Oʻzbekiston Respublikasi Prezidentining “Respublika davlat boshqaruvi organlari tizimini takomillashtirish toʻgʻrisida” 2003-yil 9-dekabrdagi PF-3358-son Farmoniga muvofiq va elektr energetikada nazorat tizimini yanada tartibga solish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining 2003-yil 9-dekabrdagi PF-3358-son Farmoniga muvofiq Elektr energetikada nazorat boʻyicha davlat agentligi Elektr energetikada nazorat boʻyicha davlat inspeksiyasi (“Oʻzdavenergonazorat” inspeksiyasi)ga aylantirilganligi maʼlumot uchun qabul qilinsin.

2. Quyidagilar Elektr energetikada nazorat boʻyicha davlat inspeksiyasining asosiy vazifalari etib belgilansin:

elektr energiyasi, issiqlik energiyasi oqilona va samarali ishlab chiqarilishi, uzatilishi, isteʼmol qilinishi va koʻmirdan foydalanishni nazorat qilish;

elektr energiyasi, issiqlik energiyasini ishlab chiqarish, uzatish, isteʼmol qilishda va koʻmirdan foydalanishda xavfsizlik taʼminlanishiga yoʻnaltirilgan oldini olish chora-tadbirlari amalga oshirilishini nazorat qilish;

elektr energiyasi, issiqlik energiyasini ishlab chiqarish, uzatish, isteʼmol qilish va koʻmirdan foydalanish sohasida zarur normativ hujjatlar va qoidalarni ishlab chiqish;

energetika tekshiruvlari va ekspertizalari oʻtkazish boʻyicha faoliyatni litsenziyalash.

3. Quyidagilar:

“Oʻzdavenergonazorat” inspeksiyasining tashkiliy tuzilmasi, uning xodimlarning cheklangan soni 42 nafar, shu jumladan boshqaruv xodimlari 12 nafar boʻlgan markaziy apparati tuzilmasi 1 va 2-ilovalarga muvofiq;

Elektr energetikada nazorat boʻyicha davlat inspeksiyasi hududiy boʻlimi tuzilmasi 3-ilovaga muvofiq;

Elektr energetikada nazorat boʻyicha davlat inspeksiyasi (“Oʻzdavenergonazorat” inspeksiyasi) toʻgʻrisidagi nizom 4-ilovaga muvofiq tasdiqlansin.

“Oʻzdavenergonazorat” inspeksiyasi boshligʻiga, zarurat boʻlganda, boshqaruvning markaziy apparati va inspeksiyaning hududiy boʻlimlari tuzilmasiga xodimlarning belgilangan soni va taʼminot xarajatlari smetasi doirasida oʻzgartirishlar kiritishga ruxsat berilsin.

4. Belgilansinki, Elektr energetikada nazorat boʻyicha davlat inspeksiyasi (“Oʻzdavenergonazorat” inspeksiyasi) Elektr energetikada nazorat boʻyicha davlat agentligining huquqlari va majburiyatlari boʻyicha uning huquqiy vorisi hisoblanadi.

5. Quyidagicha tartib saqlab qolinsin, unga koʻra “Oʻzdavenergonazorat” inspeksiyasi faoliyatini moliyalashtirish Oʻzbekiston Respublikasi Moliya vazirligi bilan kelishgan holda har yili tasdiqlanadigan xarajatlar smetasi boʻyicha:

“Oʻzbekenergo” davlat-aksiyadorlik kompaniyasining majburiy ajratmalari;

Vazirlar Mahkamasining “Yoqilgʻi-energetika resurslaridan foydalanish qoidalarini buzganlik uchun iqtisodiy jazolarni qoʻllash toʻgʻrisida” 1994-yil 9-martdagi 124-son qarorida belgilangan tartibga muvofiq elektr va issiqlik energiyasidan foydalanish qoidalari buzilganligi uchun iqtisodiy jazolar qoʻllashdan tushadigan mablagʻlarning bir qismi hisobiga amalga oshiriladi.

“Oʻzbekenergo” davlat-aksiyadorlik kompaniyasi “Oʻzdavenergonazorat” inspeksiyasini moliyalashtirish uchun mablagʻlarni nazarda tutsin, ushbu mablagʻlar Vazirlar Mahkamasining 1999-yil 5-fevraldagi 54-son qarori bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi toʻgʻrisidagi nizomning 1.1.4-bandiga muvofiq ishlab chiqarishning moddiy xarajatlariga kiritilsin.

6. Oʻzbekiston Respublikasi Hukumatining 5-ilovaga muvofiq ayrim qarorlari oʻz kuchini yoʻqotgan deb hisoblansin va baʼzi qarorlariga oʻzgartirishlar kiritilsin.

7. “Oʻzdavenergonazorat” inspeksiyasi, “Oʻzbekenergo” davlat-aksiyadorlik kompaniyasi manfaatdor vazirliklar va idoralar bilan birgalikda bir oy muddatda idoraviy normativ hujjatlarning mazkur qarorga muvofiqlashtirilishini taʼminlasinlar.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.

1. Elektr energetikada nazorat boʻyicha davlat inspeksiyasi (keyingi oʻrinlarda matnda “Oʻzdavenergonazorat” inspeksiyasi” deb yuritiladi) elektr energiyasi, issiqlik energiyasini ishlab chiqarish, uzatish, isteʼmol qilish va koʻmirdan foydalanish sohasida normalar va qoidalarga rioya etilishini nazorat qiluvchi davlat boshqaruvi organi hisoblanadi.

2. “Oʻzdavenergonazorat” inspeksiyasi tizimiga Qoraqalpogʻiston Respublikasidagi, Oʻzbekiston Respublikasining Andijon, Buxoro, Jizzax, Qashqadaryo, Navoiy, Namangan, Samarqand, Surxondaryo, Sirdaryo, Toshkent, Fargʻona, Xorazm viloyatlaridagi hududiy boʻlimlar va Toshkent shahar boʻlimi kiradi.

Hududiy boʻlimlar mahalliy davlat hokimiyati organlaridan mustaqildir va bevosita “Oʻzdavenergonazorat” inspeksiyasiga hisobot beradi.

3. “Oʻzdavenergonazorat” inspeksiyasi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisining qarorlari va boshqa hujjatlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga hamda mazkur Nizomga amal qiladi.

4. “Oʻzdavenergonazorat” inspeksiyasi oʻz faoliyatini “Oʻzbekenergo” davlat-aksiyadorlik kompaniyasi va davlat boshqaruvining boshqa organlari, huquqni muhofaza qilish organlari, mahalliy davlat hokimiyati organlari, jamoat birlashmalari va boshqa tashkilotlar bilan oʻzaro hamkorlikda amalga oshiradi.

5. “Oʻzdavenergonazorat” inspeksiyasi va uning hududiy boʻlimlarining moddiy-texnika taʼminoti hamda “Oʻzdavenergonazorat” inspeksiyasi tizimi xodimlari mehnatiga haq toʻlash har oyda:

har yili tasdiqlanadigan, Oʻzbekiston Respublikasi Moliya vazirligi bilan kelishilgan xarajatlar smetasi boʻyicha “Oʻzbekenergo” davlat-aksiyadorlik kompaniyasining majburiy ajratmalari;

Vazirlar Mahkamasining “Yoqilgʻi-energetika resurslaridan foydalanish qoidalarini buzganlik uchun iqtisodiy jazolarni qoʻllash toʻgʻrisida” 1994-yil 9-martdagi 124-son qarorida belgilangan tartibga muvofiq, elektr va issiqlik energiyasidan foydalanish qoidalari buzilganligi uchun iqtisodiy jazolar qoʻllanilishidan tushadigan mablagʻlarning bir qismi hisobiga amalga oshiriladi.

6. “Oʻzdavenergonazorat” inspeksiyasi yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi yozilgan muhrga ega boʻladi.

7. Quyidagilar “Oʻzdavenergonazorat” inspeksiyasining asosiy vazifalari hisoblanadi:

elektr energiyasi, issiqlik energiyasi oqilona va samarali ishlab chiqarilishi, uzatilishi, isteʼmol qilinishi va koʻmirdan foydalanish ustidan davlat nazoratini amalga oshirish;

elektr energiyasi, issiqlik energiyasini ishlab chiqarish, uzatish, isteʼmol qilishda va koʻmirdan foydalanishda xavfsizlik taʼminlanishiga yoʻnaltirilgan oldini olish chora-tadbirlari amalga oshirilishini nazorat qilish;

elektr energiyasi, issiqlik energiyasini ishlab chiqarish, uzatish, isteʼmol qilish va koʻmirdan foydalanish sohasida zarur normativ hujjatlar va qoidalar ishlab chiqilishini taʼminlash;

energetika tekshiruvlari va ekspertizalari oʻtkazish boʻyicha faoliyatni litsenziyalash.

