“Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasi Konstitutsiyaviy Qonunining 16-moddasiga, “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi Oʻzbekiston Respublikasi Qonunining 10-moddasiga muvofiq Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Oliy Majlisi Qonunchilik palatasining navbatdagi majlisi 2022-yil 1-fevral kuni videokonferensaloqa rejimida oʻtkazilishi belgilansin.

2. Oʻzbekiston Respublikasi Oliy Majlisi Qonunchilik palatasi majlisining kun tartibi loyihasiga quyidagi masalalar kiritilsin:

“Qoʻriqlash faoliyati toʻgʻrisida”gi QL-843-sonli Oʻzbekiston Respublikasi qonuni loyihasi haqida (ikkinchi oʻqish);

“Yer uchastkalarini kompensatsiya evaziga jamoat ehtiyojlari uchun olib qoʻyish tartib-taomillari toʻgʻrisida”gi QL-853-sonli Oʻzbekiston Respublikasi qonuni loyihasi haqida (ikkinchi oʻqish);

Oʻzbekiston Respublikasi Oliy Majlisi Qonunchilik palatasining 2022-yil birinchi yarim yilligidagi faoliyatining asosiy yoʻnalishlari toʻgʻrisida;

Oʻzbekiston Respublikasi Oliy Majlisi Qonunchilik palatasi Mehnat va ijtimoiy masalalar qoʻmitasining 2021-yildagi faoliyati toʻgʻrisidagi axboroti haqida;

Oʻzbekiston Respublikasi Oliy Majlisi Qonunchilik palatasining deputati Sh.X. Nazarovga “Adolatli deputat” maqomini berish toʻgʻrisida;

Oʻzbekiston Respublikasi Oliy Majlisi Qonunchilik palatasining deputati D.A. Ganiyevga “Xalqparvar deputat” maqomini berish toʻgʻrisida;

Oʻzbekiston Respublikasi Oliy Majlisi Qonunchilik palatasining deputati A.A. Tulegenovaga “Mehnatkash deputat” maqomini berish toʻgʻrisida;

Oʻzbekiston Respublikasi Oliy Majlisi Qonunchilik palatasining sobiq deputati R.S. Sabirjanovga “Faxriy deputat” maqomini berish toʻgʻrisida.

3. Ushbu Qaror qabul qilingan kundan eʼtiboran kuchga kiradi.