1-modda. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasining referendumi toʻgʻrisida”gi 417-XII-sonli Qonuniga (Oʻzbekiston Respublikasining 2001-yil 30-avgustda qabul qilingan 265-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2001-yil, № 9-10, 176-modda; 2005-yil, № 1, 18-modda; 2019-yil, № 9, 588-modda; 2021-yil, 4-songa ilova; 2022-yil, № 3, 216-modda) quyidagi oʻzgartish va qoʻshimchalar kiritilsin:

1) 1-moddaning:

ikkinchi qismi quyidagi mazmundagi ikkinchi, uchinchi va toʻrtinchi qismlar bilan almashtirilsin:

“Referendum saylovlar bilan bir qatorda xalq irodasining bevosita ifodasidir.

Referendumda qabul qilingan qarorlar oliy yuridik kuchga ega boʻladi.

Agar referendumda qabul qilingan qarorlarda boshqacha tartib nazarda tutilgan boʻlmasa, referendumda qabul qilingan qarorlar faqat referendum yoʻli bilan bekor qilinishi yoki oʻzgartirilishi mumkin”;

uchinchi qismi beshinchi qism deb hisoblansin;

2) 8-moddaning:

birinchi qismi “siyosiy partiyalardan” degan soʻzlardan keyin “fuqarolarning oʻzini oʻzi boshqarish organlaridan” degan soʻzlar bilan toʻldirilsin;

ikkinchi qismidagi “oʻn besh kun” degan soʻzlar “oʻn kun” degan soʻzlar bilan almashtirilsin;

uchinchi qismi quyidagi mazmundagi jumla bilan toʻldirilsin:

“Boshqa davlatlardan va xalqaro tashkilotlardan kuzatuvchilarga mandatlar Oʻzbekiston Respublikasi Markaziy saylov komissiyasi tomonidan beriladi”;

3) 9-modda:

birinchi qismining uchinchi xatboshisi quyidagi tahrirda bayon etilsin:

“referendum uchastkasida hozir boʻlish, tayyorgarlik ishlarining borishini, yashirin ovoz berish kabinalarining yoki xonalarining joylashtirilishini va ovoz berish qutilarining muhrlanishini, fuqarolarning roʻyxatga olinishini, ovoz berish byulletenlarining ularga berilishini kuzatish”;

quyidagi mazmundagi uchinchi qism bilan toʻldirilsin:

“Kuzatuvchilar harbiy qismlarda, qamoqda saqlash va ozodlikdan mahrum etish joylarida tuzilgan referendum uchastkalariga borishi haqida referendum oʻtkazuvchi uchastka komissiyasini kamida uch kun oldin xabardor qilishi kerak”;

4) 18-modda:

oʻn oltinchi xatboshisi quyidagi tahrirda bayon etilsin:

“ovoz beruvchi fuqarolarning va referendum boshqa ishtirokchilarining murojaatlarini koʻrib chiqadi hamda ular yuzasidan qarorlar qabul qiladi, bundan referendum oʻtkazuvchi komissiyalarning harakatlari va qarorlari ustidan berilgan shikoyatlar mustasno”;

quyidagi mazmundagi ikkinchi qism bilan toʻldirilsin:

“Oʻzbekiston Respublikasi Markaziy saylov komissiyasining ushbu Qonun bilan tartibga solinmagan vakolatlari Oʻzbekiston Respublikasining Saylov kodeksi va saylov toʻgʻrisidagi boshqa qonun hujjatlari bilan ham tartibga solinadi”;

5) 19-moddaning matni quyidagi tahrirda bayon etilsin:

“Referendum oʻtkazuvchi okrug komissiyasi referendum tayinlash toʻgʻrisidagi qaror eʼlon qilinganidan keyin Oʻzbekiston Respublikasi Markaziy saylov komissiyasi tomonidan oʻn kundan kechikmay komissiya raisi, rais oʻrinbosari, kotibidan va komissiyaning sakkiz — oʻn sakkiz nafar boshqa aʼzolaridan iborat tarkibda tuziladi.