8. “Oʻzdavenergonazorat” inspeksiyasi oʻziga yuklangan vazifalarni bajarish uchun quyidagi funksiyalarni amalga oshiradi:

a) belgilangan tartibda quyidagilarni tekshiradi:

Oʻzbekiston Respublikasining amaldagi qonun hujjatlariga, energiya ishlab chiqarish, uzatish va isteʼmol qilish sohasidagi normativ hujjatlar va qoidalarga rioya etilishi;

korxonalar, tashkilotlar va muassasalarda energiya isteʼmolchilari tomonidan elektr, issiqlik energiyasi va koʻmirdan oqilona va samarali foydalanilishi hamda ularni sarflash normalariga rioya etilishi, elektr, issiqlik energiyasi va koʻmirdan foydalanish boʻyicha koʻrsatmalar va yoʻriqnoma hujjatlarga ular tomonidan rioya etilishi;

isteʼmolchilarning elektr va issiqlikdan foydalanuvchi qurilmalarining texnik holati, elektr stansiyalari, yordamchi stansiyalar va tarmoqlarda texnikadan foydalanish va texnika xavfsizligi qoidalariga rioya etilishi;

elektr stansiyalari, tarmoqlar va yordamchi stansiyalar qurayotgan qurilish-montaj tashkilotlari tomonidan belgilangan texnologiya talablarining ular tomonidan taʼminlanishi yuzasidan normalar va qoidalar talablariga rioya etilishi;

nazorat ostidagi energiya isteʼmol qiluvchi obyektlar qurilishi, rekonstruksiya qilinishi va ularni texnika bilan qayta jihozlash loyihalarining energiya va koʻmirdan oqilona va samarali foydalanish talablariga muvofiqligi;

nazorat ostidagi obyektlarning energiya isteʼmol qiluvchi qurilmalarida rejim-sozlash ishlari bajarilishining sifati;

korxonalar, tashkilotlar, muassasalar tomonidan elektr va issiqlik energiyasi isteʼmoli hisobi yuritilishining holati, shuningdek elektr qurilmalarini energiya bilan taʼminlovchi tashkilotlar tarmoqlariga ulashning texnik shartlari isteʼmolchilar tomonidan bajarilishi;

korxonalar, tashkilotlar, muassasalar tomonidan ishlab turgan va foydalanishga topshirilayotgan, shuningdek rekonstruksiya qilinayotgan hamda zamonaviylashtirilayotgan koʻp energiya talab qiladigan qurilmalar va asbob-uskunalarning balans energetika sinovlari oʻtkazilishi;

elektr energiyasi va koʻmir ishlab chiqarish, ularni taqsimlash va isteʼmol qilish balanslariga rioya etilishi;

sanoat korxonalarining va ularga tenglashtirilgan elektr energiyasi isteʼmolchilarining elektr qurilmalarida reaktiv quvvat kompensatsiyasining maqbul darajasi taʼminlanishi;

b) quyidagilarda qatnashadi:

elektr energetika tarmogʻini va koʻmir sanoatini rivojlantirishning konsepsiyalari va milliy dasturlarini ishlab chiqish, shuningdek energiyani tejaydigan tadbirlar, dasturlar va loyihalarni amalga oshirish;

loyihalar ekspertizasi va yangidan qurilgan va rekonstruksiya qilingan obyektlarni elektr energiyasi ishlab chiqarish, uzatish va isteʼmol qilish xavfsizligini taʼminlash yuzasidan foydalanishga qabul qilib olish ishlari, shuningdek isteʼmol obyektlarining energiya taʼminoti loyihalarini ularning ishonchliligi, xavfsizligi va texnik shartlarga muvofiqligini hisobga olgan holda kelishadi;

elektr energiyasini isteʼmolchilarga berishda elektr energiyasi sarfi normativlarini ishlab chiqish;

nazorat ostidagi korxonalar va obyektlarni foydalanishga qabul qilib olish boʻyicha davlat komissiyalari tarkibida qatnashish;

ilmiy tadqiqotlar, shu jumladan tiklanadigan energiya manbalari dasturlarini tuzish va kelishish hamda tegishli oʻquv yurtlarida energetika obyektlari (qurilmalar, asbob-uskunalar, tizimlar va apparatlar)ni loyihalashtirish, qurish, ulardan foydalanish va ularni taʼmirlashda xavfsizlik masalalari boʻyicha mutaxassislar tayyorlash;

nazorat ostidagi obyektlardagi baxtsiz hodisalar va halokatlarni tekshirish;

v) belgilangan tartibda:

energiya ishlab chiqarish, uzatish va isteʼmol qilish hamda koʻmirdan foydalanish sohasida normativ hujjatlar va qoidalarni davlat boshqaruvi organlarining koʻrib chiqishi uchun kiritadi;

energiya ishlab chiqarish, uzatish va isteʼmol qilishga doir talablar mavjud boʻlgan respublika standartlari loyihalarini elektr xavfsizligi va energiya samaradorligi yuzasidan koʻrib chiqadi va kelishadi;

nazorat ostidagi obyektlar xodimlarini tayyorlash va ushbu obyektlarda ishlarning bexatar olib borilishi va mehnat muhofazasi taʼminlanishi masalalari boʻyicha ularning bilimlarini tekshirish tartibini belgilaydi;

energiya ishlab chiqarish, uzatish va isteʼmol qilish hamda koʻmirdan foydalanish yuzasidan texnik talablarni belgilaydi;

“Oʻzdavenergonazorat” inspeksiyasi organlari nazorati ostida boʻlgan obyektlarda ishlab chiqarishning xavfsizligi boʻyicha xorijiy texnologiyalarni qoʻllash mumkinligi toʻgʻrisida ekspert xulosasi beradi;

yagona energetika tizimiga ulanadigan turgʻun elektr stansiyalarida elektr energiyasi ishlab chiqarishni litsenziyalash boʻyicha ishchi organ funksiyasini bajaradi hamda litsenziyalash shartlari bajarilishini nazorat qiladi;

energetika tekshiruvlari va ekspertizalari oʻtkazish boʻyicha faoliyatni litsenziyalaydi.

9. “Oʻzdavenergonazorat” inspeksiyasi oʻziga yuklangan vazifalar va funksiyalarni bevosita, shuningdek unga qarashli hududiy boʻlinmalar orqali belgilangan tartibda hal etadi.

10. “Oʻzdavenergonazorat” inspeksiyasi oʻziga yuklangan vazifalar va funksiyalarni bajarish uchun quyidagi huquqlarga ega:

a) quyidagilar ustidan nazoratni amalga oshirish:

yuridik shaxslar tomonidan Oʻzbekiston Respublikasining amaldagi qonun hujjatlariga, energetika sohasidagi normativ-huquqiy hujjatlarga rioya etilishi;

korxonalar, tashkilotlar va muassasalarda energiya isteʼmolchilari tomonidan elektr, issiqlik energiyasi va koʻmirdan oqilona va samarali foydalanilishi hamda ular sarfi normalariga rioya etilishi, ular tomonidan elektr, issiqlik energiyasi va koʻmirdan foydalanish boʻyicha koʻrsatmalar va yoʻriqnoma hujjatlarga rioya etilishi;

isteʼmolchilarning elektr va issiqlikdan foydalanuvchi qurilmalarining texnik holati, elektr stansiyalari, yordamchi stansiyalar va tarmoqlarda texnikadan foydalanish va texnika xavfsizligi qoidalariga rioya etilishi;

korxonalar, tashkilotlar, muassasalar tomonidan elektr va issiqlik energiyasi isteʼmoli hisobi yuritilishining holati, shuningdek elektr qurilmalarini energiya bilan taʼminlovchi tashkilotlar tarmoqlariga ulashning texnik shartlari isteʼmolchilar tomonidan bajarilishi;

sanoat korxonalarining va ularga tenglashtirilgan elektr energiyasi isteʼmolchilarining elektr qurilmalarida reaktiv quvvat kompensatsiyasining maqbul darajasi taʼminlanishi;

litsenziatlar tomonidan litsenziya talablari va shartlariga rioya etilishi;

