ushbu moddada keltirilgan tamoyillarga muvofiq keladigan natijani berishi kerak.

5. Avvalgi bandlar maqsadlari uchun doimiy muassasaga tegishli foyda, agar uni oʻzgartirish uchun salmoqli va yetarli sabablar boʻlmasa, har yili bir xil uslubda aniqlanadi.

6. Agar foyda, mazkur Bitimning boshqa moddalarida alohida aytib oʻtilgan daromad elementlarini qamrab oladigan boʻlsa, mazkur moddaning qoidalari oʻsha moddalar qoidalariga daxl qilmaydi.

1. Xalqaro tashishlarda dengiz va havo kemalari, temir yoʻl yoki avtotransport vositalaridan xalqaro yoʻllarda foydalanishdan olingan foyda faqat shu Davlatda soliqqa tortiladi.

2. Ahdlashuvchi Davlat korxonasining konteynerlar (shu jumladan tirkama, barjalar (yuk kemasi) va boshqa oʻxshash konteynerlarni tashish uchun jihozlar)ni foydalanish, saqlash yoki ijaraga berishdan olgan foydasiga faqat shu davlatda soliq solinadi, ushbu konteynerlar faqatgina Ahdlashuvchi boshqa davlat ichidagi joylar oʻrtasida tashish uchun foydalanilgan hollar bundan mustasno.

3. 1 va 2-band qoidalari, shuningdek, pul (qoʻshma kelishuv)da, qoʻshma tadbirkorlikda yoki xalqaro operatsion agentligida ishtirok etishdan olinadigan foydalarga ham qoʻllaniladi.

1. Agar:

a) Ahdlashuvchi Davlatning korxonasi boshqa Ahdlashuvchi Davlat korxonasining boshqaruvi, nazorati yoki uning mol-mulkida bevosita yoki bilvosita ishtirok etsa; yoki

b) bir xil shaxslar bir Ahdlashuvchi Davlat korxonasining va boshqa Ahdlashuvchi Davlat korxonasining boshqaruvi, nazorati yoki mol-mulkida bevosita yoki bilvosita ishtirok etsa,

hamda har qanday holatda ikki korxona oʻrtasidagi ularning tijorat va moliyaviy munosabatlarida mustaqil boʻlgan korxonalar oʻrtasida boʻladigandan farqli sharoitlar barpo etilsa yoki belgilansa, ularning birortasiga hisoblanishi mumkin boʻlgan, lekin ushbu shartlar tufayli hisoblanmay qolgan har qanday foyda ushbu korxona foydasiga qoʻshilishi va tegishli ravishda soliqqa tortilishi mumkin.

2. Agar bir Ahdlashuvchi Davlat ushbu Davlat korxonasi foydasiga boshqa Ahdlashuvchi Davlat korxonasi boʻyicha ana shu boshqa Davlatda soliqqa tortilgan foydani kiritsa va muvofiq ravishda soliqqa tortsa hamda shu tariqa kiritilgan foyda birinchi qayd etilgan Davlat korxonasiga, agar ikkala korxona oʻrtasida vujudga kelgan munosabatlar ikki mustaqil korxona oʻrtasidagi munosabatlar kabi boʻlganda hisoblanadigan foyda boʻlsa, u holda ana shu boshqa Davlat foydadan oʻzida olingan soliq miqdoriga tegishli zarur tuzatishlarni kiritadi. Bunday tuzatishlarni aniqlashda ushbu Bitimning boshqa qoidalariga tegishlicha eʼtibor qaratish lozim va zarur hollarda, Ahdlashuvchi Davlatlarning vakolatli organlari bir-birlari bilan oʻzaro maslahatlashadilar.

1. Bir Ahdlashuvchi Davlat rezidenti boʻlgan kompaniya tomonidan boshqa Ahdlashuvchi Davlat rezidentiga toʻlanadigan dividendlar ushbu boshqa Davlatda soliqqa tortilishi mumkin.

2. Biroq bunday dividendlar ularni toʻlayotgan kompaniya rezident hisoblangan Ahdlashuvchi Davlatda ham ushbu Davlat qonunchiligiga muvofiq soliqqa tortilishi mumkin, ammo basharti dividendlarning egasi boshqa Ahdlashuvchi Davlatning rezidenti boʻlsa, bu tarzda olinadigan soliq miqdori quyidagilardan oshmasligi lozim:

a) agar manfaatlar egasi davlat yoki har qanday maʼmuriy-hududiy, siyosiy boʻlinmalar, mahalliy hokimiyatlar yoki ularning oʻrnini bosuvchi organlari boʻlsa, yoki ular toʻliq yoki deyarli toʻliq bevosita yoki bilvosita ravishda davlat tomonidan egalik qilinishsa, dividendlar yalpi miqdorining 0 foizi;

b) boshqa barcha holatlarda dividendlar yalpi miqdorining 8 foizi.

Ahdlashuvchi Davlatlarning vakolatli organlari oʻzaro kelishgan holda ushbu cheklovlarni qoʻllash usulini belgilaydilar.

3. Ushbu moddada ishlatiladigan “dividendlar” atamasi davlatning qonunlariga muvofiq aksiyalardan olinadigan daromad kabi soliqqa tortiladigan, qarz majburiyati boʻlmagan, foyda olishda qatnashadigan aksiyalardan, ustav kapital huquqidan, ustav kapital aksiyalaridan olinadigan daromadlar tushuniladi.

4. Basharti bir Ahdlashuvchi Davlatning rezidenti boʻlgan dividendlarning haqiqiy egasi dividendlarni toʻlayotgan kompaniya rezident hisoblangan boshqa Ahdlashuvchi Davlatda oʻz tadbirkorlik faoliyatini unda joylashgan doimiy muassasasi orqali amalga oshirsa yoki ushbu boshqa Davlatda joylashgan doimiy baza va xoldingdan mustaqil shaxsiy xizmatlar koʻrsatsa va dividendlar toʻlanadigan ulush haqiqatda ushbu doimiy muassasa bilan bogʻliq boʻlsa, 1 va 2-band qoidalari qoʻllanilmaydi. Bunday holda, vaziyatga qarab, 7-modda yoki 15-moddaning qoidalari qoʻllaniladi.

5. Basharti Ahdlashuvchi Davlatlardan birining rezidenti boʻlgan kompaniya boshqa Ahdlashuvchi Davlatda foyda yoki daromad olayotgan boʻlsa, bunday dividendlar ushbu boshqa Davlat rezidentiga toʻlanish holatlaridan yoki dividend toʻlanadigan ulush ushbu boshqa Ahdlashuvchi Davlatda joylashgan doimiy muassasa bilan haqiqatda bogʻliq boʻlgan hollardan tashqari, ushbu boshqa Ahdlashuvchi Davlat kompaniya toʻlayotgan dividendlarni soliqqa tortmasligi, shuningdek kompaniyaning taqsimlanmagan foydasini, hatto toʻlayotgan dividendlar va taqsimlanmagan foyda toʻliq yoki qisman ushbu boshqa Davlatda yuzaga kelgan foyda yoki daromaddan tashkil topgan boʻlsa ham soliqqa tortmasligi mumkin.

