Oʻzbekiston Respublikasining “Qayta tiklanuvchi energiya manbalaridan foydalanish toʻgʻrisida”gi Qonuni ijrosini taʼminlash, shuningdek, Oʻzbekiston Respublikasi Prezidentining “Oʻzbekiston Respublikasida elektr energetika tarmogʻini yanada rivojlantirish va isloh qilish strategiyasi toʻgʻrisida” 2019-yil 27-martdagi PQ-4249-son hamda “Gidroenergetikani yanada rivojlantirish boʻyicha qoʻshimcha chora-tadbirlar toʻgʻrisida” 2021-yil 10-dekabrdagi PQ-44-son qarorlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirishlar va qoʻshimcha kiritilsin.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi energetika vazirining birinchi oʻrinbosari A.I. Axmedxadjayev zimmasiga yuklansin.

1. Vazirlar Mahkamasining rus tilida qabul qilingan “Oʻzbekgidroenergo” AJ faoliyatini tashkil etishga doir qoʻshimcha chora-tadbirlar toʻgʻrisida” 2017-yil 22-iyundagi 407-son qarorining 5-bandi quyidagi tahrirda bayon etilsin:

“5. Ustanovit, chto:

gidroelektrostansii AO “Uzbekgidroenergo” postavlyayut elektricheskuyu energiyu v yedinuyu elektroenergeticheskuyu sistemu respubliki soglasno generalnomu dogovoru, yejegodno zaklyuchayemomu mejdu AO “Uzbekgidroenergo” i AO “Natsionalnie elektricheskiye seti Uzbekistana”;

sredstva ot realizatsii elektricheskoy energii, virabativayemoy na gidroelektrostansiyax AO “Uzbekgidroenergo”, za vichetom privlechennix kreditov, rasxodov na soderjaniye deystvuyushix gidroelektrostansiy i otchisleniy na soderjaniye AO “Uzbekgidroenergo”, akkumuliruyutsya na spetsialnom schete AO “Uzbekgidroenergo” dlya selevogo napravleniya na realizatsiyu investitsionnix proyektov, predusmotrennix postanovleniyem Prezidenta Respubliki Uzbekistan ot 10-dekabrya 2021 goda № PP-44 “O dopolnitelnix merax po dalneyshemu razvitiyu gidroenergetiki”, Investitsionnoy programmoy Respubliki Uzbekistan, resheniyami Prezidenta Respubliki Uzbekistan i Pravitelstva Respubliki Uzbekistan, v poryadke, ustanovlennom Ukazom Prezidenta Respubliki Uzbekistan ot 18 maya 2017 goda № UP-5044 “Ob obrazovanii aksionernogo obshestva “Uzbekgidroenergo”.

2. Vazirlar Mahkamasining 2019-yil 13-apreldagi 310-son qarori bilan tasdiqlangan Elektr energiyasi uchun tariflarni shakllantirish tartibi toʻgʻrisidagi nizomda:

a) 1-band quyidagi mazmundagi xatboshi bilan toʻldirilsin:

“Mazkur Nizom elektr energiyasini xarid qilish tarifi tanlovlar asosida aniqlangan hollarda yoxud qonunchilik hujjatlarida alohida tartib belgilangan taqdirda, ishlab chiqaruvchi tashkilotlarga nisbatan tatbiq etilmaydi”;

b) 25-bandning birinchi xatboshisidagi “va “Oʻzbekigidroenergo” AJ” soʻzlari chiqarib tashlansin.

1. Vazirlar Mahkamasining “Mikrogidroelektrostansiyalarni qurish boʻyicha tajriba loyihalarini amalga oshirish hisobiga respublikaning gidroenergetikadan foydalanish salohiyatini kengaytirish boʻyicha qoʻshimcha chora-tadbirlari toʻgʻrisida” 2017-yil 14-sentabrdagi 724-son qarori.

2. Vazirlar Mahkamasining “Mikrogidroelektrostansiyalarni qurish boʻyicha istiqbolli loyihalarini amalga oshirish hisobiga respublikaning gidroenergetik imkoniyatlaridan samarali foydalanishni taʼminlash boʻyicha keyingi chora-tadbirlar toʻgʻrisida” 2019-yil 12-avgustdagi 665-son qarori.