Ikki chaqiriq mobaynida Oʻzbekiston Respublikasi Oliy Majlisi Qonunchilik palatasida faoliyat koʻrsatganligi, milliy parlamentarizmni rivojlantirishda faol ishtirok etganligi, mamlakatda ijtimoy-siyosiy va sotsial-iqtisodiy sohalardagi islohotlarni amalga oshirishga munosib hissa qoʻshib kelayotganligi, ijtimoiy hayotdagi faolligi bilan aholi orasida munosib obroʻ-eʼtibor qozonganligi inobatga olinib, shuningdek Oʻzbekiston Respublikasi Oliy Majlisi Qonunchilik palatasi deputatlarini maʼnaviy va moddiy ragʻbatlantirish boʻyicha komissiya tavsiyasiga muvofiq hamda Qonunchilik palatasining Kengashi kiritgan taklifga asosan Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining sobiq deputati Abdurafik Axadovga “Faxriy deputat” maqomi berilsin.

2. A. Axadovga “Faxriy deputat” guvohnomasi hamda bazaviy hisoblash miqdorining sakkiz baravari miqdorida bir martalik pul mukofoti berilsin.

3. A. Axadovga Oʻzbekiston Respublikasi Oliy Majlisi Qonunchilik palatasi, uning Kengashi va qoʻmitalari, siyosiy partiyalar fraksiyalari majlislarida, shuningdek Qonunchilik palatasi organlari tomonidan oʻtkaziladigan boshqa tadbirlarda ishtirok etish huquqi berilsin.

4. Ushbu Qaror qabul qilingan kundan eʼtiboran kuchga kiradi.