Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

I. Oʻzbekiston Respublikasining 1992-yil 9-dekabrda qabul qilingan “Tabiatni muhofaza qilish toʻgʻrisida”gi Qonunining (Oʻzbekiston Respublikasi Oliy Kengashining Axborotnomasi, 1993-yil, № 1, 38-modda; Oʻzbekiston Respublikasi Oliy Majlisining Axborotnomasi, 1995-yil, № 6, 118-modda; 1997-yil, № 4-5, 126-modda; 1999-yil, № 1, 20-modda; 2000-yil, № 5-6, 153-modda, № 7-8, 217-modda):

1) 22-moddasi quyidagi tahrirda bayon etilsin:

Chiqindi bilan bogʻliq ishlarni amalga oshirish qonun hujjatlarida belgilangan tartibda olib boriladi.

Chiqindi bilan bogʻliq ishlarni amalga oshirishning atrof muhitga xavfsizligi uchun chiqindilarning mulkdorlari javob beradilar. Chiqindi bilan bogʻliq ishlarni amalga oshirish obyektlarini tegishli hududga joylashtirish masalalarini mahalliy davlat hokimiyati organlari hal qiladi”;

2) 45 va 46-moddalari quyidagi tahrirda bayon etilsin:

Chiqindilarni aholi punktlari yerlarida, tabiatni muhofaza qilish, sogʻlomlashtirish, rekreatsiya maqsadlariga moʻljallangan va tarixiy-madaniy ahamiyatga molik yerlarda, suvni muhofaza qilish zonalari va suv obyektlarining sanitariya muhofazasi zonalari doirasida, fuqarolar hayoti va sogʻligʻiga, shuningdek alohida muhofaza etiladigan tabiiy hududlar hamda obyektlarga tahdid kelib chiqishi mumkin boʻlgan boshqa joylarda saqlash va koʻmib tashlash taqiqlanadi.

Alohida hollarda, maxsus tadqiqotlar natijalariga koʻra fuqarolarning hayoti va sogʻligʻi, atrof muhit xavfsizligini, tabiiy resurslar saqlanishini taʼminlash talablariga rioya etgan holda chiqindilarni yer ostiga koʻmib tashlashga yoʻl qoʻyiladi.

Chiqindilarni qayta ishlash, ularni poligonlarda koʻmib tashlash va saqlash tabiatni muhofaza qilish davlat organlarining ruxsati bilan amalga oshiriladi.

Ekologik yoki gigiyenik sertifikatlarga ega boʻlmagan, shuningdek ularda belgilangan talab koʻrsatkichlaridan chetlangan holda xomashyo va materiallardan foydalanish, texnologiya jarayonlarini joriy etish hamda tayyor mahsulotlar (shu jumladan oziq-ovqat mahsulotlari) chiqarish taqiqlanadi. Ekologik sertifikatlash qonun hujjatlarida nazarda tutilgan hollarda ham oʻtkaziladi.

Ekologik sertifikatlash tartibini Oʻzbekiston Respublikasi Vazirlar Mahkamasi tasdiqlaydi”.

II. Oʻzbekiston Respublikasining 1994-yil 6-mayda qabul qilingan “Elektron hisoblash mashinalari uchun yaratilgan dasturlar va maʼlumotlar bazalarining huquqiy himoyasi toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1994-yil, № 5, 136-modda; Oʻzbekiston Respublikasi Oliy Majlisining Axborotnomasi, 2002-yil, № 4-5, 74-modda) 9-moddasining sakkizinchi qismi quyidagi tahrirda bayon etilsin:

“EHM uchun yaratilgan dasturlar yoki maʼlumotlar bazalarini roʻyxatga olish hamda EHM uchun yaratilgan dasturlar va maʼlumotlar bazalaridan foydalanishga boʻlgan mulkiy huquqlarni boshqa shaxsga oʻtkazish toʻgʻrisidagi shartnomalarni roʻyxatga olish bilan bogʻliq yuridik ahamiyatga ega harakatlarni bajarganlik uchun patent bojlari undiriladi. Patent bojlari Patent idorasiga toʻlanadi. Patent bojlarining miqdori va ularni toʻlash muddatlari, ularni toʻlashdan ozod qilish, toʻlovlarning miqdorini kamaytirish yoki ularni qaytarib berish asoslari, shuningdek patent bojlaridan foydalanish tartibi Oʻzbekiston Respublikasi Vazirlar Mahkamasi tomonidan belgilanadi”.

III. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Jinoyat kodeksi (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 9-10, 165-modda) sakkizinchi boʻlimidagi “Xaridor yoki buyurtmachilarni aldashdagi ancha miqdor — eng kam oylik ish haqining bir baravaridan besh baravarigacha boʻlgan miqdor”, “Xaridor yoki buyurtmachilarni aldashdagi koʻp miqdor — eng kam ish haqining besh baravari va undan ortiq miqdor”, “Xaridor yoki buyurtmachilarni aldashdagi katta boʻlmagan miqdor — eng kam oylik ish haqining oʻndan bir baravaridan bir baravarigacha boʻlgan miqdor” degan soʻzlar chiqarib tashlansin.

IV. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Jinoyat-protsessual kodeksi (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 11 va 23-moddalar, № 9-10, 165 va 182-moddalar) 345-moddasining:

beshinchi qismidagi “176 — 181, 184, 185, 185¹, 188 — 192” raqamlari chiqarib tashlansin;

oltinchi qismi “167” raqamidan keyin “176 — 181, 184, 185, 185¹, 188 — 192” raqamlari bilan toʻldirilsin.

V. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksi (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165 va 182-moddalar; 2002-yil, № 1, 20-modda):

1) 175⁴-moddasining dispozitsiyasidagi “(alkogolli mahsulotlar va tamaki mahsulotlari, shuningdek roʻyxati qonun hujjatlarida belgilab qoʻyiladigan boshqa tovarlar tarzida)” degan soʻzlar chiqarib tashlansin;

2) 224-moddasi quyidagi mazmundagi ikkinchi qism bilan toʻldirilsin:

“Chegara zonasiga, shuningdek fuqarolarning kirishi va boʻlishiga vaqtincha cheklov belgilangan joylarga kirishga hamda ularda yashashga oid qoidalarni buzgan fuqarolarning bunday joylarda yashashiga yoʻl qoʻyish —

fuqarolarga eng kam ish haqining uch baravaridan besh baravarigacha, mansabdor shaxslarga esa — besh baravaridan oʻn baravarigacha miqdorda jarima solishga sabab boʻladi”;

3) 245-moddasining birinchi qismidagi “186, 186¹-moddalari” degan soʻzlar “186-moddalarida, 186¹-moddasida (aksiz markalari bilan markalanmagan tovarlarni realizatsiya qilish hollaridan tashqari)” degan soʻzlar bilan almashtirilsin;

4) 248-moddasining ikkinchi qismidagi 4-band “223-moddasining birinchi qismida” degan soʻzlardan keyin “224-moddasining birinchi qismida” degan soʻzlar bilan toʻldirilsin;

5) 264-moddasining birinchi qismi “179¹-moddalarida” degan soʻzlardan keyin “186¹-moddasida (aksiz markalari bilan markalanmagan tovarlar realizatsiya qilingan hollarda)” degan soʻzlar bilan toʻldirilsin;

6) 287-moddasining:

1-bandidagi “164-moddasining ikkinchi qismida” degan soʻzlar “164-moddasining uchinchi qismida” degan soʻzlar bilan almashtirilsin, “176-moddasining ikkinchi qismida” degan soʻzlar “176-moddasining ikkinchi va uchinchi qismlarida” degan soʻzlar bilan almashtirilsin;

8-bandi quyidagi tahrirda bayon etilsin:

“8) ushbu Kodeksning 152-moddasining ikkinchi va uchinchi qismlarida (radioelektron vositalarni yoki yuqori chastotali qurilmalarni sotish yoxud oʻzgaga doimiy yoki vaqtinchalik foydalanish uchun berish qismi), 164-moddasining uchinchi qismida, 166, 170-moddalarida, 176-moddasining ikkinchi va uchinchi qismlarida, 198-moddasida nazarda tutilgan huquqbuzarliklar sodir etilgan taqdirda — davlat soliq organlarining, Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti va uning joylardagi boʻlinmalarining mansabdor shaxslari tomonidan”;

7) 288-moddasining uchinchi qismidagi “164-moddasining ikkinchi qismida” degan soʻzlar “164-moddasining uchinchi qismida” degan soʻzlar bilan almashtirilsin;

8) 289-moddasining uchinchi qismi “soliq organlarining” degan soʻzlardan keyin “Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti va uning joylardagi boʻlinmalarining” degan soʻzlar bilan toʻldirilsin;

9) 290-moddasining uchinchi qismi “Bojxona qoidalari” degan soʻzlardan keyin “yoki soliq toʻgʻrisidagi qonun hujjatlari” degan soʻzlar bilan toʻldirilsin;

10) 291-moddasining birinchi qismi quyidagi mazmundagi “d” bandi bilan toʻldirilsin:

“d) ushbu Kodeksning 164, 166, 167, 168, 172, 173, 176, 186¹-moddalarida nazarda tutilgan maʼmuriy huquqbuzarliklar sodir etilganda — Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti va uning joylardagi boʻlinmalarining mansabdor shaxslari tomonidan”.