1. Bir Ahdlashuvchi Davlat rezidenti boʻlgan korxona tomonidan Ahdlashuvchi boshqa bir davlat rezidentiga toʻlanadigan foizlar shu Ahdlashuvchi boshqa davlatda soliqqa tortilishi mumkin.

2. Biroq, bunday foizlar, shu davlatning rezidenti boʻlgan korxonasi foizlar toʻlaydigan Ahdlashuvchi Davlatda va shu davlatning qonunlariga muvofiq soliqqa tortilishi ham mumkin, lekin agar foizlarning manfaatli egasi Ahdlashuvchi boshqa davlatning rezidenti boʻlsa, undiriladigan soliqlar foizning yalpi miqdorining 8 foizidan oshmasligi kerak.

3. 2-bandning qoidalariga qaramay, agar manfaatlar egasi davlat yoki har qanday maʼmuriy-hududiy, siyosiy boʻlinmalar, mahalliy hokimiyatlar yoki ularning oʻrnini bosuvchi organlari agar ular toʻliq yoki deyarli toʻliq bevosita yoki bilvosita ravishda davlat tomonidan egalik qilinsa, foizlar oʻzi kelib chiqqan Ahdlashuvchi Davlatda soliqqa tortilmaydi.

4. “Foizlar” atamasi ushbu moddada qoʻllanilganda foydada ishtirok etish huquqlari mavjudligi va ipoteka taʼminotidan qatʼi nazar, har qanday turdagi qarz talablaridan olinadigan daromadlarni, xususan, hukumat qimmatbaho qogʻozlaridan olinadigan daromadlar, obligatsiyalar va qarz majburiyatlaridan, shu jumladan, mukofotlar va ushbu qimmatbaho qogʻozlar, obligatsiyalar va qarz majburiyatlari boʻyicha olinadigan yutuqlar tushuniladi. Oʻz vaqtida toʻlanmagan toʻlovlar uchun jarimalar ushbu modda maqsadlarida foizlar sifatida qaralmaydi.

5. Agar foizlarning manfaatli egasi, Ahdlashuvchi Davlatning rezidenti boʻlib, foizlarni kelib chiqqan boshqa davlatda tijorat faoliyatini amalga oshirayotgan boʻlsa yoki boshqa davlatda unda joylashgan doimiy muassasada shaxsiy xizmatlarni amalga oshirsa va foizlar toʻlanadigan holdagi bunday doimiy muassasa yoki doimiy baza bilan samarali bogʻliq boʻlsa. Bunday holda, vaziyatga qarab, 7-modda yoki 15-moddalarning qoidalari qoʻllaniladi.

6. Foizlarni toʻlovchi Davlatning oʻzi, hududiy-maʼmuriy boʻlinmasi, mahalliy hokimiyat organi yoki ushbu Davlatning rezidenti boʻlsa, foizlar Ahdlashuvchi Davlatda hosil boʻlgan deb hisoblanadi. Biroq foizlarni toʻlovchi shaxs Ahdlashuvchi davlatning rezidenti boʻlishi yoxud boʻlmasligidan qatʼi nazar, Ahdlashuvchi Davlatda doimiy muassasaga yoki doimiy bazaga ega boʻlsa, shu tufayli qarz majburiyatidan foizlar toʻlash majburiyati vujudga kelgan boʻlsa va shunday foizlar toʻlashni doimiy muassasa yoki doimiy baza amalga oshirsa, bunda foizlar doimiy muassasa yoki doimiy baza joylashgan oʻsha Ahdlashuvchi Davlatda vujudga kelgan deb hisoblanadi.

7. Agar toʻlovchi bilan foizlarning haqiqiy egasi oʻrtasida yoki ular ikkalasi va har qanday boshqa shaxs oʻrtasidagi alohida munosabatlar oqibatida qarz talabnomasiga asosan toʻlanayotgan foizlar miqdori toʻlovchi bilan foizlar haqiqiy egasi oʻrtasida kelishilishi mumkin boʻlgan miqdordan ortiq boʻlsa, bunday munosabatlar yoʻq boʻlgan taqdirda, mazkur modda qoidalari faqat oxirgi qayd etilgan miqdorga nisbatan qoʻllaniladi. Bunday holda, toʻlovning ortiqcha qismi mazkur Bitimning boshqa qoidalarini inobatga olgan holda har bir Ahdlashuvchi Davlat qonunchiligiga muvofiq soliqqa tortiladi.

1. Ahdlashuvchi Davlatlarning birida hosil boʻladigan va boshqa Ahdlashuvchi Davlatning rezidentiga toʻlanadigan royaltilar ushbu boshqa Davlatda soliqqa tortilishi mumkin.

2. Biroq Ahdlashuvchi Davlat qonunchiligiga muvofiq ushbu Davlatda yuzaga keladigan bunday royaltilar ushbu Ahdlashuvchi Davlatda ham soliqqa tortilishi mumkin, basharti royaltilarning haqiqiy egasi boshqa Ahdlashuvchi Davlatning rezidenti boʻlsa, bunday tarzda olinadigan soliq royalti yalpi miqdorining 10 foizidan oshmasligi lozim.

3. “Royalti” atamasi mazkur moddada qoʻllanilganda, har qanday adabiy, sanʼat va ilmiy asarlariga mualliflik huquqi, shu jumladan, videofilmlar yoki filmlar yoxud radio va televideniye uchun yozuvlar, kassetalar, har qanday patent, tovar belgisi, chizma yoki modellar, kompyuter dasturlari, reja, maxfiy formula yoki jarayondan yoki sanoat, tijorat yoki ilmiy asbob-uskunadan yoxud sanoat, tijorat yoki ilmiy tajribaga daxldor axborotdan foydalanganligi yoki foydalanish huquqi uchun xar qanday toʻlov turini anglatadi.

4. Agar royaltilarning haqiqiy egasi Ahdlashuvchi Davlatlardan birining rezidenti boʻlib, royalti hosil boʻlayotgan boshqa Ahdlashuvchi Davlatda u erda joylashgan doimiy muassasa orqali tadbirkorlik faoliyatini amalga oshirayotgan boʻlsa yoki ushbu boshqa Davlatda u erda joylashgan doimiy baza orqali mustaqil shaxsiy xizmatlarni amalga oshirayotgan boʻlsa hamda royalti toʻlanayotgan huquq yoki mulk shunday doimiy muassasa yoki doimiy baza bilan haqiqatda bogʻliq boʻlsa, 1 va 2-bandlarning qoidalari qoʻllanilmaydi. Bunday holda 7-modda yoki 15-moddaning qoidalari vaziyatga qarab qoʻllanilishi mumkin.

