LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Toshkent shahridagi Xalqaro savdo-ko‘rgazma kompleksi faoliyatini kengaytirish, marketing va axborot ta’minoti sohasida ko‘rsatilayotgan xizmatlar samaradorligini oshirish, yarmarka va ko‘rgazmalarni yuqori xalqaro darajada o‘tkazish maqsadida Vazirlar Mahkamasi qaror qiladi:
1. O‘zbekiston Respublikasi Tashqi iqtisodiy aloqalar agentligining “O‘zekspomarkaz” RKSM markaziy pavilonini rekonstruksiya qilish to‘g‘risidagi taklifiga rozilik berilsin.
“O‘zekspomarkaz” RKSM markaziy pavilonini foydalanishga tayyor holda rekonstruksiya qilishning “Ay-Sel” (Turkiya) firmasi tomonidan qurilayotgan Xalqaro savdo-ko‘rgazma kompleksi loyihasi doirasida amalga oshirilishi;
O‘zbekiston Respublikasi Tashqi iqtisodiy aloqalar agentligi tomonidan “O‘zekspomarkaz” RKSM markaziy pavilonini rekonstruksiya qilish yuzasidan “Ay-Sel” firmasi bilan asosiy kontraktga 2464,0 ming AQSh dollari miqdorida qo‘shimcha bitim imzolanganligi;
qo‘shimcha bitim qiymatining 2094,4 ming AQSh dollari miqdoridagi 85 foizini mablag‘ bilan ta’minlash Turkeksimbank mablag‘larini qayta moliyalash yo‘li bilan O‘zbekiston Respublikasi Tashqi iqtisodiy faoliyat milliy bankining krediti hisobiga amalga oshirilishi;
qo‘shimcha bitim qiymatining 369,6 ming AQSh dollari miqdoridagi 15 foiziga haq to‘lash Xalqaro savdo-ko‘rgazma kompleksi qurilishida ulush qo‘shib qatnashish shartlarida tashqi savdo kompaniyalarining mablag‘lari hisobiga amalga oshirilishi;
loyihani amalga oshirish bo‘yicha milliy valyutadagi xarajatlarni mablag‘ bilan ta’minlashning “O‘zekspomarkaz” RKSMning o‘z mablag‘lari hisobiga amalga oshirilishi;
asosiy qarzni, foizlarni, vositachilik haqini hamda kreditga xizmat ko‘rsatish bo‘yicha boshqa xarajatlarni to‘lash kredit bitimlari shartlariga muvofiq tashqi savdo kompaniyalari va “O‘zekspomarkaz” RKSM majburiyatlariga ko‘ra ular mablag‘lari hisobiga O‘zbekiston Respublikasi Tashqi iqtisodiy aloqalar agentligi tomonidan amalga oshirilishi ma’lumot uchun qabul qilinsin.
3. O‘zbekiston Respublikasi Tashqi iqtisodiy faoliyat milliy banki belgilangan tartibda qarz bitimi tuzsin hamda Turkeksimbank mablag‘larining O‘zbekiston Respublikasi Tashqi iqtisodiy aloqalar agentligiga qayta moliyalashtirilishini ta’minlasin.
4. O‘zbekiston Respublikasi Moliya vaziri jalb etilayotgan kredit bo‘yicha O‘zbekiston Respublikasi Tashqi iqtisodiy faoliyat milliy banki majburiyatlari bo‘yicha Turkeksimbankka O‘zbekiston Respublikasi Hukumati nomidan belgilangan tartibda kafolat berishga vakil qilinsin,
5. O‘zbekiston Respublikasi Adliya vazirligi O‘zbekiston Respublikasi Hukumatining kafolati yuzasidan qarz bitimiga ilovada belgilangan shakl bo‘yicha yuridik xulosani belgilangan tartibda rasmiylashtirsin.
6. O‘zbekiston Respublikasi Makroiqtisodiyot va statistika vazirligi “O‘zekspomarkaz” RKSM markaziy pavilonini rekonstruksiya qilish loyihasini O‘zbekiston Respublikasining 2002-yilgi Investitsiya dasturiga kiritsin.
7. “O‘zekspomarkaz” RKSM obyekt foydalanishga topshirilgan vaqtdan boshlab besh yil muddatga istisno tariqasida daromad (foyda) solig‘i, mol-mulk solig‘i va yer solig‘i to‘lashdan ozod qilinsin.
LexUZ sharhi
7-bandda nazarda tutilgan imtiyozlarning amal qilish muddati O‘zbekiston Respublikasi Prezidentining 2007-yil 19-sentabrdagi PQ-695-sonli “O‘zekspomarkaz” milliy ko‘rgazma majmuasi” OAJ ko‘rgazma-yarmarka faoliyatini yanada takomillashtirish chora-tadbirlari to‘g‘risida”gi Qaroriga muvofiq 2011-yilning 1-mayigacha uzaytirilgan.
Oldingi tahrirga qarang.
(8-band O‘zbekiston Respublikasi Vazirlar Mahkamasining 2013-yil 12-martdagi 71-sonli qaroriga asosan o‘z kuchini yo‘qotgan — O‘R QHT, 2013-y., 11-son, 143-modda)
9. Toshkent shahar hokimligi Toshkent shahar, Favqulodda vaziyatlar boshqarmasining Suvga cho‘kkanlarni qutqarish jamiyati va “Serveko” qo‘shma korxonasining ularni joylashtirish uchun boshqa binolar bergan holda bir oy muddatda “O‘zekspomarkaz” RKSM hududidan chiqarilishini ta’minlasin.
10. O‘zbekiston Respublikasi Tashqi ishlar vazirligi “O‘zekspomarkaz” RKSM buyurtmasiga ko‘ra bosh pudratchining xorijiy xizmatchilari va mutaxassislariga hamda jalb etiladigan xorijiy sheriklarga mehnat faoliyatini amalga oshirish huquqi bilan ko‘p martalik kelish vizalari konsullik yig‘imlari undirmasdan berilishini ta’minlasin.
11. O‘zbekiston Respublikasi Ichki ishlar vazirligi “O‘zekspomarkaz” RKSM buyurtmasiga ko‘ra bosh pudratchining xorijiy xizmatchilari va mutaxassislari hamda jalb etiladigan xorijiy sheriklarning davlat boji undirmasdan vaqtinchalik ro‘yxatdan o‘tkazilishini va vaqtinchalik ro‘yxatdan o‘tkazish muddati uzaytirilishini ta’minlasin.
12. O‘zbekiston Respublikasi Mehnat va aholini ijtimoiy muhofaza qilish vazirligi “O‘zekspomarkaz” RKSM buyurtmasiga ko‘ra “O‘zekspomarkaz” RKSMning markaziy pavilonini rekonstruksiya qilishga jalb etiladigan bosh pudratchi va subpudratchi tashkilotlarning xorijiy xodimlariga mehnat faoliyatini amalga oshirish uchun zarur ruxsatnomalar (litsenziyalar) o‘z vaqtida berilishini ta’minlasin.