VI. Oʻzbekiston Respublikasining 1995-yil 21-dekabrda qabul qilingan Qonuni bilan tasdiqlangan Oʻzbekiston Respublikasining Mehnat kodeksi (Oʻzbekiston Respublikasi Oliy Majlisining Axborotnomasi, 1996-yil, 1-songa ilova; 1997-yil, № 2, 65-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 112 va 124-moddalar, № 9, 229-modda; 2001-yil, № 5, 89-modda, № 9-10, 182-modda) 153-moddasining ikkinchi qismidagi oxirgi jumla quyidagi tahrirda bayon etilsin:

“Mehnat haqini natura shaklida toʻlash taqiqlanadi, Oʻzbekiston Respublikasi Hukumati tomonidan belgilangan hollar bundan mustasno”.

VII. Oʻzbekiston Respublikasining 1995-yil 21-dekabrda hamda 1996-yil 29-avgustda qabul qilingan qonunlari bilan tasdiqlangan Oʻzbekiston Respublikasi Fuqarolik kodeksining (Oʻzbekiston Respublikasi Oliy Majlisining Axborotnomasi, 1996-yil, 2-songa ilova; № 11-12; 1997-yil № 2, 56-modda, № 9, 241-modda; 1998-yil, № 5-6, 102-modda; 1999-yil, № 1, 20-modda, № 9, 229-modda; 2001-yil, № 1-2, 23-modda, № 9-10, 182-modda; 2002-yil, № 1, 20-modda) 762-moddasi:

uchinchi qismidagi “omonatchi talab qilishi bilanoq” degan soʻzlar “omonatchining talabi bilan” degan soʻzlar bilan almashtirilsin;

toʻrtinchi qismi quyidagi tahrirda bayon etilsin:

“Bank omonati shartnomasining fuqaro omonatni talab qilishi bilanoq olish huquqidan, muddatli yoki boshqa omonatni esa xabardor etishning qonun hujjatlarida belgilangan muddati oʻtganidan keyin olish huquqidan voz kechish haqidagi sharti oʻz-oʻzidan haqiqiy emas”;

quyidagi mazmundagi beshinchi qism bilan toʻldirilsin:

“Agar omonatchi muddatli yoki boshqa omonatni, talab qilib olinguncha saqlanadigan omonat bundan mustasno, muddat tugagunga qadar yoxud bank omonati shartnomasida koʻrsatilgan boshqa holatlar yuz bergunga qadar qaytarib berishni talab qilish niyatida boʻlsa, u oʻzining bu niyatidan bankni omonatni olishni moʻljallayotgan sanadan kamida bir oy oldin xabardor qilishi shart”;

beshinchi va oltinchi qismlari tegishincha oltinchi va yettinchi qismlar deb hisoblansin;

oltinchi qismi quyidagi tahrirda bayon etilsin:

“Muddatli yoki boshqa omonat, talab qilib olinguncha saqlanadigan omonat bundan mustasno, muddat tugagunga qadar yoxud bank omonati shartnomasida koʻrsatilgan boshqa holatlar yuz bergunga qadar omonatchining talabi bilan unga qaytarilgan hollarda, agar shartnomada boshqacha tartib nazarda tutilgan boʻlmasa, omonat yuzasidan foizlar toʻlanmaydi”.

VIII. Oʻzbekiston Respublikasi Oliy Majlisining 1996-yil 26-aprelda qabul qilingan Qarori bilan tasdiqlangan Oʻzbekiston Respublikasi Tabiatni muhofaza qilish davlat qoʻmitasi toʻgʻrisidagi nizomning (Oʻzbekiston Respublikasi Oliy Majlisining Axborotnomasi, 1996-yil, № 5-6, 70-modda; 2000-yil, № 5-6, 153-modda, № 7-8, 217-modda; 2002-yil, № 1, 22-modda):

1) 12-bandi quyidagi mazmundagi xatboshi bilan toʻldirilsin:

“xavfli yuklarning tranziti uchun oʻz vakolatlari doirasida xulosa beradi”;

2) 13-bandining “b” kichik bandi quyidagi mazmundagi xatboshi bilan toʻldirilsin:

“xavfli yuklarni tranzit tarzda tashish shartlarini oʻz vakolatiga muvofiq ravishda bajarishi”.