5. Royalti, agar toʻlovchi ana shu Davlatning oʻzi, maʼmuriy-hududiy boʻlinmasi, mahalliy hokimiyat organi yoki ushbu Davlatning rezidenti boʻlsa, ushbu Ahdlashuvchi Davlatda hosil boʻlgan deb hisoblanadi. Biroq royaltini toʻlovchi shaxs Ahdlashuvchi Davlatning rezidenti boʻlishi yoki boʻlmasligidan qatʼiy nazar, Ahdlashuvchi Davlatda royaltini toʻlash bilan bogʻliq huquq va mol-mulk boʻlgan doimiy muassasaga yoki doimiy bazaga ega boʻlsa va bu doimiy muassasa yoki baza ushbu royaltilarni toʻlashni amalga oshirsa, bunday royaltilar doimiy muassasa yoki doimiy baza joylashgan ushbu Ahdlashuvchi Davlatda hosil boʻlgan, deb hisoblanadi.

6. Agar toʻlovchi bilan royaltining haqiqiy egasi oʻrtasidagi yoki ular ikkalasi va boshqa biron-bir shaxs oʻrtasidagi alohida munosabatlar oqibatida foydalanish huquq va yoki axborotga tegishli boʻlgan va ular uchun toʻlanadigan royalti miqdori bunday munosabatlar mavjud boʻlmagan taqdirda, toʻlovchi bilan royaltining haqiqiy egasi oʻrtasida kelishilishi mumkin boʻlgan miqdordan ortiq boʻlsa, mazkur modda qoidalari faqat oxirgi qayd etilgan miqdorga nisbatan qoʻllaniladi. Bunday holda, toʻlovning ortiqcha qismi ushbu Bitimning boshqa qoidalarini inobatga olgan holda, har bir Ahdlashuvchi Davlat qonunlariga muvofiq soliqqa tortiladi.

1. Bir Ahdlashuvchi Davlat rezidenti boʻlgan korxona tomonidan Ahdlashuvchi boshqa bir davlat rezidentiga toʻlanadigan muayyan xizmatlar uchun toʻlovlar shu Ahdlashuvchi boshqa davlatda soliqqa tortilishi mumkin.

2. Biroq, 15-moddaning qoidalari bundan mustasno va 8, 16 va 17-moddalarning qoidalariga asosan, bunday muayyan xizmatlar uchun toʻlovlar shu davlatning rezidenti boʻlgan korxonasi muayyan xizmatlar uchun toʻlovlar toʻlaydigan Ahdlashuvchi Davlatda va shu davlatning qonunlariga muvofiq soliqqa tortilishi ham mumkin, lekin agar bu toʻlovlarning manfaatli egasi Ahdlashuvchi boshqa davlatning rezidenti boʻlsa, undiriladigan soliqlar bu toʻlovlarning yalpi miqdorining 10 foizidan oshmasligi kerak.

3. Ushbu moddada ishlatilgan “muayyan xizmatlar uchun toʻlovlar” atamasi boshqaruv, texnik yoki maslahat berish xarakteridagi har qanday xizmat uchun toʻlanadigan har qanday toʻlov, agar toʻlov quyidagilardan tashkil topmagan boʻlsa:

a) toʻlovni amalga oshiradigan shaxsning xodimi uchun;

b) oʻquv muassasasida oʻqitish uchun yoki oʻquv muassasasi tomonidan oʻqitilish uchun, yoki

s) jismoniy shaxs tomonidan shaxsiy xizmatlardan foydalanish uchun.

4. 1 va 2-bandlarning qoidalari qoʻllanilmaydi agar muayyan xizmatlar uchun toʻlovlarning manfaatli egasi, Ahdlashuvchi Davlatning rezidenti boʻlib, muayyan xizmatlar uchun toʻlovlarni kelib chiqqan boshqa davlatda tijorat faoliyatini amalga oshirayotgan boʻlsa yoki boshqa davlatda unda joylashgan doimiy muassasada shaxsiy xizmatlarni amalga oshirsa va muayyan xizmatlar uchun toʻlovlar toʻlanadigan huquq yoki mulk bunday doimiy muassasa yoki doimiy baza bilan samarali bogʻliq boʻlsa. Bunday holda, vaziyatga qarab, 7-modda yoki 15-moddalarning qoidalari qoʻllaniladi.

5. Ushbu moddaning 6-bandiga binoan, agar toʻlovchi shu Ahdlashuvchi Davlatning rezidenti boʻlsa yoki toʻlovni amalga oshiruvchi shaxs, Ahdlashuvchi Davlatning rezidenti boʻlish yoki boʻlmasligidan qatʼiy nazar, Ahdlashuvchi Davlatda doimiy muassasasi yoki toʻlovlarni toʻlash majburiyatini olgan doimiy bazasi boʻlsa, muayyan xizmatlar uchun toʻlovlar kelishuvini amalga oshiruvchi davlatda hosil boʻlgan deb hisoblanadi va ushbu toʻlovlar doimiy muassasa yoki doimiy baza tomonidan toʻlanadi.

6. Ushbu moddaga asosan, agar toʻlovchi shu Ahdlashuvchi Davlatning rezidenti boʻlsa va Ahdlashuvchi boshqa davlatda joylashgan doimiy muassasasi orqali tadbirkorlik faoliyatini amalga oshirsa yoki boshqa davlatda joylashgan doimiy baza orqali mustaqil ravishda shaxsiy xizmatlarini amalga oshirsa muayyan xizmatlar uchun toʻlovlar Ahdlashuvchi Davlatda hosil boʻlmagan deb hisoblanadi va bunday toʻlovlar doimiy muassasa yoki doimiy baza tomonidan toʻlanadi.

7. Agar toʻlovchi va muayyan xizmatlar uchun toʻlovlarning manfaatli mulk egasi yoki ikkisi va boshqa shaxs oʻrtasidagi oʻzaro munosabat tufayli, shular uchun muayyan xizmatlar uchun toʻlovlar toʻlanuvchi foydalanish, huquq yoki maʼlumotlarni hisobga olgan holda, bunday munosabatlar mavjud boʻlmaganda, muayyan xizmatlar uchun toʻlovlarning miqdori toʻlovchi va manfaatli mulkdor tomonidan kelishilgan miqdordan oshsa, ushbu moddaning qoidalari faqat oxirgi koʻrsatilgan miqdorga nisbatan qoʻllaniladi. Bu holda, toʻlovning ortiqcha qismiga ushbu Bitimning boshqa qoidalarini inobatga olgan holda har bir Ahdlashuvchi Davlat qonunchiligiga muvofiq soliq solinadi.

1. Bir Ahdlashuvchi Davlat rezidentining 6-moddada koʻrsatib oʻtilgan va boshqa Ahdlashuvchi Davlatda joylashgan koʻchmas mulkni tasarrufidan chiqarish natijasida oladigan daromadlari oʻsha boshqa Davlatda soliqqa tortilishi mumkin.

2. Bir Ahdlashuvchi Davlat korxonasining boshqa Ahdlashuvchi Davlatdagi doimiy muassasasi tijorat mulkining bir qismini tashkil etuvchi koʻchar mulkni yoki bir Ahdlashuvchi Davlatning rezidenti boshqa Ahdlashuvchi Davlatda mustaqil shaxsiy xizmatlarni amalga oshirishda foydalanishi mumkin boʻlgan doimiy bazasiga taalluqli koʻchar mulkni tasarrufdan chiqarishdan olinadigan daromadlari, shu jumladan, ana shunday doimiy muassasani (alohida yoki korxona bilan birgalikda) yoki shunday doimiy bazani tasarrufidan chiqarishdan olinadigan daromadlari ushbu boshqa Davlatda soliqqa tortilishi mumkin.

3. Xalqaro tashishlarda foydalaniladigan dengiz va havo kemalari, temir yoʻl va avtomobil transport vositalarini yoki shunday dengiz va havo kemalari, temir yoʻl va avtomobil transport vositalaridan foydalanishga taalluqli boʻlgan koʻchar mulkni tasarrufdan chiqarishdan olinadigan daromadlar faqat oʻsha Ahdlashuvchi Davlatda soliqqa tortiladi.

4. Ahdlashuvchi Davlat rezidenti tomonidan boshqa Ahdlashuvchi Davlat hududida joylashgan bevosita yoki bilvosita koʻchmas mulk qiymatining 50 foizidan koʻp miqdorini tashkil qiladigan aksiyalarni va boshqa shunga oʻxshash har qanday manfaatlarni tasarrufdan chiqarishdan oldingi 365 kun davomidagi har qanday vaqtda olinadigan daromadlar, 6-moddada koʻrsatilganidek, ana shu boshqa davlatda soliqqa tortilishi mumkin.

5. Ushbu moddaning 1,2,3 va 4-bandlarida koʻrsatib oʻtilganlardan tashqari har qanday boshqa mol-mulkni tasarrufdan chiqarishdan olinadigan daromadlar, tasarrufidan chiqarayotgan shaxs rezident deb hisoblanadigan Ahdlashuvchi Davlatda soliqqa tortiladi.

1. Ahdlashuvchi Davlat rezidentining kasbiy xizmatlar koʻrsatish yoki mustaqil tusdagi boshqa faoliyatdan olgan daromadlari faqat ana shu Davlatda soliqqa tortiladi, bunday daromadlar, shuningdek, istisno tariqasida boshqa Ahdlashuvchi Davlatda ham quyidagi hollarda soliqqa tortilishi mumkin:

a) agar u oʻz faoliyatini amalga oshirish maqsadi uchun boshqa Ahdlashuvchi Davlatda oʻzi uchun muntazam tegishli boʻlgan doimiy bazaga ega boʻlsa; bunday hollarda daromadning faqat shunday doimiy bazaga taalluqli boʻlgan qismigina ushbu boshqa Davlatda soliqqa tortilishi mumkin; yoki

b) agar uning boshqa Ahdlashuvchi Davlatda boʻlishi koʻrib chiqilayotgan har qanday tegishli moliyaviy yilda boshlanadigan yoki tugaydigan oʻn ikki oylik davr mobaynida jami 183 kunni tashkil etsa yoki undan oshsa; bu holda ushbu boshqa Davlatdagi faoliyatdan olingan daromadning faqat oʻsha boshqa Davlatga taalluqli qismigina boshqa Davlatda soliqqa tortilishi mumkin.

2. “Kasbiy xizmatlar” atamasi, jumladan, mustaqil ilmiy, adabiy, sanʼat, taʼlim va pedagogik faoliyatlarni, shuningdek, vrachlar, yuristlar, muhandislar, arxitektorlar, stomatologlar va hisobchilarning mustaqil faoliyatlarini oʻz ichiga qamrab oladi.

1. 17,19 va 20-moddalarning qoidalarini inobatga olgan holda bir Ahdlashuvchi Davlat rezidentining yollanma xizmat uchun oladigan maoshi, ish haqi va shunga oʻxshash boshqa taqdirlash haqlari, faqat ushbu Davlatda soliqqa tortilishi mumkin, basharti yollanib ishlash boshqa Ahdlashuvchi Davlatda amalga oshirilmayotgan boʻlsa. Agar yollanma xizmat shu tarzda amalga oshirilayotgan boʻlsa, unda ushbu munosabat bilan olingan taqdirlash haqlari ushbu boshqa Davlatda soliqqa tortilishi mumkin.

2. 1-band qoidalaridan qatʼi nazar, bir Ahdlashuvchi Davlat rezidentining boshqa Ahdlashuvchi Davlatda amalga oshiradigan yollanma xizmat uchun oladigan taqdirlash haqlari faqat birinchi qayd etilgan Davlatda soliqqa tortiladi, basharti:

a) haq oluvchi koʻrib chiqilayotgan moliyaviy yilda boshlanadigan yoki yakunlanadigan xar qanday oʻy ikki oylik davr ichida jami 183 kundan oshmaydigan muddat yoki muddatlarda boshqa Davlatda boʻlib tursa; va

b) taqdirlash haqlari boshqa Davlat rezidenti boʻlmagan yollovchi tomonidan yoki uning nomidan toʻlanadigan boʻlsa; va

s) agar taqdirlash haqlari ish beruvchining boshqa davlatda joylashgan doimiy muassasasi yoki doimiy bazasi tomonidan qoplanmasa.

3. Ushbu moddaning avvalgi qoidalaridan qatʼiy nazar, Ahdlashuvchi Davlat korxonasining xalqaro tashishlarda foydalaniladigan dengiz va havo kemalari bortida yoki avtomobil transporti vositalarida amalga oshiriladigan yollanma xizmatlarga nisbatan olinadigan taqdirlash haqlari birinchi aytib oʻtilgan davlatda soliqqa tortiladi.

Bir Ahdlashuvchi Davlat rezidentining boshqa Ahdlashuvchi Davlat rezidenti boʻlgan kompaniya direktorlar kengashining yoki har qanday boshqa shunga oʻxshash organning aʼzosi sifatida yoki uning nomidan oladigan direktorlarning mukofotlari va shunga oʻxshash boshqa toʻlovlar ushbu boshqa Davlatda soliqqa tortilishi mumkin.

1. 15 va 16-moddaning qoidalaridan qatʼi nazar, bir Ahdlashuvchi Davlat rezidentining teatr, kino, radio yoki televideniye artisti yoki musiqachi kabi sanʼat xodimi yoki sportchi sifatida boshqa Ahdlashuvchi Davlatda amalga oshirayotgan shaxsiy faoliyatidan oladigan daromadlari ushbu boshqa Davlatda soliqqa tortilishi mumkin.

2. Basharti sanʼat xodimi yoki sportchining amalga oshirgan shaxsiy faoliyatidan olinadigan daromad sanʼat xodimi yoki sportchining oʻziga emas, balki boshqa shaxs hisobiga oʻtkazilsa, bu daromad 15 va 16-moddalarning qoidalaridan qatʼi nazar, sanʼat xodimi yoki sportchi faoliyat koʻrsatayotgan Ahdlashuvchi Davlatda soliqqa tortilishi mumkin.

3. Ahdlashuvchi Davlat rezidentining Ahdlashuvchi boshqa davlatda amalga oshiradigan faoliyatidan olgan daromadlari agar boshqa Ahdlashuvchi Davlatga tashrif toʻliq yoki deyarli har ikki Ahdlashuvchi Davlatlarning maʼmuriy-hududiy yoki siyosiy boʻlinmalari yoki u erda joylashgan hokimiyatning mablagʻlari hisobiga yoki Ahdlashuvchi Davlatlar hukumatlar oʻrtasida madaniy kelishuv yoki kelishuvga asosan amalga oshirilsa, shu boshqa davlatda soliqdan ozod etiladi.

1. 20-moddaning 2-bandi qoidalarini hisobga olib, Ahdlashuvchi Davlat rezidentiga avvalgi yollanma xizmatlar uchun toʻlanadigan pensiya va boshqa shunga oʻxshash taqdirlash hadyalari faqat ushbu Davlatda soliqqa tortiladi.

2. “Annuitet” atamasi shaxsga hayoti mobaynida belgilangan muddatda yoki aniq yoki muayyan vaqt mobaynida pul yoki qiymat koʻrinishida majburiyatlar boʻyicha toʻliq qoplanadigan belgilangan summani anglatadi.

1. a) Ahdlashuvchi Davlat yoki hududiy-maʼmuriy boʻlinma yoxud mahalliy hokimiyat organlari tomonidan ana shu Davlatga yoki maʼmuriy-hududiy boʻlinma yoxud mahalliy hokimiyat organlariga koʻrsatgan xizmatlari uchun jismoniy shaxsga toʻlanadigan maosh, ish haqi va shunga oʻxshash taqdirlash haqlari, pensiyadan tashqari, faqat ana shu Davlatda soliqqa tortiladi.

b) Agar xizmatlar boshqa Ahdlashuvchi Davlatda amalga oshirilsa va jismoniy shaxs ushbu Davlatning rezidenti hisoblansa, bunday maosh, ish haqi va shunga oʻxshash taqdirlash haqlari faqat ushbu Davlatda soliqqa tortiladi, basharti jismoniy shaxs:

(i) agar shu davlatning fuqarosi boʻlsa; yoki

(ii) faqat xizmat koʻrsatish maqsadida ushbu davlatning rezidenti boʻlmasa.

2. a) 1-band qoidalaridan tashqari, Ahdlashuvchi Davlat yoki uning maʼmuriy-hududiy boʻlinmasi yoxud mahalliy hokimiyat organi yoki ular tuzgan jamgʻarmalar tomonidan ushbu Davlat, boʻlinma, hokimiyatga koʻrsatilgan xizmatlar uchun jismoniy shaxsga har qanday nafaqalar faqatgina oʻsha davlatda soliqqa tortiladi.

b) Biroq jismoniy shaxs boshqa Ahdlashuvchi Davlatning rezidenti yoki milliy shaxsi boʻlsa, bunday nafaqa ushbu boshqa Davlatda soliqqa tortiladi.

3. Ushbu Bitimning 16,17,18 va 19-moddalari qoidalari Ahdlashuvchi Davlat yoki maʼmuriy-hududiy boʻlinmasi yoxud mahalliy hokimiyat organlari tomonidan amalga oshirilgan tadbirkorlik faoliyati bilan bogʻliq boʻlgan xizmat koʻrsatishdan olingan maosh, ish haqi va boshqa oʻxshash taqdirlash haqlari va pensiyalarga nisbatan qoʻllanadi.

Ahdlashuvchi Davlatlardan biriga kelgunga qadar boshqa Ahdlashuvchi Davlatning rezidenti boʻlib turgan yoki boʻlgan va birinchi qayd etilgan Davlatda faqat oʻqish yoki maʼlumot olish maqsadidagina yashab turgan talaba, stajor yoki amaliyotchining yashashi, oʻqishi va maʼlumot olishi uchun moʻljallangan toʻlovlari, basharti bunday toʻlovlar ushbu Davlat hududidan tashqaridagi manbalardan yuzaga kelayotgan boʻlsa, ushbu Davlatda soliqqa tortilmaydi.

1. Ahdlashuvchi Davlat rezidentining mazkur Bitimning oldingi moddalarida nazarda tutilmagan daromad turlari, ularning qaysi manbadan yuzaga kelishidan qatʼiy nazar, faqat ushbu Davlatda soliqqa tortiladi.

2. 1-bandning qoidalari 6-moddaning 2-bandida belgilangan koʻchmas mulkdan olingan daromaddan tashqari boshqa daromadga, agar ushbu daromadning oluvchisi Ahdlashuvchi Davlatlardan birining rezidenti boʻlsa, boshqa Ahdlashuvchi Davlatda u erda joylashgan doimiy muassasa orqali tadbirkorlik faoliyatini amalga oshirsa yoki ushbu boshqa Davlatda u erda joylashgan doimiy baza orqali mustaqil shaxsiy xizmatlar koʻrsatsa hamda daromad olinishiga bogʻliq huquq yoki mol-mulk shu kabi doimiy muassasa yoki doimiy baza bilan amalda bogʻlik boʻlsa, qoʻllanilmaydi. Bunday holatda, vaziyatga qarab, 7-modda yoki 15-moddaning qoidalari qoʻllaniladi.

1. Oʻzbekistonda ikki tomonlama soliqqa tortish quyidagicha bartaraf etiladi:

Agar Oʻzbekiston rezidenti, ushbu Bitimning qoidalariga binoan, Qatarda soliqqa tortiladigan daromad olsa, unda Oʻzbekiston ushbu rezidentning daromadiga solinadigan soliqqa chegirma beradi, agar bunday chegirma Qatarda olinadigan daromadning, chegirma berilishidan oldin hisoblanganidek, Qatarda soliqqa tortiladigan qismidan oshmasa.

Ushbu qoidalarga koʻra, “toʻlangan soliq” atamalari Ahdlashuvchi Davlatda toʻlangan soliq miqdorini oʻz ichiga oladi, agar ushbu Ahdlashuvchi Davlat qonunlari va qoidalariga muvofiq ozod qilish yoki qisqartirishga yoʻl qoʻyilmasa.

2. Qatarda ikki tomonlama soliqqa tortish quyidagicha bartaraf etiladi:

a) agar Qatar rezidenti, ushbu Bitimning bandlariga muvofiq, Oʻzbekistonda soliqqa tortilishi mumkin boʻlgan daromad olsa, ushbu bandning kichik - “b” bandiga kura, Qatar ushbu soliqlarni toʻlashdan ozod qiladi.

b) agar Qatar rezidenti 11-moddaning qoidalariga binoan Oʻzbekistonda soliq solinishi mumkin boʻlgan daromad turlarini oladigan boʻlsa, Qatar ushbu rezidentning daromadlariga solinadigan soliqdan Oʻzbekistonda toʻlangan soliqqa teng boʻlgan miqdorda chegirmaga ruxsat beradi. Biroq, chegirma soliqning ushbu boshqa davlatdan olingan daromad turlariga taalluqli, chegirma berilgunga qadar, hisoblangan qismidan oshmasligi kerak.

1. Bir Ahdlashuvchi Davlatning milliy shaxslari boshqa Ahdlashuvchi Davlatda ushbu boshqa Davlat milliy shaxslariga ayni bir xil sharoitlarda, shu jumladan, rezidensiyaga nisbatan solinishi mumkin boʻlgandan ortiq har qanday soliq yoki unga aloqador majburiyatlarga, soliqqa tortishdan koʻra ogʻirroq va shunga oʻxshash hollarga duchor qilinmaydilar. Mazkur qoida, 1-modda qoidalaridan qatʼiy nazar, bir yoki ikkala Ahdlashuvchi Davlatning rezidenti boʻlmagan jismoniy shaxslarga nisbatan ham qoʻllaniladi.

2. Fuqaroligi boʻlmagan shaxslar hech bir Ahdlashuvchi Davlatda soliqqa tortilmaydi yoki ular bilan bogʻliq boʻlgan ogʻirroq talablarga duch kelmaydi va soliqqa, tortishdan boshqa ogʻirroq va shu kabi, xususan yashash joyida tegishli davlatning fuqarolari ularga nisbatan talablar nisbatan talablar qoʻyilishi mumkin.

3. Doimiy muassasaga soliq solish shu Ahdlashuvchi boshqa davlatda xuddi shu faoliyatni turini amalga oshirayotgan korxonalarga soliq solish shu davlatda tortilgandan kam boʻlmasligi kerak. Ushbu qoida Ahdlashuvchi Davlatni Ahdlashuvchi boshqa davlat rezidentlariga beriladigan fuqarolik holati yoki oilaviy majburiyatlari sababli soliqqa tortish maqsadlari uchun, xar qanday shaxsiy imtiyozlar , imtiyozlar va chegirmalar berishga majburlash kabi tushunilmaydi.

4. 9-moddaning 1-bandi, 11-moddaning 7-bandi, 12-moddaning 6-bandi va 13-moddaning 7-bandidagi qoidalar qoʻllanishidan tashqari hollarda, bir Ahdlashuvchi Davlat korxonasining boshqa Ahdlashuvchi Davlat rezidentiga toʻlaydigan foizlari, royalti va boshqa toʻlovlari bunday korxonaning soliqqa tortiladigan foydasini aniqlash maqsadida, birinchi qayd etilgan Davlat rezidentiga toʻlanganida qoʻllaniladigan bir xil shartlar asosida chegirib tashlanadi.

5. Mol-mulki toʻliq yoki qisman boshqa Ahdlashuvchi Davlatning bir yoki bir necha rezidentlariga tegishli boʻlgan yoki ular tomonidan bevosita yoki bilvosita nazorat qilinayotgan Ahdlashuvchi Davlat korxonasiga birinchi qayd etilgan Davlatda uning shu kabi korxonalariga qoʻllaniladigan yoki qoʻllanilishi mumkin boʻlgan har qanday soliqqa tortish yoki unga aloqador talablardan boshqa yoxud ulardan ogʻirroq soliqqa tortish yoki unga aloqador talab qoʻllanilmaydi.

6. Fuqarolarning ichki soliq qonunchiligiga muvofiq soliq solinmasligi ushbu moddaning qoidalariga binoan kamsitish sifatida qaralmaydi.

7. Ushbu moddaning qoidalari, 2-moddaning qoidalariga qaramay, har qanday turdagi va tavsifdagi soliqlarga nisbatan qoʻllaniladi.

1. Basharti shaxs Ahdlashuvchi Davlatlardan biri yoki xar ikkalasining faoliyati unga mazkur Bitimda nazarda tutilganiga muvofiq kelmaydigan soliqqa tortishga olib keladi yoki olib kelishi mumkin, deb hisoblasa, u ushbu Davlatlarning ichki qonunchiligida nazarda tutilgan himoya vositalaridan qatʼiy nazar, oʻz arizasini oʻzi rezident boʻlgan Ahdlashuvchi Davlatning vakolatli organiga yoki uning holati Bitimning 24-moddasi 1-bandiga muvofiq boʻlsa, oʻzi milliy shaxsi boʻlgan Ahdlashuvchi Davlatning vakolatli organiga taqdim etishi mumkin. Bu ariza mazkur Bitim qoidalariga nomuvofiq soliqqa tortishga olib keluvchi xatti-harakatlar toʻgʻrisida birinchi bor bildirilgan vaqtdan boshlab uch yil mobaynida berilishi mumkin.

2. Vakolatli organ, basharti eʼtirozni asosli deb topsa hamda oʻzi eʼtirozni qoniqtiradigan qarorga kela olmasa, masalani mazkur Bitimga muvofiq kelmaydigan soliqqa solishga yoʻl qoʻymaslik maqsadida boshqa Ahdlashuvchi Davlatning vakolatli organi bilan oʻzaro kelishib hal etishga harakat qiladi. Hal qilingan har qanday kelishuv Ahdlashuvchi Davlatlarning har qanday cheklovlariga qaramay amalga oshiriladi.

3. Ahdlashuvchi Davlatlarning vakolatli organlari ushbu Bitimni talqin qilishda yoki qoʻllashda yuzaga keladigan har qanday qiyinchiliklar va ikkilanishlar oʻzaro kelishuv asosida hal qilishga harakat qiladilar.

4. Ahdlashuvchi Davlatlarning vakolatli organlari oldingi bandlar maʼnolarini tushunishda kelishuvga erishish maqsadida bir-birlari bilan toʻgʻridan-toʻgʻri, shu jumladan, oʻzlari yoki ularning vakillaridan iborat qoʻshma komissiya doirasida aloqa qilishlari mumkin.

1. Ahdlashuvchi Davlatlarning vakolatli organlari mazkur Bitim qoidalarini amalga oshirish uchun yoki Ahdlashuvchi Davlatlarning soliqqa tortishga doir ichki qonunlaridan mazkur Bitimga zid kelmaydigan darajada foydalanish maqsadida Ahdlashuvchi Davlatlar yoki ularning maʼmuriy-hududiy boʻlinmalari yoxud mahalliy hokimiyati nomidan undiriladigan har qanday turdagi va tasnifdagi soliqlar boʻyicha zarur axborot bilan almashadilar. Axborot almashish 1 va 2-modda bilan cheklanmaydi.