elektr energiyasining elektr bilan isitish maqsadlarida qoʻllanilishi;

b) belgilangan tartibda quyidagilarni tekshiradi:

elektr stansiyalari, tarmoqlar va yordamchi stansiyalar qurayotgan qurilish-montaj tashkilotlari tomonidan belgilangan texnologiya talablari ular tomonidan taʼminlanishi yuzasidan normalar va qoidalar talablariga rioya etilishi;

nazorat ostidagi energiya isteʼmol qiluvchi obyektlar qurilishi, rekonstruksiya qilinishi va ularni texnika bilan qayta jihozlash loyihalarining energiya va koʻmirdan oqilona va samarali foydalanish talablariga muvofiqligi;

nazorat ostidagi obyektlarning energiya isteʼmol qiluvchi qurilmalarida rejim-sozlash ishlari bajarilishining sifati;

korxonalar, tashkilotlar, muassasalar tomonidan ishlab turgan va foydalanishga topshirilayotgan, shuningdek rekonstruksiya qilinayotgan va zamonaviylashtirilayotgan koʻp energiya talab qiladigan qurilmalar va asbob-uskunalarda balans energetika sinovlari oʻtkazilishi;

obyektlarda mutaxassislar va ishchilarning xavfsizlik qoidalari va normalarini, texnologiya ish tartiblarini va mehnatni muhofaza qilish boʻyicha yoʻriqnomalarni bilishi;

korxonalar rahbarlari va muhandis-texnik xodimlarining xavfsizlik va mehnatni muhofaza qilish normalari va qoidalarini bilishi;

v) zarurat boʻlganda, vazirliklar, idoralar, korxonalar va tashkilotlar tomonidan asbob-uskunalar va materiallarning nazorat sinovlari, loyiha va loyiha-konstruktorlik yechimlarining mustaqil ekspertizasi oʻtkazilishini tayinlash hamda elektr energiyasi elektr bilan isitish maqsadlarida qoʻllanilganda elektr taʼminoti loyihalarini kelishish;

g) vazirliklar, idoralar, mahalliy davlat hokimiyati organlari, tashkilotlar va korxonalardan “Oʻzdavenergonazorat” inspeksiyasi vakolatiga tegishli boʻlgan masalalar boʻyicha zarur maʼlumotlar va materiallarni, shuningdek energiya ishlab chiqarish va isteʼmol qilishda joriy nazorat jarayonida aniqlangan kamchiliklarni bartaraf etish boʻyicha tadbirlar bajarilganligi toʻgʻrisidagi maʼlumotlarni olish;

d) nazorat ostidagi korxonalar va tashkilotlar rahbarlariga qonun hujjatlari, qoidalar va normalarning aniqlangan buzilishlarini bartaraf etish toʻgʻrisida bajarilishi majburiy boʻlgan yozma koʻrsatmalar berish;

e) “Oʻzdavenergonazorat” inspeksiyasi vakolatiga kiradigan masalalar boʻyicha belgilangan tartibda normativ-huquqiy hujjatlar qabul qilish;

j) xavfsizlik qoidalari va normalari buzilgan holda olib borilayotgan ishlarni toʻxtatib qoʻyish;

z) energiya qurilmalaridan foydalanish boʻyicha qoidalar, normalar va yoʻriqnomalar buzilganligi uchun mansabdor shaxslar va fuqarolarni maʼmuriy javobgarlikka tortish hamda elektr, issiqlik energiyasi va koʻmirdan foydalanish qoidalari buzilganligi uchun jazolar qoʻllash;

i) texnika xavfsizligi, elektr, issiqlik energiyasi va koʻmirdan foydalanish qoidalari buzilganligi uchun aybdor shaxslarni jinoiy javobgarlikka tortish toʻgʻrisidagi masalani koʻrib chiqish uchun materiallarni huquqni muhofaza qilish organlariga berish;

k) falokatlarning holatlari, sabablari va baxtsiz hodisalarni texnik tekshirishda qatnashishda tekshirish natijalari boʻyicha “Oʻzdavenergonazorat” inspeksiyasi vakolatiga tegishli boʻlgan masalalar boʻyicha bajarilishi majburiy boʻlgan qarorlar qabul qilish;

l) Vazirlar Mahkamasiga litsenziya talablari va shartlari buzilganligi uchun yagona energetika tizimiga ulanadigan turgʻun elektr stansiyalarida elektr energiyasi ishlab chiqarish uchun berilgan litsenziyalarning amal qilishini toʻxtatish va toʻxtatib turish, litsenziyalarni bekor qilish haqida takliflar kiritish, “Oʻzdavenergonazorat” inspeksiyasi vakolatiga tegishli boʻlgan masalalar boʻyicha korxonalar va obyektlarni tekshirish.

