Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Banklar va bank faoliyati toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki tomonidan 2000-yil 22-fevralda 466-son bilan tasdiqlangan Markaziy bank tomonidan tijorat banklarining ichki meʼyoriy hujjatlariga qoʻyiladigan talablar toʻgʻrisidagi nizomga (roʻyxat raqami 916, 2000-yil 5-aprel) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2000-y., 7-son) ilovaga muvofiq oʻzgartirishlar va qoʻshimcha kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1.1-band quyidagi tahrirda bayon etilsin:

“1.1. Mazkur Nizom tijorat banklarining bank operatsiyalari bilan bogʻliq boʻlgan ichki meʼyoriy hujjatlariga Markaziy bank tomonidan qoʻyiladigan talablarni belgilab beradi.”.

2. 3.1-bandda:

quyidagi mazmundagi ikkinchi xatboshi bilan toʻldirilsin:

“Yuridik xulosada ichki meʼyoriy hujjat loyihasining qonunchilik hujjatlariga va ushbu Nizomda belgilangan ichki meʼyoriy hujjatlarga qoʻyiladigan talablarga muvofiqligi aks ettirilishi lozim.”;

ikkinchi xatboshi uchinchi xatboshi deb hisoblansin.

3. IV bob oʻz kuchini yoʻqotgan deb topilsin.