T/r | Chora-tadbirlar nomi | Amalga oshirish mexanizmi | Ijro muddati | Mas’ul ijrochilar |
I. Oliy Majlisning Inson huquqlari bo‘yicha vakili (ombudsman) faoliyatini huquqiy tartibga solish | ||||
1. | Oliy Majlisning Inson huquqlari bo‘yicha vakili (ombudsman)ga (keyingi o‘rinlarda — Ombudsman) qonunchilik tashabbusi huquqini berish. | O‘zbekiston Respublikasi Konstitutsiyasining 83-moddasiga Ombudsmanga qonunchilik tashabbusi huquqini berishni nazarda tutuvchi tuzatish kiritish to‘g‘risidagi qonun loyihasini ishlab chiqish. Manfaatdor tashkilotlar bilan kelishilgan qonun loyihasini Oliy Majlis Qonunchilik palatasiga taqdim etish. | 2021 yil 1 dekabr | Ombudsman (Eshmatova), Oliy Majlis Qonunchilik palatasi (kelishuv asosida) |
2. | Mazkur Farmon talablaridan kelib chiqib, “Oliy Majlisning Inson huquqlari bo‘yicha vakili (ombudsman) to‘g‘risida”gi O‘zbekiston Respublikasining qonunini qayta ko‘rib chiqish. | Yangi tahrirdagi “Oliy Majlisning Inson huquqlari bo‘yicha vakili (ombudsman) to‘g‘risida”gi O‘zbekiston Respublikasining qonuni loyihasini ishlab chiqish. Manfaatdor tashkilotlar bilan kelishilgan qonun loyihasini Oliy Majlis Qonunchilik palatasiga taqdim etish. | 2021 yil 1 dekabr | Ombudsman (Eshmatova), Oliy Majlis Qonunchilik palatasi (kelishuv asosida), Adliya vazirligi (Davletov) |
3. | Ombudsman Kotibiyatining (keyingi o‘rinlarda — Kotibiyat) faoliyatiga doir hujjatlarni qayta ko‘rib chiqish. | Qoraqalpog‘iston Respublikasi, viloyatlar va Toshkent shahridagi mintaqaviy vakillar tuzilmasini tasdiqlash. | 2021-yil 1-oktabr | Oliy Majlis palatalari (kelishuv asosida), Ombudsman (Eshmatova) |
Kotibiyatning yangi nizomini tasdiqlash. | 2021-yil 1-oktabr | Ombudsman (Eshmatova) | ||
Kotibiyat xodimlariga martaba darajalarini berish tartibini tasdiqlash. | 2021 yil 1 noyabr | Ombudsman (Eshmatova), Adliya vazirligi (Davletov) | ||
4. | Ombudsman Kotibiyati xodimlari va mintaqaviy vakillarning salohiyatini oshirish. | Ombudsman Kotibiyati xodimlari va mintaqaviy vakillarning malakasini oshirish va ularni qayta tayyorlash tizimini yo‘lga qo‘yish. | 2022 yil 1 yanvar | Ombudsman (Eshmatova), Adliya vazirligi (Davletov), Inson huquqlari bo‘yicha Milliy markaz (Saidov) |
II. Ombudsman faoliyatining samaradorligini oshirish | ||||
5. | Inson huquqlari, erkinliklari va qonuniy manfaatlarini himoya qilishga yo‘naltirilgan chora-tadbirlar belgilash. | Chora-tadbirlar dasturi | 2021 yil 1 noyabr | Ombudsman (Eshmatova), Inson huquqlari bo‘yicha Milliy markaz (Saidov), Oliy Majlisning Bola huquqlari bo‘yicha vakili (Yunusova), Bosh prokuratura (Yo‘ldoshev), Adliya vazirligi (Davletov), Ichki ishlar vazirligi (Bobojonov), manfaatdor vazirlik va idoralar |
6. | Oliy Majlisning Bola huquqlari bo‘yicha vakili (Bolalar ombudsmani) bilan yaqin hamkorlikni va tizimli ishlarni yo‘lga qo‘yish, birgalikda xalqaro tashkilotlarning inson huquqlarini himoya qilish bo‘yicha tavsiyalarini amalga oshirishga qaratilgan milliy harakat rejalarining so‘zsiz bajarilishini ta’minlash. | Amaliy chora-tadbirlar | 2021 yil 1 dekabr | Ombudsman (Eshmatova), Oliy Majlisning Bola huquqlari bo‘yicha vakili (Yunusova) |
