Harbiy xizmatni o‘tashni tartibga solish, harbiy xizmatchilarning huquq va burchlarini, garnizon va qorovullik xizmatlarining ichki tartib-qoidalarini belgilash, O‘zbekiston Respublikasi Qurolli Kuchlarida, chegara hamda ichki qo‘shinlarida harbiy intizom va huquq-tartibotni mustahkamlash maqsadida:
1. O‘zbekiston Respublikasi Qurolli Kuchlari Ichki xizmat nizomi, O‘zbekiston Respublikasi Qurolli Kuchlari Garnizon va qorovullik xizmatlari nizomi, O‘zbekiston Respublikasi Qurolli Kuchlari Intizomiy nizomi tasdiqlansin hamda 1996-yilning 1-dekabridan amalga kiritilsin.
2. O‘zbekiston Respublikasining Mudofaa vaziriga O‘zbekiston Respublikasi Qurolli Kuchlarining Saf nizomini tasdiqlash va amalga kiritish topshirilsin.
3. O‘zbekiston Respublikasi Qurolli Kuchlari umumharbiy nizomlarining amal qilishi chegara, ichki qo‘shinlar hamda O‘zbekiston Respublikasi tegishli vazirliklari va idoralari boshqa harbiy tuzilmalarining harbiy xizmatchilariga nisbatan ham tatbiq etilsin.