Referendum oʻtkazuvchi okrug komissiyalari aʼzoligiga nomzodlar Qoraqalpogʻiston Respublikasi Joʻqorgʻi Kengesining, xalq deputatlari viloyatlar va Toshkent shahar Kengashlarining majlislarida muhokama qilinadi hamda referendum tayinlash toʻgʻrisidagi qaror eʼlon qilinganidan keyin yetti kundan kechikmay Oʻzbekiston Respublikasi Markaziy saylov komissiyasi tomonidan tasdiqlash uchun tavsiya etiladi”;

6) 20-moddaning 11-bandi quyidagi tahrirda bayon etilsin:

“11) ovoz beruvchi fuqarolarning va referendum boshqa ishtirokchilarining murojaatlarini koʻrib chiqadi hamda ular yuzasidan qarorlar qabul qiladi, bundan referendum oʻtkazuvchi komissiyalarning harakatlari va qarorlari ustidan berilgan shikoyatlar mustasno”;

7) 21-moddaning matni quyidagi tahrirda bayon etilsin:

“Referendum oʻtkazuvchi uchastka komissiyasi referendum tayinlash toʻgʻrisidagi qaror eʼlon qilinganidan keyin okrug komissiyasi tomonidan yigirma besh kundan kechikmay besh — oʻn toʻqqiz nafar aʼzodan, shu jumladan komissiya raisi, rais oʻrinbosari va kotibidan iborat tarkibda tuziladi.

Referendum oʻtkazuvchi uchastka komissiyasi tarkibining soni zarur boʻlgan hollarda koʻpaytirilishi yoki kamaytirilishi mumkin.

Oʻzbekiston Respublikasining xorijiy davlatlardagi diplomatik va boshqa vakolatxonalari huzurida referendum oʻtkazuvchi uchastka komissiyasi raisining vazifalarini ularning rahbari amalga oshiradi.

Referendum oʻtkazuvchi uchastka komissiyasi aʼzoligiga nomzodlar fuqarolarning oʻzini oʻzi boshqarish organlari, jamoat birlashmalari, korxonalar, muassasalar va tashkilotlar tomonidan taklif etilib, bu nomzodlar xalq deputatlari tuman, shahar Kengashlarining majlislarida muhokama qilinadi hamda tegishli referendum oʻtkazuvchi okrug komissiyasiga tasdiqlash uchun tavsiya etiladi”;

8) 23-moddaning:

ikkinchi qismi quyidagi mazmundagi ikkinchi va uchinchi qismlar bilan almashtirilsin:

“Siyosiy partiyalarning aʼzolari, viloyat, tuman va shahar hokimlari, prokuratura organlarining, sudlarning mansabdor shaxslari, fuqarolarning tashabbuskor guruhi tarkibiga kiruvchi shaxslar referendum oʻtkazuvchi okrug va uchastka komissiyasining aʼzosi boʻlishi mumkin emas.

Referendum oʻtkazuvchi uchastka komissiyasi aʼzolarining yarmidan koʻpini bir tashkilotda ishlaydigan shaxslar tashkil etadigan boʻlsa, ular ushbu komissiya tarkibiga tavsiya etilishi mumkin emas, bundan Oʻzbekiston Respublikasining chet davlatlardagi diplomatik va boshqa vakolatxonalari huzurida, harbiy qismlarda, sanatoriylarda va dam olish uylarida, kasalxonalarda hamda boshqa statsionar davolash muassasalarida, qamoqda saqlash va ozodlikdan mahrum qilish joylarida tashkil etilgan referendum oʻtkazuvchi uchastka komissiyalari mustasno”;

uchinchi — yettinchi qismlari tegishincha toʻrtinchi — sakkizinchi qismlar deb hisoblansin;

yettinchi qismi chiqarib tashlansin;

sakkizinchi qismi yettinchi qism deb hisoblansin;

9) 24-modda:

quyidagi mazmundagi toʻrtinchi qism bilan toʻldirilsin:

“Referendum oʻtkazuvchi komissiyalarning aʼzolariga referendumga tayyorgarlik koʻrish hamda uni oʻtkazishga doir xarajatlar smetasida koʻrsatilgan miqdorda transport, ovqatlanish xarajatlarining va boshqa xarajatlarning oʻrnini qoplash maqsadida kompensatsiya toʻlanadi”;

toʻrtinchi — yettinchi qismlari tegishincha beshinchi — sakkizinchi qismlar deb hisoblansin;

