Oʻzbekiston Respublikasi Prezidentining 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi va 2023-yil 25-yanvardagi PF-14-son “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi farmonlariga muvofiq Oʻzbekiston Respublikasi Mudofaa vazirligi, Kambagʻallikni qisqartirish va bandlik vazirligi, Oliy taʼlim, fan va innovatsiyalar vazirligi, Qurilish va uy-joy kommunal xoʻjaligi vazirligi hamda Transport vazirligi qaror qiladi:

1. Oʻzbekiston Respublikasi Mudofaa vazirligining 2022-yil 4-iyundagi 19-son, Bandlik va mehnat munosabatlari vazirligining 2022-yil 2-iyundagi 5-Q/Q-son, Oliy va oʻrta maxsus taʼlim vazirligining 2022-yil 2-iyundagi 11-2022-son, Qurilish vazirligining 2022-yil 2-iyundagi 2-son, Transport vazirligining 2022-yil 3-iyundagi 06-son qarori (roʻyxat raqami 3371, 2022-yil 13-iyun) (Qonunchilik maʼlumotlari milliy bazasi, 13.06.2022-y. 10/22/3371/0519-son) bilan tasdiqlangan Qurilish sohasi malakali mutaxassislarini tayyorlash markazlariga fuqarolarni qabul qilish va oʻqitish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 3-band quyidagi tahrirda bayon etilsin:

“3. Talabgorlar tanlovda tuman (shahar) Kambagʻallikni qisqartirish va bandlikka koʻmaklashish boʻlimi (bundan buyon matnda Kambagʻallikni qisqartirish va bandlikka koʻmaklashish boʻlimi deb yuritiladi) tomonidan berilgan yoʻllanma asosida ishtirok etadi.”.

2. 4-band quyidagi tahrirda bayon etilsin:

“4. Talabgorlar tanlovga yoʻllanma olish uchun doimiy yashash joyi boʻyicha roʻyxatga olingan joyidagi Kambagʻallikni qisqartirish va bandlikka koʻmaklashish boʻlimiga ariza bilan murojaat qiladi.

Bunda, ariza Kambagʻallikni qisqartirish va bandlikka koʻmaklashish boʻlimining masʼul xodimi tomonidan Oʻzbekiston Respublikasi Kambagʻallikni qisqartirish va bandlik vazirligining mehnat organlariga murojaat etgan jismoniy va yuridik shaxslarga koʻrsatilgan xizmatlarni hisobga olish uchun moʻljallangan “Bandlik xizmati” axborot tizimiga kiritiladi.”.

3. 5-bandning birinchi, ikkinchi va uchinchi xatboshilari, 12-bandning birinchi va ikkinchi xatboshilaridagi “ABKM” qisqartmasi “Kambagʻallikni qisqartirish va bandlikka koʻmaklashish boʻlimi” degan soʻzlar bilan almashtirilsin.

4. 6-banddagi “Bandlik va mehnat munosabatlari vazirligi” degan soʻzlar “Kambagʻallikni qisqartirish va bandlik vazirligi” degan soʻzlar bilan almashtirilsin.

5. 14-bandning toʻrtinchi xatboshisi quyidagi tahrirda bayon etilsin:

“komissiya aʼzolari — tegishliligi boʻyicha Qoraqalpogʻiston Respublikasi Kambagʻallikni qisqartirish va bandlik vazirligi hamda viloyat Kambagʻallikni qisqartirish va bandlik bosh boshqarmasi vakili, shuningdek Markazning masʼul xodimlari.”.

6. 35-bandning ikkinchi xatboshisi quyidagi tahrirda bayon etilsin:

“Bunda, har bir yoʻnalish boʻyicha oʻquv dasturi Oʻzbekiston Respublikasi Kambagʻallikni qisqartirish va bandlik vazirligi, Oliy taʼlim, fan va innovatsiyalar vazirligi hamda Qurilish va uy-joy kommunal xoʻjaligi vazirligi tomonidan tasdiqlanadi.”.

7. 40-banddagi “ABKMning” qisqartmasi “Kambagʻallikni qisqartirish va bandlikka koʻmaklashish boʻlimining” degan soʻzlar bilan almashtirilsin.

8. 50-bandning ikkinchi xatboshisidagi “ABKMlarga” qisqartmasi “Kambagʻallikni qisqartirish va bandlikka koʻmaklashish boʻlimlariga” degan soʻzlar bilan almashtirilsin.