7. | Ombudsman faoliyatiga axborot texnologiyalarini keng joriy etish. | Loyiha qiymati va tegishli ishlarni moliyalashtirish manbalarini aks ettirgan holda, mutasaddi vazirlik va idoralarning axborot tizimlari va ma’lumotlar bazasi bilan integratsiyalashgan, Ombudsman va uning mintaqaviy vakillariga kelib tushayotgan murojaatlarning qayd etilishi, umumlashtirilishi va tizimlashtirilgan holda ko‘rib chiqilishi ustidan nazorat qilishni ta’minlovchi Yagona axborot tizimini yaratish, keyinchalik texnik qo‘llab-quvvatlash va takomillashtirish bo‘yicha texnik hujjatlarning ishlab chiqilishini hamda vakolatli organlardan ekspertizadan o‘tkazilishini ta’minlash. | 2021 yil 1 noyabr | Ombudsman (Eshmatova), Axborot texnologiyalari va kommunikatsiyalarni rivojlantirish vazirligi (Sadikov) |
Zarur mablag‘lar ajratilgandan so‘ng to‘rt oy muddatda ushbu tizimni ishga tushirish. Kotibiyatning mintaqaviy vakillar, Oliy Majlis palatalari, davlat boshqaruvi organlari bilan axborot-kommunikatsiya va videokonferensaloqa orqali bog‘lanishini ta’minlash. Kotibiyatda elektron hujjat aylanish tizimini yaratish va uni ishga tushirish, ushbu tizimni vazirlik va idoralarning axborot tizimlari hamda ma’lumotlar bazasi bilan integratsiya qilish, shuningdek, Ombudsman rasmiy veb-saytining uzluksiz ishlashini ta’minlash. Kotibiyatni zarur aloqa, shu jumladan hukumat aloqasi bilan ta’minlash va keng polosali Internet tarmog‘iga o‘rnatilgan tartibda ulash. | Kelishilgan muddatlarda | |||
8. | Kotibiyat xodimlari faoliyatining samaradorligini baholash mexanizmini joriy etish. | Buyruq | 2021 yil 1 oktyabr | Ombudsman (Eshmatova) |
9. | Kotibiyat xodimlarining malakasini oshirish uchun ularning BMT Inson huquqlari bo‘yicha Oliy komissari boshqarmasi, EXHTning Demokratik institutlar va inson huquqlari bo‘yicha byurosi, boshqa ta’lim muassasalari va xorijiy mamlakatlarning inson huquqlari bo‘yicha milliy institutlarida ta’lim olishi va amaliyot o‘tashini tashkil etish. | Chora-tadbirlar rejasi | 2021-2022-yillar | Ombudsman (Eshmatova) |
III. Ombudsman kotibiyatining moddiy-texnika bazasini mustahkamlash | ||||
10. | Ombudsman mintaqaviy vakili faoliyati uchun zarur sharoitlar yaratish. | Ombudsman mintaqaviy vakilini viloyat markazlarida joylashgan davlat organlarining binolariga tekin foydalanish huquqi asosida joylashtirish, ularni zarur mebel, aloqa va texnik vositalari bilan ta’minlash. Mintaqaviy vakilni xizmat avtomashinasi bilan ta’minlash. | 2022-yil 1-yanvar | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Ombudsman (Eshmatova) |
11. | Ombudsman faoliyatini moddiy-texnik jihatdan ta’minlash. | 1 ta yengil avtotransport vositasi va 1 ta mikroavtobus ajratilishini ta’minlash; zarur mebel, inventarlar, kompyuter va boshqa orgtexnika bilan ta’minlash. | 2021-yil 1-noyabr | Vazirlar Mahkamasi (Kuchkarov), Moliya vazirligi (Ishmetov), Ombudsman (Eshmatova) |
12. | Nodavlat notijorat tashkilotlar, ommaviy axborot vositalari va fuqarolik jamiyatining boshqa institutlari vakillarining huquqiy savodxonligini oshirish. | Nodavlat notijorat tashkilotlar, ommaviy axborot vositalari va fuqarolik jamiyatining boshqa institutlari vakillari ishtirokida o‘quv-seminarlar tashkil etish. | 2021 yil 1-dekabr | Ombudsman (Eshmatova) |
Ombudsman resurs markazini tashkil qilish va jihozlash. | 2022 yil 1 mart | |||
13. | Kotibiyatning kichik tipografiyasini tashkil qilish va uni Ombudsman hisobotlari natijalari, risolalar, bukletlar va inson huquqlari sohasidagi boshqa adabiyotlarni nashr etish va tarqatish uchun zarur bo‘lgan zamonaviy nashriyot uskunalari bilan jihozlash. | Tashkiliy chora-tadbirlar | 2022 yil 1 mart | Ombudsman (Eshmatova), Moliya vazirligi (Ishmetov) |
IV. Inson huquqlari sohasida aholining huquqiy ongi va huquqiy madaniyatini oshirish | ||||
14. | Inson huquqlariga rioya etish va himoya qilish masalalari bo‘yicha axborot-ma’rifiy tadbirlar rejasini ishlab chiqish. | Chora-tadbirlar rejasi | 2022 yil 1 yanvar | Ombudsman (Eshmatova) |
15. | Inson huquqlari sohasidagi axborot materiallari va nashrlarni (risolalar, bukletlar va boshqa adabiyotlar) chop etish. | Chora-tadbirlar rejasi | Doimiy | Ombudsman (Eshmatova) |
16. | Davlat organlari va fuqarolik jamiyati institutlarining vakillari uchun inson huquqlarini himoya qilish tizimi masalalari bo‘yicha axborot-ma’rifiy tadbirlarni (davra suhbatlari, treninglar, seminarlar, konferensiyalar) tashkil etish. | Chora-tadbirlar rejasi | Belgilangan muddatlarda | Ombudsman (Eshmatova) |
17. | Inson huquqlari sohasida aholining huquqiy ongi va huquqiy madaniyatini oshirishga qaratilgan radioeshittirishlar va teleko‘rsatuvlarni tashkil etish. | Chora-tadbirlar rejasi | Belgilangan muddatlarda | Ombudsman (Eshmatova) |
V. Xalqaro hamkorlikni rivojlantirish | ||||
18. | Markaziy Osiyo davlatlari Ombudsmanlari bilan hamkorlikni rivojlantirish, hamkorlik to‘g‘risida memorandumlar imzolash. | Tashkiliy chora-tadbirlar | Belgilangan muddatlarda | Ombudsman (Eshmatova), Tashqi ishlar vazirligi (Kamilov) |
19. | Turkiya Respublikasi Bosh Ombudsmani bilan o‘zaro hamkorlik to‘g‘risidagi memorandumni imzolash. | Tashkiliy chora-tadbirlar | Belgilangan muddatlarda | Ombudsman (Eshmatova), Tashqi ishlar vazirligi (Kamilov) |
20. | Yevroosiyo Ombudsmanlari Alyansiga to‘laqonli a’zo bo‘lib kirish bo‘yicha takliflarni ishlab chiqish. | Chora-tadbirlar rejasi | 2021-yil 1-noyabr | Ombudsman (Eshmatova), Tashqi ishlar vazirligi (Kamilov) |
21. | Turkiy tilli davlatlar Ombudsmanlari Kengashini tashkil etishga qaratilgan tadbirlarda ishtirok etish. | Chora-tadbirlar rejasi | Belgilangan muddatlarda | Ombudsman (Eshmatova), Tashqi ishlar vazirligi (Kamilov) |
22. | BMTning Inson huquqlari bo‘yicha Oliy komissari boshqarmasi va uning Markaziy Osiyo bo‘yicha hududiy bo‘linmasi, BMTning Taraqqiyot dasturi, EXHTning O‘zbekistondagi loyihalari koordinatori, AQSh Xalqaro taraqqiyot agentligining (USAID) Huquqiy islohotlar dasturi (LRP), Xalqaro qamoqxonalar islohoti (PRI) va inson huquqlari masalalari bo‘yicha boshqa tashkilotlar bilan birgalikda milliy manfaatlarni inobatga olgan holda qo‘shma loyihalar va tadbirlarni amalga oshirish. | Chora-tadbirlar rejasi | Belgilangan muddatlarda | Ombudsman (Eshmatova), Tashqi ishlar vazirligi (Kamilov), Adliya vazirligi (Davletov) |
23. | BMT Kengashining inson huquqlari bo‘yicha sessiyalarida, BMTning shartnomaviy organlarida, shuningdek, BMTning Inson huquqlari bo‘yicha Oliy komissari boshqarmasi va uning Markaziy Osiyo bo‘yicha hududiy bo‘linmasi tomonidan tashkil etiladigan tadbirlarda ishtirok etish. | Chora-tadbirlar rejasi | Belgilangan muddatlarda | Ombudsman (Eshmatova), Inson huquqlari bo‘yicha Milliy markaz (Saidov), Tashqi ishlar vazirligi (Kamilov) |