“Oʻzdavenergonazorat” inspeksiyasi Oʻzbekiston Respublikasi qonun hujjatlariga muvofiq boshqa huquqlarga ham ega.

“Oʻzdavenergonazorat” inspeksiyasining elektr, issiqlik energiyasi ishlab chiqarish, uzatish, sotish va isteʼmol qilish hamda koʻmirdan foydalanish masalalari boʻyicha oʻz vakolatlari doirasida qabul qilingan qarorlari, shuningdek normativ-huquqiy hujjatlari davlat va xoʻjalik boshqaruvi organlari, mahalliy davlat hokimiyati organlari, mulkchilik shakllaridan qatʼi nazar, korxonalar, muassasalar va tashkilotlar tomonidan bajarilishi majburiy hisoblanadi.

“Oʻzdavenergonazorat” inspeksiyasi, zarur hollarda, boshqa vazirliklar, davlat qoʻmitalari va idoralar bilan birgalikda qoʻshma qarorlar va boshqa hujjatlar chiqarishga haqlidir.

11. “Oʻzdavenergonazorat” inspeksiyasi oʻziga yuklangan vazifalarning samarali bajarilishi uchun javob beradi.

“Oʻzdavenergonazorat” inspeksiyasi boshligʻi mazkur Nizomga muvofiq:

“Oʻzdavenergonazorat” inspeksiyasi tomonidan ishlab chiqilayotgan elektr energetika va koʻmir sanoati korxonalari faoliyati boʻyicha normativ hujjatlar sifati;

elektr energiyasi ishlab chiqarish, uzatish va isteʼmol qilish, shuningdek koʻmirdan foydalanish sohasida korxonalar faoliyatini tartibga soluvchi normativ hujjatlarning toʻliqligi talablari bajarilishi;

elektr energetika va koʻmir sanoati sohasida xoʻjalik yurituvchi subyektlar faoliyati masalalari boʻyicha “Oʻzdavenergonazorat” inspeksiyasi tomonidan beriladigan maʼlumotlarning ishonchliligi uchun javob beradilar.

“Oʻzdavenergonazorat” inspeksiyasi va uning hududiy boʻlimlari mansabdor shaxslarining maʼmuriy jazolash choralari qoʻllanilishi boʻyicha xatti-harakatlari ustidan qonun hujjatlariga muvofiq shikoyat qilinadi.

12. “Oʻzdavenergonazorat” inspeksiyasi va uning hududiy boʻlimlari mansabdor shaxslari oʻz xizmat majburiyatlari zarur darajada bajarilmaganligi uchun qonun hujjatlarida belgilangan tartibda javob beradi.

13. “Oʻzdavenergonazorat” inspeksiyasi oʻz faoliyatida Oʻzbekiston Respublikasi Vazirlar Mahkamasiga hisobot beradi.

“Oʻzdavenergonazorat” inspeksiyasiga qonun hujjatlarida belgilangan tartibda lavozimga tayinlanadigan va lavozimdan ozod etiladigan boshliq boshchilik qiladi.

Boshliq maqomiga koʻra Oʻzbekiston Respublikasi vazirining birinchi oʻrinbosariga, boshliqning oʻrinbosarlari — vazirning oʻrinbosariga tenglashtiriladi.

“Oʻzdavenergonazorat” inspeksiyasi boshligʻi lavozimiga koʻra bir vaqtning oʻzida Elektr va issiqlik energiyasidan foydalanilishi ustidan nazorat qilish boʻyicha bosh davlat inspektori, uning oʻrinbosarlari esa — Elektr va issiqlik energiyasidan foydalanilishi ustidan nazorat qilish boʻyicha bosh davlat inspektorining oʻrinbosarlari hisoblanadi. “Oʻzdavenergonazorat” inspeksiyasi hududiy boʻlimlarining bosh inspektorlari elektr va issiqlik energiyasidan foydalanish ustidan nazorat qilish boʻyicha katta davlat inspektorlari hisoblanadi.

