Oʻzbekiston Respublikasi Vazirlar Mahkamasining 2023-yil 17-apreldagi 159-son “Aerovokzal, temir yoʻl va avtobus vokzallarida xizmat koʻrsatish sifatini yaxshilashga qaratilgan qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi transport vazirining 2021-yil 25-sentabrdagi 14-son buyrugʻi (roʻyxat raqami 3323, 2021-yil 6-oktabr) (Qonunchilik maʼlumotlari milliy bazasi, 06.10.2021-y., 10/21/3323/0936-son) bilan tasdiqlangan Yoʻlovchi avtovokzallari va yoʻlovchi avtostansiyalari toʻgʻrisidagi nizomning 1-bandi toʻrtinchi xatboshisi quyidagi tahrirda bayon etilsin:

“perron — avtovokzal (avtostansiya)larda yoki bekatlarda yoʻlovchilarning avtotransport vositalariga qulay va xavfsiz oʻtishi, chiqishi va tushishi uchun moʻljallangan maydoncha;”.

2. Mazkur buyruq rasmiy eʼlon qilingan kundan eʼtiboran kuchga kiradi.