24. | Milliy huquqni himoya qilish muassasalari Global alyansida “A” maqomini olish uchun tegishli chora-tadbirlarni amalga oshirish. | Chora-tadbirlar rejasi | 2022-yil 1-sentabr | Ombudsman (Eshmatova), Tashqi ishlar vazirligi (Kamilov) |
25. | Inson huquqlarini himoya qilishning milliy tizimini yanada takomillashtirish, ayollar va bolalar huquqlarini ta’minlash, qiynoq holatlarini aniqlash va ularning oldini olish, fuqarolarning sud himoyasi huquqlari kafolatini yanada kuchaytirish bo‘yicha xorijiy ekspertlar ishtirokida xalqaro tadbirlar (forumlar, konferensiyalar, davra suhbatlari va boshqalar) tashkil etish va o‘tkazish. | Chora-tadbirlar rejasi | Belgilangan muddatlarda | Ombudsman (Eshmatova), Tashqi ishlar vazirligi (Kamilov), Adliya vazirligi (Davletov), manfaatdor vazirlik va idoralar |
O‘zbekiston Respublikasi Prezidentining Farmoni, 10.09.2021 yildagi PF-6312-son
Кучга кириш санаси
11.09.2021
Рус
Ўзб
O’zb
O‘zb|Рус
O‘zbekiston Respublikasi Oliy Majlisining inson huquqlari bo‘yicha vakili (ombudsman) (keyingi o‘rinlarda — Ombudsman) institutining inson huquqlari va erkinliklarini himoya qilish bo‘yicha mustaqil milliy institut sifatidagi ahamiyatini yanada oshirish, Ombudsman faoliyatining institutsional asoslarini takomillashtirish, fuqarolar huquq va erkinliklariga rioya etilishini ta’minlash borasidagi vakolatlarini va hududlardagi ishtirokini kengaytirish, Ombudsman faoliyatiga axborot-kommunikatsiya texnologiyalarini keng joriy qilish maqsadida:
1. Ombudsmanning quyidagi yo‘nalishlardagi faoliyati inson huquqlari va erkinliklarini ishonchli himoya qilishni ta’minlashdagi eng ustuvor vazifa etib belgilansin:
inson huquqlari, erkinliklari va qonuniy manfaatlarini himoya qilish sohasida davlat siyosatini shakllantirish va uni amalga oshirishda ishtirok etish;
davlat organlari va tashkilotlari, shu jumladan huquqni muhofaza qiluvchi va nazorat qiluvchi organlar tomonidan inson huquqlari, erkinliklari va qonuniy manfaatlari to‘g‘risidagi qonunchilikka rioya etilishi ustidan ta’sirchan parlament nazoratini amalga oshirish;
inson huquqlari, erkinliklari va qonuniy manfaatlari himoya qilinishi kafolatlarini, shu jumladan ularning buzilishi to‘g‘risidagi murojaatlarni ko‘rib chiqish orqali ta’minlash;
inson huquqlari, erkinliklari va qonuniy manfaatlarini ta’minlash sohasidagi qonun hujjatlari normalari va talablarining amalda ro‘yobga chiqarilayotganligini o‘rganish hamda ularni takomillashtirish yuzasidan takliflar tayyorlash;
harakatlanish erkinligi cheklangan shaxslar saqlanadigan joylarda qiynoqqa solish hamda boshqa g‘ayriinsoniy yoki qadr-qimmatni kamsituvchi muomalaning oldini olish bo‘yicha ta’sirchan choralarni ko‘rish;
inson huquqlari, erkinliklari va qonuniy manfaatlari buzilgan holatlar haqidagi xabarlarni vakolatli davlat organlari, mansabdor shaxslar va nodavlat tashkilotlar vakillari bilan birgalikda tekshirish;
aholi orasida inson huquqlari, erkinliklari va qonuniy manfaatlarini ta’minlash hamda himoya qilish sohasidagi xalqaro va milliy qonunchilik normalarini targ‘ib qilish, shuningdek, aholining huquqiy ongi va huquqiy madaniyatini oshirishga ko‘maklashish;
inson huquqlari, erkinliklari va qonuniy manfaatlarini ta’minlash sohasida xalqaro hamkorlikni rivojlantirish.
2. Oliy Majlis palatalarining Ombudsmanning joylarda doimiy asosda ishlovchi mintaqaviy vakillari lavozimlarini joriy qilish to‘g‘risidagi taklifi ma’qullansin.