X. Oʻzbekiston Respublikasining 1997-yil 30-avgustda qabul qilingan Qonuni bilan tasdiqlangan Oʻzbekiston Respublikasining Xoʻjalik protsessual kodeksi (Oʻzbekiston Respublikasi Oliy Majlisining Axborotnomasi, 1997-yil, № 9, 234-modda; 1998-yil, № 5-6, 102-modda; 2001-yil, № 1-2, 11-modda):

1) 17-moddasi birinchi qismining 2-bandi “prokuror” degan soʻzdan keyin “sud majlisi kotibi” degan soʻzlar bilan toʻldirilsin;

2) 18-moddasining nomi va birinchi qismi “ekspert” degan soʻzdan keyin “sud majlisi kotibi” degan soʻzlar bilan toʻldirilsin;

3) 20-moddasining birinchi qismi “ekspert” degan soʻzdan keyin “sud majlisi kotibi” degan soʻzlar bilan toʻldirilsin;

4) 21-moddasining beshinchi qismi “ekspert” degan soʻzdan keyin “sud majlisi kotibi” degan soʻzlar bilan toʻldirilsin;

5) oʻzbekcha matni 82-moddasi birinchi qismining 1-bandidagi “hal qiluv qarori qabul qilgunga qadar” degan soʻzlar “qaror qabul qilingunga qadar” degan soʻzlar bilan almashtirilsin;

6) oʻzbekcha matni 87-moddasining toʻrtinchi qismidagi “qarori” degan soʻz “ajrimi” degan soʻz bilan almashtirilsin;

7) 88-moddasi quyidagi mazmundagi 9-band bilan toʻldirilsin:

“9) daʼvogar uning manfaatlarini koʻzlab prokuror tomonidan taqdim etilgan daʼvodan voz kechgan boʻlsa”;

8) 126-moddasi ikkinchi qismining 3-bandi “ekspert” degan soʻzdan keyin “sud majlisi kotibi” degan soʻzlar bilan toʻldirilsin;

9) 134-moddasi ikkinchi qismining 2-bandi “sud tarkibi” degan soʻzlardan keyin “sud majlisi kotibi” degan soʻzlar bilan toʻldirilsin;

10) 138-moddasining uchinchi qismi quyidagi tahrirda bayon etilsin:

“Hal qiluv qarorining kirish qismida uni qabul qilgan xoʻjalik sudining nomi, sud tarkibi, sud majlisi kotibi, ishning tartib raqami, ish koʻrilgan sana va joy, ishda ishtirok etuvchi shaxslarning nomi, nizo predmeti, majlisda hozir boʻlgan shaxslarning familiyalari va vakolatlari koʻrsatiladi”;

11) 149-moddasining beshinchi qismidagi “shikoyat qilinishi” degan soʻzlar “shikoyat qilinishi (protest keltirilishi)” degan soʻzlar bilan almashtirilsin;

12) 150-moddasining:

birinchi qismi “xoʻjalik sudi ishda ishtirok etuvchi shaxsning” degan soʻzlardan keyin “yoki sud ijrochisining” degan soʻzlar bilan toʻldirilsin;

uchinchi qismidagi “shikoyat qilish” degan soʻzlar “shikoyat qilish (protest keltirish)” degan soʻzlar bilan almashtirilsin;

13) 151-moddasi ikkinchi qismining 1-bandi “sud tarkibi” degan soʻzlardan keyin “sud majlisi kotibi” degan soʻzlar bilan toʻldirilsin;

14) 156-moddasining nomi va matnidagi “shikoyati berish”, “shikoyati berishga” degan soʻzlar tegishli kelishikdagi “shikoyati berish (protesti keltirish)” degan soʻzlar bilan almashtirilsin;

15) 157 va 158-moddalarining nomi va matnidagi “shikoyatini”, “shikoyati” degan soʻzlar tegishli kelishikdagi “shikoyati (protesti)” degan soʻzlar bilan almashtirilsin;

16) 159-moddasi quyidagi tahrirda bayon etilsin:

Apellatsiya shikoyatida (protestida) quyidagilar koʻrsatilishi kerak:

1) shikoyat (protest) yoʻllangan xoʻjalik sudining nomi;

2) shikoyat berayotgan (protest keltirayotgan) shaxsning nomi;

3) ustidan shikoyat berilayotgan (protest keltirilayotgan) hal qiluv qarorini qabul qilgan xoʻjalik sudining nomi, ishning tartib raqami va hal qiluv qarori qabul qilingan sana, nizoning predmeti;

4) shikoyat berayotgan (protest keltirayotgan) shaxsning talablari va hal qiluv qarorini notoʻgʻri deb hisoblashining asoslari, bunga dalil boʻlgan qonun hujjatlari hamda ish materiallari;

5) shikoyatga (protestga) ilova qilinayotgan hujjatlar roʻyxati.