10) 25-moddaning matni quyidagi tahrirda bayon etilsin:

“Fuqarolar, shuningdek kuzatuvchilar referendum oʻtkazuvchi komissiyalarning qarorlari ustidan ushbu qaror qabul qilinganidan keyin besh kun ichida sudga shikoyat qilishi mumkin. Oʻzbekiston Respublikasi Markaziy saylov komissiyasining qarorlari ustidan qaror qabul qilinganidan keyin besh kun ichida Oʻzbekiston Respublikasi Oliy sudiga shikoyat qilinishi mumkin. Shikoyat kelib tushganidan keyin uch kun ichida, agar referendumga olti kundan kam vaqt qolgan boʻlsa, darhol koʻrib chiqiladi. Shikoyat bergan shaxslar shikoyatni koʻrib chiqishda bevosita ishtirok etish huquqiga ega”;

11) IV boʻlim quyidagi mazmundagi 25¹-modda bilan toʻldirilsin:

Referendum oʻtkazuvchi komissiyalar referendumni oʻtkazish davrida jismoniy va yuridik shaxslarning ushbu Qonun talablari buzilganligi yoki referendumni tashkil etishning boshqa masalalari xususida oʻziga kelib tushgan murojaatlarini oʻz vakolatlari doirasida koʻrib chiqishi, ushbu murojaatlar boʻyicha tekshiruvlar oʻtkazishi va uch kunlik muddatda ularga yozma javoblar berishi, referendumga kamida olti kun qolganida yoki ovoz berish kuni kelib tushgan murojaatlarni esa darhol koʻrib chiqib, javob qaytarishi shart, bundan referendum oʻtkazuvchi komissiyalarning harakatlari va qarorlari ustidan berilgan shikoyatlar mustasno.

Murojaatlar qaydlov daftarida roʻyxatga olinishi lozim.

Referendum oʻtkazuvchi komissiyaning raisi murojaatni koʻrib chiqish va unga doir qaror qabul qilish uchun tegishli komissiyani ushbu Qonunda belgilangan muddatlarda chaqiradi va uning majlisini oʻtkazadi. Majlisga manfaatdor shaxslar taklif etilishi mumkin.

Qoʻyilgan masalalarni hal etish oʻz vakolatiga kirmaydigan referendum oʻtkazuvchi uchastka komissiyasiga kelib tushgan murojaat uch kunlik muddatda tegishli organlarga murojaat yuborgan shaxs bu haqda xabardor qilingan holda yuboriladi.

Murojaatni koʻrib chiqqan referendum oʻtkazuvchi komissiyalar aʼzolari uni koʻrib chiqish natijalari va qabul qilingan qaror toʻgʻrisida murojaat yuborgan shaxsni xabardor qilishi shart”;

12) quyidagi mazmundagi 26¹-modda bilan toʻldirilsin:

Chet davlatlarda turgan fuqarolar Oʻzbekiston Respublikasining chet davlatlardagi diplomatik va boshqa vakolatxonalari huzurida tuzilgan referendum oʻtkazuvchi uchastka komissiyalariga ularni ovoz beruvchi fuqarolar roʻyxatiga kiritish toʻgʻrisida referendumdan oʻn besh kun oldin yozma shaklda yoki Oʻzbekiston Respublikasi Tashqi ishlar vazirligining rasmiy veb-sayti orqali elektron shaklda murojaat qilishi mumkin.

Oʻzbekiston Respublikasining chet davlatlardagi diplomatik va boshqa vakolatxonalari huzurida tuzilgan referendum oʻtkazuvchi uchastka komissiyalari chet davlatlarda turgan fuqarolarning ularni ovoz beruvchi fuqarolar roʻyxatiga kiritish toʻgʻrisidagi murojaatida koʻrsatilgan shaxsga doir maʼlumotlarini uch kun ichida tekshiradi va fuqaroni ovoz beruvchi fuqarolar roʻyxatiga kiritish haqidagi masalani hal qiladi.