Ombudsmanning mintaqaviy vakillari faoliyatini doimiy asosda yo‘lga qo‘yish uchun 2022-yil 1-yanvardan Davlat budjeti hisobidan moliyalashtiriladigan qo‘shimcha 14 ta shtat birligi ajratilsin.
inson huquqlari, erkinliklari va qonuniy manfaatlariga rioya etilishini ta’minlash, inson huquqlari monitoringini tashkil etish va o‘tkazish;
fuqarolarning shikoyatlarini qabul qilish va ko‘rib chiqish, ularning buzilgan huquqlarini tiklashda ko‘maklashish;
o‘z tashabbusi bilan yoki murojaat muallifining iltimosiga ko‘ra, murojaatni ekspertlar, mutaxassislar va manfaatdor tashkilotlar vakillarining ishtirokida ko‘rib chiqishni tashkil qilish;
ushlab turilgan, qamoqqa olingan, ma’muriy jazo o‘tayotgan va ozodlikdan mahrum qilingan shaxslar bilan uchrashuv va suhbatlar o‘tkazish;
inson huquqlari, erkinliklari va qonuniy manfaatlariga rioya qilish va ularni himoya qilish sohasidagi axborot-ma’rifiy ishlarni mahalliy davlat hokimiyati organlari, ommaviy axborot vositalari vakillari va fuqarolik jamiyatining boshqa institutlari bilan birgalikda amalga oshirish.
hududlarda inson huquqlari, erkinliklari va qonuniy manfaatlariga rioya qilinishi ahvoli bo‘yicha tegishincha Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar Kengashlariga har yili ma’ruza taqdim qiladi;
hududlarda joylashgan davlat organlari va tashkilotlariga moneliksiz kiradi va ularning mansabdor shaxslari tomonidan zudlik bilan qabul qilinadi;
5. Ombudsmanga manfaatdor vazirlik va idoralar bilan birgalikda uch oy muddatda ilg‘or xalqaro tajribani inobatga olgan holda yangi “O‘zbekiston Respublikasi Oliy Majlisining Inson huquqlari bo‘yicha vakili (ombudsman) to‘g‘risida”gi qonun loyihasini ishlab chiqish tavsiya etilsin va unda quyidagilar nazarda tutilsin:
Ombudsman o‘z oldida turgan vazifalarini moneliksiz hamda samarali amalga oshirishi uchun qo‘shimcha kafolatlar hamda uning huquqlari, sha’ni va qadr-qimmatini ishonchli himoya qilish choralari;
davlat organlari, shu jumladan huquqni muhofaza qiluvchi va nazorat qiluvchi organlar tomonidan inson huquqlari, erkinliklari va qonuniy manfaatlarini himoya qilishga oid qonun hujjatlariga rioya etilishi holati to‘g‘risida Ombudsman tomonidan O‘zbekiston Respublikasi Prezidenti va Oliy Majlisga tizimli ravishda axborot taqdim etish tartibi;
Ombudsmanning O‘zbekiston Respublikasi Prezidenti, Oliy Majlis palatalari va Vazirlar Mahkamasiga inson huquqlari, erkinliklarini va qonuniy manfaatlarini himoya qilishning ayrim yo‘nalishlari bo‘yicha huquqiy, tashkiliy, ijtimoiy-iqtisodiy va boshqa chora-tadbirlar ko‘rishga qaratilgan maxsus ma’ruzalar taqdim qilish huquqi;
Ombudsman lavozimiga oliy ma’lumotli, inson huquqlari, erkinliklari va qonuniy manfaatlarini himoya qilish sohasida zarur tajribaga va yuksak axloqiy fazilatlarga ega bo‘lgan, saylanish kuni 30 yoshdan kichik bo‘lmagan va bevosita saylovgacha kamida besh yil O‘zbekiston hududida muqim yashayotgan O‘zbekiston Respublikasi fuqarosi saylanishi mumkinligini belgilovchi qoida;
Ombudsman va uning o‘rinbosarining o‘z vakolat muddati davrida daxlsizligi bo‘yicha qo‘shimcha kafolatlar;
Ombudsman tomonidan inson huquqlari, erkinliklari va qonuniy manfaatlariga rioya qilish bo‘yicha qonun hujjatlarining buzilishiga yo‘l qo‘ymaslik to‘g‘risida davlat organlari va boshqa tashkilotlarning mansabdor shaxslarini yozma ravishda ogohlantirish, shuningdek, davlat organlari va tashkilotlar rahbarlariga aniqlangan qonun buzilishlari bo‘yicha ularni sodir etishga imkon yaratgan sabab va shart-sharoitlarni bartaraf etish to‘g‘risida ijro etilishi majburiy bo‘lgan taqdimnoma kiritish;
davlat organlari va tashkilotlarining inson huquqlari, erkinliklari va qonuniy manfaatlarini himoya qilish masalalarini ko‘rib chiqish bilan bog‘liq yig‘ilishlarida, shu jumladan Oliy sud Plenumi majlislarida Ombudsmanning ishtirok etish huquqi;
jazoni ijro etish muassasalari va tergov hibsxonalari hududida “Ombudsman qutisi”ni saqlashning huquqiy mexanizmlari, unda erkinlikdan mahrum etilgan shaxslar tomonidan murojaatlar joylashtirish tartibi;
inson huquqlari, erkinliklari va qonuniy manfaatlariga rioya etilishi va himoya qilinishi holati to‘g‘risida Ombudsman tomonidan jamoatchilikni xabardor qilish tartibi va mexanizmi.
6. Ombudsman va uning mintaqaviy vakillari faoliyatini raqamlashtirish hamda axborot-texnik jihatdan ta’minlash maqsadida Ombudsmanga Axborot texnologiyalari va kommunikatsiyalarini rivojlantirish vazirligi bilan birgalikda:
ikki oy muddatda loyiha qiymati va tegishli ishlarni moliyalashtirish manbalarini aks ettirgan holda, mutasaddi vazirlik va idoralarning axborot tizimlari va ma’lumotlar bazasi bilan integratsiyalashgan, Ombudsman va uning mintaqaviy vakillariga kelib tushayotgan murojaatlarning qayd etilishi, umumlashtirilishi va tizimlashtirilgan holda ko‘rib chiqilishi ustidan nazorat qilishni ta’minlovchi Yagona axborot tizimini yaratish, keyinchalik texnik qo‘llab-quvvatlash va takomillashtirish bo‘yicha texnik hujjatlarning ishlab chiqilishini hamda vakolatli organlardan ekspertizadan o‘tkazilishini, zarur mablag‘lar ajratilgandan so‘ng to‘rt oy muddatda ushbu tizimning ishga tushirilishini ta’minlash;
Ombudsman kotibiyatining mintaqaviy vakillar, Oliy Majlis palatalari, davlat boshqaruvi organlari bilan axborot-kommunikatsiya va videokonferensaloqa orqali bog‘lanishini ta’minlash;
Ombudsmanning Kotibiyatida elektron hujjat aylanish tizimini yaratish va uni ishga tushirish, ushbu tizimni vazirlik va idoralarning axborot tizimlari hamda ma’lumotlar bazasi bilan integratsiya qilish, shuningdek, Ombudsman rasmiy veb-saytining uzluksiz ishlashini ta’minlash;
Ombudsmanning Kotibiyatini zarur aloqa, shu jumladan hukumat aloqasi bilan ta’minlash va keng polosali Internet tarmog‘iga o‘rnatilgan tartibda ulash tavsiya etilsin.
Bunda, axborot tizimlarini yaratish, texnik qo‘llab-quvvatlash, shuningdek, ularning funksional imkoniyatlarini muntazam takomillashtirib borish bilan bog‘liq barcha xarajatlar 2022-yildan boshlab Davlat budjetidan Ombudsmanga ajratiladigan mablag‘lar hisobidan moliyalashtirilishi belgilab qo‘yilsin.
7. Oliy Majlisning Inson huquqlari bo‘yicha vakili (ombudsman) faoliyatini takomillashtirish bo‘yicha kompleks chora-tadbirlar rejasi ilovaga muvofiq tasdiqlansin.
8. Vazirlar Mahkamasi bir oy muddatda Ombudsmanning Kotibiyatiga hududlarga “monitoring tashriflari”ni tashkil etish uchun 1 ta yengil avtotransport vositasi va 1 ta mikroavtobus ajratilishini ta’minlasin.
9. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari mintaqaviy vakilni viloyat markazlarida joylashgan davlat organlarining binolariga tekin foydalanish huquqi asosida joylashtirish, shuningdek, uni zarur mebel, aloqa va texnik vositalar bilan ta’minlash choralarini ko‘rsin.
10. Mazkur Farmonning ijrosini nazorat qilish O‘zbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.