Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Toʻlovlar va toʻlov tizimlari toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki boshqaruvining 2006-yil 17-yanvardagi 1/3-son qarori (roʻyxat raqami 1545, 2006-yil 14-fevral) (Oʻzbekiston Respublikasi qonun hujjatlari toʻplami, 2006-y., 6-7-son, 48-modda) bilan tasdiqlangan Markaziy bankning banklararo toʻlov tizimi orqali elektron toʻlovlarni amalga oshirish tartibi toʻgʻrisidagi nizomga ilovaga muvofiq qoʻshimcha va oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 1-band quyidagi mazmundagi 9-kichik band bilan toʻldirilsin:

“9) toʻlovchining identifikatsiya raqami — yuridik shaxslar toʻlovchi sifatida ishtirok etadigan elektron toʻlov hujjatlarida soliq toʻlovchining identifikatsiya raqami va jismoniy shaxslar toʻlovchi sifatida ishtirok etadigan elektron toʻlov hujjatlarida jismoniy shaxsning shaxsiy identifikatsiya raqami koʻrsatiladigan elektron toʻlov hujjatining rekviziti.”.

2. 18-bandda:

a) 4-kichik bandda:

birinchi xatboshidagi “inkasso topshiriqnomasini (THK 11) va masofadan xizmat koʻrsatish tizimi orqali oʻtkazilgan toʻlov topshiriqnomasi (THK 21)” degan soʻzlar “inkasso topshiriqnomasini (THK 11), masofadan xizmat koʻrsatish tizimi orqali oʻtkazilgan toʻlov topshiriqnomasi (THK 21) va masofadan xizmat koʻrsatish tizimi orqali oʻtkazilgan toʻlov talabnomasini (THK 22)” degan soʻzlar bilan almashtirilsin;

oltinchi xatboshi quyidagi tahrirda bayon etilsin:

“toʻlovchining identifikatsiya raqami;”;

b) 5-kichik bandning oltinchi xatboshisi quyidagi tahrirda bayon etilsin:

“toʻlovchining identifikatsiya raqami;”.

3. 33-bandda:

1-kichik bandning ikkinchi xatboshisi quyidagi tahrirda bayon etilsin:

“Kredit operatsiyalari (THK — 01, 02, 05, 06, 11, 21, 22) boʻyicha:”;

2-kichik bandning ikkinchi xatboshisi quyidagi tahrirda bayon etilsin:

“Kredit operatsiyalari (THK — 01, 02, 05, 06, 11, 21, 22) boʻyicha:”.

4. 34-bandda:

1-kichik bandning ikkinchi xatboshisi quyidagi tahrirda bayon etilsin:

“Kredit operatsiyalari (THK — 01, 02, 05, 06, 11, 21, 22) boʻyicha:”;

2-kichik bandning ikkinchi xatboshisi quyidagi tahrirda bayon etilsin:

“Kredit operatsiyalari (THK — 01, 02, 05, 06, 11, 21, 22) boʻyicha:”.

5. 37-band quyidagi tahrirda bayon etilsin:

“37. Qayta ishlash jarayonida kelib tushgan ETHlar ichki nazorat va elektron raqamli imzo tekshiruvidan oʻtadi. Nazoratdagi rekvizitlar yoki elektron raqamli imzoda xatolar aniqlanganda, xato ETHlari qayta ishlashdan chiqarib tashlanadi. Shuningdek, ETH BDMAB bazasida benefitsiar bank va tashabbuskor bank mijozlarining hisobvaraqlari hamda toʻlovchilarning identifikatsiya raqamlari mavjudligi boʻyicha rekvizitlar nazoratidan oʻtadi. Agar ETHning rekvizitlarida koʻrsatilgan hisobvaraqlar va toʻlovchining identifikatsiya raqami BDMAB maʼlumotlari bilan mos kelmasa, ushbu ETH tegishli xatolik kodi koʻrsatilgan holda yaroqsiz deb topiladi.”.

6. 2 — 6-ilovalardagi “Toʻlovchining STIRi” degan soʻzlar “Toʻlovchining identifikatsiya raqami” degan soʻzlar bilan almashtirilsin.

7. 8-ilova quyidagi mazmundagi 7-pozitsiya bilan toʻldirilsin: