Oʻzbekiston Respublikasi Oliy Majlisi Qonunchilik palatasi Mudofaa va xavfsizlik masalalari qoʻmitasining “Yoʻl harakatini tashkil etish toʻgʻrisida”gi QL-905-sonli Oʻzbekiston Respublikasi qonuni loyihasini hamda Korrupsiyaga qarshi kurashish va sud-huquq masalalari qoʻmitasining “Yoʻl harakati xavfsizligi tizimi takomillashtirilishi munosabati bilan Oʻzbekiston Respublikasining Jinoyat kodeksi, Jinoyat-protsessual kodeksi va Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida”gi QL-906-sonli Oʻzbekiston Respublikasi qonuni loyihasini birinchi oʻqishda Qonunchilik palatasi muhokamasiga kiritish muddatini qayta koʻrib chiqish toʻgʻrisidagi takliflarini inobatga olib, Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Oliy Majlisi Qonunchilik palatasi Kengashining qarorlariga quyidagi oʻzgartishlar kiritilsin:

1) Oʻzbekiston Respublikasi Oliy Majlisi Qonunchilik palatasi Kengashining 2022-yil 10-mayda qabul qilingan “Yoʻl harakatini tashkil etish toʻgʻrisida”gi QL-905-sonli Oʻzbekiston Respublikasi qonuni loyihasi haqida”gi 2101-IV-sonli Qarorining (Oʻzbekiston Respublikasi Oliy Majlisi palatalarining Axborotnomasi, 2022-yil, № 5, 525-modda) 2-bandidagi “bir oy” degan soʻzlar “uch oy” degan soʻzlar bilan almashtirilsin;

2) Oʻzbekiston Respublikasi Oliy Majlisi Qonunchilik palatasi Kengashining 2022-yil 10-mayda qabul qilingan “Yoʻl harakati xavfsizligi tizimi takomillashtirilishi munosabati bilan Oʻzbekiston Respublikasining Jinoyat kodeksi, Jinoyat-protsessual kodeksi va Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida”gi QL-906-sonli Oʻzbekiston Respublikasi qonuni loyihasi toʻgʻrisida”gi 2102-IV-sonli Qarorining (Oʻzbekiston Respublikasi Oliy Majlisi palatalarining Axborotnomasi, 2022-yil, № 5, 526-modda) 2-bandidagi “bir oy” degan soʻzlar “uch oy” degan soʻzlar bilan almashtirilsin.

2. Mudofaa va xavfsizlik masalalari qoʻmitasi hamda Korrupsiyaga qarshi kurashish va sud-huquq masalalari qoʻmitasi belgilangan muddatda ushbu qonun loyihalarini Oʻzbekiston Respublikasi Oliy Majlisi Qonunchilik palatasining majlisida birinchi oʻqishda koʻrib chiqish uchun tayyorlash choralarini koʻrsin.

3. Ushbu Qaror qabul qilingan kundan eʼtiboran kuchga kiradi.