2. Ahdlashuvchi Davlat tomonidan 1-bandga muvofiq olingan har qanday axborot, ushbu Davlatning ichki qonunlariga muvofiq koʻlga kiritilgan axborot darajasida maxfiy hisoblanadi va faqat aniqlash yoki undirish, majburiy undirish yoki sud orqali taʼqib etish bilan bogʻliq yoki mazkur Bitim tatbiq etiladigan soliqlarga nisbatan apellatsiyalarni koʻrib chiqish bilan bogʻliq shaxslar yoki organlar (jumladan, sudlar va maʼmuriy organlar)ga oshkor etiladi. Bunday shaxs yoki organlar axborotdan faqat shunday maqsad uchun foydalanadilar. Ular ushbu axborotni ochiq sud majlisida yoki yuridik qarorlar qabul qilish chogida oshkor etishlari mumkin. Yuqorida keltirib oʻtilganlarga qaramay, qachonki ushbu maʼlumotlar xar ikki davlat qonunchiligiga muvofiq boshqa maqsadlarga foydalanish mumkin boʻlgan boʻlsa va maʼlumotni taqdim etuvchi davlat tomonidan ruxsat etilgan hollardagina Ahdlashuvchi Davlatlar tomonidan olingan maʼlumotlar boshqa maqsadlar uchun xam foydalanilishi mumkin.

3. Har qanday holatda 1 va 2-band qoidalari Ahdlashuvchi Davlatlardan birini quyidagilarga majburlovchi tarzda talqin qilinmaydi:

a) u yoki bu Ahdlashuvchi Davlat qonunlari yoki maʼmuriya amaliyotiga zid maʼmuriy choralar oʻtkazishga;

b) u yoki bu Ahdlashuvchi Davlat qonunlari yoki odatiy maʼmuriy amaliyotga muvofiq olinishi mumkin boʻlmagan axborotni taqdim etishga;

s) har qanday savdo, tadbirkorlik, sanoat, tijorat yoki kasb siri yoki savdo jarayonini oshkor etuvchi yoki oshkor etilishi Davlat siyosatiga (jamoat tartibiga) zid keluvchi axborotni taqdim etishga.

4. Basharti bir Ahdlashuvchi Davlat tomonidan ushbu moddaga muvofiq maʼlumot soʻralgan boʻlsa, boshqa Ahdlashuvchi Davlat bundan maʼlumot oʻz soliq maqsadlari uchun zarur boʻlmasa ham, soʻralgan maʼlumotni olish uchun axborot toʻplash boʻyicha oʻz tadbirlaridan foydalanishi lozim. Yuqorida nazarda tutilgan majburiyat 3-band qoidalari bilan cheklangan, biroq har qanday holatda ham, bundan cheklovlar ichki manfaatlar mavjud emasligi sababli maʼlumot taqdim etishni rad qilish uchun Ahdlashuvchi Davlatga ijozat beradigan tarzda talqin qilinmasligi lozim.

5. Hech qanday xollarda 3-band qoidalari, Ahdlashuvchi Davlatga axborotni bank, boshqa moliya muassasasi, agentlikda ishlaydigan nomzod yoki shaxs tomonidan ushlab turilganligi, ishonchlilik qobiliyati yoki bu bir shaxsning mulkiy manfaatlariga bogʻliq boʻlganligi sababli maʼlumot berishdan bosh tortishga ruxsat berish uchun talqin qilinmaydi.

1. Ahdlashuvchi Davlatlar jami daromadlarni yigʻishda bir-birlariga koʻmak beradilar. Ushbu koʻmaklashuv 1 va 2-moddalar bilan cheklanmaydi. Ahdlashuvchi Davlatlarning vakolatli organlari oʻzaro kelishuv asosida ushbu moddaning qoʻllanilish usulini belgilab olishlari mumkin.

2. Ushbu moddada qoʻllanilgan “Jami daromadlar” atamasi Bitimga muvofiq soliqqa tortish mumkin boʻlgan har qanday miqdorni va barcha foizlar, maʼmuriy jarimalar va shu miqdor bilan bogʻliq yigʻim va atrof-muhit himoyasi uchun yigʻimlarni bildiradi.

3. Qachonki daromad, Ahdlashuvchi Davlatlar qonun-hujjatlariga muvofiq tarzda , bir shaxs tomonidan egalik qilinsa lekin u, aynan shu paytda, ushbu davlat qonun hujjatlariga muvofiq bu daromadini himoya qila olmasa, bu daromadlar ushbu davlatning vakolatli organlari iltimosiga muvofiq, boshqa bir Ahdlashuvchi Davlat tomonidan davlatning barcha daromadlari tarkibiga yoʻnaltiriladi. Bu daromad, boshqa bir Ahdlashuvchi Davlatning daromadlari tarkibidagi daromad boʻlsa ham, ikkinchi Ahdlashuvchi Davlatning oʻz qonun-hujjatlariga muvofiq tarzdan yigʻib olinadi.

4. Qachonki Ahdlashuvchi Davlatning barcha daromadlari, shu davlat daromadini yigʻimini taʼminlash maqsadida, qonunda koʻzda tutilganidek, himoya choralarini koʻrish bilan bogʻliq daromadga taalluqli boʻlsa, ushbu davlat vakolatli organlari talabiga koʻra, ikkinchi Ahdlashuvchi Davlat tomonidan himoya choralarini koʻrish maqsadida qabul qilinadi. Xuddi daromadlar boshqa davlatning daromadi boʻlgani kabi oʻsha vaqtda bu kabi choralar qoʻllanilgan boʻlsa ham ikkinchi davlat, oʻz davlatining qonunlariga muvofiq, ushbu daromad boʻyicha himoya choralarini koʻradi , daromad birinchi aytib oʻtilgan davlatda tatbiq etilmaydi yoki daromadni himoya qilish huquqiga ega boʻlgan shaxs tomonidan egalik qilinadi.

5. 3 va 4-bandlarning qoidalariga qaramay, 3 va 4-bandlarda qoʻllanilgan va Ahdlashuvchi Davlat tomonidan qabul qilingan daromad oʻz mohiyatiga koʻra shu davlat qonunlariga muvofiq , aynan shu davlatdagi, qoʻllaniladigan muddatlarga yoki biron-bir ustuvorlikka ega boʻlmaydi. Bundan tashqari, 3 va 4-bandlarda keltirilgan, Ahdlashuvchi Davlat tomonidan tasdiqlangan daromad, ikkinchi Ahdlashuvchi Davlat qonunlari muvofiq, hech qanday ustuvorlikka ega boʻlmaydi.

6. Bir Ahdlashuvchi Davlat daromadlarining mavjudligi, amal qilish muddati yoki miqdori koʻrsatilgan hujjatlari, boshqa bir Ahdlashuvchi Davlatning sud yoki maʼmuriy organlaridan oldin taqdim etilmaydi.

7. Bir Ahdlashuvchi Davlat tomonidan soʻrov yuborilgandan keyin va ikkinchi Ahdlashuvchi Davlat tomonidan birinchi davlat talab qilgan barcha daromadlarni yigʻib unga taqdim etishidan oldin, tegishli daromadlar quyidagicha toʻxtatiladi:

a) talab 3-band qoidalariga muvofiq boʻlgan holatda, birinchi aytib oʻtilgan davlatning barcha daromadlari shu davlatning qonunlariga binoan amalga oshiriladi va aynan oʻsha vaqtda, shu davlat qonunlariga binoan, oʻz mablagʻlarini himoya qilaolmaydigan shaxs tomonidan egalik qilinadi, yoki

b) talab 4-band qoidalariga muvofiq boʻlgan holatda, birinchi aytib oʻtilgan davlatning barcha daromadlari shu davlat daromadini yigʻimini taʼminlash maqsadida, qonunda koʻzda tutilganidek, himoya choralarini koʻrish bilan bogʻliq daromadlardir.

birinchi aytib oʻtilgan davlatning vakolatli organi boshqa davlatning vakolatli organiga talab toʻgʻrisida darhol xabar qiladi va boshqa davlatning ixtiyoriga koʻra, birinchi aytib oʻtilgan davlat uning soʻrovini toʻxtatib qoʻyadi yoki qaytarib oladi.

8. Hech qanday holda ushbu moddaning bandlari Ahdlashuvchi Davlatga quyidagi majburiyatlarni yuklaydigan tarzda tatbiq etilmaydi:

a) ushbu yoki boshqa Ahdlashuvchi Davlatning qonunlari va maʼmuriy amaliyotiga zid boʻlgan maʼmuriy choralarni koʻrish;

b) davlat siyosatiga (jamiyat tartib-qoidalariga) zid boʻlgan tadbirlarni amalga oshirish ;

s) agar boshqa Ahdlashuvchi Davlat yigʻish yoki himoya boʻyicha barcha maqbul choralarni koʻrmagan boʻlsa, vaziyatga qarab, ushbu davlatning qonun va maʼmuriy amaliyotiga mos yordam koʻrsatish;

d) bu davlat uchun maʼmuriy yuk boshqa Ahdlashuvchi Davlat koʻradigan foydaga nomutanosib boʻlgan vaziyatlarda yordam koʻrsatish.”

Xalqaro huquqning umumiy qoidalariga yoki maxsus bitimlar qoidalariga muvofiq ushbu Bitimdagi hech narsa diplomatik vakolatxonalar yoki konsullik muassasalari xodimlarining soliq imtiyozlariga taʼsir qilmaydi.

1. Mazkur Bitimning boshqa qoidalaridan qatʼiy nazar, agar ushbu imtiyozni olish bevosita yoki bilvosita ravishda amalga oshirilgan har qanday kelishuv yoki bitimning asosiy maqsadlaridan biri boʻlgan degan xulosaga kelinsa, ushbu Bitimga muvofiq, bu imtiyoz daromad turiga nisbatan berilmaydi, agar bunday vaziyatlarda bu imtiyozni berish ushbu Bitimning tegishli qoidalariga muvofiq yoki mos kelishi aniqlanmasa.”

2. Basharti biron-bir shaxsga, 1-bandga koʻra, ushbu Bitim boʻyicha imtiyoz man etilgan boʻlsa, 1-bandda koʻrsatilgan bitim yoki kelishuv boʻlmagan taqdirda, ushbu shaxsning iltimosiga binoan va tegishli faktlar va vaziyatlar koʻrib chiqilgandan keyin, agar bunday vakolatli organlar bunday imtiyozlar ushbu shaxsga berilishini aniqlasa, Ahdlashuvchi Davlatning vakolatli organi boshqa koʻrinishida bunday imtiyozni taqdim etgan boʻlsa ham, ushbu shaxsni ushbu imtiyozdan yoki maʼlum bir daromad turiga nisbatan har xil imtiyozlardan foydalanish huquqiga ega deb hisoblaydi. Talab qilingan Ahdlashuvchi Davlatning vakolatli organi Ahdlashuvchi boshqa davlat rezidenti tomonidan, ushbu bandga binoan, qilingan soʻrovni rad etishdan oldin boshqa davlatning vakolatli organi bilan maslahatlashadi.

1. Ahdlashuvchi Davlatlar ushbu Bitimning kuchga kirishi uchun oʻz qonunlarida talab qilinadigan tartib-taomillar yakunlanganligi toʻgʻrisida, diplomatik kanallar orqali, bir-birlarini yozma ravishda xabardor qiladilar. Bitim soʻnggi xabarnoma olingan sanadan kuchga kiradi.

2. Mazkur Bitimning qoidalari qoʻyidagi kuchga ega boʻladi:

a) toʻlangan yoki hisoblangan summalar boʻyicha manbada ushlab qolinadigan soliqlarga nisbatan yoki Bitim kuchga kirgan yildan keyingi taqvimiy yilning birinchi yanvaridan keyin, va

b) boshqa soliqlarga nisbatan, Bitim kuchga kirgan yildan bevosita keyin keladigan taqvimiy yilning birinchi yanvaridan yoki undan keyin boshlanadigan soliqqa tortiladigan yillarga nisbatan.

1. Mazkur Bitim Ahdlashuvchi Davlat tomonidan uning amal qilishi toʻxtatilgunga qadar oʻz kuchida qoladi. Ahdlashuvchi Davlat ushbu Bitim kuchga kirgan kundan boshlab 5 yil oʻtgandan keyin har qanday taqvim yil tugashidan kamida 6 oy oldin yozma bildirishnoma yuborish orqali diplomatik yoʻllar orqali bekor qilinishi mumkin.

2. Mazkur Bitim quyidagi hollarda oʻz kuchini yoʻqotadi:

a) toʻlangan yoki hisoblangan summalar boʻyicha manbada ushlab qolinadigan soliqlarga nisbatan yoki xabarnoma berilgan yildan keyingi taqvimiy yilning birinchi yanvaridan keyin, va

b) boshqa soliqlarga nisbatan, xabarnoma berilgan yildan bevosita keyin keladigan taqvimiy yilning birinchi yanvaridan yoki undan keyin boshlanadigan soliqqa tortiladigan yillarga nisbatan.

UShBUNI TASDIQLAGAN HOLDA, oʻzlarining tegishli Hukumatlari tomonidan lozim darajada vakolatlangan quyida imzo chekuvchilar mazkur Bitimni imzoladilar.

Samarqand shahrida 2023-yil 6-iyunda oʻzbek, arab va ingliz tillarida ikki nusxada tuzildi, har bir matn bir xil kuchga ega. Talqin qilinishda nomutanosiblik boʻlgan har qanday holda, ingliz tilidagi matn ustuvor hisoblanadi.