Oʻzbekiston Respublikasi Oliy Majlisining Qonunchilik palatasi qaror qiladi:

1. Ikkinchi oʻqishda qabul qilingan “Oʻzbekiston Respublikasi Bojxona kodeksining 297-moddasiga qoʻshimcha kiritish toʻgʻrisida”gi QL–1021-sonli Oʻzbekiston Respublikasi qonuni loyihasi, “Shaharsozlik faoliyati sohasidagi maʼmuriy tartib-taomillar takomillashtirilishi munosabati bilan Oʻzbekiston Respublikasining Shaharsozlik kodeksiga oʻzgartirishlar kiritish toʻgʻrisida”gi QL-1044-sonli Oʻzbekiston Respublikasi qonuni loyihasi hamda “Oilaviy tadbirkorlik toʻgʻrisida”gi Oʻzbekiston Respublikasi Qonuniga oilaviy tadbirkorlik faoliyatini yuritishni takomillashtirishga qaratilgan oʻzgartirishlar kiritish haqida”gi QL-1051-sonli Oʻzbekiston Respublikasi qonuni loyihasi “Oʻzbekiston Respublikasining ayrim qonun hujjatlariga oʻzgartirishlar va qoʻshimcha kiritish toʻgʻrisida” degan yangi nom bilan bitta qonun loyihasiga birlashtirilsin.

2. Ushbu Qaror qabul qilingan kundan eʼtiboran kuchga kiradi.