Apellatsiya shikoyati shikoyat berayotgan shaxs yoki uning vakili tomonidan, apellatsiya protesti esa prokuror tomonidan imzolanadi. Vakil tomonidan imzolangan shikoyatga uning sud hujjatlari ustidan shikoyat qilish vakolatini tasdiqlovchi ishonchnoma, agar u avval shu ish boʻyicha berilmagan boʻlsa, ilova qilinadi.

Shikoyatga (protestga) shikoyat (protest) nusxalari ishda ishtirok etuvchi boshqa shaxslarga yuborilganligini tasdiqlovchi dalillar ilova qilinadi. Bundan tashqari shikoyatga davlat boji toʻlanganligini tasdiqlovchi dalillar ham ilova qilinadi”;

17) 160-moddasining nomi va matnidagi, 161-moddasining nomi va birinchi qismidagi “shikoyatining”, “shikoyati”, “shikoyatning” degan soʻzlar tegishli kelishikdagi “shikoyati (protesti)”, “shikoyat (protest)” degan soʻzlar bilan almashtirilsin;

18) 162-moddasi quyidagi tahrirda bayon etilsin:

Sudya apellatsiya shikoyatini (protestini) quyidagi hollarda qaytaradi:

1) apellatsiya shikoyati (protesti) imzolanmagan yoxud uni imzolashga huquqi boʻlmagan shaxs yoki mansab mavqeyi koʻrsatilmagan shaxs tomonidan imzolangan boʻlsa;

2) apellatsiya shikoyatiga (protestiga) uning nusxalari ishda ishtirok etuvchi shaxslarga joʻnatilganligini tasdiqlovchi dalillar ilova qilinmagan boʻlsa;

3) davlat boji belgilangan tartibda va miqdorda toʻlanganligini tasdiqlovchi hujjatlar apellatsiya shikoyatiga ilova qilinmagan boʻlsa, qonunda davlat bojini toʻlash muddatini kechiktirish yoki boʻlib-boʻlib toʻlash imkoniyati nazarda tutilgan hollarda esa, bu haqda iltimosnoma berilmagan yoxud iltimosnoma rad etilgan boʻlsa;

4) apellatsiya shikoyati (protesti) belgilangan muddat oʻtganidan keyin berilgan boʻlsa va unda oʻtkazib yuborilgan muddatni tiklash toʻgʻrisida iltimosnoma boʻlmasa;

5) ishda ishtirok etuvchi shaxslarga apellatsiya shikoyati (protesti) ish yuritishga qabul qilingani toʻgʻrisidagi ajrim yuborilgunga qadar shikoyatni (protestni) bergan shaxsdan uni qaytarish toʻgʻrisida ariza tushgan boʻlsa.

Apellatsiya shikoyatini (protestini) qaytarish toʻgʻrisida ajrim chiqariladi.

Apellatsiya shikoyatini (protestini) qaytarish toʻgʻrisidagi ajrim ustidan kassatsiya shikoyati berish (protesti keltirish) mumkin.

Shikoyat bergan (protest keltirgan) shaxs ushbu moddaning birinchi qismidagi 1, 2, 3-bandlarda koʻrsatilgan holatlar bartaraf etilganidan keyin xoʻjalik sudiga apellatsiya shikoyati (protesti) bilan umumiy tartibda yana murojaat qilishga haqli”;

19) 163-moddasining nomi va matnidagi “shikoyatini” degan soʻz “shikoyatini (protestini)” degan soʻzlar bilan almashtirilsin;

20) 165-moddasi:

nomi quyidagi tahrirda bayon etilsin:

quyidagi mazmundagi uchinchi qism bilan toʻldirilsin:

“Protest keltirgan prokuror, shuningdek yuqori turuvchi prokuror sud majlisi boshlanguncha protestni chaqirib olishga haqli. Protest chaqirib olingani haqida ishda ishtirok etuvchi shaxslar xabardor qilinadi”;

uchinchi va toʻrtinchi qismlari tegishincha toʻrtinchi va beshinchi qismlar deb hisoblansin;

toʻrtinchi qismidagi “qabul qilganda” degan soʻzlar “qabul qilsa yoki protest chaqirib olinsa” degan soʻzlar bilan almashtirilsin;

21) 166-moddasining ikkinchi qismidagi, 167-moddasining nomi va matnidagi hamda 168-moddasining 1-bandidagi “shikoyatida”, “shikoyatini”, “shikoyati”, “shikoyatni” degan soʻzlar tegishli kelishikdagi “shikoyati (protesti)”, “shikoyat (protest)” degan soʻzlar bilan almashtirilsin;

22) 171-moddasining:

birinchi qismidagi “shikoyatini” degan soʻz “shikoyatini (protestini)” degan soʻzlar bilan almashtirilsin;

ikkinchi qismining:

1-bandi “sud tarkibi” degan soʻzlardan keyin “sud majlisi kotibi” degan soʻzlar bilan toʻldirilsin;

2, 5 va 9-bandlaridagi “shikoyati”, “shikoyatini” degan soʻzlar tegishli kelishikdagi “shikoyati (protesti)” degan soʻzlar bilan almashtirilsin;

beshinchi qismidagi “shikoyat qilish” degan soʻzlar “shikoyat qilish (protest keltirish)” degan soʻzlar bilan almashtirilsin;

23) 172-moddasining:

nomidagi “shikoyatlari” degan soʻz “shikoyatlari (protestlari)” degan soʻzlar bilan almashtirilsin;

birinchi qismidagi “shikoyat qilinishi” degan soʻzlar “shikoyat qilinishi (protest keltirilishi)” degan soʻzlar bilan almashtirilsin;

ikkinchi qismidagi “shikoyatlari”, “shikoyatlarini” degan soʻzlar tegishli kelishikdagi “shikoyatlari (protestlari)” degan soʻzlar bilan almashtirilsin;

24) 197-moddasi birinchi qismining ikkinchi jumlasi quyidagi tahrirda bayon etilsin:

“Xoʻjalik sudining qonuniy kuchga kirgan hal qiluv qaroriga va qaroriga protest keltirish toʻgʻrisidagi ariza ish apellatsiya yoki kassatsiya instansiyasi sudida koʻrilganidan keyin berilishi mumkin”;

25) 215-moddasining toʻrtinchi qismidagi, 216-moddasining uchinchi qismidagi, 217-moddasining beshinchi qismidagi “shikoyat qilish” degan soʻzlar “shikoyat qilish (protest keltirish)” degan soʻzlar bilan almashtirilsin;

26) 218-moddasining birinchi va ikkinchi qismlaridagi “Ijro varaqasi”, “Ijro varaqasida” degan soʻzlar tegishli kelishikdagi “Sud hujjati (ijro varaqasi)” degan soʻzlar bilan almashtirilsin.

XI. Oʻzbekiston Respublikasining 1997-yil 26-dekabrda qabul qilingan “Ommaviy axborot vositalari toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-yil, № 1, 10-modda):

1) quyidagi mazmundagi 4¹-modda bilan toʻldirilsin:

Ommaviy axborot vositalarining ishlab chiqarilishi hamda tarqatilishi sohasida monopollashtirishga va insofsiz raqobatga yoʻl qoʻyilmaydi.

Bironta ham yuridik yoki jismoniy shaxs ommaviy axborot vositalarining tegishli markaziy yoki mahalliy bozoriga chiqariladigan ommaviy axborot vositalarining yigirma besh foizidan ortigʻiga muassis (hammuassis) boʻlishga va (yoki) ularni shuncha miqdorda oʻz mulkida, egaligida, foydalanishida, tasarrufida, yurituvida yoxud boshqaruvida (bevosita yoki affillangan shaxslar orqali) saqlashga haqli emas”;

2) 6-moddasi quyidagi mazmundagi toʻrtinchi qism bilan toʻldirilsin:

“Ushbu modda talablarini buzganlikda aybdor shaxslar, shu jumladan muharrir (bosh muharrir), jurnalist, boshqa shaxslar qonun hujjatlariga muvofiq javobgarlikka tortiladilar”;

3) 11-moddasi quyidagi mazmundagi uchinchi va toʻrtinchi qismlar bilan toʻldirilsin:

“Quyidagilar muassis boʻlishi mumkin emas:

oʻn sakkiz yoshga toʻlmagan shaxslar;

qasddan sodir etgan jinoyati uchun sudlanganlik holati tugallanmagan yoxud sud tomonidan muomalaga layoqatsiz deb topilgan shaxslar;

faoliyati qonun bilan taqiqlangan jamoat birlashmalari.