Oʻzbekiston Respublikasining chet davlatlardagi diplomatik va boshqa vakolatxonalari huzurida tuzilgan referendum oʻtkazuvchi uchastka komissiyalari ovoz beruvchi fuqarolar roʻyxatiga kiritilgan fuqarolar haqidagi maʼlumotlarni darhol Oʻzbekiston Respublikasi Tashqi ishlar vazirligiga taqdim etadi.

Oʻzbekiston Respublikasi Tashqi ishlar vazirligi ovoz beruvchi fuqarolar roʻyxatiga kiritilgan fuqarolar haqidagi maʼlumotlarni darhol Oʻzbekiston Respublikasi Vazirlar Mahkamasi huzuridagi Davlat personallashtirish markaziga Saylovchilarning yagona elektron roʻyxatiga tegishli tuzatishlar kiritish uchun taqdim etadi”;

13) 27-modda:

ikkinchi qismi quyidagi mazmundagi jumla bilan toʻldirilsin:

“Chet davlatlarda turgan fuqarolarga ovoz beruvchi fuqarolar roʻyxatidagi oʻziga tegishli maʼlumotlar bilan tanishish imkoniyati Oʻzbekiston Respublikasi Tashqi ishlar vazirligi, Oʻzbekiston Respublikasining chet davlatlardagi diplomatik va boshqa vakolatxonalari rasmiy veb-saytlari orqali ham taʼminlanadi”;

quyidagi mazmundagi uchinchi qism bilan toʻldirilsin:

“Ovoz beruvchi fuqarolarning roʻyxatlariga oʻzgartishlar kiritish referendumga besh kun qolganida toʻxtatiladi”;

14) 28-moddaning ikkinchi qismidagi “referendum oʻtkazuvchi yuqori komissiyalarga yoki” degan soʻzlar chiqarib tashlansin;

15) 30-modda:

birinchi qismi quyidagi tahrirda bayon etilsin:

“Referendum oʻtkazuvchi uchastka komissiyalari ovoz berish byulletenlarini referendum oʻtkaziladigan kunga, shu jumladan muddatidan oldin ovoz berish kuniga kamida uch kun qolganida okrug komissiyalaridan oladi. Ovoz berish byulletenlari berilganligi va olinganligini referendum oʻtkazuvchi okrug va uchastka komissiyasining raisi yoki rais oʻrinbosari yoxud kotibi tegishli hujjatda oʻz imzosi bilan tasdiqlaydi”;

quyidagi mazmundagi uchinchi qism bilan toʻldirilsin:

“Oʻzbekiston Respublikasining chet davlatlardagi diplomatik va boshqa vakolatxonalari huzurida tuzilgan referendum uchastkalaridagi ovoz beruvchilar soni haqida Oʻzbekiston Respublikasi Tashqi ishlar vazirligi tomonidan taqdim etilgan maʼlumotlar asosida Oʻzbekiston Respublikasi Markaziy saylov komissiyasi ovoz berish byulletenlarining tayyorlanishi va yetkazib berilishini taʼminlaydi”;

16) 35¹-moddaning:

ikkinchi qismidagi “tegishli okrug komissiyasi” degan soʻzlar “Oʻzbekiston Respublikasi Markaziy saylov komissiyasi” degan soʻzlar bilan almashtirilsin;

oltinchi qismidagi “va ovoz beruvchining imzosi” degan soʻzlar chiqarib tashlansin;

17) quyidagi mazmundagi 35²-modda bilan toʻldirilsin:

Oʻzbekiston Respublikasining xalqaro shartnomalariga va chet davlatlarning vakolatli davlat hokimiyati organlari bilan kelishuvlarga muvofiq chet davlatlarning aholi zich joylashgan hududlarda muddatidan oldin ovoz berish fuqaroning turgan joyida oʻtkazilishi mumkin.

Oʻzbekiston Respublikasining chet davlatdagi diplomatik va boshqa vakolatxonasi huzurida tuzilgan referendum oʻtkazuvchi uchastka komissiyasi fuqarolarning turgan joyida ovoz berish vaqti hamda joyi toʻgʻrisida qaror qabul qiladi va bu haqda fuqarolarni, kuzatuvchilarni ommaviy axborot vositalari orqali xabardor etadi.