14. “Oʻzdavenergonazorat” inspeksiyasi boshligʻi:

“Oʻzdavenergonazorat” inspeksiyasi, uning hududiy boʻlimlari faoliyatiga yakka boshchilik asosida umumiy rahbarlik qiladi hamda inspeksiyaga yuklangan vazifalar va funksiyalarning bajarilishi uchun shaxsan javob beradi;

zarurat boʻlganda tuzilmaga oʻzgartirishlar kiritadi, xodimlarning belgilangan umumiy soni doirasida “Oʻzdavenergonazorat” inspeksiyasi markaziy apparatining shtat jadvalini, shuningdek “Oʻzdavenergonazorat” inspeksiyasining markaziy apparati va hududiy boʻlimlari xarajatlari smetasini tasdiqlaydi;

“Oʻzdavenergonazorat” inspeksiyasining tarkibiy boʻlimlari toʻgʻrisidagi nizomni belgilangan tartibda tasdiqlaydi;

“Oʻzdavenergonazorat” inspeksiyasi markaziy apparati xodimlarini, hududiy boʻlimlarning bosh inspektorlarini belgilangan tartibda lavozimga tayinlaydi va lavozimdan ozod etadi.

Boshliq qonun hujjatlariga muvofiq boshqa vakolatlarni amalga oshiradi.

15. “Oʻzdavenergonazorat” inspeksiyasining davlat nazorati funksiyasini amalga oshiruvchi mansabdor shaxslariga belgilangan namunadagi guvohnomalar beriladi.

16. “Oʻzdavenergonazorat” inspeksiyasi xodimlari mehnatga haq toʻlash shartlari boʻyicha “Oʻzbekenergo” davlat-aksiyadorlik kompaniyasi xodimlarining tegishli toifalariga tenglashtiriladi.

17. Hududiy boʻlimlar oʻz faoliyatini “Oʻzdavenergonazorat” inspeksiyasi boshligʻi tomonidan tasdiqlanadigan nizomga muvofiq amalga oshiradi.

“Oʻzdavenergonazorat” inspeksiyasi hududiy boʻlimlarining bosh inspektorlari belgilangan tartibda “Oʻzdavenergonazorat” inspeksiyasi boshligʻi tomonidan tayinlanadilar.

18. “Oʻzdavenergonazorat” inspeksiyasini qayta tashkil etish va tugatish qonun hujjatlarida belgilangan tartibda amalga oshiriladi.

1. Vazirlar Mahkamasining “Elektr energetikada nazorat boʻyicha davlat agentligi (“Oʻzdavenergonazorat” agentligi) faoliyatini tashkil etish toʻgʻrisida” 2001-yil 24-fevraldagi 94-son qarori (Oʻzbekiston Respublikasi QT, 2001-y., 2-son, 12-modda).

2. Vazirlar Mahkamasining “Oʻzbekiston Respublikasi Hukumatining baʼzi qarorlariga oʻzgartirish va qoʻshimchalar kiritish toʻgʻrisida” 2002-yil 25-apreldagi 141-son qaroriga (Oʻzbekiston Respublikasi QT, 2002-y., 4-son, 21-modda) ilovaning 3-bandi.

1. Vazirlar Mahkamasining “Chastota spektridan foydalanish, teleradiodasturlarni shakllantirish va tarqatish hamda maʼlumotlar uzatish samaradorligini oshirish yuzasidan qoʻshimcha chora-tadbirlar toʻgʻrisida” 1998-yil 10-iyuldagi 293-son qaroriga (Oʻzbekiston Respublikasi QT, 1998-y., 7-son, 26-modda) 6-ilovaning 5-bandidagi “Oʻzdavenergonazorat” agentligi” soʻzlari chiqarib tashlansin, “boshliq oʻrinbosari” soʻzlari “Elektr energetikada nazorat boʻyicha davlat inspeksiyasi boshligʻi oʻrinbosarlari” soʻzlari bilan almashtirilsin.

2. Vazirlar Mahkamasining “Gidrotexnika inshootlarining xavfsizligi toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 1999-yil 16-noyabrdagi 499-son qarorining (Oʻzbekiston Respublikasi QT, 1999-y., 11-son, 66-modda) 2-bandidagi hamda ushbu qarorga 2-ilovaning 12-bandidagi “agentligi” soʻzi “davlat inspeksiyasi” soʻzlari bilan almashtirilsin.

3. Vazirlar Mahkamasining “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 2002-yil 28-iyundagi 236-son qarori (Oʻzbekiston Respublikasi QT, 2002-y., 6-son, 36-modda) bilan tasdiqlangan Faoliyatning ayrim turlarini litsenziyalovchi organlar roʻyxatidagi “Elektr energetikada nazorat boʻyicha davlat agentligi” soʻzlari “Elektr energetikada nazorat boʻyicha davlat inspeksiyasi” soʻzlari bilan almashtirilsin.

4. Vazirlar Mahkamasining “Elektr tarmoqlari va inshootlarini muhofaza qilish qoidalarini tasdiqlash toʻgʻrisida” 2002-yil 5-iyuldagi 243-son qarorining (Oʻzbekiston Respublikasi QT, 2002-y., 7-son, 38-modda) 2-bandidagi “agentligi bilan” soʻzlari “davlat inspeksiyasi bilan” soʻzlari bilan almashtirilsin.

6. Vazirlar Mahkamasining “Elektr va issiqlik energiyasi uchun hisob-kitob qilish intizomini kuchaytirish chora-tadbirlari toʻgʻrisida” 2003-yil 5-avgustdagi 341-son qarori (Oʻzbekiston Respublikasi QT, 2003-y., 8-son, 69-modda) 2-bandining birinchi xatboshi hamda 6-bandining birinchi xatboshidagi “agentligi” soʻzi “davlat inspeksiyasi” soʻzlari bilan almashtirilsin.

7. Vazirlar Mahkamasining “Qurilish sohasidagi faoliyatni litsenziyalash toʻgʻrisidagi nizomlarni tasdiqlash haqida” 2003-yil 24-sentabrdagi 410-son qarorida (Oʻzbekiston Respublikasi QT, 2003-y., 9-son, 87-modda):

a) 6-ilovada:

12-banddagi “agentligiga”, “agentligi”, “agentligining” soʻzlari tegishli ravishda “inspeksiyasiga”, “inspeksiyasi”, “inspeksiyasining” soʻzlari bilan almashtirilsin;

nizomga ilovadagi “agentligiga”, “agentliklarining”, “agentliklari” soʻzlari tegishli ravishda “inspeksiyasiga”, “inspeksiyalarining”, “inspeksiyalari” soʻzlari bilan almashtirilsin;

b) 7-ilovadagi “Oʻzdavenergonazorat” agentligining bosh direktori” soʻzlari “Oʻzdavenergonazorat” inspeksiyasining boshligʻi” soʻzlari bilan almashtirilsin.

8. Vazirlar Mahkamasining 2003-yil 28-oktabrdagi 469-son qarori (Oʻzbekiston Respublikasi QT, 2003-y., 10-son, 102-modda) bilan tasdiqlangan Yagona energetika tizimiga ulanadigan statsionar elektr stansiyalarida elektr energiyasi ishlab chiqarish faoliyatini litsenziyalash toʻgʻrisidagi nizomda:

2-bandning ikkinchi xatboshidagi “agentligi” soʻzi “davlat inspeksiyasi” soʻzlari bilan almashtirilsin;

qarorga 2-ilovadagi “agentligining bosh direktori” soʻzlari “inspeksiyasi boshligʻi” soʻzlari bilan almashtirilsin.

9. Vazirlar Mahkamasining 2003-yil 12-noyabrdagi 504-son qarori (Oʻzbekiston Respublikasi QT, 2003-y., 11-son, 116-modda) bilan tasdiqlangan Energetika tekshiruvlari va ekspertizalari oʻtkazish faoliyatini litsenziyalash toʻgʻrisidagi nizomda:

2-banddagi “davlat agentligi” soʻzlari “davlat inspeksiyasi” soʻzlari bilan almashtirilsin;

Nizomga 1-ilovadagi “Oʻzdavenergonazorat” agentligiga koʻrsatmalar “Oʻzdavenergonazorat” inspeksiyasiga koʻrsatmalar bilan almashtirilsin.