Oʻzbekiston Respublikasi Prezidentining 2023-yil 23-yanvardagi “Savdo-sanoat palatasi faoliyatini yanada takomillashtirish boʻyicha qoʻshimcha chora-tadbirlar toʻgʻrisida”gi PQ-15-son qaroriga muvofiq:

1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

Savdo-sanoat palatasining (keyingi oʻrinlarda — Palata) tashkiliy tuzilmasi, uning ijroiya qoʻmitasi va hududiy tuzilmalari Palata tomonidan uning Rayosati bilan kelishilgan holda tasdiqlanishi;

tadbirkorlikka oid begʻaraz koʻmak loyihalarini amalga oshirishda Palata loyiha hamkori sifatida jalb etilishi;

Palata va uning hududiy boʻlinmalariga davlat subsidiyasini ajratish tizimi joriy qilinishi.

2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2017-yil 19-iyundagi “Biznesning qonuniy manfaatlari davlat tomonidan muhofaza qilinishi va tadbirkorlik faoliyatini yanada rivojlantirish tizimini tubdan takomillashtirishga doir chora-tadbirlar toʻgʻrisida”gi PF-5087-son Farmonida:

a) 1-bandning “g” kichik bandi toʻrtinchi xatboshisidagi “viloyatlar markazlari, tumanlar va shaharlarda Tadbirkorlikka koʻmaklashish markazlari” soʻzlari “Savdo-sanoat palatasining hududiy boshqarmalari, tuman (shahar) boʻlimlari” soʻzlari bilan almashtirilsin;

b) 6-band oʻz kuchini yoʻqotgan deb hisoblansin;

v) 7-bandning birinchi xatboshisidagi “Tadbirkorlikni qoʻllab-quvvatlash markazlari” soʻzlari “Savdo-sanoat palatasi tuman (shahar) boʻlimlari” soʻzlari bilan almashtirilsin.

2. Oʻzbekiston Respublikasi Prezidentining 2017-yil 17-noyabrdagi “Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida”gi PF-5242-son Farmonining 2-bandi toʻrtinchi xatboshisidagi “Savdo-sanoat palatasi huzuridagi tuman va shahar Tadbirkorlarga koʻmaklashish markazlari” soʻzlari “Savdo-sanoat palatasining tuman (shahar) boʻlimlari” soʻzlari bilan almashtirilsin.

3. Oʻzbekiston Respublikasi Prezidentining 2019-yil 10-oktabrdagi “Tashqi begʻaraz koʻmak mablagʻlarini jalb etish mexanizmlarini va donorlar bilan ishlashni takomillashtirish chora-tadbirlari toʻgʻrisida”gi PF-5848-son Farmonining 3-bandi quyidagi mazmundagi xatboshi bilan toʻldirilsin:

“davlat organlari va idoralar tomonidan tadbirkorlikka oid barcha tashqi begʻaraz koʻmak loyihalarini amalga oshirishda Savdo-sanoat palatasi loyiha hamkori sifatida jalb qilinadi”.

4. Oʻzbekiston Respublikasi Prezidentining 2017-yil 19-iyundagi “Oʻzbekiston Respublikasi Savdo-sanoat palatasi faoliyatini tashkil etishni takomillashtirish toʻgʻrisida”gi PQ-3068-son qarorida:

a) 1-band oʻz kuchini yoʻqotgan deb hisoblansin;

b) 2-bandda:

quyidagi mazmundagi oltinchi xatboshi bilan toʻldirilsin:

“qonunchilikda belgilangan tartibda davlat tomonidan ajratiladigan subsidiyalar”;

oltinchi — sakkizinchi xatboshilar tegishincha yettinchi — toʻqqizinchi xatboshilar deb hisoblansin;

v) 3-bandning birinchi xatboshisidagi “Tadbirkorlikka koʻmaklashish markazlarida” soʻzlari “Oʻzbekiston Respublikasi Savdo-sanoat palatasining tuman (shahar) boʻlimlarida” soʻzlari bilan almashtirilsin;

g) 5-band quyidagi tahrirda bayon etilsin:

“5. Oʻzbekiston Respublikasi Savdo-sanoat palatasi oʻz manfaatlari va tadbirkorlik subyektlarining manfaatlari himoyasida Oʻzbekiston Respublikasi sudlariga taqdim etadigan ariza, murojaat, shikoyat va daʼvolari uchun davlat boji toʻlovlaridan ozod etilsin”;

d) 1 — 4-ilovalar oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2017-yil 9-oktabrdagi “Kafolat sugʻurta kompaniyasi” aksiyadorlik jamiyati faoliyatini takomillashtirish chora-tadbirlari toʻgʻrisida”gi PQ-3317-son qarorining 5-bandi ikkinchi xatboshisidagi “Savdo-sanoat palatasi huzuridagi Tadbirkorlikka koʻmaklashish markazlari” soʻzlari “Savdo-sanoat palatasining tuman (shahar) boʻlimlari” soʻzlari bilan almashtirilsin.