Ustav fondida chet el investitsiyalarining ulushi oʻttiz foizdan ortiq boʻlgan yuridik shaxslarning ommaviy axborot vositalarini tashkil etishiga yoʻl qoʻyilmaydi”;

4) quyidagi mazmundagi 11¹, 11², 11³ va 11⁴-moddalar bilan toʻldirilsin:

Taʼsis shartnomasi va ustav (nizom) ommaviy axborot vositasining taʼsis hujjatlari hisoblanadi.

Bir nechta muassis oʻrtasida tuziladigan taʼsis shartnomasida quyidagi maʼlumotlar boʻladi:

muassislarning nomi haqidagi;

taʼsis etilayotgan ommaviy axborot vositasining turi, faoliyati predmeti va maqsadi, chiqish davriyligi haqidagi;

taʼsis etilayotgan ommaviy axborot vositasining nomi, pochta manzili haqidagi;

ommaviy axborot vositasining ustav fondi miqdori, moliyalashtirish manbalari va uni hosil qilish tartibi haqidagi;

muassislarning ommaviy axborot vositasi faoliyatida ishtirok etishiga doir huquqlari va majburiyatlari haqidagi;

ommaviy axborot vositasi faoliyatini boshqarish tartibi haqidagi;

foydani taqsimlash tartibi haqidagi;

ommaviy axborot vositasini qayta tashkil etish, tugatish (ommaviy axborot vositasining faoliyatini tugatish) tartibi haqidagi;

qonun hujjatlariga muvofiq boshqa shartlar toʻgʻrisidagi.

Agar bir shaxs muassis hisoblansa, u roʻyxatga oluvchi organga ustavini taqdim etadi.

Muassis bilan tahririyat oʻzaro huquqlar va majburiyatlar, javobgarlik, nizolarni hal etish tartibi va boshqa shartlar toʻgʻrisida, shuningdek uchinchi shaxslar bilan oʻzaro munosabatlari toʻgʻrisida shartnoma tuzadilar.

Muassis quyidagi huquqlarga ega:

taʼsis shartnomasi, ustav (nizom) va qonun hujjatlarida, shuningdek u bilan tahririyat oʻrtasida tuzilgan shartnomada belgilangan vakolatlari doirasida ommaviy axborot vositasining ishlarini boshqarishda ishtirok etish;

qoʻshgan mulkiy ulushiga muvofiq ravishda foyda va zararlar taqsimotida ishtirok etish;

ommaviy axborot vositasini muassis yoki uning tomonidan koʻrsatilgan uchinchi shaxs manfaatlarini koʻzlab qonun hujjatlariga muvofiq boshqaruvni amalga oshirishi lozim boʻlgan boshqa shaxsga (ishonchli boshqaruvchiga) mulkiy majmui sifatida ishonchli boshqaruvga topshirish;

ommaviy axborot vositasi muharririni (bosh muharririni), shuningdek tahrir hayʼati aʼzolarini tayinlash va ozod qilish;

eng katta hajmi va eʼlon qilish muddati tahririyat ustavida (nizomida) yoki taʼsis shartnomasida belgilanadigan xabarni yoki reklama tusida boʻlmagan materialni oʻz nomidan bepul joylashtirish;

ommaviy axborot vositasi tugatilgan yoki ommaviy axborot vositasining faoliyati tugatilgan taqdirda kreditorlar bilan hisob-kitob qilinganidan keyin qolgan mol-mulkning bir qismini yoki uning qiymatini qoʻshgan mulkiy ulushiga muvofiq qonun hujjatlarida nazarda tutilgan tartibda olish.

Muassis quyidagilarni bajarishi shart:

ommaviy axborot vositasining ustavini (nizomini) tasdiqlash;

ommaviy axborot vositasi tahririyati bilan shartnoma tuzish;

ommaviy axborot vositalari toʻgʻrisidagi qonun hujjatlariga rioya etilishi ustidan nazoratni taʼminlash.

Muassis senzurani amalga oshirishga, retsenziyadan oʻtkazishga yoki tahririyatning ijodiy faoliyatiga aralashishga, shuningdek ommaviy axborot vositasining ishlab chiqarilishi va tarqatilishi masalalariga aralashishga haqli emas, taʼsis shartnomasida yoki ustavda (nizomda) nazarda tutilgan hollar bundan mustasno.

