O‘zbekiston Respublikasi Vazirlar Mahkamasining 2004-yil 6-maydagi 213-sonli “Portlovchi moddalar va portlatish vositalarini O‘zbekiston Respublikasiga olib kirish, transportda tashish, saqlash va ulardan foydalanish tartibini takomillashtirish chora-tadbirlari to‘g‘risida”gi qarorining 6-bandiga muvofiq qaror qilamiz:
1. Portlovchi moddalarni ishlab chiqarish, sotib olish, saqlash, transportda tashish, ulardan foydalanish va ularni hisobga olish to‘g‘risidagi yo‘riqnoma ilovaga* muvofiq tasdiqlansin.
* Ilova rus tilidagi matnda berilgan.
2. Mazkur qaror O‘zbekiston Respublikasi Adliya vazirligida davlat ro‘yxatiga olingan kundan boshlab o‘n kundan so‘ng kuchga kiradi.
3. Mazkur qarorning kuchga kirish kunidan boshlab Portlovchi moddalarni saqlash, transportirovka qilish, ishlatish va hisobga olish to‘g‘risidagi Yo‘riqnoma (1992-yildagi davlatlararo Portlatish ishlarida qo‘llaniladigan yagona xavfsizlik qoidalariga 1-ilova) O‘zbekiston Respublikasi hududida qo‘llanilmasin.
4. O‘zbekiston Respublikasi Ichki ishlar vazirligining Patrul-post xizmati va jamoat tartibini saqlash Bosh boshqarmasi hamda “Sanoatkontexnazorat” Davlat inspeksiyasining tarmoq inspeksiyalari portlatish ishlarini olib boruvchi korxonalar bilan hamkorlikda Yo‘riqnoma talablaridan kelib chiqqan holda portlovchi materiallar saqlanadigan omborxonalarda kirib-chiqish va ichki rejimlarni kuchaytirish, ularda asossiz tekshiruvlarga yo‘l qo‘ymaslik borasida aniq chora-tadbirlarni amalga oshirsinlar.
LexUZ sharhi
4-bandga O‘zbekiston Respublikasi Ichki ishlar vazirligi va Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish Davlat inspeksiyasining 2018-yil 19-fevraldagi 15, 11-sonli qaroriga (ro‘yxat raqami 1491-1, 17.03.2018-y.) asosan o‘zgartirish kiritilgan. Rus tili matniga qarang.