Fuqarolarning turgan joyida ovoz berishi Oʻzbekiston Respublikasining chet davlatdagi diplomatik va boshqa vakolatxonasi huzurida tuzilgan referendum oʻtkazuvchi uchastka komissiyasining kamida ikki nafar aʼzosi hozirligida oʻtkaziladi.

Ovoz berish tugaganidan keyin referendum oʻtkazuvchi uchastka komissiyasi aʼzolari koʻchma ovoz berish qutisini ochadi, uning ichidagi ovoz berish byulletenlarini sanamasdan maxsus qopga joylaydi, qopni plombalaydi va bu haqda dalolatnoma tuzadi.

Ovoz berish byulletenlari solingan qop plombalangan holda dalolatnoma bilan birga referendum uchastkasiga olib boriladi va referendum kuni ovozlarni sanab chiqish jarayoni boshlanguniga qadar saqlanadi”;

18) 37-modda:

birinchi qismining ikkinchi xatboshisi quyidagi tahrirda bayon etilsin:

“referendum okrugi boʻyicha ovoz beruvchi fuqarolar roʻyxatiga kiritilgan fuqarolarning umumiy sonini”;

uchinchi qismi quyidagi mazmundagi jumla bilan toʻldirilsin:

“Mazkur bayonnomaning koʻchirma nusxasi hamma tanishib chiqishi uchun darhol referendum oʻtkazuvchi okrug komissiyasining binosiga kamida qirq sakkiz soat muddatga osib qoʻyiladi”;

19) 39-moddaning matni quyidagi tahrirda bayon etilsin:

“Oʻzbekiston Respublikasi Markaziy saylov komissiyasi referendum yakunlari boʻyicha qabul qilingan qarorni referendum oʻtkazilgandan keyin koʻpi bilan oʻn kun ichida Oʻzbekiston Respublikasi Markaziy saylov komissiyasining rasmiy veb-saytida va rasmiy manbalarda eʼlon qiladi.

Referendumda qonun qabul qilingan taqdirda, uning matni referendum yakunlari boʻyicha qaror bilan birga eʼlon qilinadi”;

20) 40-moddaning matni quyidagi tahrirda bayon etilsin:

“Agar referendumda qabul qilingan qarorning, qonunning mazmunidan boshqacha qoida kelib chiqmasa, referendumda qabul qilingan qaror, qonun Oʻzbekiston Respublikasi Markaziy saylov komissiyasi tomonidan referendum yakunlari rasmiy eʼlon qilingan kundan eʼtiboran kuchga kiradi.

Referendumda qabul qilingan qaror, shu jumladan qonun shaklida qabul qilingan qaror Oʻzbekiston Respublikasi Markaziy saylov komissiyasi tomonidan referendum yakunlari rasmiy eʼlon qilingan kunning oʻzida uning ijrosini tashkil etish uchun Oʻzbekiston Respublikasi Oliy Majlisi palatalariga va Oʻzbekiston Respublikasi Prezidentiga yuboriladi”;

21) 41-modda quyidagi mazmundagi toʻrtinchi qism bilan toʻldirilsin:

“Agar referendumda qabul qilingan qarorni amalga oshirish uchun normativ-huquqiy hujjat qabul qilish talab etilsa, davlat hokimiyati organi referendumda qabul qilingan qaror kuchga kirgan kundan eʼtiboran oʻn kun ichida ushbu masala boʻyicha normativ-huquqiy hujjatlar roʻyxatini va ularni tayyorlash muddatini oʻz vakolatlari doirasida belgilashi shart”.

2-modda. Oʻzbekiston Respublikasining 2004-yil 2-dekabrda qabul qilingan “Xalq deputatlari viloyat, tuman va shahar Kengashi deputatining maqomi toʻgʻrisida”gi 706-II-sonli Qonunining (Oʻzbekiston Respublikasi Oliy Majlisining Axborotnomasi, 2005-yil, № 1, 10-modda; Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 224-modda; 2019-yil, № 9, 588-modda; 2020-yil, № 8, 488-modda, № 9, 537-modda, 2021-yil, № 1, 13-modda, 4-songa ilova) 3-moddasiga quyidagi qoʻshimcha va oʻzgartish kiritilsin:

quyidagi mazmundagi ikkinchi qism bilan toʻldirilsin:

“Saylov okrugining hududi boshqa maʼmuriy-hududiy birlik tarkibiga oʻtkazilganda yoki uning hududida yangi maʼmuriy-hududiy birlik tashkil etilgan taqdirda ushbu saylov okrugidan saylangan deputatning vakolatlari saqlab qolinadi. Bunda deputat saylov okrugining hududi joylashgan xalq deputatlari Kengashi yoxud yangi tashkil etilgan maʼmuriy-hududiy birlikda shakllantirilgan xalq deputatlari Kengashi tarkibiga kiradi, deputatning vakolatlari muddati esa mazkur xalq deputatlari Kengashining vakolatlari muddatiga muvofiq boʻladi”;

ikkinchi, uchinchi va toʻrtinchi qismlari tegishincha uchinchi, toʻrtinchi va beshinchi qismlar deb hisoblansin.

3-modda. Oʻzbekiston Respublikasining 2019-yil 25-iyunda qabul qilingan OʻRQ-544-sonli Qonuni bilan tasdiqlangan Oʻzbekiston Respublikasining Saylov kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, № 6, 327-modda; 2021-yil, № 2, 139-modda, 4-songa ilova, № 6, 518-modda; 2022-yil, № 3, 213-modda) quyidagi qoʻshimcha va oʻzgartishlar kiritilsin:

1) 9-modda:

quyidagi mazmundagi yettinchi va sakkizinchi qismlar bilan toʻldirilsin:

“Yangi tashkil etilgan viloyatning xalq deputatlari viloyat Kengashiga saylov oʻtkazish boʻyicha saylov okruglari soni Senatning taqdimnomasiga binoan Markaziy saylov komissiyasi tomonidan belgilanadi, yangi tashkil etilgan tumanning, shaharning xalq deputatlari tuman, shahar Kengashiga saylov oʻtkazish boʻyicha saylov okruglarining soni esa tegishli xalq deputatlari viloyat Kengashi tomonidan ushbu moddaning beshinchi va oltinchi qismlari talablari inobatga olingan holda belgilanadi.

Yangi tashkil etilgan viloyatning xalq deputatlari viloyat Kengashiga saylov oʻtkazish boʻyicha saylov okruglari Senatning taqdimnomasiga binoan Markaziy saylov komissiyasi tomonidan, yangi tashkil etilgan tumanning, shaharning xalq deputatlari tuman, shahar Kengashiga saylov oʻtkazish boʻyicha saylov okruglari esa tegishli xalq deputatlari viloyat Kengashi tomonidan tuziladi”;

yettinchi, sakkizinchi va toʻqqizinchi qismlari tegishincha toʻqqizinchi, oʻninchi va oʻn birinchi qismlar deb hisoblansin;

2) 19-moddaning:

ikkinchi va uchinchi qismlari quyidagi mazmundagi ikkinchi, uchinchi va toʻrtinchi qismlar bilan almashtirilsin:

“Viloyat, tuman, shahar saylov komissiyalari, bundan ushbu moddaning uchinchi qismida nazarda tutilgan hollar mustasno, tegishli mahalliy Kengashlar tomonidan saylovga kamida sakson kun qolganda oʻn bir — yigirma bir nafar komissiya aʼzosidan iborat tarkibda tuziladi hamda oʻz vakolatlarini keyingi saylov kampaniyasi boshlanganligi eʼlon qilinguniga qadar amalga oshiradi.

Yangi tashkil etilgan maʼmuriy-hududiy birliklarda xalq deputatlari viloyat Kengashiga saylov oʻtkazish boʻyicha viloyat saylov komissiyasi Senat tomonidan, xalq deputatlari tuman, shahar Kengashi saylovini oʻtkazish boʻyicha tuman, shahar saylov komissiyalari esa tegishli xalq deputatlari viloyat Kengashi tomonidan saylovga kamida yigirma besh kun qolganda oʻn bir — yigirma bir nafar komissiya aʼzosidan iborat tarkibda tuziladi hamda oʻz vakolatlarini keyingi saylov kampaniyasi boshlanganligi eʼlon qilinguniga qadar amalga oshiradi.

Viloyat, tuman, shahar saylov komissiyalarining raislari ushbu komissiya aʼzolari orasidan saylov komissiyasi majlisida tegishli mahalliy Kengashning taqdimnomasiga binoan saylanadi. Ushbu moddaning uchinchi qismida nazarda tutilgan taqdirda esa viloyat saylov komissiyasi raisi Senat tomonidan tayinlanadi”;

toʻrtinchi qismi beshinchi qism deb hisoblansin;

3) 88-modda quyidagi mazmundagi ikkinchi qism bilan toʻldirilsin:

“Yangi tashkil etilgan maʼmuriy-hududiy birliklarda mahalliy Kengashlarga saylov Oʻzbekiston Respublikasida faoliyatini amalga oshirayotgan boshqa mahalliy Kengashlar vakolatlarining tugash muddatidan ortiq boʻlmagan muddat uchun oʻtkaziladi”;

4) 15-bob quyidagi mazmundagi 93¹-modda bilan toʻldirilsin:

Yangi tashkil etilgan maʼmuriy-hududiy birliklarda mahalliy Kengashlarga deputatlar saylovi maʼmuriy-hududiy birliklarni tashkil etish toʻgʻrisida belgilangan tartibda qarorlar qabul qilinganidan keyin ikki oy ichida oʻtkaziladi.

Yangi tashkil etilgan maʼmuriy-hududiy birlikda xalq deputatlari viloyat Kengashi deputatlari saylovi Markaziy saylov komissiyasi tomonidan, xalq deputatlari tuman, shahar Kengashlari deputatlari saylovi esa tegishli xalq deputatlari viloyat Kengashi tomonidan saylov oʻtkazilishiga kamida bir oy qolganida tayinlanadi va ushbu Kodeksning talablariga rioya etilgan holda tashkil etiladi. Bunda saylov okrugi saylovga yigirma sakkiz kun qolganda, okrug saylov komissiyasi saylovga yigirma besh kun qolganda, saylov uchastkasi esa saylovga yigirma kun qolganda, uchastka saylov komissiyalari saylovga oʻn besh kun qolganda tuziladi. Deputatlikka nomzodlarni roʻyxatga olish saylovga oʻn besh kun qolganda tugallanadi.

Agar keyingi saylov kampaniyasi boshlanishiga uch oydan kam vaqt qolgan boʻlsa yoki vakolatlari saqlab qolingan va yangi tashkil etilgan maʼmuriy-hududiy birlikning xalq deputatlari Kengashi tarkibiga kirgan deputatlar soni xalq deputatlari tuman, shahar Kengashida oʻn besh kishini hamda xalq deputatlari viloyat Kengashida oʻttiz kishini tashkil etsa, yangi tashkil etilgan maʼmuriy-hududiy birlikda mahalliy Kengashlar deputatlari saylovi oʻtkazilmasligi mumkin”.

4-modda. Oʻzbekiston Respublikasining 2020-yil 28-avgustda qabul qilingan “Oʻzbekiston Respublikasining maʼmuriy-hududiy tuzilishi toʻgʻrisida”gi OʻRQ-635-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2020-yil, № 8, 492-modda; 2021-yil, № 8, 800-modda) quyidagi mazmundagi 40¹-modda bilan toʻldirilsin:

Maʼmuriy-hududiy birlik tashkil etilgan, tugatilgan yoki uning chegaralari oʻzgartirilgan taqdirda uning hududida joylashgan saylov okruglarini tegishli maʼmuriy-hududiy birlik tarkibiga oʻtkazish toʻgʻrisidagi masala koʻrib chiqiladi.

Ushbu moddaning birinchi qismida nazarda tutilgan hollarda saylov okruglarini oʻtkazish bilan bogʻliq masalalar maʼmuriy-hududiy birliklarni tashkil etish, tugatish yoki ularning chegaralarini oʻzgartirish toʻgʻrisidagi takliflar Oʻzbekiston Respublikasi Oliy Majlisining palatalari koʻrib chiqishi uchun kiritilguniga qadar, qonunchilikda belgilangan tartibda koʻrib chiqiladi”.

5-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

6-modda. Ushbu Qonun rasmiy eʼlon qilingan kundan eʼtiboran kuchga kiradi.