Qonun hujjatlariga muvofiq muassis boshqa huquqlarga ham ega boʻlishi va uning zimmasida boshqa majburiyatlar ham boʻlishi mumkin.

Muassisning huquqlari va majburiyatlari quyidagi hollarda tugatiladi:

ommaviy axborot vositasi uchinchi shaxs foydasini koʻzlab boshqa shaxsga oʻtkazilganda;

muassis — yuridik shaxs bankrotga uchraganda yoki tugatilganda;

Oʻzbekiston Respublikasi fuqaroligini yoʻqotganda;

qasddan sodir etgan jinoyati uchun sud hukmi bilan sudlanganda;

vafot etganda.

Muassisning huquqlari va majburiyatlari qonun hujjatlariga muvofiq boshqa hollarda ham tugatilishi mumkin”;

5) 12-moddasining:

ikkinchi qismi quyidagi mazmundagi jumla bilan toʻldirilsin:

“Arizaga taʼsis hujjatlari ilova qilinadi”;

toʻrtinchi qismidagi “uch” degan soʻz “olti” degan soʻz bilan almashtirilsin;

6) 16-moddasining birinchi qismi quyidagi mazmundagi birinchi va ikkinchi qismlar bilan almashtirilsin:

“Ommaviy axborot vositasini chiqarish yoki nashr etish muassisning yoki sudning qarori bilan tugatilishi (yoki toʻxtatilishi) mumkin.

Ommaviy axborot vositasi ommaviy axborot vositalari toʻgʻrisidagi qonun hujjatlariga muntazam rioya etmay kelgan taqdirda vakolatli organ ommaviy axborot vositasini tugatish (uning faoliyatini tugatish) haqida sudga murojaat etishga haqli”;

ikkinchi qismi tegishincha uchinchi qism deb hisoblansin;

7) 17-moddasining:

nomidagi “yoki uning faoliyatini tugatish toʻgʻrisidagi qaror” degan soʻzlar chiqarib tashlansin;

matnidagi “shuningdek ommaviy axborot vositasi faoliyatini tugatish toʻgʻrisidagi qaror” degan soʻzlar chiqarib tashlansin.

XIII. Oʻzbekiston Respublikasining 2000-yil 15-dekabrda qabul qilingan “Davlat kadastrlari toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 2001-yil, № 1-2, 19-modda) 5-moddasi birinchi qismining oʻn sakkizinchi xatboshisidagi “ishlab chiqarish va isteʼmol chiqindilarini” degan soʻzlar “chiqindilarni” degan soʻzlar bilan almashtirilsin.

XIV. Oʻzbekiston Respublikasining 2001-yil 12-mayda qabul qilingan “Integral mikrosxemalar topologiyalarini huquqiy muhofaza qilish toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 2001-yil, № 5, 87-modda) 17-moddasi:

birinchi qismining ikkinchi jumlasidagi “uning ushbu Qonunda nazarda tutilgan vazifalarni amalga oshirish borasidagi xarajatlarini qoplash uchun” degan soʻzlar chiqarib tashlansin;

ikkinchi qismi quyidagi tahrirda bayon etilsin:

“Patent bojlarining miqdori va ularni toʻlash muddatlari, ularni toʻlashdan ozod qilish, toʻlovlarning miqdorini kamaytirish yoki ularni qaytarib berish asoslari, shuningdek patent bojlaridan foydalanish tartibi Oʻzbekiston Respublikasi Vazirlar Mahkamasi tomonidan belgilanadi”.

XV. Oʻzbekiston Respublikasining 2001-yil 30-avgustda qabul qilingan “Tovar belgilari, xizmat koʻrsatish belgilari va tovar kelib chiqqan joy nomlari toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 2001-yil, № 9-10, 178-modda) 33-moddasi:

birinchi qismining ikkinchi jumlasidagi “uning ushbu Qonunda nazarda tutilgan vazifalarni bajarishga doir xarajatlarini qoplash uchun” soʻzlari chiqarib tashlansin;

ikkinchi qismi quyidagi tahrirda bayon etilsin:

“Patent bojlarining miqdori va ularni toʻlash muddatlari, ularni toʻlashdan ozod qilish, toʻlovlarning miqdorini kamaytirish yoki ularni qaytarib berish asoslari, shuningdek patent bojlaridan foydalanish tartibi Oʻzbekiston Respublikasi Vazirlar Mahkamasi tomonidan belgilanadi”.