Oʻzbekiston Respublikasi Prezidentining 2005-yil 2-maydagi “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasini tashkil etish toʻgʻrisida”gi PF-3602-sonli hamda 2005-yil 4-maydagi “Oʻzbekiston Respublikasi Davlat mulki qoʻmitasining nomini oʻzgartirish toʻgʻrisida”gi PF-3603-sonli farmonlariga muvofiq:

1. Oʻzbekiston Respublikasi Prezidentining baʼzi farmonlariga ilovaga muvofiq oʻzgartishlar kiritilsin.

2. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Oʻzbekiston Respublikasi Prezidentining 1994-yil 7-fevraldagi “Oʻzbekiston Respublikasining Davlat mulkini boshqarish va tadbirkorlikni qoʻllab-quvvatlash davlat qoʻmitasini tashkil qilish toʻgʻrisida”gi PF-758-sonli Farmonida:

2-bandda:

birinchi, ikkinchi va uchinchi xatboshidagi “va tadbirkorlikni qoʻllab-quvvatlash” degan soʻzlar chiqarib tashlansin;

ikkinchi xatboshidagi “va respublikada xususiy biznesni rivojlantirishga koʻmaklashish” degan soʻzlar chiqarib tashlansin;

3-banddagi “va tadbirkorlikni qoʻllab-quvvatlash” degan soʻzlar chiqarib tashlansin.

2. Oʻzbekiston Respublikasi Prezidentining 1994-yil 15-martdagi “Oʻzbekiston Respublikasida mulkni davlat tasarrufidan chiqarish va xususiylashtirish jarayonini yanada rivojlantirishning ustuvor yoʻnalishlari toʻgʻrisida”gi PF-789-sonli Farmoni 4-bandining birinchi xatboshidagi “va tadbirkorlikni qoʻllab-quvvatlash” degan soʻzlar chiqarib tashlansin.

3. Oʻzbekiston Respublikasi Prezidentining 1997-yil 19-dekabrdagi “Savdo sohasida monopoliyadan chiqarishni chuqurlashtirish toʻgʻrisida”gi PF-1897-sonli Farmoni 3-bandining uchinchi xatboshidagi “Oʻzbekiston Respublikasi Moliya vazirligi huzuridagi monopoliyadan chiqarish va raqobatni rivojlantirish qoʻmitasi” degan soʻzlar “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi” deb oʻzgartirilsin.

4. Oʻzbekiston Respublikasi Prezidentining 1999-yil 23-iyuldagi “Korxonalar bankrotligi va sanatsiyasi mexanizmini takomillashtirish toʻgʻrisida”gi PF-2342-sonli Farmonining 2-bandi oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2000-yil 31-oktabrdagi “Oʻzqishloqxoʻjaliktaʼminottuzatish” Davlat-kooperativ qoʻmitasini “Oʻzagromashservis” uyushmasi etib oʻzgartirish toʻgʻrisida”gi PF-2741-sonli Farmoni 2-bandining oltinchi xatboshidagi “Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining” degan soʻzlar “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasining” deb oʻzgartirilsin.

6. Oʻzbekiston Respublikasi Prezidentining 2003-yil 26-fevraldagi PF-3214-sonli Farmoni bilan tasdiqlangan Respublika ixtisoslashtirilgan tibbiy markazini barpo etish va uning faoliyatini tashkil qilish tartibi toʻgʻrisidagi nizomning 8-bandidagi “Monopoliyadan chiqarish va raqobatni rivojlantirish davlat qoʻmitasi” degan soʻzlar “Monopoliyadan chiqarish, raqobat va tadbirkorlikni qoʻllab-quvvatlash” deb oʻzgartirilsin.

7. Oʻzbekiston Respublikasi Prezidentining 2003-yil 30-avgustdagi “Oʻzbekiston Respublikasi Prezidentining ayrim farmonlariga oʻzgartirishlar kiritish toʻgʻrisida”gi PF-3306-sonli Farmonining 3-bandi oʻz kuchini yoʻqotgan deb hisoblansin.

8. Oʻzbekiston Respublikasi Prezidentining 2003-yil 9-dekabrdagi “Respublika davlat boshqaruvi organlari tizimini takomillashtirish toʻgʻrisida”gi PF-3358-sonli Farmoni ilovasida:

a) II boʻlimda:

1-banddagi “va tadbirkorlikni qoʻllab-quvvatlash” degan soʻzlar chiqarib tashlansin;

3-band quyidagi tahrirda bayon etilsin:

“3. Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi”

6) IV boʻlimda:

1-band chiqarib tashlansin;

2-3-bandlar tegishli ravishda 1-2-bandlar deb hisoblansin.